❤❤یـــانەی کوردژیـن/Kurd Zhin❤❤/ / لۆكە بۆ سڤیل: هەندێ كاری نوێم لەبەردەستـــــــــــــــــــــــــدایە لەپێش مندا كاری وا نەكراوە

.

نازناو:  وشه‌ی تێپه‌ڕبوون:    |  

ئاگاداری

‌‌‌‌‌‌‌‌‌‌‌‌‌‌‌‌‌‌‌‌‌‌‌‌به‌ڕێزان : هه‌رکاتێک کێشه‌یه‌ک یان په‌یامێکی ناشیاوت به‌رچاو که‌وت له‌یانه‌دا ئه‌توانن په‌یوه‌ندی بکه‌ن به‌ :_

1- بەڕێوەبەری یانە Hemn Zanko لە کوردستان بە ئمێڵی ( hemn_kurdzhin@yahoo.com ) .. ژمارەی مۆبایل ( 07736993749 )

2- به‌ڕێوه‌به‌ری گشتی ( ReKaN ) له‌ ئه‌وروپا به‌ ئیمێڵی ( Rekan_uk@hotmail.com ) ، ژماره‌ ته‌له‌فوونی( 00447724242223) .

New Page 1

    بابه‌ته‌ گرنگه‌کانی به‌کارهێنانی یانه‌  

  •  » هـه‌واڵــی هـــونـه‌ری
  •  » لۆكە بۆ سڤیل: هەندێ كاری نوێم لەبەردەستـــــــــــــــــــــــــدایە لەپێش مندا كاری وا نەكراوە

#1 2012-02-20 19:04:10

Karokh
ئه‌ندامی هه‌میشه‌یی
شوێن: Hewler
ڕێكه‌وتی به‌ ئه‌ندامبوون‌: 2011-04-17
دواترین سه‌ردان: 2013-07-13
په‌یامه‌كان: 200
WindowsVistaMSIE7

لۆكە بۆ سڤیل: هەندێ كاری نوێم لەبەردەستـــــــــــــــــــــــــدایە لەپێش مندا كاری وا نەكراوە

http://www.kurdzhin.info/up/uploads/images/kurdzhin-ed69af4cd7.jpg
سڤیل: زانا دڵشاد دزەیی

شانازی بە بوێرییەكەم دەكەم

كچە گۆرانیبێژ لۆكە زاهیر دوای بڵاوبوونەوەی دوو ئەلبوومە نوێكەی، كە یەكێكیان بادینی و ئەویتریان سۆرانی بوو، (سڤیل) چاوپێكەوتنێكی لەگەڵ ئەنجامدا.


