ســـوپـــاس و پــێــزانــیــن وه‌ك گـــه‌وره‌تـــریـــن نــوێـــبــوونـــه‌وه‌

***--***
**--**
*-*

ڕێزگرتن یه‌كێكه‌ له‌سیفه‌ته‌ جوان و باڵاكان ،،
به‌رده‌وام به‌بونی ئاسوده‌یی ئه‌به‌خشێته‌ دڵی
ئه‌وه‌ی رێز ئه‌گرێت وه‌ ئه‌وه‌ی به‌رامبه‌ری كه‌ڕێزلێ گیراوه‌،،
یه‌كێك له‌ شتانه‌ی دلی خه‌ڵكی ڕاده‌كێشێت ،
ئه‌وه‌یه‌ كه‌ به‌ جوانی و به‌ ڕێزو دڵسۆزییه‌وه‌
پێزانین و سوپاسی خۆتیان بۆده‌ربڕیت له‌به‌رمبه‌ر
هه‌رشتبێت كه‌ كردوویه‌تی ،، ئێمه‌ گه‌ر سه‌رنج بده‌ین
ده‌بێته‌ خۆشی هێنان بۆ ئه‌و كه‌سانه‌و وه‌ ته‌رجیعكردن
بۆ باشترین وه‌ سه‌ركه‌وتوترین ،، چون ئه‌وان به‌رده‌وام
هه‌وڵئه‌ده‌ن دڵسۆزبن  وه‌ كاره‌كانیان به‌جوانی جێبه‌جێ بكه‌ن،،
زۆرترین كات هه‌و‌ڵ ئه‌ده‌ن بێ كه‌مووكورتی ئه‌وكاره‌ی
كه‌ ده‌ستی ئه‌ده‌نێ بۆكردن بیكه‌ن ،، وه‌ مادام حه‌زیشیان
بۆی هه‌بێت ته‌كید ئه‌توانن به‌رده‌وامبن وه‌ سه‌ركه‌وتن به‌ده‌ست دێنن .

******---***---******

سـوپـاس و پـێـزانـیـنـمـان بـۆ .... :

* كاتێ كه‌سێك هه‌ڵئه‌سێت به‌ نوسینی بابه‌تێك كه‌ پڕه‌
له‌ وشانێك كه‌ بۆ هه‌میشه‌ سودئه‌گه‌یه‌نێت و
جاری وایه‌ بابه‌ته‌كه‌ بۆت تازه‌یه‌
دونیایه‌ سودی لێ ئه‌بینیت ،،
به‌ڵام جاری واهه‌یه‌ بابه‌ته‌كه‌ بۆت دووباره‌
له‌ شوێنێكی دی یا له‌ كتێبێكدا خوێندووته‌ته‌وه‌
ئه‌مه‌ ڕاسته‌ دووباره‌یه‌ به‌ڵام بیرخستنه‌وه‌یه‌كی
بێ ئه‌ندازه‌ باشه‌ ،، ئه‌مه‌ش زانیارییه‌كی دی یه‌
به‌س به‌ دووباره‌یی وه‌ك بیرخستنه‌وه‌ ...
ئه‌و كه‌سه‌ی هه‌ڵده‌ستێت به‌كردنی ئه‌مه‌ دووجۆره‌
ئه‌وا شایه‌نی سوپاسو پێزانینی زۆر هه‌یه‌

ئێمه‌ش ڕسته‌ی( نوسینت هه‌میشه‌ پرشنگدارتربێت )
ئه‌كه‌ینه‌ نێو ده‌فته‌ری نوسینه‌كانیوه‌ ...



* كاتێك یه‌كێك هه‌ڵده‌ستێت به‌ نوسینی هۆنراوه و چیرۆك
كه‌ له‌گه‌ڵ هه‌ر پیتێكیدا چه‌ندان واتایی گه‌وره‌ ئه‌گه‌یه‌نێت
وه‌ ڕوخسار و ناوه‌ڕوكی ناسكییه‌كی بێ ئه‌ندازه‌ی
پێوه‌ دیاره‌ و به‌رده‌وام وشه‌كانی له‌ئاسمانی
ساماڵدا ئه‌فڕن به‌بێ باڵ ،،
ئه‌م كه‌سانه‌ شایسته‌ی سوپاسو پێزانینی به‌رده‌وامن
چون به‌رده‌وام جوانی زیاتر و زیاتر ئه‌به‌خشن ...

