❤❤یـــانەی کوردژیـن/Kurd Zhin❤❤/ / ڕۆڵی ژن لە هەڵبژاردنی هاوسەر و بوارەكانی تردا

.

نازناو:  وشه‌ی تێپه‌ڕبوون:    |  

ئاگاداری

‌‌‌‌‌‌‌‌‌‌‌‌‌‌‌‌‌‌‌‌‌‌‌‌به‌ڕێزان : هه‌رکاتێک کێشه‌یه‌ک یان په‌یامێکی ناشیاوت به‌رچاو که‌وت له‌یانه‌دا ئه‌توانن په‌یوه‌ندی بکه‌ن به‌ :_

1- بەڕێوەبەری یانە Hemn Zanko لە کوردستان بە ئمێڵی ( hemn_kurdzhin@yahoo.com ) .. ژمارەی مۆبایل ( 07736993749 )

2- به‌ڕێوه‌به‌ری گشتی ( ReKaN ) له‌ ئه‌وروپا به‌ ئیمێڵی ( Rekan_uk@hotmail.com ) ، ژماره‌ ته‌له‌فوونی( 00447724242223) .

New Page 1

    بابه‌ته‌ گرنگه‌کانی به‌کارهێنانی یانه‌  

#1 2012-10-09 15:26:28

عمر محمد94
ئه‌ندامی هه‌میشه‌یی
شوێن: سيدصادق
ڕێكه‌وتی به‌ ئه‌ندامبوون‌: 2012-10-06
دواترین سه‌ردان: 2014-08-29
په‌یامه‌كان: 121
WindowsSafari

ڕۆڵی ژن لە هەڵبژاردنی هاوسەر و بوارەكانی تردا

خوای گەورە دەفەرموێت: (وَإِذَا طَلَّقْتُمُ النِّسَاء فَبَلَغْنَ أَجَلَهُنَّ فَلاَ تَعْضُلُوهُنَّ أَن يَنكِحْنَ أَزْوَاجَهُنَّ إِذَا تَرَاضَوْاْ بَنيَهُم بِالْمَعْرُوفِ..).  واتە: ئەگەر ژنتان تەڵاق داو عیددەیان تەواو بوو رێگەیان لێمەگرن شوو بەو كەسەی خۆیان دەیانەوێت بكەن ئەگەر رازی بوون بەیەك.

پێغەمبە ر (ص)  دەفەرموێت:  (لا تنكح الأيم حتي تستأمر ولا تنكح البكر حتي تستأذن، قالوا يا رسو ل الله وكيف اذنها؟ قال: ان تسكت). رواه بخاري ومسلم
واتە: بێوەژن بە بڕیاری خۆی شوو دەكات، واتە شووكردنی بە دەستی خۆیەتی‌و خۆی خۆی بەشوو دەدات، كچیش نادرێ‌ بە شوو تا پرسی پێ نەكرێت، وتیان ئەی پێغەمبەری خوا (ص)  گفتدانی كچ چۆنە، فەرمووی: بێدەنگ بوونی نیشانەی رازی بوونێتی.

لە فەرموودەكەی عائیشەشدا هاتووە:  عن عائشة (رضي الله عنها) إنها قالت يا رسول الله ان البكر تستحي، قال رضاها صمتها)،  عائیشە وتی: ئەی پێغەمبەری خوا (ص) كچ شەرم دەكات، فەرمووی بێدەنگییەكەی نیشانەی رازی بوونێتی.( بخاری). بەو مەرجەی ئەو بێدەنگییەی لە ترساندا نەبێت، بەڵكو لە شەرما بێت.

عن خنساء بنت خدام الأنصارية: ان أباها زوجها وهي ثيب فكرهت ذلك، فأتت رسول الله  (ص) فرد نكاحه.
واتە: خەنسای كچی خودام، دەڵێت باوكی بەمێردیدا (ئەوكاتە بێوەژن بووە)، بەڵام حەزی لێنەبوو، هات بۆ لای پێغەمبەر ، پێغەمبەرش هەڵیوەشاندەوە  عن أبن عباس: ان جارية بكر أتت النبي (ص) فذكرت ان أباها زوجها وهي كارهة فخيرها، النبي (ص). أبو داود. واتە: لە ئیبن عەباسەوە دەگێڕێتەوە دەڵێ‌: كچێك هات بۆ لایپێغەمبەر  (ص) وتی: باوكی بە مێردی داوەو ئەو رازی نییە، پێغەمبەریش (ص)  سەرپشكی كردو شتەكەی دایە دەستی خۆی.

