خاتوونه‌که‌م

چه‌ند ئاسانه‌ به‌یانیێه‌ک بێیت
له‌ به‌رده‌م په‌نجه‌ره‌ی ماڵه‌ شه‌که‌ته‌که‌م
بڕوانیته‌
ئه‌و گوڵانه‌ی له‌گه‌ل قژی خۆر
ماچی یه‌کتر ده‌که‌ن
مه‌ست مه‌ستن به‌ ده‌نگی چۆڵه‌که‌ نه‌نوستووه‌کانی شه‌و
ئای چه‌ند جوانه‌!
به‌یانیه‌یێک بێیت به‌ر له‌ زولفه‌کانی خۆر بگه‌یته‌ ئه‌وێ
تا خوناوه‌کانیان
به‌ تاسه‌وه‌ له‌ باوه‌شی گوڵره‌نگی تۆدا سه‌فه‌ر بکه‌ن
له‌ جیاتی من ماڵۆچکه‌یه‌کی عه‌شق له‌ نێو دڵتا دروست بکه‌ن

سیروان واحد خۆشناو
شه‌قلاوه‌