عبداللە ئۆجەلان :- لە ٤ نیسانی ١٩٤٨لە ناوچەی "ئورفە" لە باشوری رۆژھەڵاتی تورکیا لە دایک ببوە ، له نێو کورد بە "ئاپۆ" ناسراوە" ، سەرکردەی بزوتنەوەی ناسراو بە "پارتی کرێکارای کوردستان" ە.




ژیانی

لە کۆلێژی زانست "زانستە سیاسیەکان" خوێندویەتی لە زانکۆی ئەنقەرە بەڵام خوێندنەکەی تەواو نەکردوەو گەراوەتەوە دیاربەکر .ھەستی نیشتمانی و کوردایەتی کاری تێ کردووەو بۆی تێکۆشاوە تا لە ساڵی ١٩٧٨ پارت کرێکارانی کوردستانی دامەزراندووە کە تاوەکوو ئێستاش سەرکردایەتی دەکات.ئەم پارتە لە ساڵی ١٩٨٤ دەستی کرد بە کرداری چەکداری لە ناو تورکیاو ئیران و عێراق بە مەبەستی دامەزراندنی دەوڵەتی سەربەخۆی کوردی. زۆربەی وڵاتان و دامەزراوە نێو دەوڵەتیەکان بە پارتێکی تیرۆرستی دادەنێن وەکو پشتگیریەک بۆ وڵاتی تورکیا ، ئەمە لە کاتێکدا ئەم ووڵاتە قەدەغەی کردووە لە ھەر ھاوڵاتیەکی کورد کە کۆرپەکانیان بە ناوی کوردی ناوبنێن یان تەنانەت بە کوردیش بدوێن ، ھەر کەسێکیش ئەم کارانە بکات ئەوا با دەیبات و بۆ ئەوەی ژیانی لە نێو زیندانەکانی تورکی دا بەسەر ببات.ئەمەش ھەتا ئەم دواییە بەردەوام بوو دواتر لەلایەن دەسەڵات دارە تورکیەکان رێگە درا ، ئەوە بوو لە ١١/٩/٢٠٠٩ دا ئەنجومەنی خوێندنی باڵای تورکی رێگەی دا بە خوێندنی کوردی لە زانکۆ رەسمیەکانی تورکیا.


دەستگیر کردن و دادگایی

تا ساڵی ١٩٩٨ ئۆجەلان لە وڵاتی سووریا بوو . پاش ئەوەی پەیوەندیەکانی نێوان تورکیاو سوریا تێکچوو ، تورکیا ھەرەشەی لە سووریا کرد بە وەی کە پشتگیری لەم پارتە دەکات ، بۆیە سوریا ئۆجەلانی ناچار کرد کە سووریا جێبھێلێت بێ ئەوەی بیداتە دەست دەسەڵاتدارانی تورکی. پاش ئەوە ئۆجەلان روی کردە روسیا ، پاشان رویکردە چەند وڵاتێکی تر لەوانە ئیتاڵیا و یۆنان . لە ساڵی ١٩٩٨ لەو کاتەی کە لە یۆنان بوو ، حکومەتی تورکی داوای تەسلیم کردنی ئۆجەلانی کرد. لە ١٥ فبرایری ١٩٩٩ لە کینیا دەستگیر کرا لە پرۆژەیەکی چەکداری ھاوبەش لەنێوان دەزگای سیخوری مەرکەزی ئەمەریکی سی ئای ئەی و دەزگای سیخوری تورکی ئێم ئای تی ، پاشان لە رێگەی ئاسمانەوە گوازرایەوە بۆ تورکیا بۆ دادگایی کردنی. لە کاتی دەستگیر کردنیەوە ئۆجەلان دانراوە لە زیندانیەکی فەردی لە دوورگەی ئیمرالی لە دەریای مەرمەرە لە تورکیا، ھەرچەندە لە سەرەتادا حوکمی لەسێدارەدانی بەسەر دا سەپێندرا بەڵام دواتر بە مەرجەوە ئەم حوکمە گۆرا بۆ تاھەتایی لە ئابی ٢٠٠٢ دا.