سڤیل: ئامانجت لەوەدا چی بوو لەیەك كات دوو ئەلبووم بڵاوبكەیتەوە، بادینییەك و سۆرانییەك؟
لۆكە: هەر هونەرمەندێك لەپێشكەشكردنی كارەكانی بەجەماوەر ئامانجی تایبەتی هەیە، هەموو شتێكی باش و نوێم پێ باشە، كە لەخزمەتی هونەرەكەمدا بێت پێشكەشی دەكەم بەجەماوەرەكەم، دواتر ئەو كارە وەك دوو ئەلبووم بەدوو زاراوە پێمخۆش بوو كارێك بكەم لەیەك كاتدا دوو بەرهەم بڵاوبكەمەوە.
سڤیل: ئیتر هەموو ساڵێك دوو ئەلبووم دەكەی یاخود بەس ئەمساڵ وابوو؟
لۆكە: من نازانم، لەساڵی (2010)ـش دوو ئەلبوومم بڵاوكردەوە، بەڵام كاتەكانی بەیەكەوە نەبوو، كار و ئامادەكارییەكان دەزانی ئەگەر بكرێت كاری باش بێت بۆ نا.
سڤیل: تائێستا كامە ئەلبوومت باشتر فرۆشراوە، بادینییەكە یاخود سۆرانییەكە؟
لۆكە: پێموایە وەك یەك هەردوو بەرهەمەكە سەركەوتنی بەدەستهێناوە، هەردووكیان بەشێوەیەكی زۆر باش پێشوازی لێكراوە.
سڤیل: ئەمساڵ هیچ ئەلبوومی تر بڵاودەكەیتەوە؟
لۆكە: هەوڵدەدەم ئەگەر دەرفەت بێت ئامادەكاری بۆ كاری نوێ بكەم، بەڵام ناتوانم كات و زەمەن دیاری بكەم.
سڤیل: لەئەلبوومی یەكەمت ستایلی زۆرت بەكارهێنا كە تێیاندا سەركەوتوو بووی و بەم ئەلبوومەش لۆكە گەیاندە لوتكە، بەڵام تائێستا هەر لەسەر ئەو ستایلانە گۆرانیت گوتووە، واتا گۆڕانكارییەكی گەورە لەئەلبوومەكان یەك لەدوا یەكەكانت نەكراوە، بۆچی؟
لۆكە: من هەموو كارەكانم خۆشبەختانە سەركەوتنی بەدەستهێناوە، دیارە فەزلی كارەكانم دەگەڕێتەوە بۆ مامۆستا هەڵكەوت زاهیر، هەروەها پێشوازی جەماوەری خۆشەویست لەكارەكانم، بەڵام هەریەك لەئەلبوومەكانم بە باشی پێشوازی لێكراوە و ستایلی جیاوازم بەكارهێناوە.
سڤیل: ئەلبوومی ئەمجارەت بێتەوە چۆن دەبێت، پێم خۆشە باسی ئەلبوومی داهاتووت بكەی؟
لۆكە: ئامادەكاری بۆ كاری باش دەكەم و هەندێ كاری نوێم لەبەر دەستدایە كە تائێستا لەپێش مندا نەكراوە، من پێموایە كارێكی زۆر باش دەبێت، لەرووی تێكست هەوڵم داوە تێكستی زۆر باش بەكاربێنم كاتێك بەرهەمەكە نزیكبووە ئەوكات زۆرتر قسە لەسەر كارەكان دەكەم، بەبێگومانی سەرجەم كارەكان لەگەڵ مامۆستا هەڵكەوت زاهیر دەبێت.
سڤیل: تۆ لەماوەی 3 ساڵ كاركردن شەش ئەلبوومت هەیە، جگە لەژمارەیەكی زۆری كلیپ، لێرەوە دەردەكەوێت زۆر هەوڵی كاری هونەریت داوە، بەڵام ئەوەی تێبینی كراوە بۆچی لەراگەیاندنەكاندا ئەوەندەی باسی شتی شەخسی و ژیانی تۆ دەكرێ، ئەوەندە باس لەلایەنە هونەرییەكەی تۆ نەكراوە؟
لۆكە: من ژیانم تەرخان كردووە بۆ كاری هونەری، تەنیا بەوە خزمەت بە كەلتوری میللەتەكەم دەكەم هیچی تر، ئامادەكاری و ماندووبوونم بۆ شەش ئەلبووم بەراستی كارێكی ئاسان نییە بگرە زۆر زەحمەتە.
