❤❤یـــانەی کوردژیـن/Kurd Zhin❤❤/ / ژیانی سەد کەسی ناوداری مێژوو زۆر بە کورتی

.

نازناو:  وشه‌ی تێپه‌ڕبوون:    |  

ئاگاداری

‌‌‌‌‌‌‌‌‌‌‌‌‌‌‌‌‌‌‌‌‌‌‌‌به‌ڕێزان : هه‌رکاتێک کێشه‌یه‌ک یان په‌یامێکی ناشیاوت به‌رچاو که‌وت له‌یانه‌دا ئه‌توانن په‌یوه‌ندی بکه‌ن به‌ :_

1- بەڕێوەبەری یانە Hemn Zanko لە کوردستان بە ئمێڵی ( hemn_kurdzhin@yahoo.com ) .. ژمارەی مۆبایل ( 07736993749 )

2- به‌ڕێوه‌به‌ری گشتی ( ReKaN ) له‌ ئه‌وروپا به‌ ئیمێڵی ( Rekan_uk@hotmail.com ) ، ژماره‌ ته‌له‌فوونی( 00447724242223) .

New Page 1

    بابه‌ته‌ گرنگه‌کانی به‌کارهێنانی یانه‌  

#1 2017-08-30 13:50:26

Arkan Salah
پڕشنگی یانە
Kurdistan
Kurdzhin: Grupy peshangy
شوێن: كوردستان=بەهەشت
ڕێكه‌وتی به‌ ئه‌ندامبوون‌: 2016-01-29
دواترین سه‌ردان: 2019-09-18
په‌یامه‌كان: 442
WindowsSafari

ژیانی سەد کەسی ناوداری مێژوو زۆر بە کورتی

ژیانی سەد کەسی ناوداری مێژوو زۆر بە کورتی


,


The 100 A Ranking Of The most influential Persons in History

ناوی کتێبێکە ساڵی ١٩٧٨ مێژوونووسی ئەمریکی  ''  د . مایکڵ هارت '' کە جولەکەیەکی ئەمریکی بوو بڵاوی کردەوە و بۆ  زیاتر ١٥ لە زمانی زیندووی جیهان لەوانە کوردی وەرگێڕدراوە .لە کتێبەکەدا ژیاننامەی ١٠٠ کەسی باس کردووە بە '' ڕیزبەندی '' و بە پێی کاریگەریان لەسەر ژیانی دوای خۆیان




مایکڵ هارت لە (٢٧/٤/١٩٣٢) لە نیو یۆرک لەدایک بووە .ساڵی ١٩٥٢ لە زانکۆی '' کۆرنێل '' لیسانسی لە بیرکاریدا وەرگرت ساڵی ١٩٥٨ لە زانکۆی '' نیویۆرک'' لیسانسی لە یاسادا وەرگرت . ساڵی ١٩٧٢ دکتۆرای لە گەردوونناسیدا وەرگرت ، لە مەڵبەندی زانستگەری ئاسمانی لە لە شاری '' گرین بێڵت - ماریلاند ''دا کاری کردووە ، لە مەڵبەندی نیشتیمانی لە زانستگەری چینەکانی کەش کاری کردووە ، لە گەورەترین ڕوانگەی گەردوونناسی بە ناوی  ''ڕوانگەی هێڵ'' لە شاری ''بامادیدیا - کالیفۆرنیا ''  کاری کردووە و یەکێکە لە زانا باوەڕپێکراوەکان لە بواری فیزیکس . ئەندامە لە ئەنجومەنی گەردوونناسی لە بواری هەسارە ناسی



ڕیزبەندییەکە بەم شێوەیە ؛


1/
پێغەمبەر و سەروەری مرۆڤایەتی محمد(د.خ)

ساڵی 571ز لە شاری مەککە لە دایک بووە و ساڵی 632ز لە شاری مەدینە وەفاتی کرد،پێغەمبەر و بیرمەند و سەرکردە ، دامەزرێنەر و بڵاوکەرەوەی ئاینی ئیسلام کە لە ئێستادا نزيكەى  1.8  ملیار باوەڕداری هەیە و دووەم گەورەترین ئاینی جیهانە





http://www.webchinupload.com/f/2017-09/5ebfaf4c754f15c75e7f7b49407f8f01.jpg











2/
ئیسحاق نیوتن

لە  25/12/1642 - 20/3/1727 لە ئینگلتەرە ژیاوە ژنی نەهێناوە ، لە ڕۆژی مردنی گالیلۆ لە دایک بوو فیزیازان و کیمیاگەر زانای بیرکاری و ئەستێرەناس سەلماندی ڕوناکی 7 ڕەنگە نەک تەنها سپی،سەلماندی هێز یەکسانە بە سەرئەنجامی لێکدانی بارستە و تاودان  ، هێزی کێشکردنی زەوی دۆزییەوە،کاری گەورەی لە ئەستێرە ناسیدا کردووە


3/
پێغەمبەر عیسا(د.خ)

لە نێوان ساڵانی 6پ.ز-30ز لە سەر زەوی (شام) ژیاوە.پێغەمبەر و بیرمەند ، دامەزرێنەری ئاینی مەسیح کە لە ئێستادا نزيكەى  2.3   ملیار باوەڕداری هەیە گەورەترین ئاینی جیهانە




http://www.webchinupload.com/f/2017-09/5ebfaf4c754f15c75e7f7b49407f8f01.jpg



4/
گۆتاما بوزا

لە نێوان ساڵانی 563پ.ز-483پ.ز لە هندستان ژیاوە ،ناوی شازادە سیدهارتایە،دامەزرێنەری ئاینی بوزی کە لە ئێستادا نزيكەى 500 ملیۆن باوەڕداری هەیە و چوارەم گەورەترین ئاینی جیهانە





http://www.webchinupload.com/f/2017-09/5ebfaf4c754f15c75e7f7b49407f8f01.jpg





5/
کۆنفۆشیۆس

لە نێوان ساڵانی 551پ.ز-479پ.ز لە چین ژیاوە.خاوەن ڕێبازێکە کە تێیدا ڕوونیدەکاتەوە کە چۆن حکومەت لە خزمەتی گەلدا بێت ، کاریگەری گەورەی لەسەر مێژووی چین و کۆریا و ژاپۆن هەبووە


6/
قەشە پۆڵس

لە نێوان ساڵانی 4پ.ز-64ز  لە شام ژیاوە ،ڕاستە عیسا(د.خ) دامەزرێنەری ئاینی مەسیحە بەڵام قەشە پۆڵس بڵاوکەرەوەی ئاینەکەیە و ڕۆڵیکی گرنگی بینی لە گەیاندنی پەیامەکانی عیسا . سەرەتا جولەکە بوو دوای دیارنەمانی عیسا بوو بە مەسیحی



