بەختیار فەتاح ب رێکا ئەڤینەکا راست ل هەبونا خودگەریت
پێنج شەممە, 28 تشرینی یەکەم 2010 16:20



بەختیار فەتاح ب رێکا ئەڤینەکا راست ل هەبونا خودگەریت
بەختیار فەتاح : حەزدکەم پتر گرنگى ب سترانا رەسەن بهێتە دان
بەختیار فەتاح : ئەڤینى راستیا هەبونا مروڤى دژیانێدا دیار دکەت
بەختیار فەتاح : خو مازنکرن هونەرمەندى دشکێنیت

هونەرمەند بەختیا فەتاح ل سالا 1986 ژدایک بویە خواندن ل کومەلگەها شێلادزێ تا رێزا سیێ ناڤنجى ب دوماهى ئینایە و پاشى ل سالا2001 چویە پەیمانگەها هونەرێن جوان ل دهوکێ و دەرچویێ پەیمانگەها هونەرێن جوانە . چوار کلیپ یێت هەین دوو کلیپێن ئەڤینى و دوو یێن ئایینى و دووکلیپێن دى یێن ئەڤینى یێل بەر دەستێ وى نها یێ کار تێدا دکەت و یێ حازریا دکەت بو بەرهەمێ خو یێ نەخرى و نوکە ل کومەلگەها ئێشلادزێ ئاکنجیە . ژیێ خویێ هونەرى ددیدارەکا تابیەتدا بو جمهورێ خو دگوڤارا سیلاڤدا بەلاڤ دکەت

*وەکو دەرچویێ پەیمانگەها هونەرێن جوان ستران و موزیکا  کوردى یا نها چاوادبینى ؟
بەختیار فەتاح : بەلێ ب دیتنا من سترانا کوردى و موزیکا کوردىشیایە قوناغێت باش ببریت وبەرەف ئاستەکێ بلندو جیهانى ڤە بچیت لێ حەزدکەم پتر گرنگى ب سترانا رەسەن بهێتە دان

* تەل دەستپێکێ ل کیش قوتابخانێ ستران گوهدارى کرن و  خواندن ؟
بەختیار فەتاح : ب راستى کوردستان و سروشتێ وێ یێ تژى ئاواز و میلودیێن خوش و دیمەنێن دلڤەکەرو ئەو مالباتا ئەز ناڤدا ژیاى بونە قوتابخانەکا دەستپێکى بومن 0

* دەنگێ کێ پتر بەختیار برە دناف جیهانا ستران گوتنێ دا ؟
بەختیار فەتاح : ماشاءالله جیهانا سترانا کوردى یاتژى دەنگ و ئاوازە ئەڤ دەنگە و ئەو ستران بێژ بونە سومبولەک یان مەدرەسا سترانا کوردى مینا(محەمەد عارف جزیرى 0 تەحسین تاها 0 محەمەد شێخو 0 حەسەن جزراوى000هتد ،)و گەلەکێن دى گوهێ مروڤى تژى دکەن و هەستا مروڤى دهەژین ڤان گەلەک کارتێکرن ل سەر من هەبوو 0

* تو شیاى پەیڤ و ئاوازان بو خو یان بو ستراناخو دانى ؟
بەختیار فەتاح : هەر چەندە دانانا پەیڤ و ئاوازان نەکارەکێ ئاسانە بەلێ ئەز دشێم ب دانم و ئەگەر هونەرمەندکەسەکێ موزیک ژەن بیت و رەوشەنبیریا هونەرى هەبیت دێ هەمى کار بو وى ئاسان بن 0

* ژەنینا ئامیرەکێ موزیکى چەندا گرنگە بو ستران بێژى ؟
بەختیار فەتاح : ب راستى ژەنینا ئامیرێ موزیکى زورا پێدڤى یە بو ستران بێژى و هاریکارەکێ راستەوخویە دگەل ستران بێژى و پتر هەستا مروڤىدلڤینیت و ئەز ئامیرێ (ساز و عود و هندەک جارا کیبوردێ دژەنم
 0
* هەلبەست و هوزانێن  هوزانڤانیِن کورد مینا ( ئەحمەدى خانى و جگەرخوین و ...هتد ) چەند دناف سترانا نوکەدا دیاردبن ، خوشى و تامەکا جودا نادەنە ستران و کلیپا سترابێژێ مە ب دیتناتە ؟
بەختیار فەتاح : بێگومان ئەڤ کەسێن هەنێ هەمى ماموستایێن شعرو ئەدەبیاتێن هونەرێ کوردینە و ئەم هەمى کورد ب هونەرێ وان سەربلندین 0ئەز بخو تامەکا تایبەت ژ پەیڤێن وان وەردگرم ب کارئینانا پەیڤێن وا خوشیەکا دى ددەتە سترانا کوردى 0

* وەک مەزانى تو دناف مالباتەکا هونەر دوست و  هونەر پەروەردا دژى ئەڤاهە بو بەختیار چەند پال پشتە بویە؟
بەختیار فەتاح : ب راستى مالباتامن هێزو شیان دانە من و پال پشتیەکا باش بون بومن و ئەز گەلەک مفاى ژێ وەردگرم هەم ژسترانێن فلکلور و هەم ژى هزرێت نوى ئەڤاهەنێ زورا گرنگە بو ستران بێژى 0
* بوچى بەختیار دبەرنامەیێن زندیدا ل شاشەیێن tv یان کێم دهێَتە دیتن ؟
بەختیار فەتاح : بەلێ راستە گەلەک داخوازى ل ژمن هاتیەکرنکو مێڤان بم ل کەنالێن کوردى و هەمى رادیو و دەزگەهێن راگەهاندنێ لێ پامن نەڤیایە بچم تاکو ئەز بەرهەمى ئامادە بکەم انشاءالله دێ دیار بم 0