بەسەرهاتی ئەو كچەش كە هات بۆ لای پێغەمبەرو وتی: ئەی پێغەمبەری خوا باوكم دەیەوێت بە زۆر بمدا بە ئامۆزاكەم‌و دەیەوێت كەموكورتی ئەوم پێدابپۆشێت، ئەگەر بەدڵم نەبێت بۆی هەیە زۆرم لێبكات، پێغەمبەر (ص) فەرمووی نەخێر، كچەكەش وتی: سوێند بەخوا تەنها ویستم بۆ كچانی دەربخەم كە باوكان بۆیان نییە بە زۆر بەمێردیان بدەن.

بڕوانە ئەم هەستەی لەم ئافرەتەدا هەیەو ئەم تێگەیشتنەی بۆ ئیسلام‌و ئەم سووربوونەی لەسەر دەرخستی مافی ئافرەت لە هەڵبژاردنی هاوسەری خۆیاندا.
ئەوە بە نیسبەت رۆڵی ئافرەت لە هەڵبژاردنی هاوسەردا، لە بوارەكانی تری ژیانیشدا وەكو سیاسەت‌و زانست‌و كۆمەڵایەتیی‌و پەرستیاری‌و پزیشكی‌و كڕین‌و فرۆشتن‌و خاوەندارێتیی.. هتد، سەدان نموونەمان هەیە بۆ ئافرەتی بلیمەت‌و هەڵكەوتوو كە شوێندەستیان دیارەو ئەوەندە بەسە كە هەموو ئەوانەی ژیاننامەی زانایان‌و خواپەرستان‌و بلیمەتەكانیان نووسیوە هەمیشە بەشێك لە كتێبەكانیان تەرخان كردووە بۆ ئافرەتە ناودارو بلیمەتەكانی‌و دونیای ئیسلام.
ئەوە خەدیجەو فاتیمەو عائیشەو ئوم سەلەمەو حەفصەو زوبەیدەی ژنی هارونەڕەشیدو شجرە الدر و رابیعەی عەدەوی‌و خەنساو هەزارانی تر كە لێرەدا بوار نییە بۆ تۆماركردنی ناوەكانیان.

لە مێژووی ئیسلامیدا روونە كە ئافرەت بەشداریی هەموو چالاكییە كۆمەڵایەتیی‌و تەنانەت سەربازی‌و سیاسییەكانیشی كردووەو ئەگەر لە سەردەمێكدا یان لە شوێنێكدا زۆر سنووردار كرابێت‌و خزێنرابێتە ناو ماڵەوە ئەوە وەكو وتمان داب‌و نەریتی كۆمەڵگە بووە كە پیاوسالاریی فەرزی كردووە نەك شەرع، ئەوەتا لە سەرەتای مێژووی ئیسلامدا ئافرەت چوون بۆ شەڕو برینپێچییان كردووەو تەنانەت فەرماندەیی لەشكریشیان كردووە (وەكو حەزرەتی عائیشە)و دەرس‌و دەوری مزگەوتیان هەبووە، ئافرەتی وا هەیە سەدەها قوتابی هەبووە و زۆربەیان پیاو بوون، لە كاتی پێغەمبەر (ص) و خەلیفەكانیشدا چوون بۆ مزگەوت‌و گفتوگۆیان لەگەڵ پێغەمبەرو خەلیفەكانیشدا كردووەو بەرگرییان لە مافی خۆیان كردووەو رای خۆشیانیان دەربڕیوەو لە مەسەلەكان.

كۆمەڵگای كوردەواری پێشینی خۆشمان كە زۆر پابەند بوون بە ئیسلامەوە دەموچاو داپۆشین نەبووەو ژنان لەگەڵ پیاواندا كشتوكاڵ ‌و ماڵدارییان كردووە، لە زۆرێك لە سەردەمەكانی ئیسلامدا ئافرەت بە فیعلی حوكمڕانی كردووەو دەستی خستۆتە كاروباری دەوڵەتەوە بۆ نموونە (شجرة الدر) لە میسر.
ژن لەم رۆژەدا ئامرازە بۆ خۆشییەكانی پیاو یان لە ئیسلامدا؟!