7/
تسای لون

لە سەدەی 2 ی زاینی لە چین ژیاوە،داهێنەری کاغەزە


8/

جۆن گۆتەنبێرگ

ساڵانی 1400ز-1468ز لە ئەڵمانیا ژیاوە،چاپکردنی دۆزیەوە


9/
کریستۆڤەر کۆلۆمبۆس

سالانی 1451-1506ز لە ئیسپانیا ژیاوە .لە 12/10/1493 کیشوەری ئەمریکای دۆزیەوە





10/

ئەلبێرت ئەنشتاین

لە 14/3/1879 لە ئەڵمانیا لە دایک بووە و لە 18/4/1955 لە ئەمریکا مردووە،گەورەترین فیزیازانی مێژوو دامەزرینەری بیردۆزی ڕێژەیی تایبەت لە 1905 و گشتی لە 1915 ، خاوەن بەناوبانگترین هاوکێشەی جیهان ( وزە یەکسانە بارستایی لێکدانی دوجای خێرایی روناکی ) کە بەهۆیەوە بۆمبی ناوەکی (بۆمبی ئەتۆم و بۆمبی هايدروجينى) دروستکران ، .سالی 1921 خەلاتی نۆبلی بۆ فیزیا بردەوە



11/
کارڵ مارکس

سالی 1818 لە ئەلمانیا لە دایک بووە و سالی 1883 لە لەندەن مرد ،بنیاتنەری بنچینەکانی کۆمۆنیزم(شیوعیەت) و دامەزرێنەری ڕێبازگەی مارکسیزم کە لە ئێستادا  1،2ملیار شوێنکەوتووی هەیە





http://www.webchinupload.com/f/2017-09/5ebfaf4c754f15c75e7f7b49407f8f01.jpg



12/
لویس پاستێر

ساڵانی 1822-1895 لە فەرەنسا ژیاوە،کیمیاگەر و زیندەزان بوو زۆر داهێنانی زیندەیی کرد گرنگترینیان لەناوبردنی بەکتریا بوو بە گەرمکردن


13/
گالیلۆ گالیلی

سالانی 1564-1642 لە ئیتالیا ژیاوە،لە ڕۆژی لە دایکبوونی ئیسحاق نیوتن مرد . سەلماندی تەنە قورس و سوکەکان بە هەمان خێرایی دەکەونە خوارەوە،سەلماندی بەنەبوونی لێکخشاندن تەنەکان لە جوڵە ناوەستن،گرنگترین کاری دروستکردنی تەلیسکۆب و سەلماندنی بیردۆزەکەی کۆپەرنیکۆس بوو کە دەڵیت خۆر چەقی گەردوونە نەک زەوی


14/
ئەرستۆ

سالانی 384پ.ز-322پ.ز لە یۆنان ژیاوە .گەورەترین فەیلەسوفی مێژووە ،قوتابی ئەفلاتون بووە  ، و مامۆستای ئەسکەندەری مەزن ، نزیکەی 170 نوسراوی هەیە و 47 ماوەتەوە کە دەربارەی زیندەزانیو فیزیزانی و گەردوونناسی و جوگرافیا و جیۆلۆجیا و توێکاری و چەندان بابەتی تر بووە


15/

ڤلادمیر لینین

ساڵانی 1870-1924 لە ڕوسیا ژیاوە،لەساڵی 1917 شۆڕشی دژ بە قەیسەری ڕوس کرد و سەرکەوت ،رووسیای کردە کۆمۆنیزم و ڕێبازی مارکسیزم لە ڕوسیادا چەسپاند،

16/

پێغەمبەر موسا(د.خ)

لە سەدەی 13پ.ز لە میسر ژیاوە،دامەزرێنەر و بڵاوکەرەوەی ئاینی جولەکە کە لە ئێستادا نزيكەى 15ملیۆن باوەڕداری هەیە







http://www.webchinupload.com/f/2017-09/5ebfaf4c754f15c75e7f7b49407f8f01.jpg



17/
چارڵس داروین

سالانی 1809-1882 لە ئینگلتەرە ژیاوە،سالانی 1831-1836 گەشتیکی بە دەوری جیهاندا کرد و دواتر بیردۆزی گۆرانکاری جۆرەکانی بلاوکردەوە کە تێیدا دەلێت گیانلەبەران لە گیانلەبەری تر درووست بوون وەک مرۆڤ لە مەیمون دروست بووە



18/
شی هوانگ تی

سالانی 259پ.ز-210پ.ز لە چین ژیاوە،لە سالی 238پ.ز بوو بە پادشای میرنشینی تشینگ لە ماوەی 17 ساڵدا سەرجەم میرنشینەکانی دیکەی ڕوخاند و دواتر یەکەم ئیمپراتۆریەتی چین ی لە مێژوودا بنیات نا چەندان چاکسازی گرنگی تێدا ئەنجام دا . دەستی کرد بە دروست کردنی دیواری چین و دوای سەدان ساڵ تەواو بوو



19/
ئۆگەستۆس قەیسەر

سالانی 63پ.ز-14پ.ز لە ڕۆم ژیاوە ، ناوی گایۆس ئۆکتافیۆس و دامەزرێنەری ئیمپراتۆریەتی ڕۆمانی ، کوڕی هەڵگیراوەی یۆلیۆس قەیسەر بوو دوای کوژرانی یۆلیۆس قەیسەر لە 44پ.ز توانی سوپای مارک ئەنتۆنی و کلیۆپاترا بشکێنێت و میسر داگیربکات دواتر توانی ئیسپانیا سویسرا و ڕۆژهەلاتی ناوەراست و ولاتانی بەلقان داگیر بکات وە جەندین جاکسازی زۆر گرنگی ئەنجامدا


20/
ماوتسی تۆنگ

سالانی 1893-1976 لە چین ژیاوە،سالی 1921 پارتی کۆمۆنیستی چین(شیوعیەت) دامەزراند کە تا ئێستاش تاکە حزبی چینە،سالانی 1949-1976 سەرۆکی چین بووە،بناغەی کۆمۆنیزم(شیوعیەت) لە چیندا بنیات نا و ڕێبازی مارکسیزم ی چەسپاند و دژی کۆنفۆشیۆس بوو،کارەکانی دیکەی بریتی بوو لە پیشەسازیکردنی چین و بایەخ بە خوێندن و باری تەندروستی ، بەهۆی بڕیارێکی هەڵە کە کوشتنی چۆلەکەکانی وڵات بوو سەدان و ملیۆنان کەس بەهۆی برسێتی لە چین مردن


21/
جەنگیزخان

سالانی 1162-1227 لە مەنگۆلیا ژیاوە،داگیرکەریی گەورە توانی هەموو خێڵەکانی مەنگۆل یەک بخات و سالی 1206 بوو بە خانی مەنگۆل،توانی چین و قەفقاس و ڕۆژهەڵاتی ناوەراست و نیوە دورگەی کۆریا و هەندیکی روسیا داگیربکات




22/
ئەقلیدس

زانای گەورەی بیرکاری ،سالانی 300پ.ز لە میسر وانەی گووتوە،کتێبی بنچینەکان بەناوبانگترین کاریەتی کە 2000 ساڵ لە زانکۆکانی ئەوروپادا خوێنراوە ،کاریگەری زۆری لەسەر زاناکان هەبووە بەتایبەت نیوتن


23/
مارتن لۆسەر

سالانی 1483-1546 لە ئەڵمانیا ژیاوە شۆڕشی دژی کەنیسەی کاسۆلیک کرد کە تاکە کەنیسەی باوەڕپێکراو بوو،ناچاری کردن بە چاکسازی کردن لە ئاینی مەسیحی کە چەندان شتیان لە سودی خۆیان بۆ ئاینەکە زیادکردبوو



