ئه‌حمه‌د ده‌شتی
هۆ هـه‌لــه‌بـجـه‌ی شه‌هیدانم
شـــــــاری جوانی کوردستانم
نه‌ خه‌رده‌ل و نه‌ســـــــــیانید
نه‌ ئه‌تـــۆمی دوژمنی پــه‌لید
کاری ناکـــــه‌ن له‌ بــــــاوه‌ڕم
له‌‌وره‌ی‌به‌رزی کوردپه‌روه‌رم
دوژمنانی په‌ســــت و ته‌ره‌س
له‌ ناوده‌چن فاشی و ناکه‌س
هه‌رچه‌نــده‌ که‌ مـــــرۆکوژ بن
خاوه‌ن چه‌کی ئه‌تۆمیــان بن
پێشمه‌رگه‌ی کـورد نابه‌زێنن
سـه‌ربه‌خۆیی وه‌ده‌ست دێنن
کورســـــــــــتانم خاکی کورده‌
نیشــــــــتمانی ڕۆله‌ی مه‌رده‌
ده‌بێ منیش ئــــــــــــازاده‌ بم
وه‌کو گه‌لان ســــــه‌ربه‌خۆ بم
نه‌ ســـارین و چه‌کی کۆ کوژ
نه‌موشه‌ک وهێرشی خوێنمژ
منی کــــــــورده‌ نـــــاروخێنن
له‌ خه‌بات دا نـــــام به‌زینن
ئه‌من ده‌ڕۆم به‌ره‌و به‌هــــار
به‌ره‌و شــــادی خاکی هه‌وار
هێزێ نیـــــــه‌ ڕێـم لێ بگرێ
کوردســــــــتانم له‌ بیر به‌رێ
یادی ڕۆژی هه‌له‌بجــــــه‌که‌م
ســـــــه‌روه‌ریه‌ بۆ وه‌ڵاتـه‌که‌م
وێنه‌ی خـاوه‌ر له‌ یاد نا‌که‌م
ســـه‌ربه‌خۆییم دابین ده‌که‌م
ناوی هه‌موو شــــــــــــه‌هیدانم
ڕه‌مزه‌ له‌ بۆ کوردســـــــــــتانم
له‌ هه‌ر خاکێ شـه‌هید هه‌بێ
هه‌ر سه‌ربه‌خۆو ڕزگار ده‌بێ
هۆهه‌له‌بجه‌ی شـه‌هیدی‌کورد
ئه‌تۆی هێــمای ڕه‌هایی کورد
ده‌بێ نه‌یـــــــاران په‌ت بکه‌م
ســـــــه‌ربه‌خۆییم دابین بکه‌م
هــــه‌واری من کوردســـــــــتانه‌
لانه‌ی مه‌ردو ســـــــه‌ربه‌رزانه‌
هه‌رکێ دژکـورد هێـرش بێنێ
له‌ ناو ده‌چێ و خــۆی نامینێ
ئه‌نفالچیان و داگیـــــرکــه‌ران
خاوه‌ن کیمیای هــه‌له‌بجه‌مان
ده‌فن بوون و کــران به‌ پـــه‌ند
گشتیان ڕۆیین وان له‌‌خه‌ره‌ند
به‌ یادی کاره‌ساتی شاره‌ شه‌هیده‌که‌م هه‌له‌بجه‌ی ئازیزمان


--------------------------------------------------------------------------------
----------------------