❤❤یـــانەی کوردژیـن/Kurd Zhin❤❤/ / سكرتێری كەرگەلی كوردستان: كورسی بەدەستنەهێـنم كوردستان بەجێدێـڵم

.

نازناو:  وشه‌ی تێپه‌ڕبوون:    |  

ئاگاداری

‌‌‌‌‌‌‌‌‌‌‌‌‌‌‌‌‌‌‌‌‌‌‌‌به‌ڕێزان : هه‌رکاتێک کێشه‌یه‌ک یان په‌یامێکی ناشیاوت به‌رچاو که‌وت له‌یانه‌دا ئه‌توانن په‌یوه‌ندی بکه‌ن به‌ :_

1- بەڕێوەبەری یانە Hemn Zanko لە کوردستان بە ئمێڵی ( hemn_kurdzhin@yahoo.com ) .. ژمارەی مۆبایل ( 07736993749 )

2- به‌ڕێوه‌به‌ری گشتی ( ReKaN ) له‌ ئه‌وروپا به‌ ئیمێڵی ( Rekan_uk@hotmail.com ) ، ژماره‌ ته‌له‌فوونی( 00447724242223) .

New Page 1

    بابه‌ته‌ گرنگه‌کانی به‌کارهێنانی یانه‌  

#1 2012-04-21 16:20:41

Karokh
ئه‌ندامی هه‌میشه‌یی
شوێن: Hewler
ڕێكه‌وتی به‌ ئه‌ندامبوون‌: 2011-04-17
دواترین سه‌ردان: 2013-07-13
په‌یامه‌كان: 200
WindowsVistaMSIE7

سكرتێری كەرگەلی كوردستان: كورسی بەدەستنەهێـنم كوردستان بەجێدێـڵم

http://www.kurdzhin.info/up/uploads/images/kurdzhin-f6b1ab15bd.jpg
سڤیل: ئەنوەر حمەغەریب

عومەر كڵۆڵ، سكرتێری كەرگەلی كوردستان لەم دیمانەیەدا تیشك دەخاتە سەر خۆئامادەكارییەكانی بۆ هەڵبژاردنی ئەنجومەنی پارێزگای سلێمانی و ژمارەی ئەندامانی ئاشكرا دەكات، كە ئەو بە نێرەكەر و ماكەر ناویان دێنێ و گوتیشی زۆربەی ئەندامانمان لەسلێمانی و كەلارن.