24/
نیکۆلاس کۆپەرنیکۆس

سالانی 1473-1543 لە پۆلەندا ژیاوە،لە بیردۆزەکەی بە ناوی خولانەوەی ئەستێرە ئاسمانیەکان دەڵێت زەوی بە دەوری خۆیدا و مانگ بە دەوری زەویدا و هەموو تەنەکان بە دوری خۆردا دەسوڕێنەوە بەڵام نەیتوانی بیسەلمێنێت دواتر گالیلۆ سەلماندی



25/
جەیمس وات

سالانی 1736-1819 لە سکۆتلەندا ژیاوە،داهێنەری ئامێری هەڵم لە 1765 کە لە پیشەسازیدا بەکاردێت



26/
کۆستەنتینی مەزن

سالانی 280ز-337ز لە ڕۆما ژیاوە،ساڵانی 323ز-337ز ئیمپراتۆری ڕۆم بووە،شاری ئەستەمبوڵ ی دروستکرد و کردیە پایتەخت،گرنگترین کاری باوەڕهێنان بە ئاینی مەسیحی و  بەیاسایی کردنی ئاینی مەسیحیەت بوو لە ڕۆمدا . هێمای خاچی بۆ ئاینەکە دانا



27/
جۆرج واشنتۆن

سالانی 1732-1799 لە ولایەتە یەکگرتوەکانی ئەمریکا ژیاوە،شۆڕشگێڕی ئەمریکی ، سەرکردایەتی دامەزراندنی دەوڵەتی ئەمریکای کرد و سالانی 1789- 1797 یەکەم سەرۆکی ئەمریکا بووە،ڕۆڵێکی گرنگی لە نوسینەوەی دەستوری ئەمریکا هەبوو





28/
مایکڵ فارادای

ساڵانی 1791ز-1867ز لە ئینگلتەرە ژیاوە، زانای فیزیایی . دوای ئەوەی دۆزیەوە ئەگەر تێلێکی بارگاوی بە کارەبا لە تەنیشت موگناتیسێک دابنرێت ئەوا تێلە بارگاویەکە بە بەردەوامی بە دەوری موگناتیسەکە دەسوڕێتەوە  ماتۆڕی کارەبایی داهێنا



29/
جەیمس کلارک ماکسوێڵ

سالانی 1831-1879 لە سکۆتلەندا ژیاوە ،زانای فیزیایی توانی بە دانانی 4 هاوکێشە یاسا سەرەکیەکانی موگناتیس و کارەبا پێکەوە ببەستێتەوە


30/
برایانی ڕایت

وڵبەر ڕایت ساڵانی 1867-1912 و ئۆرڤێڵ ڕایت ساڵانی 1871-1948 لە ئەمریکا ژیاون ،بڕوانامەی زانکۆیان نەبووە،ساڵی 1900 پێکەوە فڕۆکە بێ ماتۆڕیان دروست کرد و زیاتر لە 1000 جار بە سەرکەوتویی بە ئاسماندا فڕین، ساڵی 1903 فڕکەیەکیان داهێنا کە بە ماتۆڕکاری دەکرد و هەر خۆیان ماتۆڕەکەیان بۆ دروست کردبوو



31/
ئەنتوان لاڤوازێ

سالانی 1743-1794 لە فەرەنسا ژیاوە،کیمیازانی بەناوبانگ،هەڵەکانی ئەو سەردەمەی کیمیای ڕاستکردەوە وەک سەلماندی ئاو توخم نیە و لە هایدرۆجین و ئۆکسجین پێکهاتووە ، هەوا توخم نیە و لە چەندین توخم پێک هاتووە ، چۆنیەتی دروستبوونی کیمیایی ئاگری ڕوونکردەوە



32/
سایمۆند فرۆید

سالانی 1856-1938 لە نامسا ژیاوە،دەرونناس و دکتۆرای لە پزیشکیدا هەبوو،لێکۆڵینەوەکانی لەسەر  مێشک و نەخۆشیەکانی بوو وبەتایبەت بێ ئاگایی مێشک



33/
ئەسکەندەری مەزن

سالانی 356پ.ز-323پ.ز  لە یۆنان ژیاوە ، قوتابی ئەرستۆ بوو ، ساڵی 336 باوکی''فلیپ'' کوژرا و بوو بە ئیمپراتۆری یۆنان و ل331پ.ز فارسەکانی تێک شکاند و سەرجەم ناوچەکانی باشوری ئەوروپا و باکوری ئەفریقا و دەریای سپی تا هندستان لە ژێر دەستی دابوو بەنەخۆشی گرانەتا مرد


34/
ناپلیۆن پۆناپارت

سالانی 1769-1821 لە فەرەنسا ژیاوە،ساڵی 1799 لە کودەتایەکدا بوو بە فەرمانڕەوای فەرەنسا.چەندین چاکسازی گەورەی لە تەواوی دەزگاکانی فەرەنسا کرد وەک هەموو کەسی لە بەرامبەر یاسا یەکسان کرد و تاقیکردنەوەی ( نیشتیمانی - بەکەلۆری ) بۆ قوتابیان زیاد کرد کە لە ئێستادا لە جیهاندا کاری پێدەکرێت ،سەرجەم ئەوروپا جگە لە بەریتانانیای داگیرکرد ساڵی 1807 بە 600هەزار سەرباز مۆسکۆی داگیر کرد بەڵام شکستی هێنا و 500هەزار سەربازی لەدەستدا و ساڵی 1815 لە جەنگی واتەرلۆ بە رامبەر سوپای بەریتانیەکان بە سەرکردایەتی ''کاپتن ولینگتۆن'' بە تەواوی تێک شکا


35/
ئەدۆڵف هیتلەر

ساڵانی 1889-1945 لە ئەڵمانیا ژیاوە.ساڵی 1939 جەنگی دووەمی جیهانی بە داگیرکردنی پۆلەندا هەڵگیرساند ،لەگەڵ دیکتاتۆری ئیتالی مۆسۆلۆنی هەموو ئەوروپای داگیرکرد جگە لە بەریتانیا



36/
ولیام شکسپیر

سالانی 1564-1616 لە ئینگلتەرە ژیاوە ، بڕوانامەی نەبوو،38 شانۆگەری نوسیوە کە تا ئێستاش هەر نمایش دەکرێن وەک یۆلیۆس قەیسەر و کلیۆپاترا ، هاملێت ،ئۆتێللۆ ،ماکبێس .شا لێر  لەگەڵ چەندان هۆنراوە



37/
ئادەم سمیس

سالانی 1723-1790 لە سکۆتلاندە ژیاوە ، دانەری یەکەم بیردۆزی ئابوری ،






38/
تۆماس ئەلفا ئەدیسۆن

سالانی 1847-1931 لە ئەمریکا ژیاوە،بڕوانامەی نەبووە بەڵام مەزنترین داهێنەری مێژووە ساڵی 1882 کۆمپانیاکەی دامەزراند و 1093 داهێنانی لە ئەمریکا داهێنانی کرد وەک گڵۆپ لە 1789، ئامێری تۆمار،ئامێری نوسینی نرخی بۆرسە،دەنگ تۆمارکەر''فۆنۆگراف''،جل شۆر . بەرەوپێشبردنی ،تەلەڤزیۆن، کامێرای سینەمایی ، باتری ،ئامێری کۆپی ،بڵندگۆ




