نامەیەک لەدوومنداڵی ((سەکینە محەمەدی)) یەوە .

لەو ڕۆژانە ، هێشتا ،

لەپەیدۆزکردنمان سەرگەردانین

کات تێدەپەڕێ و

زۆر ئاڵۆز تر دەبین ،

زۆر بێ تواناتر دەبین

بۆ ئەوەی واتایەک بەو ژیانە ببەخشین

جۆن بتوانین هەستێکمان هەبێ بۆ ئەو ژیانە ?

تەواو دڵنیاین ، وەک هەموو زارۆکان

ئێمەش رازەکانی گەردوون دەزانین

ئێمەش گوێمان لەو جیرۆکانە گرت

کەگوڵەکان گێرایانەوە

ئۆ ...  پەپولەکان لەبیر ناکەین

وەلێ ئەفسوس

منداڵیمان لەپەیدۆزکردنمان لەدەستدا.


دایکی خۆشەویست !!

ئێمە ئێستا زۆر ماندووین ، لەهەر کاتێک پتر خوازیاری ئەوەین  لەنێو باوەشی گەرمت ئارام بگرین ، لەنێو ئەو تۆمەتە ساردو سڕانە داڕزاین، گریان لەتەنیایی ماندووی کردین ،

گریان لەنێو ئاپۆڕەی بێگانان ئەوا شەپرزەی کردین.ئێمە لەژیانی تەنیای خۆمان بەڕێڕەوێکی ناڕۆشندا ڕۆیشتین، زۆر ترسناک دەگوزەرێ ، بەبەردەوامی تائەو ڕادەیەی کەئێستا ترس ،

دڵی پێمان دەسووتێ ، ئێمە لەگەشتی ئەو ڕێیە تەنیاییە پڕ لەخەمە ئازارمان جەشت، ئێمە دەمانەوێ لەگەڵ تۆ بگرین ، تۆ فرمێسکی سەر گۆناکانمان بسڕی دەمانەوێ بەتۆوە ،

پەیوەست بین جیدی تەنیا نەبین ، ئێمە تامەزرۆی ماجی گۆناکانتین.

بەڵێ ئەی خۆشەویسترین دایک !

ساڵانێکە لەوەتەی هەست بەبوونی سێبەری تۆ، یا ئەوەی باوکمان دەکەین لەژیانماندا، جاو لەدەریین ، دەبێ دەرفەت بدەن هەواڵێک لەتۆوە ببیستین?

ئێمە دەخوازین بەشێک بین لەو بنبەستە ، بەڵام بێ تۆنا خۆشەویسترین هاوڕێ.

ئێمە لەخۆمان دەپرسین ?، ئێمە کێین ? ئێمە بۆ لێرەین ?مەبەست لەهەبوونی ئێمە جییە ? بۆ ئەشکەنجە خواردنە ? بۆجی و تاکەی ? بەتەنیا جێ هێلدراین ،تاتەنیا بەیەکەوە ،

پەیوەست بین ، لەبەستەڵەک و شەوە زەنگ و ، کۆڵانی پڕ لەترس ، لەکاتێکدا کجۆ ڵانی تر لەسەر ئەژنۆی دایکیان دادەنیشتن تا پرجیان شانە بکەن ، خوشکی من لەسەرمایەکی ،

توند لەتوێی تاقە کراسێک ،لەتەنیشت دیوارێکی بەرز هەڵدەلەرزی و دەپاڕایەوە بەڵکە دەرفەتی بدەن دیداری دایکمان بکات لەکاتێکدا کەمن (سەجاد ) گەواهی کوشتنی ئازار ،

پەخشی باوکم بووم ، لەوەش ئازاربەخشتر ئەو تۆمەتە درۆو پیسانەی دژ بەدایکمان لەکوشتنی باوکمان لەلایەن سەنگسار کارانی کۆماری ئیسلامی دەکران...

هاوساڵانی من لەگەڵ باوکیان بەیەکەوە دادەنیشتن و ڕاهێنانی وانەی قوتابخانەیان دەکرد ، ئەگەر ئێمە دەرفەتێکی جوونە قوتابخانەیان داباین ،حەزمان دەکرد ووشەی (دایک )

بەهەڵە بنووسین تەنیا بۆ ئەوەی تامامۆستاکەمان بەوە سزامان بدات کەلەسەر کاغەزێکی پاک وسپی هەزار جار بنووسین و بنووسینەوە  دایک .

ئایا ئێستا ئەگەر (فیکتۆر هۆگۆ ) زیندوبایە دەیویست (بێنەوایان، و کوزیت و فانتینی ) دابهێنێ یان (کارلز دیکنز ) و (ئۆلیفەر تویست وهاگن) ه کەی ،کاتێک کە ئێمەیان هەبا بۆ لەسەر ،

نووسین? ئەگەر ( کوزیت ) پاشان (ژان فالیان )ه کەی دۆزیەوە ، ئەگەر ( ئۆلیفەر تویست ) بەڕێز براونلۆ ی هەبا بۆ بەرگری لێکردنی ، ئەوا جیرۆکەکەی ژیانی ئێمە زۆر لاوازە ،

گەرداوێێکی ڕەشە لەنادڵنیاییەکی زۆر سەرنج ڕاکێش ، کەوتنێکی نارەوایە بۆ داخرانێکی  بێ کۆتایی ، پارێزەرەکەمان بەڕێز ( کیان ) خۆی پەناگەیەکی نییە تاپەنای بۆ ببات ،

پێدەجێت جارێکی تر پێ بەدادگا نەنێتەوە جونکە بەرگری لەئێمە کردوە ، ج تراژیدیایەکە ئەو جیرۆکەی ژیانی ئێمە و ئاییندەمان ،پێدەجێ ئەو زانیارییەی وەکیلەکە لەهەفتەی ڕابووردو ،

ڕاستبێ ، گوتیان کەنوسینگەی پارێزەرەکەمانیان تاڵان کرد ، هەتا ئەگەر دایکیشتان بۆ بگەڕێتەوە ، ناهێڵین لەژیان بمێنن ، جیهان بۆ دایکتان نیگەرانە ، بەڵام ئێوە هێشتا لەژێر ،

ڕەحمەتی ئێمەدان.

بەڕاستی نازانین ئێمە جیمان بەسەر دەهات ئەگەر پارێزەرەکەمان لەئێران نەباو ئێوەمان لەدەرەوە نەبا ، بەڕاستی نازانین و ناشتوانین بیهێنینە بەرجاومان ،

ئەو ڕۆژەی کەویژدانی پارێزەرەکەمان هەمان ڕێجکەی ئێمەی گرت ، ئەو ڕۆژەی کەئێمەتان لەباوەشی خۆتان گرت ، ئەوانە تەنیا جرکەنە لەئومێدی ئاسوودە بەخشی ژیانی کڵۆڵی ئێمە،

ئەوانە جرای داگیرساوی نێو شەوە زەنگ و  نائومێدین ، جائێمە بەسادەی لێتان دەپاڕینەوە ،

(((ئێمەو ئەوانەی وەک ئێمەتان لەیادبێت ))) .


(سەجاد و سەعیدە ) بۆ تێکڕای جیهان .
                                                                                                   
سەرجاوە
-----------------
Ashtiani s  children.


ئامادەکار Dawin.

وەرگێڕانی لەزمانی ئینگلیزیەوە

دارا ئە حمەد

کاتتان شاد لەگەڵ ڕێزی Dawin

دواترین جار ده‌ستكاری كراوه‌ له‌لایه‌ن dawin (2012-01-01 14:03:54)