سڤیل: دتوانی ژمارەی ئەندامانی خۆتانمان بۆ ئاشكرا بكەیت؟
عومەر كڵۆڵ: ئەوەندە زۆرە ناتوانم پێت بڵێم، رۆژانە سەد زیاد دەكات و منیش وێڵم كردووەو داومەتە دەست خوا، بەڵام بەدیاریكراوی (12000) نێرەكەری باشم هەیە، بێجگە لەگەنجەكان، ئەوانیش كە لەزانكۆ و پەیمانگاكاندان، نزیكەی (30000-40000) ئەندام دەبن.
سڤیل: ئەی ژمارەی ئەندامی مێینەتان چەندە و بە چ ناوێك بانگیان دەكەن؟
عومەر كڵۆڵ: خوشكانیشمان هەیە، دەتوانم بڵێم ئاخوڕێك دەبن و نزیكەی (100) ماكەر دەبن، هێندەی ناوچە و كۆمیتەیەك دەبن، لەڕاستیدا دەبوایە زۆرترین ئەندام لەم گروپەدا لەژنان بوونایە، چونكە ژنان سۆزدارتر و بەبەزەین.
سڤیل: بەپێی ئەو ژمارەیەی تۆ باسی دەكەیت، كورسیت مسۆگەرە؟
عومەر كڵۆڵ: بەدڵنییاییەوە كورسی بەدەستدەهێنم، چونكە ئەگەر كورسی نەهێنم، بەڵێنمداوە بەخوای خۆم كوردستان بەجێبهێڵم و رووبكەمە وڵاتێك نە كورد نە موسڵمانی تێدا بێت.
سڤیل: بۆ؟
عومەر كڵۆڵ: لەبەرئەوەی درۆزنی خەڵكم بۆدەردەكەوێت، لەوانەی كە بەڵێنیان پێدام، ئەوكات دەردەكەوێت كە ئەو شەعبە درۆزنەو میللەتێكیش درۆزن بێت، بۆ لەناویاندا بژی؟
سڤیل: تەنیا خۆت كاروچالاكی و جموجۆڵت هەیە، بۆچی؟
عومەر كڵۆڵ: لەڕاستیدا كەس وەكو من كەر نابێت، من ماڵ و منداڵ و تێهەڵدانی بەعس و دواتر چەند حزبێكی دیكەو دژایەتیكردنی خەڵك و عەشیرەت و كەسوكار، بۆیە هەرخۆم بەردەوام بووم گوتم:
ئەگەر خەڵك بچێنێ میوەی داری بی
سیاقەلەكان ببن بە سپی
ماسی لەدەریا خۆی بخاتەدەر
من قەد كۆڵنادەم لەبیرۆكەی كەر
بۆیە من خۆم قوربانیم، من خواكەری كردم بۆكەر، بەڵام خەڵكم هەیەو هاوكاریم دەكەن، بەڵام ئەوانەی لەگەڵمدان، ئەوەندەی من نێرەكەر نین و ناتوانن خۆیان ئاشكرابكەن.
سڤیل: ئۆرگانەكانی گروپی كەرگەل لەسەر چ شێوازێك دروست كراوە؟
عومەر كڵۆڵ: خان سكرتاریەتەو میرئاخوڕ مەڵبەندەو تەویل كۆمیتەیە و كۆتا ئۆرگانەو جێگریشم هەیە، بۆنمونە زەڕین لای ئێمە سكاڵایە، جووتە ڕەخنەیە، سمكۆڵان ناڕەزاییە، رەشمە یاساییە، ئاخوڕ ئابوریە، ناڵ مافی رەوایە.
سڤیل: وەك دەبینرێت كۆنگرەو كۆنفرانس نابەستن، ئەمەش لەگەڵ دیموكراسیدا یەكناگرێتەوە؟
عومەر كڵۆڵ: تائێستا یەك كۆنفرانسمان بەستووە، ئەویش لەساڵی (1993) كە لەحزبی كەرانەوە كردمان بەگروپی كەرگەلی كوردستان، هۆكاری خۆی هەیە، چونكە من تائێستا بارەگاو میزانییەم نییە، زەویەكی خۆم فرۆشت بە(5)دەفتەر دۆلار، بەشەرەفم بۆ ئەم رێبازە سەرفم كرد، ئەگەر وانەبوایە ئێستا دووسەد دەفتەری دەكرد، هەمووی دەساڵ نابێت فرۆشتومە، كە حكومەت وەك فەرمانبەر پێی بەخشیم.
سڤیل: دەنگۆی ئەوە هەبوو میزانیەت بۆدانراوە لەحكومەتەوە، وەرتنەگرتووە تائێستا؟
عومەر كڵۆڵ: ئەوە پەڕلەمان دەزانێ، ئەوەندە نەزانن، جیاوازی لەنێوان پارت و گروپ ناكەن، دوو ملیۆنم بۆدابین كرابوو (25)ەهەمین ناو بووم كە بڵاویانكردەوە، منیش گوتم واجووتەمدا لەمیزانیەتان بۆخۆتان نامەوێ، من وەكو نێرەكەرێك هەر ئیعتراف بە پەڕلەمان ناكەم، چونكە ئەگەر بڕگەیەكیان دابنایە بۆ مافی ئاژەڵ دەموت پەرلەمان هەیە لەكوردستاندا.
سڤیل: لەنێو فراكسیۆنەكانی پەڕلەمان و قەوارەو هێزە سیاسییەكاندا ئەندام و دۆستت هەیە؟
عومەر كڵۆڵ: بەڵێ هەمە، بەڵام لەنێو یەكێتی نیشتمانیدا زۆرم هەیە، كە تاڕادەیەك هاوكاریشم دەكەن. لەناوچەكانیش لەسلێمانی و كەلار زۆرمان هەن.
سڤیل: لەبەرامبەر رەوشی مرۆڤدا، رەوشی كەر لەكوردستاندا چۆنە؟
عومەر كڵۆڵ: بەراستی كەر بەرەو ئینقیلاب دەچێت، ماوەیەكی دیكە وەك دەینەسوری لێدێت، مادام ئەم دەسەڵاتە ئەوە سێ ساڵە داواكاریم پێشكەشی زەویوزاری سلێمانی كردووەو بەڕێوەبەری زەویوزاری سلێمانی نزیكەی (25) دۆنم زەوی لەقەراغ بۆدابین كردین، كە بیكەین بەمۆڵگەیەك بۆ كەرە بەرەڵاكان، هەم بۆپاراستنی ژینگە، هەم بۆ وەفایەك بۆ ئەو رەنجەی كەر دای تا ئینقلاب نەكەن وەك دەینەسور، سەرۆكی حكومەت ئیمزای نەكرد، بەڵام من هەتاماوم بتوانم خزمەت كەربكەم، وەفایەك بۆ ئەو كەرە، چونكە باوكم بەكەرێك ئێمەی بەخێو كرد.