39/
ئەنتوان ڤان لیڤنهۆک

ساڵانی 1632-1723 لە هۆڵەندا ژیاوە،لە 1674 میکرۆبی دۆزیەوە



40/
ئەفلاتون

سالانی 427پ.ز-347پ.ز لە یۆنان ژیاوە، لەگەڵ زەینەفۆن قوتابی سوقرات بوون و مامۆستای ئەرستۆ بوو،36 نوسراوی بە نرخی ماوەتەوە.بیر و ڕاکانی لە بنچینەکانی دیموکراسین



41/
جۆرجلیلمۆ مارکۆنی

سالانی 1874-1937 لە ئیتالیا ژیاوە .داهێنەری ڕادیۆ،ساڵی 1900 ڕادیۆی دامەزراند و بوو بە سەرەتایەک بۆ داهێنانی تەلەڤزیۆن بەهۆیەوە ساڵی 1910 خەڵاتی نۆبڵی بردەوە



42/
لۆدڤیگ ڤان بتهۆڤن

سالانی 1770-1827 لە ئەڵمانیا ژیاوە ،گەورەترین و بەناوبانگترین مۆسیقا ژەن.56 بەرهەمی هەیە






43/
ڤێرنەر هایزنبێرگ

سالانی 1901-1976 لە ئەڵمانیا ژیاوە،پەرەپێدەری میکانیکی کوانتەم.بەهۆیەوە مایکرۆسکۆبی ئەلیکترۆنی و تیشکی لیزەرو زۆر شتی تر دروستکران


44/
ئەلێکساندەر گراهام بێڵ

ساڵانی 1847-1922 لە سکۆتلەندا ژیاوە،داهێنەری تەلەفۆن











45/
ئەلێکساندەر فلیمینگ

سالانی 1881-1955 لە سکۆتلەندا ژیاوە.لە 1928 دەرمانی پەنسیلینی لە کەڕوەوە دۆزیەوە کە بەکتریا لەناو دەبات و بەهۆیەوە لە ساڵی 1945 خەڵاتی نۆبڵی پێبەخشرا



46/
سایمۆن بۆلیڤار

ساڵی 1783-1830 ژیاوە و لە ڤەنزوێلا لەدایک بووە .بەهۆی داگیرکردنی ئیسپانیا لەلایەن ناپلیۆن لە سالانی 1811-1825ڕۆڵی کاریگەری هەبوو لە سەربەخۆبوونی ڤەنزوێلا.کۆلۆمبیا.ئیکوادۆر.پیرۆ.بۆلیڤیا لە ژێر دەستی ئیسپانیا



47/
ئۆلیڤەر کرۆموێل

سالانی 1599-1658 لە ئینگلتەرە ژیاوە.سالی 1645 شا شارلی یەکەمی بەزاند و بوو بە سەرداری تەواوی بەریتانیا.بەهۆی ناکۆکی لەسەر دەستور 3 جار پەرلەمانی پەکخست بەڵام دوا جار ڕژێمی دیموکراسی دامەزراند و دەستوری نوێکردەوە و دەسەڵاتی پەرلەمانی زیادکرد



48/
جۆن لۆک

لە 1632-1704 لە ئینگلتەرە ژیاوە ،ئەو نوسەرەی بنچینە سەرەکیەکانی دیموکراسی لە نوسینەکانیدا کۆکردەوە



49/
مایکڵ ئەنجلۆ

سالانی 1475-1564 لە ئیتالیا ژیاوە،نیگارکێشی زەیتی و پەیکەرتاش،ئەندازیار و تەلارساز


50/
پاپا ئۆربانی دووەم

شایلۆن سۆرمارن سالانی 1042-1099 ژیاوە . لە فەرەنسا لە دایک بووە،سالی 1088 بوو بە پاپا،ساڵی 1099 جەنگی دژی تورکە سەلجوقیەکان ڕاگەیاند بۆ ڕزگارکردنی خاکی پیرۆز(گڵکۆی عیسا) ، هەر هەمان ساڵ سەرکەوتن بەڵام پێش سەرکەوتن پاپا مرد



51/
عومەری کوڕی خەتاب( ر . خ )


ساڵی 586ز لە مەککە لەدایک بوو و ساڵی 644ز لە مەدینە بەدەستی فارسێکی مەجوسی بە ناوی ئەبولؤلؤ لە کاتی نوێژدا و لەسەر داوای فەیروزان شەهید کرا ، هەردووکیان دوای شەهید بوونی ئیمام عومەر لە لایەن عەبدوڵای کوڕی ئیمام عومەر کوژران،سالانی 634-644دووەم خەلیفەی محمد(د.خ) بووە و لەو ماوەدا عێراق و شام و ئێران و ئەنادۆڵ و میسر و کوردستان فەتح کران،



52/
ئازوکا

300پ.ز-232پ.ز لە هندستان ژیاوە،ساڵی 273پ.ز بوو بە پادشای هەرێمی مۆریا دواتر لە چەند هێرشێکدا زۆربەی خاکی هندی یەکخست ، ڕۆڵێکی گرنگی لە بڵاوکردنەوەی ئاینی بوزی گێڕا ،یاسا و دەستوری تازەی دانا و چاکسازی گشتگیری کرد



53/
قەشە ئۆگەستین

سالانی 354-430 ژیاوە .لە جەزائیر لە دایک بووە.لە 386 بوو بە مەسیحی و لە 396 بوو بە قەشەی مەسیحی ،لە 500 نامە و 200 نامیلکەدا ڕەخنە لە ئاینەکانی تر دەگرێت


54/
ماکس پلانک

سالانی 1858-1947 لە ئەڵمانیا ژیاوە ،ساڵی 1900 بیردۆزەکەی بڵاوکردەوە کە تێیدا دەڵێت تەنە ڕەشەکانیش تیشکدەدەنەوە .ئەو تەنانەی لە تیشکدانەوەکە دەردەپەڕن بچوکترین تەنی سروشتن سالی 1918 خەڵاتی نۆبڵی وەرگرت



55/
جۆن کڵڤن

سالی 1509 لە فەرەنسا لەدایکبووە و سالی 1564 لە سویسرا مردووە پەیڕەوکاری مەزهەبی پڕۆتستانتی بوو کە یەکێکە لە مەزهەبەکانی ئاینی مەسیح ، شاری جنێفی کردە مەڵبەنی پڕۆتستانتی لە ئەوروپا


56/
ولیام مۆرتۆن

سالانی 1819-1868 لە ئەمریکا ژیاوە،بۆ یەکەمجار نەخۆشی لە کاتی نەشتەرگەریدا بەنجکرد بە دەرمانی ئەسید



57/
ولیام هارڤی

سالانی 1578-1657 لە ئینگلتەرە ژیاوە. فەرمانی دڵ و سوڕی خوێن و دەزولە موینەکانی دۆزیەوە کە خوێن لە خوێنبەرەکانەوە بۆ خوێنهێنەرەکان دەگوانەوە




58/
ئەنتوان هێنری بیکۆرێل

سالانی 1852 - 1908 لە فەرەنسا ژیاوە ،سالی 1896 تیشکی ئەتۆمی دۆزیەوە ، سالی 1903 خەڵاتی نۆبڵی بۆ فیزیا پێبەخشرا بە هاوبەشی لە گەڵ ماری کوری و پییەر کوری کە ئەوان یەکەم کەس بوون لێکۆڵینەوەیان لەسەر ئەو تێشکە کردبوو




