ئێمه‌ بۆ ئه‌وه‌ی له‌ ژیانماندا سه‌رکه‌وتووبین ده‌بێ که‌ رکێفی ‌غه‌ریزه‌کانمان بکه‌ین و ده‌ست به‌سه‌ر ده‌رونمان دا بگرین و بزانین که‌ی و چۆن جڵه‌و گیری ده‌که‌ین،والێره‌دا هه‌شت مه‌شق ده‌خه‌ینه‌ روو که‌ ئه‌گه‌ر به‌ رێکوپێکی ئه‌نجامیان بده‌ین ئه‌وا لاوازی سیستمان نامێنێ ده‌توانین که‌ خۆمان به‌شێوه‌یه‌کی دروست ئاراسته‌ بکه‌ین له‌ هه‌ر کارێکدا که‌ ده‌یکه‌ین......

1_هه‌موو رۆژێک هه‌وڵ بده‌ که‌ بۆ ماوه‌ی سه‌عاتێک قسه‌ نه‌که‌یت و ته‌نها گوێ بگری و به‌ کورتی وه‌ڵآمی ئه‌و پرسیارانه‌ بده‌یته‌وه‌ که‌لێت ده‌کرێ و هه‌تا ده‌توانیت با شێوه‌ت ئاسایی دیاربێ ئه‌م مه‌شقه‌ ئاسانه و وات لێ ده‌کا هه‌ست به‌ ده‌ست به‌سه‌ر خۆدا گرتن بکه‌ی..

           

2_هه‌موو رۆژێک نیو سه‌عات ته‌رخان بکه‌ بۆ بیرکردنه‌وه‌ له‌ شتێکی دیاری کراو به‌چڕی،ده‌توانیت که‌ سه‌ره‌تا به‌ماوه‌ی پێنج پێنج خوله‌ک ئه‌م مه‌شقه‌ ده‌ست پێ بکه‌یت باشتر وایه‌ که‌ مه‌شقه‌که‌ به‌ بیرکردنه‌وه‌ له‌ شتێکی به‌رجه‌سه‌ بکه‌یته‌وه‌ وه‌ک گوڵێک بۆ نمونه‌ و له‌باره‌یه‌وه‌ پرسیار له‌ خۆت بکه‌ی چۆن ده‌ڕوێ؟ سوودی چیه‌؟..
له‌ رۆژانی دواتردا بیر له‌ کێشه‌یه‌ک بکه‌ره‌وه‌ سه‌ره‌تا له‌و کێشانه‌وه‌ ده‌ست پێ بکه‌ که‌ جێی بایه‌ختن پاشان ده‌رباره‌ی هه‌ربابه‌تێکی تر بۆ نمونه‌ له‌ خۆته‌وه‌ ده‌ست بخه‌ره‌ سه‌ر دێرێک له‌ گۆڤارێکدا یا رۆژنامه‌یه‌کدا و له‌و دێره‌ بکۆڵه‌ره‌وه‌..

             

3_نامه‌یه‌ک بۆ هاورێکه‌ت بنوسه‌ به‌ مه‌رجێک ووشه‌ی (من)ی تیانه‌بێ بۆ ئه‌وه‌ی که‌ نامه‌یه‌کی باش بنوسی ده‌بێ بیر له‌خۆت نه‌که‌یتوه‌،کاتێ که‌ ته‌واو ده‌بی و ده‌گه‌رێیته‌وه‌ لای خۆت هه‌ست ده‌که‌ی که‌ چالاکتریت..

             

4_راپۆرتێکی تر بنوسه‌ که‌ تیایدا باس له‌ سه‌رکه‌وتن و به‌هره‌کانی خۆت بکه‌یت به‌ شێوه‌یه‌کی هێمنانه‌،به‌ مه‌رجێ ته‌نها شته‌ راسته‌کان بڵێی،ده‌بینیت که‌ ئه‌م مه‌شقه‌ به‌ره‌و سه‌رکه‌وتن هانت ئه‌دا و به‌هره‌ و تواناکانی خۆت بیرده‌خاته‌وه‌..

             

5_جارجار یه‌کێک له‌ ناسیاوه‌ تازه‌کانت والێ بکه‌ که‌ ده‌رباره‌ی خۆی بدوێ بێ ئه‌وه‌ی هه‌ست به‌مه‌ بکات،خۆشت زۆر به‌وردی گوێی بۆ بگره‌ بێ ئه‌وه‌ی قسه‌بکه‌یت،ده‌بینیت که‌ هه‌ستی خۆبه‌زل زانیت که‌م ده‌بێته‌وه‌ کاتێک بۆت ده‌رده‌که‌وێ که‌ زۆر شت له‌ویشدا هه‌یه‌ که‌ تۆ وات زانیوه‌ که‌ ته‌نها خۆت هه‌ته‌..
     