سڤیل: زۆرجا پێشێلكاری بەرانبەر مافی كەر دەكرێ، رێگای یاسایت گرتۆتەبەر؟
عومەر كڵۆڵ: بەپێی یاسای ژمارە (111)ی سزادانی عێراقی 1969 سێ بڕگە باسی دەكات، لەلای دادوەر سكاڵا تۆماردەكەم، شوانێك لەملەسورە كەرەكەی خۆی كوشت، لای كەلار گرتیان و ماوەیەك زیندانی كرا، ئێستا مەحكەمەی دووەمی لەم ڕۆژانەدا دەكرێت، من لێی خۆش نابم هەتا تەنێك دوو تەن جۆ نەكڕێت بۆبڕێك كەری بەرەڵا لەدەوری كەلار، هەموو غەرامەكەی دەكەمە بڕێك جۆو دەیدەمە ئەو كەرە بەرەڵایانەیە.
سڤیل: بۆ لەناو ئاژەڵاندا تەنها بەرگری لەكەر دەكەیت؟
عومەر كڵۆڵ: من بەرگری لەهەموو جۆرە ئاژەڵێك دەكەم، بۆنمونە خەڵك بەنهێنی ماسی دەكوشت، من بەجینۆسایدم دەزانی و سكاڵام لەسەر تۆماردەكردن، بەڵام كەر لەهەموو جۆرە ئاژەڵێك رەنجدەرتر و ماندووترە.
سڤیل: ژیان و گوزەرانی خۆت لەسەر چییە؟
عومەر كڵۆڵ: لەساڵی (2002)ەوە خانەشینم و خۆم تەرخانكردووە بۆئیشكردن بۆ گروپی كەرگەلی كوردستان و پابەندی دەوام نیم بۆئەوەی ئیجازە وەربگرم و بۆهەركوێ ویستم هەڵتیزێنم.
سڤیل: خێزان و منداڵكانت ڕازین بەم ژیانەی تۆ؟
عومەر كڵۆڵ: خاوەنی پێنج كوڕ و دوو كچم، كوڕی گەورەم ئێستا لەوڵاتی میسر لەتواناسازییەكەی حكومەتی هەرێم بۆ ماستەر دەخوێنێ، كوڕی بچوكیشم لەسیێی ناوەندیە، یەك منداڵم لەتەكدا نییە، ئەوەندە خێزان و كەسوكار دژایەتی منی كردووە مەگەر بەعس كاتی خۆی كردبێتی، لەبەرئەوەی كۆمەڵگاكەم كۆمەڵگایەكی خێڵەكی و نەفامە، گەمەمان پێدەكەن، بەگەوجم دەزانن. من هەمیشە وتومە
خەڵكێك هەیە وەك چەقەڵن
هەمیشە خەریك باخەڵن
خەڵكێك هەیە وەكو سەگن
پاسەوانی ئـــــــاغاوبەگن
خەڵك هەیە وەك بەرازن
لەقســـــەكردندا بەنـــازن
هەتــــــــابڵێی فێڵبــــــــازن
هەموو مرۆڤم كردووە بەوانە، راستە مرۆڤەكان شێوەیان جوانە، بەڵام ڕەفتاریان ناشیرینەو دزە و درۆزنە و خیانەتكارە، هەر لەبەر ئەوەشە من ئەو شیعارەم هەڵگرتووە كە دەڵێت:
لەبەر خراپی و لاری بەشەر
بڕیارم داوە بژیم وەكو كەر
سڤیل: كەر لای تۆ ڕەمزی چیە؟
عومەر كڵۆڵ: رەمزی ئازایەتییە، رەمزی سەبر و باوەڕ و ئیتاعەت و نەگۆڕیە.
سڤیل: سیاسەتمەدار و سكرتێری حزبەكان پێشوازیت لێناكەن؟
عومەر كڵۆڵ: سكرتێر و سیاسییە كوردەكان ئەوەندە خۆیان بەگەورە دەزانن و من بەهیچ و پوچ، پێیان شەرمە گفتوگۆ لەتەك مندا بكەن، دەتوانم بڵێم سكرتێری هەموو حزبەكان و سیاسییەكان رادەبوێرن بەبیرۆكەكەم و بەخۆم، بەڵام تاپلەی وەزیریش هەیە كە ئەندامە لام.
سڤیل: لەدوای خۆت بەدیل هەیە بۆجێگرەوەی خۆت، بۆ تائێستا دیارنیە؟
عومەر كڵۆڵ: جێگرێكی زۆرچالاكم هەیە و كاری زۆر گەورەی بۆكردووم، لەئێستادا خۆی دەرناخات، بەڵام بەتۆپینی من ناچارە بێتە مەیدانەكەوە، هەمیشە گوتومە ئەگەر لەكوردستان و رۆژهەڵاتی ناوەڕاست یەكێكی دیكە هەبوو لەمن كەرتر بابێتە گۆڕەپانەكە، دوای ئەوە ئەگەر رۆژێك چنێ جۆم خواردووە لەكای رووت زیاتر، حەقە دەربكرێم، هەتا ئێستا نەگەیشتومەتە بەرهەمێك كە لێی بخۆم. من لەسەر ئەم ژیانە كچم لەكولیە توانجی لێدراوەو حاشای عەشرەتم لێكراوە.
سڤیل: شیعاری نوێت چیە؟
عومەر كڵۆڵ: خەڵك وەك كەربژی، كەس كەس نەكوژێ، ژینگە و ئاژەڵ بپارێزین، رەنجدەین وەكو كەر بەڕەنجی شانی خۆت بژی. ئێستا من لەرووی دەروونیەوە خۆم بەدەوڵەمەندترین و گەورە سیاسییەكان ناگۆڕمەوە، چونكە دوای كەر كەوتوم، وەك كەر دەژیم.
سڤیل: لەنێو چین و توێژەكاندا لەئێستادا كێ زۆر لێتەوە نزیكە؟
عومەر كڵۆڵ: لاوان ئەگەر بۆ رابواردنیش بێت، گەنجی خوێندەوار، بەڵام من دەڵێم: كەركوژ كەرتۆپێن، كەرخەسێن، كەرمەرەخەسكردن، جامانە بەسەر ئەمانەم ناوێت.

