( ئه‌حمه‌د مه‌حمود )) ی سه‌رۆکی یه‌کێتی کاراتی هه‌ولێر تایبه‌ت به‌ کوردژین ده‌دوێت
سێ شەممە, 02 تشرینی دووەم 2010 17:57

یه‌وکێک له‌ یاریه‌ وه‌رزشیه‌کان که‌ له‌ ئاستی جیهان ناوبانگێکی باشی هه‌یه‌ و زۆربه‌ی خه‌لک رووی تێده‌که‌ن و هه‌وادارانی زۆرن له‌ کوردستانیش  بایه‌خێکی زۆری پێده‌درێت و هه‌واداران و یاریکه‌رانی ئه‌م یاریه‌ وه‌رزشیه‌ هه‌رده‌م له‌ خۆشبه‌ختی ده‌بن به‌ ئه‌نجام دانی ئه‌م جۆره‌ وه‌رزشه‌ بۆ ئه‌م مه‌به‌سته‌ به‌ پێویستمان زانی که‌ سه‌ردانێکی به‌رێز (( ئه‌حمه‌د مه‌حمود )) ی سه‌رۆکی یه‌کێتی کاراتی هه‌ولێر سازبده‌ین سه‌باره‌ت به‌م جۆره‌ یارییه‌


دیمانە : ڕێگا شیاو

هەولێر


کوردژین:ئایا پالەوانیەتی کاراتێ لەسەر ئاستی هەولێر تا چەند سەرکەوتو بوو کە لە 22/10/2010لە هۆلی ئەکادیمیا بەڕێوە چوو ؟


  ئەحمەد محمد: وەکو خۆتان دەزانن ئەو پاڵەوانیەتیەی کە لەهەولێر سازمان کرد پێنج یانە بەشدار بوون و زیاتر لە 65  یاریزانی شاری هەولێر بەشداریان تێدا کرد  ئەوە خۆی لە خۆیدا سەرکەوتنێکی گەورەیە، وەهەروەها لایەنی پەیوەندی داریش کە باسیان کردووە دەست خۆشیان لێ کردین , وە هەروەها هیچ کێشەیەکی کارگێریش نەبوو بۆیە بە شێوەیەکی گشتی دەتوانم بڵێم سەرکەوتو بوو.


کوردژین : ئەی ئەو پالەوانیەتیەی کە لە شاری سلێمانی له‌ رۆژانی 27 و 28 /10/2010  بەڕێوە چوو ؟


ئه‌حمه‌د محمد:ئەو پالەوانیەتیەی کە لە شاری سلێمانی بەڕێوە چوو کە لەسەر ئاستی کوردستان بوو،ئێمە وەکو یەکێتی کاراتێی هەولێ گلەییەکی زۆرمان لێیان هەیە وە یانەیەکیشمان لە کاتی پالەوانیەتیەکە کێشایەوە چونکە چەندین کێشەی ناوبژیوانی دروست بوو لە کاتی بەڕێوە چوونی پاڵه‌وانیه‌تیه‌كه‌.


کوردژین : هیچ بەرەو پێشچوونێک دەبینی لە نێوان ئەو پاڵەوانیەتیەو پاڵەوانیەتیەکانی کە لە ساڵانی رابردوو ئەنجام دەدران ؟


ئه‌حمه‌د محمد:به‌ڵێ به‌ دڵنیاییه‌وه‌ به‌ره‌و پێشچوون هه‌بووه‌ ، به‌ڵام به‌ شێوه‌ یه‌كی سه‌ره‌كی ته‌نها له‌ ڕووی ته‌كنیكیه‌وه‌ به‌ره‌و پێش چووینه‌، به‌ڵام كه‌م و كوڕیش هه‌یه‌ به‌ڕاستی به‌ داخه‌وه‌ ئه‌و قسه‌یه‌ ده‌كه‌م یاریه‌ تاكه‌كان

نه‌ك هه‌ر یاری كاراتێ به‌ڵكو به‌ گشتی بایه‌خیان پێ نه‌دراوه‌.


کوردژین: ئاستی ناو بژیوانانی هەرێم لەگەڵ عیراق و وڵاتانی دەوروبەر چۆن دەبینی؟


ئەحمەد محمد: لەهەرێم بەنسبەت ناو بژیوانانەوە ناوبژیوانی سەرکەوتوومان هەیە> بەڵام ئەوانیش وەکو ئاماژەم پێدا وەک یاریە تاکەکان   گیر و گرفتیان هەیە

چونکە هیچ گرنگیەکیان پێ نادرێت ئێمە وەکو یەکێتی کاراتێ ناوبژیوانی زۆر سەرکەوتومان هەیە کە لە پاڵەوانیەتیە جیهانیەکان بەشداری دەکەن وەکو مامۆستا شاخەوان ، مامۆستا مەحمود ،مامۆستا بارزان کە ئێستا سەرۆکی ناوبژیوانانی عیراقە.


کوردژین: هیچ‏هەماهەنگیەک هەیە لە نێوان یەکێتی کاراتێی هەولێر و بەغداد؟


محمد احمد:ناتوانم بڵێم هەماهەنگی نییە بەڵام بەشێوەیەکی زۆر کەم ، لە هەڵبژاردنی رابردوو ئێمە وەکو هەرێمی کوردستان لە هەڵبژاردنەکە کشاینەوە چونکە لەسەر چەند خاڵێک ڕێک نەکەوتین،ئەو دەست لەکار کێشانەوەیەش لەسەر یاری کاراتێ بوو و زەرەرەکەش هەر بەر یاری کاراتێ کەوت ، چونکە هیچ ئەندامێکمان نییە لە یەکێتی کاراتێێ عیراق و ئۆڵۆمپی عیراق .


کوردژین: ئەو گیر و گرفتانە چین کە تووشی ئێوە دێن لە پاڵەوانیەتیەکان؟


محمد احمد:ئێمە وەکو یەکێتی کاراتێی هەولێر کە دەمانەوێت پاڵەوانیەتیەک بکەینەوە کێشەی هەرە گەورەمان نەبوونی هۆڵێکی داخراوە ، ئەویش بەهۆی یاریەکانی تر وەکو یاری تۆپی دەست و تۆپی سەبەتە و یاریەکانی تریش ، زۆرجار هەبووە پارەمان داوەتە یانەیەک بۆ ئەوەی تەنها پاڵەوانیەتیەک بەڕێوە ببەین،

لە رووی ئەو گیرو گرفتانەی لە پاڵەوانیەتیە کانی کوردستانیش توشمان دەبێت ، زیاتر لە رووی ناو بژیوانیەوەیە، پێویستە لەسەر ناو بژیوانان گرنگی بە یاساکان بدەن چونکە زۆر ناو بژیوان هەیە لەسەر میزاجی خۆی یاریزان بە دۆراو یان براوە لە قەڵەم دەدات، ئەگینا بروا ناکەم هیچ کێشەیەکی ترمان هەبێت