59/
گریگۆر مەندڵ

سالانی 1822-1884 لە نەمسا ژیاوە،سالی 1865 بنچینە سەرەکیەکانی زگماگزانی دۆزیەوە کە بریتین لە جینەکان


60/
جۆزێف لیستەر

سالانی 1827-1912 لە ئینگلتەرە ژیاوە،بۆ یەکەمجار کاربۆلیک"فینۆل"ی بەکارهێنا بۆ پاراستنی برینی نەخۆشان لە میکرۆب و پاککردنەوەی کەرەستەکانی نەشتەرگەری ، پێش ئەوەی لیستەر ئەم کارە بکات ٪٤٥ برینداران لە نەخۆشخانەکان دەمردن بەڵام دوای ئەنجامدانی ئەم کارەی لیستەر ڕێژەکە بۆ ٪١٥ کەمی کرد ،ماوەی 5 ساڵ پزیشکی تایبەتی شاژنە ڤیکتۆریا بووە


61/
نیکۆلاس ئۆگەستئۆتۆ

سالانی1832-1891 لە ئەڵمانیا ژیاوە ، سالی 1862 مەکینەی ناوەتەقێنی دروستکرد کە بۆ جوڵەی ئۆتۆمبێل و ماتۆڕ و فڕۆکە وکەشتیەکان بەکاردێت



62/
لویس داجوری

سالانی 1787-1851 لە فەرەنسا ژیاوە ، سالی 1837 کامێرای فۆتۆگرافی داهێنا


63/
جۆزێف ستالین

سالی 1879 لە جۆرجیا لەدایک بووە و ساڵی 1953 لە ڕوسیا مرد،سالانی 1924-1953 سەرۆکی سۆڤیەت بوو لەو ماوەدا 10-20 ملیۆن نەیاری خۆی لە سۆڤیەدا کوشت ،کۆششی کرد بۆ بە پیشەسازیکردنی ڕوسیا و بڵاکردنەوەی ڕێبازی کۆمۆنیستی لە جیهاندا،


64/
ڕینێ دیکارت

سالی 1569 لە فەرەنسا لەدایک بووە و سالی 1650 لە هۆڵەندا مرد فەیلەسوف و بیرکاریزان،خاوەن بیردۆزی دیکارت کە دەڵێت مرۆڤ دەبێت گومان لە هەموو شتێک بکات لە پێناو هەوڵدان بۆ زانین و زانیاری



65/
یۆلیۆس قەیسەر

سالانی 100پ.ز-44پ.ز لە ڕۆم ژیاوە،باوکی ئۆکتافیۆس،سەرکردەیەکی نەبەرد و سیاسیەکی لێزان بوو لە کاتێکدا دەیویست ئیمپراتۆریەتی ڕۆم دامەزرێنێت کوژرا



66/
فرانسیسکۆ پیزارۆ

سالانی 1475-1541 لە ئیساپانیا ژیاوە،سەرکردەیەکی سەربازی ئیسپانی بوو ،ساڵی 1532 بە 177 سەرباز کە 62 سەربازیان ئەسپسوار بوون توانی سوپای 40هەزاری ئیمپراتۆریەتی ئانکا لە پیرۆ کە سەرکردەیەکی گێلیان هەبوو ببەزێنێت و وڵاتەکەی  خستەسەر ئیسپانیا



67/
هێرناندۆ کۆرتێز

سالانی 1485-1547 لە ئیسپانیا ژیاوە، سەرکردەیەکی سەربازی ئیسپانی بوو ساڵی 1511 بەژداری داگیرکردنی کوبای کرد،ساڵی 1519 سەرپەرشتی داگیرکردنی مەکسیکی کرد



68/
ئیزابێلای یەکەم

سالانی 1451-1504 لە ئیسپانیا ژیاوە،ساڵانی 1479-1504 شاژنی هەرێمی کەشتاڵە بوو لە ئیسپانیا لە گەڵ شا فێرناند هەرێمی گرانادایان لە موسڵمانەکان سەندەوە و پێداویستی گەشتەکەی کریستۆڤەر کۆڵۆمبۆسیان دابین کرد


69/
ولیەمی زاڵ

سالی 1027 لە فەرەنسا لەدایک بووە و سالی 1087 لە ئینگلتەرە مردووە، لە 1051 بوو بەجێنشینی شای ئینگلتەرە ''ئیدوارد'' ،،سالی 1064 ئیدوارد مرد و هاروڵدی زاوای دەستی بەسەر دەسەڵاتدا گرت،بەڵام لە 14/10/1066 ولیام لە باشورەوە هێرشی کرد و تەواوی بەریتانیای بەدەستهێناوە


70/
تۆماس جێفەرسۆن

سالانی 1743-1826 لە ئەمریکا ژیاوە .سالانی 1784-1789 باڵیۆزی ئەمریکا بوو لە فەرەنسا،سالانی 1801-1809 سێیەم سەرۆکی ئەمریکا بوو،سیاسیەکی لێزان بووزەویەکانی لویزیانای بۆ ئەمریکا کڕی ،



71/
ژان ژاک ڕۆسۆ

سالی 1712 لە سویسرا لە دایک بوو و ساڵی 1778 لە فەرەنسا مرد،فەیلەسوف بوو نوسینی زۆرە و زۆربەیان سیاسین و گرنگیان هەبوو لە بەرپابونی شۆڕشی فەرەنسا لە 1789 و داڕشتنی یەکسانی و دیموکراسی


72/
ئێدوارد جینێر

سالانی 1749-1823 لە ئینگلتەرا ژیاوە ، پزیشکە بوو.ساڵی 1796 کوتانی بەشێوەیەکی ئاسان و ڕێکوپێک دژ بە نەخۆشی داهێنا و دژی نەخۆشی سوکەئاوڵە بەکاریهێنا چارەسەری ئەو نەخۆشیە ترسناکەی کرد


73/
وڵهێڵم کۆنراد ڕۆنتگن

سالانی 1845-1923 لە ئەلمانیا ژیاوە،ساڵی 1895 تێشکی ئێکسی دۆزیەوە ساڵی 1901 خەڵاتی نۆبلی بۆ فیزیا پێبەخشرا


74/
یۆهان سباستیان باخ

سالانی 1685-1750 لە ئەلمانیا ژیاوە،مۆسیقاژەنی مەزن.خاوەنی 800 پارچە مۆسیقایە،تەنها 2  ژنی بوو بەڵام لەو 2 ژنە 20 منداڵی بوو




















-

دواترین جار ده‌ستكاری كراوه‌ له‌لایه‌ن Arkan Salah (2017-09-08 09:42:53)

Kurdzhin

http://www.webchinupload.com/f/2017-09/9e776c4beaa552ce6026711040bdd910.jpg

له‌سه‌ر هێڵ نی‌یه‌

 

#2 2017-08-30 13:53:55

Arkan Salah
پڕشنگی یانە
Kurdistan
Kurdzhin: Grupy peshangy
شوێن: كوردستان=بەهەشت
ڕێكه‌وتی به‌ ئه‌ندامبوون‌: 2016-01-29
دواترین سه‌ردان: 2019-09-18
په‌یامه‌كان: 442
WindowsSafari

