چه‌ند نووکته‌یه‌کی خۆش که‌ بۆم ئاماده‌ کردوون به‌ هیوای که‌ ببێته‌ مایه‌ی خۆشحاڵی گشت لایه‌کتان وه‌ کاتێکی خۆش به‌سه‌ر به‌رن    



باوک:- کچه‌که‌م به‌م درێنگانه‌ی شه‌وه‌ له‌ سه‌ر ئه‌م باڵکۆنه‌ خه‌ریکی چیت
کچ :- باوکه‌ گیان سه‌یری مانگ ده‌که‌م
باوک:- ده‌ بێزه‌حمه‌ت به‌ مانگه‌که‌ت بڵێ سه‌یاره‌که‌ی بکوژێنێته‌وه‌ ، له‌ به‌ر ده‌نگه‌که‌ی که‌سمان خه‌ومان لێناکه‌وێت 



مامۆستایه‌ك پرسیار له ته‌له‌به‌یه‌ک ئه‌كات و ئه‌ڵێت ئاده‌ی "خوله‌"م بۆ بخه‌ره‌ ڕسته‌وه‌.. ئه‌ویش ئه‌ڵێ من و شیروان و کامه‌ران چوین بۆ دووگۆڵی.. مامۆستا ئه‌ڵێ: ئه‌ی خوله‌؟ ته‌له‌به‌که‌ ئه‌ڵێ: وه‌ڵا مامۆستا زۆرمان پێوت، به‌س نه‌هات له‌گه‌ڵمانا
     

من ناوم بڵێسەیە کچی شوعلە خانم، لە قوتابخانەی ئاگری داخم بەڕێوەبەرەکەمان ناوی مامۆستا عه‌لادینە، یاریدەدەرەکەی ناوی هەتاوخانە، ڕابەری پۆلەکەمان ناوی مامۆستا پشکۆیە، قدوەی پۆلەکەمان ناوی ژیلەمۆیە، فەڕاشەکەشمان ناوی باجی فانوسە.. دەوەرە مەتە‌قێ لەم گەرمایەدا     


كابرایه‌کی ڕه‌زیل سه‌فه‌ر ئه‌کات.. له‌وێوه‌ نامه‌یه‌ک ئه‌نێرێت بۆ ژنه‌که‌ی و بۆی ئه‌نوسێ: ژنه‌ خۆشه‌ویسته‌که‌م، ببوره‌ ئه‌م مانگه‌ ناتوانم پاره‌ت بۆ بنێرم، به‌ڵام له‌گه‌ڵ ئه‌م نامه‌یه‌یا 100 ماچت بۆ ڕه‌وانه‌ ئه‌که‌م.. ژنه‌که‌شی نامه‌یه‌کی بۆ ئه‌نوسێته‌وه‌ و ئه‌ڵێ: پیاوه‌ خۆشه‌ویسته‌که‌م، زۆر سوپاس بۆ ئه‌و 100 ماچه‌ی که‌ بۆت ناردم، به‌ڕاستی فریام که‌وتن: له‌باتی کرێ، 50 ماچم یا به‌ خاوه‌ن ماڵه‌که‌.. 20 ماچیشم یا به‌ خواردن.. 10 ماچیشم یا به‌ وه‌رده‌واڵه‌ و هێشتا 20 ماچیشم پێ ماوه‌   

sc. fb