هونەرمەندی عێراقی “حسام رەسام”، کە ئێستا بەمەبەستی بەرهەمهێنانی کۆمەڵێک کاری هونەری لە کوردستانە، رایگەیاند “لە ئەلبومە تازەکەم دوو گۆرانی بە زمانی کوردی دەڵێم، هاوکات گۆرانییەکی دوێت لەگەڵ هونەرمەند عەزیز وەیسی تۆمار دەکەم”.

حسام رەسام لە لێدوانێکی تایبەت بە (کوردمیلۆدی)ی راگەیاند “لەگەڵ هونەرمەندی کورد “عەزیز وەیسی” رێکەوتووین بۆ ئەوەی گۆرانییەکی دوێت تۆمار بکەین، لەو گۆرانییە من بە کوردی گۆرانی دەڵیم، ئەویش بە عەرەبی گۆرانی دەڵێت”.

زیاتر گوتی “لەو گۆرانییە جلی کوردی لەبەر دەکەم و شانازیش بەو جلە دەکەم”.

“ئەگەر بۆم برەخسێ کچێكی هەولێری دەخوازم و لە هەولێر ژیان بەسەر دەبەم، چونکە تا ئێستا ژیانی هاوسەرگیریم پێک نەهێناوە” رەسام وای گوت.

(کوردمیلۆدی)

دەرباز یونس.