له‌سه‌ر هێڵ نی‌یه‌

 

#2 2012-05-10 14:09:45

دایکی هانۆ
کازیوەی یانە
شوێن: slemany
ڕێكه‌وتی به‌ ئه‌ندامبوون‌: 2011-03-01
دواترین سه‌ردان: 2013-08-13
په‌یامه‌كان: 1831
ویبگه‌
WindowsXPOpera

Re: سكرتێری كەرگەلی كوردستان: كورسی بەدەستنەهێـنم كوردستان بەجێدێـڵم

دةست خؤش

له‌سه‌ر هێڵ نی‌یه‌

 

#3 2012-05-13 11:01:52

Karokh
ئه‌ندامی هه‌میشه‌یی
شوێن: Hewler
ڕێكه‌وتی به‌ ئه‌ندامبوون‌: 2011-04-17
دواترین سه‌ردان: 2013-07-13
په‌یامه‌كان: 200
WindowsVistaMSIE7

Re: سكرتێری كەرگەلی كوردستان: كورسی بەدەستنەهێـنم كوردستان بەجێدێـڵم

zor sopas

له‌سه‌ر هێڵ نی‌یه‌

 


خوارووی مه‌كۆ

Your IP Address : 3.81.29.254
Powered by PunBB 1.2.15
© Copyright 2007 – 2011
Translated By : Webchin.Org
Design And Style By : Kurdzhin.net