چۆن به‌بێ سزادان په‌روه‌رده‌ی منداڵه‌كه‌ت ده‌كه‌یت؟

ئامۆژگاری کردنی منداڵ ئەرکێکی گرنگی دایک و باوکە و لە هەمان کاتدا کارێکی زەحمەتە، چونکە منداڵ هەموو کا تێک هەوڵ بۆ ئەوە دەدات کە کارەکانی سەربەخۆ ئەنجام بدات لەو کاتەدا دایک و باوک پێویستە ئارام بگرن بۆ ئەوەی منداڵ بە باشی پەروەردە بکەن لە کاتی ئاۆژگاری کردنی منداڵ یاخود لە کاتی دوو بارە کردنەوەی ئاۆژگاریەکان لە سەر دایک و باوک پێویستە رێزوخۆشەویستی بۆ منداڵ بنوێنن بۆ ئەوەی منداڵ بە هەمان شێوە ئامۆژگاریەکان لە گوێ بگرێت.
دایک و باوک دەبن بە پێشەنگ بۆ منداڵ بۆیە دەبێت وەکو مامۆستا رەفتار لەگەڵ منداڵ بکەن لە کاتی ئامۆژگاری کردنیاندا لەم چەند خالانەی خوارەوە ئاۆژ گاریەکان دەخەمەڕوو:.
1- ئامۆژگاری منداڵەکەت بکە بەشێوەیەکی نەرمونیان بۆنمونە کاتێک منداڵەکەت دەست کاری کتێبێک دەکات لە کتێب خانە یاخود دەستکاری پێنوسێک دەکات بە هەڵچوونەوە پێی مەڵێ بۆ ئەم کارەت ئەنجام دا بەڵکو بەشێوەیەکی هێمن و لە سەر خۆ پێی بڵێ ئەم کتێبە یاخود ئەو پێنوسە لەشوێنی خۆی دابنێ بۆ ئەوەی وون نەبێت.
2- ئامۆژگاریەکان بۆ منداڵەکەت شی بکەرەوه‌، کاتێک ئامۆژگاری منداڵەکەت دەکەی هەوڵ بدە ئامۆژگاریەکاریەکانی بۆ شی بکەرەوە بەشێوەیەکی سادە تاوەکو بەجوا نترین شێوە جێ بە جێی بکات لە کاتی ئامۆژگاری کردنی منداڵەکەت پێویستە گوێ لە بۆچوونی منداڵەکەت بگریت، بۆنمونە کاتێک منداڵەکەت یاری بە کەلوپەلی یاری کردن دەکات بە جێیان دەهێلێت پێویست بە هە ڵچوون ناکات پێی بڵی بۆ کەلوپەلی یاری کردنت لەو شوێنە بە جێ هێشتوە پێی بڵێ رۆڵە گیان ئەم کەلوپەلانە بخەرە شوێنی خۆی بۆ ئەوەی لێت وون نەبێت یاخود نەشکێن بۆ ئەوەی جارێکی تر یاریان پێ بکەیتەوە، ئەگەر منداڵەکەت ئەو ئامۆژگاریە ی جێ بە جێ نەکرد ئەوا پێی بڵێ ڕۆڵە شیرینەکەم با بەیەکەوە کۆیان بکەینەوە بەم جۆرە کارەکە لە نێوان تۆ منداڵەکەت دەبێتە کاتێکی خۆش بەم جۆرە منداڵەکەت ئامۆژگاریەکەت لە گوێ دەگرێت.
3- کەسایەتی منداڵەکەت بپارێزە لە کاتی ڕوودانی هەر هەڵەیەک لە لایان منداڵەکەت، کاتێک منداڵەکەت کارێکی هەڵە ئەنجام دەدات نابێت تۆ هێرش بکەیتە سەر منداڵەکەت بڵی بۆ هەڵە دەکەیت تۆ کەسێکی خراپی بەڵکو بەشێوەیەکی هێمن و لەسەرخۆ پێی بڵێ ڕۆڵە گیان ئەم کارە شایەنی تۆ نیە کاری باشتر و جوانتر شایەنی تۆیە.
4- رێز لە ئارەزووی منداڵەکەت بگرە، کارێکی سرووشتیە بۆ منداڵ ئارەزووی هەموو ئەو یاریانە بکات کە لە شوێنی فرۆشتنی یاری منداڵان هەیە کە ئێوەی دایک و باوک سەردانی ئەو شوێنە دەکەن دیاریەک بۆ منداڵەکەتان بکڕن لەو کاتە منداڵەکەت ئارەزووی زیاتر دەکات لەو کاتە پێویستە دایک و باوک ئارام بگرن پێی بڵێن ڕۆڵە گیان منیش ئارەزووی ئەوە دەکەم دیاری زیاترت بۆ بکڕم بەڵام لە ئێستادا دیاریەک بە دڵی خۆت هەڵ بژێرە تاوەکو جارێکی تر دیاری زیاترت بۆ بکڕم ئەگینا بە پێچەوانەوە منداڵەکەت تووشی ئازاری دەرونی دەبێت وا بیر دەکاتەوە کە تۆ گوێ بە ئارەزوەکانی ئەو نادەیت.
5- کاتێک توندوتیژی بەرامبەر منداڵەکە بە کاربهێنیت بۆ ئەوەی ئامۆژگاریەکانت جێ بە جێ بکات ئەوا منداڵەکەت فێری درۆکردن دەبێت لە گەڵتدا هەر کاتێک کارێکی هەڵە ئەنجام بدات پەنا بۆ درۆکردن دەبات بۆ ئەوەی خۆی لەو توندو تیژیانە بپارێزێت کە تۆ بەرامبەری ئەنجامی دەدەیت تاوەکو ئارامت بکاتەوە بۆیە هیچ کاتێک توندو تیژی بەرامبە منداڵ کرێکی باش نیە.

س  هونةر
                                                                                         ØªØ§ÙŠØ¨Ø©Øª بة كوردزينم