* ستران بێژ هەردەمەکێ یێل جهەکێ خەریبى و بیریا مال چ کارتێکرن ل سەر هونەرێ تە کریە ؟
بەختیار فەتاح : راستى ئەز حەش پەیڤا غەربى ناکەم حەزدکەم هەمى گاڤا یێ نزیک بم دگەل هەڤالێن خو مالا خو وەلاتێ خو0

سیلاڤ : ل پەیمانگەهێ هەڤالێن تە پتر کور بون یان کچ ؟
بەختیار فەتاح : بەلێ چ جوداهى نەبو دناڤبەرا هەڤالێن کور و کچ من هەردو هەبون لێ کور پتر بون 0

* چ جارا تە د تابلویەکێ شانوویێدا بەشدارى کریە تایبەت دەمێ تو قوتابى؟
بەختیار فەتاح : بەلێ من پشکدارى یێ کرى د کارێن شانوویێدا دقوناغا پێنجێ یا دوماهیێ من پشکدارى دشانووگەریەکێ دا کر و ئەم هاتینە داخوازکرن بو وەلاتێ ئەلمانیا و براستى گەشتەکا خوش بو یا پرى مفابو کارێ من دشانووگەریێدا یترن گوتن بو 0

* پرسیارەکا کلاسیک زور جارا روى ب روى ستران بێژان دبیت تە چاوا خود دناف ڤیان و حەژێکرنێدا دیتیە؟
بەختیار فەتاح : ب راستى حەژێکرن و ئەڤینى پیروزیەکە خودێ یا دایە مە و هندەک جارا خودناڤدا دبینم ئەڤینى راستیا هەبونا مروڤى دژیانێدا دیار دکەت 0
 
* جوانترین دیارى تە ل دەف خو هەلگرت بیت یاکێ یەو ئەو دیارى چ بویە ؟
بەختیار فەتاح : گەلەک دیارى بومن یێت هاتین نەشێن بێژم جوانترین دیارى کیشکە بەلێ دیارى هەمى دجوانن سوپاسیا وان کەسا دکەم یێن دیارى داینە من مروڤ زور پێ دلخوش دبیت 0

* کەسایەتیا هونەرمەندێ ستران بێژ د چدا دیار دبیت ؟
بەختیار فەتاح : ب دیتنا من کەساتیا هونەرمەندێ ستران بێژ ب کارێن وى دیار دبیت و پێدڤیە کەسێ هونەرمەند یێ ڤەکرى بیت و دانوستاندناوى دگەل خەلى یا نەرم بیت  و یێ کەیف خوش بیت چونکى هونەرمەند یێ رح سڤکە و خەلک حەژێ دکەن ئەز دبێژم خو مازنکرن هونەرمەندى دشکێنیت
 0
* تە خواندن یا تمامکرى تو هاتیە دامەزراندن ل جیەکێ وەک ماموستایێ هونەرى  یان 000 ؟

بەختیار فەتاح : نەخێر نوکە چ دەواما ناکەم لێ ل ڤان نزیکا دێ وەکو ماموستایێ هونەرى دەوامێ کەم
0
* چ تشتەک بوتە یێ خوشبوو دەمێ تو قوتابى ل  پەیمانگەهێ ؟
بەختیار فەتاح : ب راستى هەمى تشت یێن خوش بون ئەو هەڤالینیا دناڤبەرا قوتابى و ماموستا و کچ و کورا و دناڤبەرا هەرسێ پشکا هەستەکا خوش بو مروڤى چێد بوو سێ بەشێن هونەرى هەبون ل پەیمانگەهێ موزیک و شانوو و شێوەکار ئەم گەلەک نزیک بوین دگەلێک مە هەست پێ نەدکر کو ئەم بەشەکێ جوداینە
 0
*زوربەیا قوتابیان دگوت ژیانا بەشێن نافخو یا خوشەو گهورین دژیانامەدا پەیدا بون تە چاوا دەربازکر ؟
بەختیار فەتاح : راستى ژیانا بەشێن نافخو ئەز دانم خوشترین و باشترین بیرهاتن بوخو چونکى ئەو هەڤالینى برایینیا دناڤبەرا مەدا و ئەو شەڤبێرى یێن ستران گوتنێ و ئاهەنگێن سەر سالا و هزار بیرهاتنێن خوش و دەمێ مە خوارن چێدکر و ئامان دشیشتن ئەو هەستەکا دى بو مروڤى هەست ب هەبون و  شیان و کەساتیا خو دکر
0
* هەلبەت ژیەکێ تژى بیرهاتن و خوشى بویە دگەل هەڤالان هەو چاوا ئەو روژ یان شەڤ تژى گرنژین دکرن؟
بەختیار فەتاح : بو من بارا پتر گرنژین و خوشى و دەر کەتن ب شەڤ بوو 0


نێره‌ر :: دیدارو بەرهەڤکرن : رەڤەند گوهەرزى ( ئەم پۆستە ئەلیکترۆنیە لەلایەن ئامێرئ سپامەوەیە. جاڤاسکریپت دەبێت چلاک بکەی بۆ بینینی, you need JavaScript enabled to view it )

تێبینى : ئەڤ دیدارە دگوڤارا سیلاڤدا یا ژمارە (53) هاتیە بەلاڤکرى