هاورێی ئازیزم دڵنیام خۆشی و کامه‌رانی کۆتایی رێگه‌یه‌که‌ که‌ هه‌موان هه‌وڵ ئه‌ده‌ین پێی بگه‌ین و هه‌ر یه‌ک له‌ ئێمه‌ حه‌ز به‌ خۆشی ئه‌کا و ئاواته‌خوازه‌ که‌ رۆژێکی خۆش به‌سه‌ر به‌رێ بۆیه‌ ئه‌گه‌ر تۆش ماوه‌یه‌کی زۆره‌ ئه‌ته‌وێ رۆژێک به‌ خۆشی به‌سه‌ر به‌ریت به‌س نازانیت چۆن ئه‌وا من لێره‌ ئه‌م بابه‌ته‌م بۆ تۆی به‌رێز دانا تاکو بتوانم هاوکاریت بکه‌م...

                                             
                                             (چه‌ند ئامۆژگاریه‌ک بۆ رۆژێکی خۆش)



           


1-کاتێک هه‌موو به‌یانیه‌ک له‌ خه‌و هه‌ڵئه‌سیت به‌ خۆت بڵی (من ئه‌مرۆ به‌ خۆشی به‌سه‌ر ئه‌به‌م) چونکه‌ خۆشی و کامه‌رانی له‌ ناخی لاده‌رونه‌وه‌ هه‌لده‌قوڵێ و مرۆڤ به‌وراده‌یه‌ی که‌ خۆی ده‌یه‌وێ ده‌توانێ رازی بێ له‌وه‌ی که‌ ده‌بێ....

2-هه‌وڵ بده‌ داییم خۆت له‌گه‌ڵ ئه‌وه‌دا بگونجێنی که‌ ده‌بێت  نه‌ک هه‌وڵ بده‌یت خۆت له‌گه‌ڵ ده‌وروبه‌رتا وا بگونجێنی به‌ پێی ئه‌وه‌ی که‌ خۆت ده‌ته‌وێ، بۆ نمونه‌ ئه‌گه‌ر که‌ش و هه‌وا تێکچوو به‌ پێچه‌وانه‌ی ئه‌وه‌ی تۆ چاوه‌ڕێت ده‌کرد ئه‌وا به‌ خۆت بڵێ (باشه‌ هیوادارم که‌ ئه‌مه‌ خێری تیا بێت بۆ من،ئه‌گه‌رچی توشی چه‌ندین گرفت بووم)....

3-بایه‌خ به‌ ته‌ندروستیت بده‌ مافی وه‌رزش و خۆراکی پاک بده‌ به‌ له‌شی خۆت و خراپ  به‌کاری مه‌هێنه‌ به‌ڵکو وه‌ک ئامێرێکی چاک پارێزگاری لێبکه‌ تا ئه‌ویش به‌ چاکی و به‌ خێرایی کاره‌کانی ئه‌نجام بدات....

4-هه‌میشه‌ هه‌وڵ بده‌ که‌ بیرت تیژ بکه‌یته‌وه‌ به‌وه‌ی که‌ چه‌ند ئه‌توانی شتێکی به‌سود بخوێنیته‌وه‌ به‌ تایبه‌تی ئه‌و بابه‌تانه‌‌ی که‌ تێگه‌یشتن و وه‌رگرتنیان پێویستی به‌ چڕکردنه‌وه‌ی بیر هه‌یه‌....

5-هه‌موو رۆژێ پێش ئه‌وه‌ی بچیته‌ سه‌رکار، بڕیار بده‌ که‌ چاکه‌یه‌ک له‌گه‌ل یه‌کێ بکه‌ی به‌بێ ئه‌وه‌ی پێشی رابگه‌یه‌نی و وه‌ک ئه‌رکێ به‌جێی بگه‌یه‌نی....

6-هه‌وڵ بده‌ هه‌میشه‌ رێک پۆش بیت و جل و به‌رگت له‌گه‌ڵ ته‌مه‌ن و پایه‌ی کۆمه‌ڵایه‌تیت بگونجێ،و ئاراسته‌ت هه‌رچیه‌ک بێ ئه‌بێ رێز له‌ هه‌موو ئه‌وانه‌ بگری که‌ توشیان ده‌بی و نه‌رم نیان بیت له‌گه‌ڵیاندا و ده‌ست نه‌ده‌یته‌ کاروباره‌ تایبه‌تیه‌کانی ئه‌وانه‌وه‌....

7-بۆ ئه‌و رۆژه‌ بژی که‌ تیایدای و هه‌وڵ مه‌ده‌ که‌ هه‌موو کێشه‌کانی ژیانت له‌ یه‌ک رۆژدا چاره‌سه‌ر بکه‌ی....

8-تۆ ده‌توانیت که‌ زۆر شت بکه‌ی له‌ رۆژێکدا ئه‌گه‌ر خۆت کۆبکه‌یته‌وه‌ و بیرت به‌ملاو لادا نه‌روات و بیر له‌ رابردوو و ئاینده‌ نه‌که‌یته‌وه‌....

9-به‌رنامه‌یه‌کی دیاری کراو بۆ خۆت دانێ و ئه‌وشتانه‌ی تیا تۆمار بکه‌ که‌ ده‌بێ له‌ هه‌موو کاتێکی رۆژدا بیان که‌یت،دبینی که‌ تۆ ئه‌و به‌رنامه‌یه‌ زۆر به‌ وردی جێ به‌ جێ ناکه‌ی به‌ڵام زۆر سودی لێ وه‌رده‌گریت....




                                                      (ئاماده‌کردنی: ئاڤێستا
                                                                 له‌ هه‌ندێ له‌ کتێبه‌کانی دیل کارنگی)
                                                                     (تایبه‌ت به‌ کوردژین)


                     .........................به‌هیوای سودتان لێ وه‌رگرتبێ..........................


وه‌ ئه‌گه‌ر زانیم ئه‌توانم به‌م بابه‌تانه‌ سود به‌ئێوه‌ بگه‌یه‌نم ئه‌و کاته‌ به‌ڵێنتان ئه‌یه‌مێ که‌ بابه‌تی تریش دابنێم بۆ هاوکاری ئێوه‌ی ئازیز بۆ ژیانێکی خۆش.....

دواترین جار ده‌ستكاری كراوه‌ له‌لایه‌ن Avestaa (2011-08-04 12:47:11)