Re: ژیانی سەد کەسی ناوداری مێژوو زۆر بە کورتی

75/
لاوتزۆ

سەدەی 4 ی پ.ز لە چین ژیاوە دانەری مەزنترین ڕێبازنامە ''تاو تو تشنگ'' ، کە ئامۆژگاری مرۆڤ دەکات لە ژیانی ڕۆژانەیدا و وە ئامۆژگاری دەوڵەت لە سیاسەتکردن



76/
ئێنریکۆ فێڕمی

سالی 1901 لە ئیتالیا لەدایکبووە و سالی 1954 لە ئەمریکا مرد،ساڵی 1922 دکتۆرای لە فیزیا بەدەستهێنا ،ساڵی 1938 دۆزیەوەڕێژەیەک مژینی ئەلیکترۆن لە توخمی یۆرانیۆم دەبێتە هۆی دەرپەڕاندنی هەمان ڕێژە نیۆترۆن کە دواتر بۆمبی ناوەکی (بۆمبی ئەتۆم و بۆمبی هايدروجينى) لێ دروستکرا سالی 1938خەلاتی نۆبڵی بۆ فیزیابردەوە ،ساڵی 1942 ئەنجامی یەکەم کارلێکی گەردیلەی بڵاوکردەوە


77/
تۆماس ماڵتۆس

سالانی 1766-1834 لە ئینگلتەرە ژیاوە،ساڵی 1797 نامیلکەیەکی بلاوکردەوە کە تیایدا باس لە خێرایی زیادبوونی دانیشتوان  بەراورد بە هێواشی زیادبوونی خۆراک و چارەسەری دیاریکرد،داروین سودی لەم وتارە وەرگرت بۆ پتەوکردنی بیردۆزی دیاریکردنی سروشت


78/
فرانسیس باکۆن

سالانی 1561-1626 لە ئینگلتەرە ژیاوە،فەیلەسوف بوو جەندان نوسینی هەیە بەناوبانگترینیان پێشکەوتنی زانیارییە لە نوسینەکانیدا ئاماژەی بەوە کردووە کە لە داهاتوودا زانست و تەکنەلۆژیا جیهان دەگۆڕن


79/
ڤۆڵتێر

سالانی 1694-1778 لە فەرەنسا ژیاوە،دەستێکی باڵای هەبووە لە نوسینی هۆنراوە .شانۆ.وتار و پەخشان .چیرۆک مێژوو فەلسەفە کە هەمووی لە 30هەزار پەڕەدا نوسیوە نوسینەکانی دژی سیاسەتمەداران بوو



80/
جۆن کەنەدی

لە سالانی 1917-1963 لە ئەمریکا ژیاوە،لە 20/1/1961 بوو بە 35هەم سەرۆکی ئەمریکا و لە 22/10/1963 تیرۆرکرا،دوای 6ساڵ و لە 20/1/1969 کەشتی ئاسمانی ئەپۆلۆ گەشتە سەر مانگ ئەمەش بەهۆی هەوڵەکانی وەک دەستکەوتێک بۆ جۆن کەنەدی نوسراوە


81/
گریگۆر پینکەس

سالانی 1903-1967 لە ئەمریکا ژیاوە ،لە ساڵی 1957 دەرمانی (منع) ڕێگری لە منداڵبونی دۆزیەوە کە ژنان و کچان بەکاریدەهێنن و سالی 1960  کەوتە بازاڕەوە



82/
سوو وین تی

سالانی 541-604 لە چین ژیاوە.لە ساڵی 581 بوو بە سەرکردەی بنەماڵەی شو لە باکوری چین لە ساڵی 589 توانی دوای سەدان ساڵ هەڵوەشاوەیی چین یەکبخاتەوە و ببێتە ئیمپراتۆری سەرانسەری چین



83/
مانی

سالانی 216ز-276ز لە ڕۆژهەڵاتی ناوەڕاست ژیاوە ،دامەزرێنەری ئەو بیرە ئاینیە پوکاوەیە کە لە هەرسێ ئاینی زەردەشتی بوزی مەسیحی دروستی کرد و زیاتر لە 1000 سال باوەڕداری هەبوو




84/
واسکۆ دوگاما

زەویدۆزێکی پورتوگالیە و ساڵانی 1460-1524 ژیاوە،سالی 1497 دۆزیەوە کە چۆن تەنها لە ڕێگەی ئاوەوە لە ئەوروپاوە بگەیتە وڵاتانی باشوری ئاسیا ئەویش لە ڕێگەی باشوری ئەفریقاوە ، دوای درووستکردنی نۆکەندی ''سوێس'' بەکارهێنانی ئەم ڕێگایە زۆر کەمی کرد



85/
شارڵمان

سالانی 742-814 لە فەرەنسا ژیاوە،سالی 771 بوو بە پادشای فەرەنسا کە ئەوکات لە فەرەنسا بەلجیکا سویسرا پۆڵەندا وباشوری ئەڵمانیا پیکهاتبوو.لە 43 سالی دەسەلاتیدا 55 هێرشی کردە سەر وڵاتان و باکوری ئیتالیا و باکوری ئەڵمانیا و هەنگاریا و ولاتانی بەڵقانی داگیرکرد بەڵام لە ئیسپانیا عەرەبەکان شکستیان پێهێنا


86/
کۆرش (فارسی مەجوسی)

سالانی 590پ.ز-529پ.ز لە ڕۆژهەڵاتی ناوەڕاست ژیاوە،سالی 558پ.ز بوو بە میری ناوچەی پارس کە سەر بە دەوڵەتی ماد بووە،سالی 550پ.ز دەوڵەتی مادی ڕوخاند و لە 546پ.ز دەڵەتی لیدیای ڕوخاند ساڵی 529 دەوڵەتی بابلی ڕوخاند،ئیمپرتۆریەتی ئەخمینی دامەزراند کە لە هندستانەوە تا دەریای ناوەڕاست پێکهاتبوو دواتر ئەسکەندەر ئەم ئیمپراتۆریەتەی ڕوخاند



87/
لیۆنارد یۆلەر

زانای بیرکاری و فیزیازانی گەورەی سویسری لە سالانی 1707 -1783 ژیاوە ، لە سالانی ١٧٣٠ چاوێکی لەدەستدا،70 بەرگی گەورە نوسراوی هەیە،یاسای نیوتنی بەسەر دۆخی شلدا چەسپاند،لە بیرکاریشدا زۆرکاری کردووە وەک  بەکارهێنانی هێما بۆ نمونە پای 3.14 ،


88/
نیکۆلای میکاڤیللی

سالانی 1469-1527 لە ئیتالیا ژیاوە،فەیلەسوفی بەدناو،نوسینی زۆرە و لە کتێبێک  بەناوی ''میر'' ئامۆژگاری دەسەڵات دەکات کە ئەگەر بیەوێت لە دەسەڵات بمێنێتەوە دەبێت خۆی لەسەر کورسی دەسەلات دابکوتێ درۆ و کاری ناڕەوا بکات هێز بێبەزەییانە دژی هەرناڕەزاییەک بەکاربێنێت ، هێندە قەیران درووست بکات خەڵک بڵێن مافە سەرەتاییەکانمان پێ بدە و هەموو شتێک بۆ تۆ ،، کاریگەری لەسەر ناپلیۆن و هیتلەر و ستالین و مۆسۆلۆنی هەبووە