هەندێك كەس دەڵێن ژن هۆكارێك بووە بۆ تێربوون‌و ئامرازێك بووە بۆ خۆشییەكانی پیاوو هەمیشە لە ئامادەباشیدا بووە بۆ پڕكردنەوەی بۆشاییە پڕ لە حەزەكانی پیاو!
ئەگەر كەمێك بە ئینصافەوە بڕوانین بۆ شتەكان زۆر بە روونی دەردەكەوێت كە ئەم قسەیە بەسەر ئەمڕۆدا دەچەسپێ‌ نەك بەسەر ئیسلامدا، ئافرەت ئەمڕۆ بووەتە ئامرازێك بۆ رابواردنی پیاوو بەدەستهێنانی قازانجی ماددی‌و مامەڵە زیاتر لەگەڵ لاشەی ئافرەتی جواندا دەكرێت‌و بە هەموو شێوەیەك بەكار دەهێنرێت‌و لەژێر دروشمی فریودەری جۆراوجۆردا كە لە ئەنجامدا دەردەكەوێت بە پلەی یەكەم ئافرەت زەرەری لێكردووە.

نازانم ئەوانەی ئەم جۆرە قسانە دەكەن گێلن یان خۆیان لە گێلی دەدەن ئەگینا كەس هەیە نەزانێ‌ ئافرەتی ئەمڕۆ لە هەموو كاتێك زیاتر بۆ مەبەستی سێكسی بەكار دێت! تەنها بەیەك چاوخشاندن بە سایتەكانی ئینتەرنێت‌و سەتەلایت‌و كەناڵەكانی گۆرانی‌و فیلمی سێكس‌و ڤیدیۆ سیدی‌و كتێبی سێكسیی چاپكراو بۆت دەردەكەوێت مرۆڤایەتی تا كوێی چەقیوە لە زۆنگاوی بەرەڵڵایی سێكسی‌و ئیباحیەتدا.

پێناچێ بە درێژایی مێژووی مرۆڤایەتی مرۆڤ بەم راددەیەو بەم بەرەڵڵاییە سێكسی ئەنجامدا بێت، رەنگە لە هەندێك سەردەمدا لە هەندێك شوێندا بەرەڵڵایی سێكسی هەبووبێت، بەڵام لە هیچ سەردەمێكدا وەكو ئەم سەردەمە ئیباحیەتی سێكسی دونیای نەگرتۆتەوە.

هەندێك نووسەر دەڵێن لە كۆمەڵگا مەدەنی‌و مۆدێرنەكاندا سێكس كێشە نییە، بەم هۆیەوە توانیویانە   بە سەر زۆرێك لە كێشە دەروونی‌و جەستییەكاندا زاڵ ببن‌و ئەنجامیش كۆمەڵگایەكی پێشكەوتووی مەدەنی‌و مرۆڤی رێزداری داهێنەری تێدا ببینرێت‌و كەس بە هۆی سێكسەوە تووشی كەرامەت شكاندن نەبێت
جا ئایا ئەمە وایە؟ هەر بەڕاستی سێكس لە رۆژئاوادا كێشە نییە؟ ئەی ئەو هەموو كچ رفاندن‌و ئیغتیصاب‌و منداڵا رفاندنە چین؟ بڕۆ سەرژمێرییەكانی ئەمەریكا بخوێنەرەوە كە پێشكەتووترینیانە بزانە تەنها لە یەك سەعاتدا چەند كچ دەڕفێنرێت‌و چەند حاڵەتی ئیغتیصاب روو دەدات
بۆچی دوور بڕۆین، ئەوە سلێمانییەكەی لای خۆمان، لەوەتی ئازادی سێكسیی تێیدا سەپێنراوەو خەریكە وەكو رۆژئاوای لێدێت “گەر پێشی نەدابێتەوە”. كچان‌و ژنان ناوێرن بە دڵنیایی و بەبێترس و بە تەنیا سواری تەكسی ببن، رێژەی ئیغتصاب كردن زیادی كردووە، رێژەی تەڵاق بە شێوەیەكی بەرچاو زیادی كردووە، ئاستی زانستی قوتابی زۆر نزم بۆتەوە، رێژەی مەشروبخواردنەوەو جگەرەكێشان بە شێوەیەكی بەرچاو زیادیان كردووە، ئەمانە جگە لەو شتانەی تریش كە بەڕێوەن لە سەرهەڵدانی دیاردەی تلیاكخۆری‌و ئایدزو زیادبوونی رێژەی نەخۆشیی دەروونی لە گەنجانداو زیادبوونی ریژەی ئافرەتی شوونەكردوو و بێنازبوونی پیرو پەككەوتەكان‌و دەیان نەخۆشی كۆمەڵایەتی تر كە هەمووی خێرو بیری ئەم ئازادییەیە!