ئێمه‌ش ڕسته‌ی ( وشه‌كانت به‌رده‌وام شه‌پۆلی گه‌وره‌تربدات )
ئه‌كه‌ینه‌ نێو ده‌فته‌ری هۆنراوه‌كانی و چیرۆكی یه‌وه‌ ...



* كاتێك كه‌سانێك هه‌ڵده‌ستن به‌ هاوكاری كردنی
به‌رامبه‌ره‌كانی،، له‌كاته‌كانی خۆی ئه‌به‌خشێته‌ تا ئه‌وانه‌ی
پێویستیان به‌ هاوكاری هه‌یه‌ به‌ده‌میانه‌وه‌ بچێ ،،
ئه‌م قوربانی دانێكی گه‌وره‌یه‌ ،، له‌هه‌مان كاتتدا
كه‌ سودی زۆر ئه‌گه‌یه‌نێته‌ به‌رامبه‌ره‌كانی
وه‌ سودیشی بۆ خۆی ئه‌بێت ،، چون
مرۆڤ ئه‌و زانیارییه‌ی كه‌ هه‌یه‌تی به‌رده‌وام
ئه‌بێت بیبه‌خشێت ، ئه‌گه‌ر نا زانیارییه‌كانی
زیادبونی ئه‌وه‌ستێت ،،
ئه‌مانه‌ پێویسه‌ سوپاس و پێزانینیان به‌رامبه‌ر
ده‌رببرێت ،، چون دڵسوزییان بێ ئه‌ندازه‌یه‌ ...

ئێمه‌ش ڕسته‌ی ( خالق ته‌مه‌ن درێژتان بكات هه‌میشه‌ )
وه‌ك دوعایه‌كی به‌رده‌وام و  دیاری یه‌كی گه‌وره‌
به‌رده‌وام ئه‌به‌خشین پێیان ...



* كاتێك كه‌سانێك هه‌ڵده‌ستن به‌ ئاگاداركردنه‌وه‌ی
به‌ڕێو به‌رایه‌تی جا له‌ هه‌كوێ بێت یا له‌هه‌رشوێن بێت
یا هه‌ر چۆنبێت ،، ئه‌مه‌ گه‌وره‌ترین هه‌ڵوێستی جوانه‌
چون به‌رده‌وام هه‌ڵی ئه‌وه‌ئه‌ده‌ن ،، كه‌موكورتییه‌كان
به‌بێ دروست بونی نه‌شیاوی یا كێشه‌ چاره‌سه‌ربكه‌ن،،
ئه‌مه‌ سه‌لماندنی به‌ڕیزی و دڵسۆزی یه‌ ،،
ئه‌مانه‌ش كاره‌كانی خۆیان ئه‌كه‌نه‌ قوربانی
له‌پێناو باشتر بوون و به‌ره‌و پێشبردنی
ئه‌وه‌ی كه‌ هاوكاری ئه‌كه‌ن ،،
ئه‌م كه‌سانه‌ شایسته‌ی سوپاس و پێزانی نی گه‌وره‌ن
به‌رده‌وام  خۆریان ڕوناكی بۆ ڕونتر په‌خش ئه‌كه‌ن ...

ئێمه‌ش رسته‌ی ( ئێوه‌ به‌رده‌وامین بۆ باشتر بوونه‌كان )
هێدی هێدی ده‌ده‌ین له‌ ده‌رگایان و
پێیان ده‌لێین هه‌میشه‌ هاوكاربن ،
بونتان به‌ره‌و پێشچونه‌ ....