89/
زەردەشت

سالانی 628پ.ز-551پ.ز لە ڕۆژهەلاتی ناوەراست ژیاوە،دامەزرێنەری ئاینی زەردەشتی کە 2500 ساڵە بەردەوامە و پێی وایە 2 خودا هەیە ئاهورامزدا خودای ڕاستی و ئاشتی و ئەهریمەن خودای دڕندەیی و جەنگ و ئاینەکە بڕوای بە ژیانی دوای مەرگ هەیە


90/
مینا

مینا 31 سەدە پ.ز لە میسر ژیاوە،دەوڵەتی میسری یەکگرتویی دروست کرد و شاری مەمفیس ی دروستکرد و کردیە پایتەخت نزیکەی 62 ساڵ پادشا بووە لەو ماوەدا دەزگای میری و کۆمەڵایەتی پێکهێنرا



91/
پیترۆسی مەزن

سالانی 1672-1725 لە روسیا ژیاوە.سالی 1698 بوو بە قەیسەری روسیا و جاکسازی بنچینەیی و گەورەی لە بوارەکانی پەروەردە و پیشەسازی و بازرگانی کرد ، دواتر سوپای ڕیکخستەوە و هێزی دەریایی دامەزراند


92/
مەنشیس

سالانی371پ.ز-289پ.ز لە چین ژیاوە،بەردەوامی دا بە ئامۆژگارییەکانی کۆنفۆشیۆس و خۆیشی چەندین ئامۆژگاری گرنگی دەسەڵاتدارانی کرد بۆئەوەی مافی گەل بدەن


93/
جۆن داڵتۆن

سالانی 1766-1844 لە ئینگلتەرە ژیاوە،یەکەم بیردۆزی گەردیلەی داڕشت


94/
هۆمیرۆس

سەدەی 8 ی پ.ز لە یۆنان ژیاوە.نوسەری ئەلیادە و ئۆدیسا یە ،کاریگەری لەسەر ئەرستۆ بووە





95/
ئیلیزابێسی یەکەم

سالانی 1533-1603 لە ئینگلتەرە ژیاوە،هەڵکەوتووترین دەسەڵاتدارە لە مێژووی بەریتانیا،سالانی 1855-1603 شاژنی ئینگلتەرە بوو لەو ماوەدا چاکسازی گەورەی لە بوارەکانی ئابوری و زانست و هونەر و ئەدەب وهێزی دەریایی کرد


96/
جەستنیان

سالانی 483-565 لە ڕۆم ژیاوە ،سالانی 527-565 قەیسەری ڕۆم بووە یاساکانی ڕۆم بە ڕێکو پێکی نوسرانەوە، کە دواتر لە داڕشتنەوەی یاساکانی ولاتانی ئەوروپا پشتیان پێبەسترا


97/
یۆهان کیپلەر

سالانی 1571-1630 لە ئەلمانیا ژیاوە،دۆزەرەوەی یاساکانی تایبەت بە جوڵانەوەی ئەستێرەکان .سالی 1609 دوو یاسای بلاوکردەوە کە یەکەمیان دەلێت سورانەوەی زەوی بە دەوری خۆردا هێلکەییە پێچەوانەی  کۆپەرنیکۆس کە دەیگوت بازنەییە ،یاسای دووەم دەیگوت ئەستێرەکان تاکو لە خۆر نزیکببنەوە خێراتر دەجوڵێن . سالی 1621 یاسای سێهەمی بلاوکردەوەکە دەڵیت ئەستێرەکان تاکو لە خۆر دووربن کاتێکی زۆرتریان پێدەچێت بۆ خولانەوە کە ئەو کاتە بریتیە لە دووجای کاتی خولان لەسەر سێجای دووری لە خۆر



98/
پابلۆ پیکاسۆ

سالانی 1881-1973 لە ئسپانیا ژیاوە،وێنەکێشی بەناوبانگ ،زیاتر لە 20هەزار کاری هونەری هەیە


99/
ماهاڤێرا

سالانی 599پ.ز-527پ.ز لە هندستان ژیاوە.ناوی ڤاردهامانا یە ،دانەری ڕێبازگەی گیانی لە سەدەی 6ی پ.ز ،کە پێیان وایە مرۆڤ دوای مردنی شێوە و روخساری دەمێنێتەوە و گیانلەبەرێکی تر ئەو شێوە و روخسارە وەردەگرێت . مێشوولە لایان پیرۆزە.



100/
نێڵز بۆر

سالانی 1885-1962 لە دانیمارک ژیاوە ،لەگەڵ زانایان تۆمپسۆن دۆزەرەوەی ئەلیکترۆن و ئێرنێست رەزەفۆرد دۆزەرەوەی ناوکی گەردیلە کاری کردووە،دۆزیەوە کە ڕۆشنە شەپۆلی دەرپەڕیو=گۆڕانی وزە لەسەر جێگیری پلانک



###########################################################

ئەم کەسایەتیانە خەڵکی کوێن؟؟؟؟؟


ئینگلتەرە و سکۆتلەندا                               ١٨ کەس


  ئەڵمانیا و نەمسا                          ١٤ کەس


  فەرەنسا                          ١١ کەس


  ئیتالیا                             ٩ کەس


یۆنان                               ٥ کەس


  ئسپانیا                             ٤ کەس


  ولاتانی تری ئەوروپا ١٠ کەس


   کیشوەری ئەوروپا ٧١ کەس





.................



ئەمریکا            ٧ کەس

ئەمریکای باشور          ١ کەس 

کیشوەری ئەمریکا          ٨ کەس 





................



میسر              ٢ کەس


جەزائیر            ١ کەس


کیشوەری ئەفریقا           ٣ کەس



...............



چین           ٧  کەس


هند            ٣  كەس 


مەنگۆلیا            ١ کەس


ڕۆژهەلاتی ناوەراست            ٧ کەس


کیشوەری ئاسیا         ١٨ کەس


کۆی گشتی    ١٠٠ کەس



###########################################################





ئەم کەسایەتیانە لە چی سەردەمێک ژیاون؟؟؟؟؟؟؟؟؟؟؟؟؟؟؟؟؟؟



پێش ٦٠٠پ.ز                 ٣  کەس



٦٠٠پ.ز بۆ ٢٠١پ.ز                ١٣کەس



٢٠٠پ.ز بۆ ١٤٠٠ز               ١٦ کەس



سەدەی پازدە                  ٤ کەس



سەدەی شازدە                  ٨ کەس



سەدەی حەڤدە                ١٠ کەس



سەدەی هەژدە               ١٢ کەس



سەدەی نۆزدە                ١٩ کەس



سەدەی بیست              ١٥ کەس




کۆی گشتی ١٠٠ کەس



##########################################################







پیشەی ئەم کەسایەتیانە چی بوو ؟؟؟؟؟؟؟؟؟؟؟؟؟؟؟؟؟؟؟؟؟؟؟





داهێنەر و زانا                    ٣٧ کەس





سەرکردەی سەربازی و سیاسی           ٣٠ کەس





فەیلەسوفەکان                 ١٤ کەس





پێشەوا ئاینیەکان                ١١ کەس





هونەرمەند و نوسەرەکان              ٦ کەس





زەوی دۆزەکان             ٢ کەس





کۆی گشتی ١٠٠ کەس



















############################################################



ئەم کەسیەتیانە لە کام ڕەگەزن؟؟؟؟؟؟؟؟؟؟؟؟؟؟؟؟؟؟؟؟؟؟؟



نێر              ٩٨



مێ                ٢









############################################################

















مایکڵ هارت ناوی ١٠٠ کەسی دیکەی هێناوە کە کاریگەریان لە ئەم ١٠٠ کەسە کەمترە ، بەڵام ژییاننامەیانی باس نەکردوە و ڕیزبەندی بۆ نەکردوون و بە هەڕەمەکی ناوی هێناون