سڤیل: دوای كلیپكردن و بڵاوبوونەوەی سروودی "سەربەخۆبوون" كە تۆ و (میرا) پێكەوە گوتتان، تاچەند لەلایەن كەسانی بەرپرس دەستخۆشیتان لێكرا؟
لۆكە: لەلایەن زۆربەی كەسان دەستخۆشیم لێكرا، بۆ من گرنگە سەرجەم جەماوەر كارەكەیان بەدڵ بێت، نەك تەنیا بەرپرس و كەسی لایەندار، لەگەڵ ڕێزم بۆ هەموو لایەك، ئەم سروودەی من و هونەرمەند كاك میرا كارێكی نیشتمانییە، گرنگترین خاڵ بۆ ئێمە رازیبوونی جەماوەرە و ئەوەی بینرا هەتا هەواڵەكەی و كلیپەكە زۆرترین بینەری هەبوو، ئەمەش سەركەوتنی كارەكە بەدەردەخات.
سڤیل: گۆرانیت بەزمانی فارسی و عەرەبی گوتووە، ئەی بۆچی گۆرانیت بۆ ئینگلیزی نەگوتووە؟
لۆكە: هێشتا بیرۆكەی وەهام نەبووە، رەنگە لەئایندە هەبێت، ئەوە كات و زەمەن دیاری دەكات.
سڤیل: كاتی ئەوە نەهاتووە خۆشت شیعر بۆ گۆرانییەكانت بنووسی؟
لۆكە: شاعیری زۆر گەورە و باشمان هەیە، پێم باشە من گۆرانی بڵێم بەس.
سڤیل: تاچەند شارەزاییت لە ستایلەكان و ئامێرە موزیكییەكان هەیە؟
لۆكە: بێگومان ئەوكەسەی كار لەگەڵ مامۆستا هەڵكەوت زاهیر بكات فێری ستایل و مەقامەكان دەبێت، بەڵام تائێستا وەك ئامێری میوزیك كارم نەكردووە، بەڵام لەپڕۆژەكانی داهاتووم دایە.
سڤیل: نووسەرێك نووسیبووی "لۆكە دەنگی خۆشە، هیچ پێویستی بەوە نەدەكرد پەنا بۆ ئیغرا و خۆرووتبوونەوە ببات، بەڵام لەبەرئەوەی زۆر گرنكی بەوە لایەنە دەدات گوێگر ئەوەندەی سەیری ئەكات ئەوەندە گوێ ناگرێ". تۆ رات لەسەر ئەو بۆچوونە چییە؟
لۆكە: هەموو كارێك و زەمەنێك بۆچوونی خۆی هەیە، من شانازی دەكەم بەوەی وەك ئافرەتێكی كورد بەبوێری كارم كردووە، گرنگ ئەوەیە مرۆڤ لەناخەوە لەهەڵسوكەوتی مرۆڤێكی باش بێت، سوپاس بۆ ئەو بەڕێزەی ئەمەی وتووە من ڕێز بۆ هەموو رەخنەیەك دادەنێم و تاوەكو پێشم بكرێت رەخنەكان بنیاتنەربێت كاری لەسەر دەكەم.
سڤیل: وەك كچە هونەرمەندێك چ داواكارییەكت لەسەرۆكی نوێی حكومەت هەیە؟
لۆكە: هیوادارم وەك هەمیشە پشتگیری گەنجان و هونەرمەندان بكات بەتایبەتی.
سڤیل: هەوڵی ئەوەت نەداوە دووبارە دەست بەخوێندن بكەیتەوە؟
لۆكە: من وەك گوتم تەواوی ژیانم بۆ كاری هونەری تەرخان كردووە، ئەگەریش بخوێنم بۆ خوێندنی میوزیك خەریك دەبم.
سڤیل: سوپاس، ئێمە پرسیاری ترمان نەما، بەهیوای سەركەوتن؟
لۆكە: سوپاس بۆ تۆش كاك زانا، سوپاس بۆ گۆڤاری سڤیل و هەمیشە سەركەوتووبن.

له‌سه‌ر هێڵ نی‌یه‌

 
  •  » هـه‌واڵــی هـــونـه‌ری
  •  » لۆكە بۆ سڤیل: هەندێ كاری نوێم لەبەردەستـــــــــــــــــــــــــدایە لەپێش مندا كاری وا نەكراوە


خوارووی مه‌كۆ

Your IP Address : 3.209.80.87
Powered by PunBB 1.2.15
© Copyright 2007 – 2011
Translated By : Webchin.Org
Design And Style By : Kurdzhin.net