           

6_به‌رنامه‌یه‌ک دابنێ بۆ به‌سه‌ر بردنی ماوه‌ی دوو سه‌عات له‌ رۆژدا زۆر به‌ وردی جێ به‌ جێی بکه‌ و به‌شه‌کانی یه‌ک له‌ دوای یه‌کدا بکه‌ و له‌ کاتی خۆیدا،ئه‌گه‌ر له‌م مه‌شه‌دا سه‌رکه‌وتوو بویت ئه‌وا هه‌رچاند مانگێک ماوه‌که‌ی سه‌عاتێک زیاد بکه‌  تا ده‌گه‌یته‌ ئه‌وه‌ی که‌ بتوانی به‌رنامه‌یه‌ک جێبه‌جێ بکه‌ی که‌ بۆ هه‌شت سه‌عات دانراوه‌ له‌ رۆژێکدا به‌مه‌ش ده‌توانیت به‌ چاکترین شێوه‌ سود له‌ کاتی خۆت وه‌ربگری به‌مه‌ش په‌یره‌وی به‌رنامه‌یه‌کی وشک ناکه‌یت و ده‌توانیت ناوه‌ ناوه‌ بیگۆریت به‌ پێی حه‌زی خۆت له‌ ئه‌نجامی ئه‌مه‌شدا هه‌ستی نرخی کات لای مرۆڤ ده‌گه‌شێته‌وه‌ و فێری ئه‌وه‌ ده‌بێ که‌ کاتی خۆی به‌ فیرۆ نه‌دات..

           

7_ئه‌م مه‌شقه‌ له‌ هه‌مویان زه‌حمه‌ت تره‌ به‌ڵام کاریگه‌ری له‌ هه‌مویان زیاتره‌،تیایدا خۆی راده‌هێنێ له‌سه‌ر به‌رگه‌گرتنی بارودۆخه‌ دژواره‌کان خۆگرتن له‌ به‌رامبه‌ر شته‌ کتوپره‌کاندا مه‌شقه‌که‌شی بریتییه‌ له‌وه‌ی که‌ دوانزه‌ کارت ئاماده‌ بکه‌یت و له‌سه‌ر هه‌ریه‌کێکیان پێشنیارێک بۆ کردنی کارێکی نوێ بنوسیت به‌ مه‌رجێک ئه‌و کاره‌ پێویستی به‌ ئه‌رک و ماندوبونێکی جه‌سته‌یی و ده‌روونی هه‌بێت،وه‌ک ئه‌وه‌ی که‌ دوانزه‌ سه‌عات نان نه‌خۆیت یا بیست کیلۆمه‌تر به‌ پێ برۆی یا شه‌و تا به‌یانی نه‌خه‌ویت و خه‌ریکی کردنی کارێکی فیکری یا جه‌سته‌یی بیت....هتد...پاشان هه‌موو کارته‌کان بخه‌ره‌ ناو زه‌رفێکه‌وه‌ و بیخه‌ره‌ چه‌کمه‌جه‌که‌ته‌وه‌،ناو به‌ ناهو بێ ئه‌وه‌ی سه‌یریان بکه‌ی یه‌کێکیان ده‌ربێنه‌ و ئه‌و پێشنیازه‌ جێ به‌ جێ بکه‌ که‌ تیایدا نوسراوه‌ ره‌نگه‌ ئه‌و رۆژه‌ باو باران بێ تۆش ده‌بێت که‌ ماوه‌یه‌کی زۆر به‌ پێ برۆی به‌ڵام ده‌بێ هه‌ر بیکه‌یت به‌مه‌ش ویست و توانای خۆت به‌هێز ده‌که‌یت..

         

8_هه‌ر مانگێک یان دوو مانگ رۆژێک ته‌رخان بکه‌ بۆ ئه‌وه‌ی بلێی (به‌ڵێ) بۆ هه‌ر شتێک که‌ داوات لێ ده‌کرێ بیکه‌یت،ئه‌م مه‌شقه‌ له‌سه‌ر یارمه‌تی دان و خزمه‌تکردنی که‌سانی تر رات ده‌هێنێ هه‌روه‌ها ده‌شێ که‌ خۆشت سود له‌ به‌جێ گه‌یاندنی ئه‌و داوایانه‌ وه‌رگریت..

         

ئه‌م مه‌شقانه‌ سه‌ره‌رای به‌ سوودییان خۆشی و رابواردنیشی تێدایه‌ به‌ڵام که‌ له‌سه‌ریان رادێی و به‌ ئاسانی ده‌توانیت بیانکه‌یت،له‌ بیریان نه‌که‌یت ئه‌مانه‌ رێگه‌ن نه‌ک ئامانج و ده‌بێت دڵ ره‌ق بیت له‌گه‌ل خۆتدا به‌ڵام له‌ هه‌مان کاتیشدا دۆستی خۆشت بیت،ئامانجێکی  بۆ دیاری بکه‌ و هانی بده‌ تاکو پێی ده‌گه‌یت پاشان پاداشتی بده‌ره‌وه‌ ئه‌گه‌ر به‌باشی جێ به‌جێت کردبوو..به‌م شێوه‌یه‌ ده‌توانیت خۆت له‌ غه‌ریزه‌ی شکست ده‌رباز بکه‌ی و به‌سوور بوون و خۆراگریت سه‌رکه‌وتنت له‌ هه‌موو کاره‌کانتدا به‌ ده‌ست دێنیت...



                                         (ئاماده‌کردنی: ئاڤێستا
                                                        له‌ کتێبی دیل کارنگی)