لێكۆڵینەوەو لۆژیك‌و واقیعیش دەیسەلمێنن كە هەست‌و سۆزی مرۆڤایەتی‌و تەندروستی دەروونی‌و عەقڵی‌و جەستەییش لە كۆمەڵگەی ئایینیدا زیاترە لە هی كۆمەڵگەی نائایینی، ئەویش بە كورتی لەبەر ئەوەی لە كۆمەڵگەی ئایینیدا كوڕ زووتر ژن دەهێنرێت، چونكە رێگایەكی تری دەست ناكەوێت بۆ تێركردنی هەوەسی سێكسی‌و لە ئەنجامدا كچیش زووتر مێرد دەكات‌و گەورەكچی شوونەكردوو یا نامێنێت یان زۆر كەم دەبێتەوە، هەروەها رێژەی خیانەتی هاوسەرێتیی زۆر كەم دەبێتەوە بە پێچەوانەی كۆمەڵگەی نائایینیەوە كە لەبەر ئەوەی بوار زۆر رەخساوە بۆ ئەنجامدانی سێكس، گەنجان كەمتر روو لە ژنهێنان دەكەن، ئەوان كە بە خۆڕایی بتوانن هەوەسی سێكسی خۆیان دامركێننەوەو هەر رۆژەی لەگەڵ كەسێكدا رابوێرن بۆچی خۆیان بخەنە ژێر باری ئەو مەسئولییەتەوە، لە ئەنجامی ئەمەشدا كچی شوونەكردوو زیاد دەكات‌و لە ئەنجامی تێكەڵی بێ سنووری پیاوو ژندا خیانەتی زەوجی زۆر دەبێت‌و رێژەی تەڵاقیش زیاد دەكات، ئەمانەش هەموو كاریگەریی نێگەتیڤیان هەیە لەسەر كۆمەڵگە لە رووی دەروونی‌و جەستەیی‌و كۆمەڵایەتییەوەو كاریگەریی راستەوخۆی دەبێت لەسەر زیادبوونی رێژەی تاوان‌و تلیاك خواردن‌و مەشروب خۆری‌و نەخۆشی سێكسی‌و دەروونی‌و.. هتد.

لە كۆمەڵگەی ئایینیدا بە تایبەت كۆمەڵگەی ئیسلامی، هانی ژنهێنانی زوو دەدرێت، بەڵام لە كۆمەڵگەی نائایینیدا وەكو ئەوانەی ئەمڕۆ زۆربەی شوێنەكانی دونیا كە نووسەر ناوی دەنێت كۆمەڵگەی مەدەنی‌و دەڵێ‌ كێشەی سێكس تێیدا نییە بە پێچەوانەوەیە، چونكە لە ئەنجامی تێكەڵی بێسنوورو زیادبوونی كەناڵە سێكسییەكانی سەتەلایت‌و سایتە سێكسییەكانی ئینتەرنێت گەنجان هەمیشە لە حاڵەتێكی وروژانی سێكسیدا دەژین‌و خەیاڵی سێكس لە مێشكیان دوور ناكەوێتەوە، ئەمەش پاڵیان پێوەدەنێ‌ بەرەو توندوتیژی‌و لادانی سێكسی‌و پەلاماردانی كچان‌و رفاندنیان‌و پەنابردنە بەر ماددە سڕكەرەكان‌و مەشروب خواردن‌و جگەرە كێشان‌و پشتگوێ خستنی خوێندن‌و بەجێهێشتنی قوتابخانەو دەیان شتی تری لەو بابەتە نەك وەك ئەوەی ئەم نووسەرانە وڕێنەی پێوە دەكەن‌و وادەزانن باسی دونیایەكی تر دەكەن كە كەس نەیبینێ‌‌و ئاگاداری نەبووبێت.

----------------------------------------------------------------------------------------
ئامادةكردني : د.كریم احمد /  باخجة

له‌سه‌ر هێڵ نی‌یه‌

 


خوارووی مه‌كۆ

Your IP Address : 3.83.192.109
Powered by PunBB 1.2.15
© Copyright 2007 – 2011
Translated By : Webchin.Org
Design And Style By : Kurdzhin.net