مامۆستای قوتابخانه‌یه‌ک زۆر باسی له‌ خودا په‌رستی و سووده‌کانی و پارێزگاری کردن له‌ نوێژه‌کان ده‌کرد به‌ تایبه‌تی زۆر جه‌ختی له‌گه‌وره‌یی نوێژی به‌یانی ده‌کرده‌وه‌، وته‌کانی مامۆستا زۆر کاریگه‌ری له‌ دڵی منداڵێکی بچوک که‌ له‌ پۆلی سێی سه‌ره‌تایی دا ده‌یخوێند کردبوو، هه‌ر ئه‌وه‌ش وای لێکردبوو ئاره‌زووی ده‌کرد نوێژی به‌یانی به‌ کۆمه‌ڵ و له‌ مزگه‌وت بکات، به‌ڵام بۆ ئه‌و ...گران بوو، بڕیاری دا که‌ له‌ مزگه‌وت نوێژه‌که‌ی بکات به‌ڵام کێ خه‌به‌ری بکاته‌وه‌؟ باوکی؟! نا .... دایکی؟! نه‌خێر . باشه‌ ئه‌ی چی بکات؟ بڕیارێکی گرنگی دا، که‌ نه‌خه‌وێت تا نوێژی به‌یانی بکات و به‌ بێداری و شه‌ونخونی یه‌وه‌ بمێنێته‌وه‌!!
هه‌ر به‌و شێوه‌یه‌ی بڕیاری دا جێ به‌جێی کردو نه‌خه‌وت کاتێک گوێی له‌ ده‌نگی بانگ بوو خۆی ئاماده‌کردو به‌و په‌ڕی خۆشحاڵیه‌وه‌ به‌ خێرایی تا به‌ره‌و مزگه‌وت بڕوات ده‌رگاکه‌ی کرده‌وه‌ سه‌یری ده‌ره‌وه‌ی کرد زۆر تاریک و بێ ده‌نگ بوو وه‌ زۆر ده‌ترسا، بیری ده‌کرده‌وه‌ چی بکات له‌و کاته‌دا گوێی له‌ ده‌نگێکی هێواش بوو پیاوێکی به‌ساڵا چوو بوو گۆچانه‌که‌ی به‌ر زه‌ویه‌که‌ ده‌که‌وت و به‌ هێواشی قاچه‌کانی به‌ دوای خۆیدا ڕاده‌کێشا که‌ بینی دڵ خۆش بوو چونکه‌ باپیری یه‌کێک له‌ هاوڕێکانی بوو بێ ئه‌وه‌ی هه‌ست بکات به‌ دوایدا به‌ره‌و مزگه‌وت که‌وته‌ ڕێ، له‌گه‌ڵ کابرای به‌ته‌مه‌ن نوێژه‌که‌ی کردوو گه‌ڕایه‌وه‌ ماڵه‌وه‌و ئینجا نوستك ئه‌م حاڵه‌ بۆ ماوه‌یه‌ک به‌رده‌وام بوو، خێزانه‌که‌ی به‌هیچ هه‌ستیان نه‌ده‌کردو سه‌رسام نه‌بوون بێجگه‌ له‌وه‌ی له‌ ڕۆژدا زۆر ده‌خه‌وێ و هۆکاره‌که‌شیان نه‌ده‌زانی که‌ شه‌ونخونی ده‌کرد تا کاتی نوێژی به‌یانی ده‌هات.
له‌ ساتێک له‌ ساته‌کان دا به‌ منداڵه‌که‌ وترا باپیری هاوڕێکه‌ی وه‌فاتی کردووه‌! به‌ ده‌نگی به‌رز و هاوار کردنه‌وه‌ ده‌ستی به‌گریان کرد، ماڵه‌وه‌ زۆر سه‌رسام بوون! چی بووو کوڕم بۆ ده‌گری؟ ئه‌ که‌سێکی بێگانه‌یه‌ به‌ تۆ نه‌ دایکته‌ نه‌ باوکت بۆچی ده‌گری به‌و شێوه‌یه‌؟!
باوکی هه‌وڵی ده‌دا هۆکاره‌که‌ بزانێ، لێی پرسی: کوڕه‌که‌م بۆچی ده‌گری؟!
له‌وه‌ڵامدا که‌ هه‌مووی توشی شۆک کرد وتی: بابه‌ خۆزگه‌ تۆ بمردیتایه‌ نه‌ک ئه‌و!
چۆن شتی وا ده‌بێت منداڵێك ته‌مه‌نای مردنی باوکی له‌ جیاتی باپیری هاوڕیه‌کی ده‌خوازێت؟!
به‌ڵێ، به‌ چاوی پڕفرمێسک و ده‌م به‌ گریانه‌وه‌دووباره‌ وتی به‌ڵێ بابه‌ خۆزگه‌ تۆ بمردیتایه‌ نه‌ک ئه‌و له‌به‌ر ئه‌وه‌ی تۆ بۆ نوێژی به‌یانی به‌خه‌به‌رم ناهێنێت و له‌گه‌ڵم نایه‌یت بۆ مزگه‌وت، به‌ڵام ئه‌و هه‌موو به‌یانیه‌ک به‌دوای سێبه‌ره‌که‌یه‌وه‌ به‌ره‌و مزگه‌وت ده‌ڕۆشتم بێ ئه‌وه‌ی هه‌ست بکات له‌ کاتی چوون و گه‌ڕانه‌وه‌م دا!
کاتێ ئه‌م به‌سه‌ر هاته‌ی بۆ باوکی ده‌گێڕایه‌وه‌ خه‌ریک بوو عبره‌تی منداڵه‌که‌ی بیخنکێنێنێ و ده‌گریا! زۆر کاریگه‌ر بوو به‌ وته‌کانی منداڵه‌که‌ی، گۆڕانێکی یه‌کجاری له‌ ژیانی ئه‌و باوکه‌دا به‌هۆی کرداری کوڕه‌که‌یه‌وه‌ یان‌ به‌هۆی شێوازو ڕه‌فتاری مامۆستای کوڕه‌که‌ی ڕووی دا....
سه‌یری به‌رهه‌می ئه‌و مامۆستایه‌ بکه‌ن؟
خێزانێکی به‌ره‌و صاڵحی و خواپه‌رستی برد له‌ڕێگه‌ی ئامۆژگاریه‌ به‌سووده‌کانی بۆ منداڵی خێزانه‌کان!


و: ســـایه‌ فارس