هه‌ندێک پرسیار و وه‌ڵام بۆ پێکه‌نین


ئایا ئه‌زانی ناپلیۆن بۆچی هه‌مووکات قایشی سوری به‌کار ئه‌هێنا بۆ پانتۆله‌که‌ی ؟؟ ئه‌م پرسیاره‌ زۆر که‌س ئه‌یکات ، وه‌ڵامه‌که‌ی یه‌ک ڕسته‌یه‌ .. قایشی سوری به‌کار ئه‌هێنا بۆ ئه‌وه‌ی پانتۆڵه‌که‌ی له‌پێی دانه‌که‌نرێت.

بۆچی له‌سه‌ر ناونیشانی ئه‌نته‌رنێت سێ w ئه‌نوسرێت ؟؟ وه‌ڵام : ماڵی خۆت قایم بگره‌ سه‌گی دراوسێ ماڵ به‌ دز مه‌زانه‌.

ئایا ئه‌زانی ئاخرین ددان له‌ ده‌می مرۆڤدا ئه‌بینرێت چ ددانێکه‌ ؟؟وه‌ڵام :  ددانی ده‌ستکرد (صناعی)

ئایا  چۆن ئه‌توانرێت 4 که‌س له‌ژێر چه‌ترێکدا بوه‌ستن و ته‌ڕیش نه‌بن ؟؟ وه‌ڵام : ئه‌کرێت کاتێک باران نه‌بێت .

ئایا ئه‌زانی له‌ق له‌ق له‌ کاتی خه‌ودا بۆچی یه‌ک قاچی به‌رز ئه‌کاته‌وه‌ ؟؟ وه‌ڵام : چونکه‌ ئه‌گه‌ر هه‌ردوقاچی به‌رز بکاته‌وه‌ ئه‌که‌وێت .

بۆچێ دوكه‌ڵ له‌ دوکه‌ڵکێشه‌وه‌ ده‌رئه‌چێت ؟ وه‌ڵام :چونکه‌ جێگایه‌کی تری نیه‌ بۆ ده‌رچون.

ئایا ئه‌زانی لێکچوونی نانی سوتاو له‌گه‌ڵ مرۆڤی خنکاو چییه‌ ؟؟ وه‌ڵام : هه‌ردوکیان دره‌نگ ده‌رهێنراون ، نان له‌ ته‌نور مرۆڤ له‌ ئاو .

ئایا ئه‌زانی بۆچی فیل ناچێت به‌ کونی ده‌رزیا ؟؟ وه‌ڵام : چونکه‌ کلکی گرێ دراوه‌ .

ئایا ئه‌زانی بۆچی هه‌ندێک که‌س به‌ هه‌ردوده‌ست ته‌وقه‌ ئه‌که‌ن ؟؟ وه‌ڵام : چونکه‌ جیاوازی ده‌ستی چه‌پ و ڕاستیان نازانن.

خه‌مه‌
تایبه‌ت به‌ کوردژین