ئیبراهیم(د.خ)   -   ئیزۆب   -   هاوارد ئەیکن (داهێنەری کۆمپیوتەر)   -   سۆزان ئەنتۆنی   -   قەشە تۆما ئەکوینی   -   ئەرخەمیدس(زانا)   -   ئەرەستۆ سامۆسی   -   نیڵ ئارمسترۆن ( یەکەم کەس لە کەشتی ئەپۆلۆدا چووە سەر مانگ )   -  چارلس پاپاچ   -   جێرمی پنتام -   ئۆتۆڤون پسمارک   -   ڕۆبەرت بۆیڵ (دانەری یاسای بۆیڵ )   -   لویس بروکڵی   -   نیکۆلا سادی کارنۆت   -   چارلی پێنجەم   -   خۆفۆ(هەڕەمی خۆفۆ)   -   شو هی سی   -   ونستۆن چەرچڵ (سەرۆک وەزیری بەریتانیا )   -   کارڵ ڤۆن کڵاوسفتس   -   ڕۆدۆڵف کڵاوسفتس   -   ماری کوری(فیزیازان و کیمیاگەر)   -   کۆتلیب دمڵەر   -   دانتی ئەلیگێری   -   داریوش(فارسی مەجوسی)   -   داود(د.خ)   -  دیموقریتس   -   ماری باکار ئیدی   -   ڕۆبەرت ئایتینجەر   -   هێنری فۆرد (دامەزرێنەری کۆمپانیای فۆرد و هاوڕێی نزیکی ئەدیسۆن)   -   جۆرچ ڤۆکس   -   بنیامین فرانکلین(پیاوە کەچەڵەکەی سەد دۆلاری ئەمریکی)   -   پیتی فرایدن    -   فریدریکی مەزن   -   گاڵین   -   مەهاتما گاندی (سەرکردەی ئازادیخوازی هند)    -    کارڵ فریدریک کواس   -   حامورابی(یاساکان)   -   هان ئۆتی   -   جۆرج ولیام فریدریک هیگڵ   -   هێنری هەشتەم   -   هێنری سەروان (کەشتی وان)   -   سیۆدۆر هێرتزل   -   ئەپۆقراتس   -   تۆماس هۆپس   -   جەیمس هۆتۆن   -   ئەخناتون(فیرعەونی یەکتاپەرست)   -   ئەشعەیا پێغەمبەر   -   جان دارک   -   جۆزێف مێری جاکورد -   ئیمانوێل کانت   -   جۆن ماینرد کێنەر   -   هارکۆ بند خورانا   -   مارتن لۆسەر کینگ   -   ئەلفرێد کنزی   -   قوبلای خان   -   جۆنفرێد ولیام ڤون لابنتس   -   ئاینینی لینۆر   -   لیۆناردۆ داڤینی (وێنەکێش)   -  ئبراهام لینکۆڵن( سەرۆکی ئەمریکا)   -   لیۆبانج (هان کاو تسو) -   لویسی شازدە   -   جەیمس مادیسۆن(سەرۆکی ئەمریکا)   -   فێرناند ماجەلان (زەوی دۆزی پرتوگالی)   -   ماری ئاڵڤرجینیا   -   بێجی تینۆ(ئیمپراتۆر میتسۆ هیتۆ)   -   سوڵتان موحەممەدی دووەم (تورکی داگیرکەر )   -   مۆنتیسکۆ(نوسەر)   -   ماریا مۆنتۆری   - سامۆنێل مۆرس   -   وڵڤینگ ئامادیۆس مۆزارت   -   مەعاویەی کوڕی ئەبوسفیان   -   جێرارد ئونیل   -  پلامی پاسکاڵ(داهێنەری حاسیبە)  -   ئیڤان پاڤلۆڤ   -   مارکۆپۆلۆ   -  پەتلیمۆس   -   فیساگۆرس   -   فرانکلین ڕۆزڤێڵت(سەرۆکی ئەمریکا)    -    سینکارا    -سەرجۆنی ئەکەدی   -   ئەرڤین شرۆ دینگەر   -  ولیام شوکلی   -   جۆزێف سمیس   -   سوقرات(فەیلەسوف و مامۆستای ئەفلاتون و زەینەفۆن)     -    سۆفۆ کلیس    -    سون یان سین    -    ولیام هێنری ڤۆکس تاڵبوت   -    تەیمور لەنگ   -    تانگ تای تسونگ    -    ئێدوارد نیڵۆر   -    هێنری داڤید نۆردی   -   لیۆ تۆڵستۆی(نوسەری ڕووسی)    -    چارلس تونس    -    هاری ترومان (سەرۆکی ئەمریکا کە بۆمبی ئەتۆمی لە ژاپۆن دا )    -    سڵمان وکسمان    -    جەیمس واتسۆن   -    ماری ڤۆڵستۆ نکرانت    -     فڕانک لیۆدرایت    -     ڤلادیمیر زفۆڕیکین























########################################################################



دابەزاندنى كتێبەكە











########################################################################



########################################################################


نوسين و ئاماده كردنى ؛ ئەركان


پێشکەش بە کوردژین


########################################################################




,,

دواترین جار ده‌ستكاری كراوه‌ له‌لایه‌ن Arkan Salah (2017-09-09 14:18:00)

له‌سه‌ر هێڵ نی‌یه‌

 

#3 2017-08-30 18:53:21

DLLA
:: گـوڵـی یـانه‌ ::
Kurdistan
Kurdzhin: Grupy peshangy
ڕێكه‌وتی به‌ ئه‌ندامبوون‌: 2016-06-20
دواترین سه‌ردان: 2019-07-18
په‌یامه‌كان: 687
LinuxSafari

Re: ژیانی سەد کەسی ناوداری مێژوو زۆر بە کورتی

dast xos har bzhi

Kurdzhin
ئەو ئەشقەی لە دڵمە
تەنها بە وەستانی دڵم
کۆتای دێت

له‌سه‌ر هێڵ نی‌یه‌

 

#4 2017-09-14 23:02:29

alikalary727
خونچەی نوێ
ڕێكه‌وتی به‌ ئه‌ندامبوون‌: 2015-06-18
دواترین سه‌ردان: 2018-07-01
په‌یامه‌كان: 101
unknownOpera

Re: ژیانی سەد کەسی ناوداری مێژوو زۆر بە کورتی

babatêki baswda dast xosh bzhi

Kurdzhin
يان كوردستان يان نەمان

له‌سه‌ر هێڵ نی‌یه‌

 


خوارووی مه‌كۆ

Your IP Address : 18.210.22.132
Powered by PunBB 1.2.15
© Copyright 2007 – 2011
Translated By : Webchin.Org
Design And Style By : Kurdzhin.net