* كه‌سانێك كاتێك هه‌ڵده‌ستن به‌  ڕونكردنه‌وه‌ی زیاتر
به‌ وێنه‌وه‌ تا ئه‌وه‌ی پێویستێتی وه‌ سه‌یری ئه‌كات
زۆرترین سود وه‌رگرێت وه‌ باشترین
تێبگات ،، ئه‌مه‌ ماندووبونێكی زۆری ویستووه‌
وه‌ به‌رده‌وام به‌ سود وه‌رگرتنی به‌رامبه‌ره‌كه‌ی
له‌ ڕونكردنه‌وه‌كانی هه‌ست به‌ ئاسوده‌یی یه‌كی زۆر ئه‌كات
خه‌نده‌كانی به‌رده‌وامی زیاتری پێئه‌ده‌ن
بۆ زیاتر دانی زانیاری و ڕونكردنه‌وه‌كانی ،،
ئه‌م كه‌سانه‌ شایه‌نی سوپاس و پێزانینێكی پی ناوازه‌ن
چون به‌رده‌وام له‌خه‌می باشتر بووندان
به‌بێ وه‌ستان و بی ئومێدی ...

ئێمه‌ش ڕسته‌ی ( ئێوه‌ بونی ئاسوده‌یی به‌ردوامین )
وه‌ك خه‌نده‌یه‌ك ئه‌ده‌ین پییان بۆ به‌رده‌وام بوونی
وه‌ جوانتربوونی خه‌نده‌كانی دییان ...



* كه‌سانێك كاتێك هه‌ڵئه‌ستن به‌ ئاماده‌كرنی خۆشترین
خواردن ،، وه‌ ده‌ستره‌نگینییه‌ك ،، ئه‌وان
به‌رده‌وام له‌هه‌رشوێن بن له‌هه‌ركاتبێت
بێ پرسین له‌ چی ؟ بۆ ؟ كه‌ی ؟
ده‌ستڕه‌نگینی خۆیان نیشان ئه‌ده‌ن ،،
وه‌ بۆ خوانی به‌رامبه‌ریان ،، نوێگه‌رییه‌ك
ئه‌نه‌خشێنن كه‌ جیایه‌ له‌ نه‌خشاندنی پێشوتریان ...
ئه‌مانه‌ شایه‌نی سوپاس و پێزانینی
گه‌وره‌ن وه‌ پێویسته‌ وه‌ك نوێگه‌ر مامه‌ڵه‌یان
له‌گه‌ڵ بكه‌ن ...

ئێمه‌ش ڕسته‌ی ( ده‌ست ڕه‌نگینیتان نوێبونه‌وه‌ی خوانێكی دی یه‌ )
وه‌ك خواردنێكی بێ وێنه‌ پێشكه‌شی
هه‌ریه‌كه‌یان ئه‌كه‌ین ...‌



زۆریی تر هه‌ن كه‌ مرۆڤه‌كان به‌رده‌وام هه‌ڵئه‌سن
به‌كردنی بێ ئه‌وه‌ی كه‌سانێ پێیان بلێت
وه‌  له‌وانه‌شه‌ گوێ نه‌ده‌نه‌ ئه‌وه‌ی كه‌ سوپاس
وه‌ ده‌ست خۆشییان لێ بكرێت ،و به‌رده‌وامیشن...

******---***---******

هه‌موو مرۆڤێك به‌هره‌یه‌كی تایبه‌تی هه‌یه‌
ئه‌وانه‌ی كه‌ مامه‌ڵه‌یان له‌گه‌ل ئه‌كه‌ن ئه‌توانن
سودی لێ وه‌رگرن به‌بێ ئه‌وه‌ی به‌رژه‌وه‌ندی یه‌ك
له‌ ئارادا هه‌بێت ،، هه‌موو پێكه‌وه‌ ...

******---***---******

له‌كۆتایدا ده‌ڵێم ئێمه‌ی مرۆڤ هه‌مووكات
باشتر و باشترین له‌ ده‌ست خودی خۆمانه‌
بۆیه‌ هه‌و‌ڵدان بۆ باشترین به‌ هه‌موو شێوه‌یه‌ك
هێنانه‌دی ئاسوده‌یی به‌رده‌وامی یه‌ بێ له‌ به‌خته‌وه‌ری ...

******---***---******

بژین وه‌ك ئه‌وه‌ی دوای مردنتان بڵێن
كه‌ بونت هه‌بووه‌و هه‌بێت
نه‌ك له‌گه‌ڵ مردنت ،، ته‌نها گۆڕت
بونی تۆبێت ،، كه‌ئه‌مه‌ ناخۆشترینه‌ .





* * نــــوســـیــــنــــی : ڤــــــیـــــان * *

* * ڕۆحـــێـــكـــی دی بــــۆ كــــوردژیــــن * *