پێویستی مرۆڤ بۆ وردبونه‌وه‌و لێپرسینه‌وه‌ی خود گرنگیه‌کی زۆری هه‌یه‌ له‌سێ لایه‌نه‌وه‌ :ـ

لایه‌نی یه‌که‌م: (پێداچونه‌وه‌ی هزر) \\ مرۆڤ پێداچونه‌وه‌یه‌ک به‌هزرو بیروراکانیدا بکاته‌وه‌ و پرسیار له‌ئه‌ندازه‌ی ڕاستی و چاکه‌ بکات تیایدا ، ئه‌گه‌ر سه‌رجه‌م مرۆڤه‌کان پێداچونه‌وه‌ی هزر و په‌یوه‌سته‌کانی خۆیان بکردایه‌ته‌وه‌ له‌وانه‌یه‌ بیان توانیایه‌ که‌ گۆڕانکاری له‌ هه‌ڵه‌کانیاندا بکه‌ن و پێشکه‌وتنی تێدا بکه‌ن ، که‌چی زمانحاڵی زۆربه‌ی که‌سه‌کان (سوره‌تی الزخرف ئایه‌تی ) واته‌ : (به‌ڕاستی ئێمه‌ باو باپیرانی خۆمان له‌سه‌ر ئینیک و به‌رنا،مه‌یه‌کی ئاوا دیوه‌ بێگومان ئێمه‌ش به‌شوێن ڕیبازی ئه‌واندا هه‌نگاو هه‌ڵده‌گرین و ڕێنموونیمان وه‌رگرتووه‌ ) با مرۆڤ ئازاد بێت له‌گه‌ڵ ده‌روونی خویدا با له‌ناخی دا به‌هێز بێت ، کاتێک که‌زانی له‌سه‌ر هه‌ڵه‌یه‌ ، با دوو دڵ وڕاڕا نه‌بێت له‌ گۆڕانکاری و چاکسازی .

لایه‌نی دووه‌م : (پێداچوونه‌وه‌ی ده‌روون ) \\ مرۆڤ پێداچوونه‌وه‌یه‌ك بۆ سیفه‌ته‌ ده‌روونیه‌کانی بکاته‌وه‌ که‌ که‌سایه‌تی له‌سه‌ر بنیات ناوه‌ ، ئایا ئازایه‌ یان ترسنۆک ؟ به‌هێزا یان ڕاڕا؟ ڕاستگۆیه‌ یان درۆزن ؟ سه‌ریحه‌ یان مینگاوی؟ ته‌مبه‌ڵه‌ یان چالاک؟ ....هتد با مرۆڤ به‌و پرسیارانه‌ لایه‌نی ده‌روونی ئاشنا بکات وه‌ك: چی بکه‌م ئه‌گه‌ر هه‌ژارێک هاته‌ ده‌رگام و داوای یارمه‌تی لیکردم ؟ چی ده‌که‌م ئه‌گه‌ر منداڵه‌کان یاری به‌ که‌ل وپه‌لی ماڵه‌که‌م بکه‌ن ؟ چی ده‌که‌م ئه‌گه‌ر  ڕووداویکی هاتوچۆ له‌به‌رده‌مم ڕویدا؟  وه‌ڵامدانه‌وه‌م جۆن ده‌بێت ئه‌گه‌ر له‌ شوێنێکی گشتیدا هه‌ڵسوکه‌وتیکی ناشرینم به‌رامبه‌ر کرا؟ چۆن بڕیار ده‌ده‌م ئه‌گه‌ر به‌رژه‌وه‌نده‌یه‌کی تایبه‌تیم له‌گه‌ڵ بنه‌ما و به‌رژه‌وه‌ندی یه‌ گشتیه‌کاندا تێکگیرا؟

کاتیک گرنگی ئه‌م پرسیارانه‌ ده‌رده‌که‌وێت که‌ مرۆڤ دوای ئه‌وه‌ی که‌م کوڕی هه‌ڵه‌کانی خۆی بۆ ده‌رکه‌وت بڕیاری چاکسازی بدات و کاربکات بۆ بره‌ودان به‌ده‌روونی و هه‌نگاوی پیبنێت بۆ پێشه‌وه‌.

لایه‌نی سێیه‌م :( پێداچونه‌وه‌ی کۆمه‌ڵایه‌تی و ڕه‌وشتی) \\ مرۆڤپێداچونه‌وه‌ بکات له‌ره‌وشت و هه‌ڵسوکه‌وتی له‌گه‌ڵ که‌سانی تردا ده‌س پیبکا به‌ خیزانی و منداڵه‌کانی ، کۆتای پیبینێت به‌ خزمه‌تکارو کرێکاره‌ه‌کانی ، تێبپه‌ڕیت به‌ نیو خزم و دۆسته‌کانی و خه‌ڵکی به‌گستی که‌سانێک که‌ ماماڵه‌یان له‌گه‌ڵ ده‌کات  یان په‌یوه‌ندی پێیانه‌وه‌ هه‌یه‌.

وه‌ مانگی ڕه‌مه‌زان بۆنه‌یه‌کی گرنگه‌ بۆ ئه‌ندامدانی ئه‌رکه‌ کۆمه‌ڵایه‌تیه‌کان بۆ چاره‌سه‌رکردنی کێشه‌ کۆمه‌ڵایه‌تییه‌کان ، له‌م لایه‌نه‌وه‌ جه‌ندین گێڕانه‌وه‌ هاتووه‌ ، یه‌کێک له‌گێڕانه‌وه‌کان ده‌ڵێت : لێخۆشبوونی خوای گه‌وره‌ له‌ مرۆڤێک ده‌وه‌ستێت هه‌تاوه‌کو ناکۆکی و دورکه‌وتنه‌وه‌ی نیوان خۆی و که‌سه‌کانی تر کۆتایی پێدێنێت ، ئه‌گه‌ر بێت و که‌سه‌کانی به‌رامبه‌ریشی هه‌ڵه‌بن ئه‌گه‌ر یه‌کێکیان سته‌مکارو ئه‌وی تریشیان سته‌ملێکراو بێت ، ئه‌وه‌ هه‌ردوو لایان تاوانی دورکه‌وتنه‌وه‌و دوبه‌ره‌کی یه‌که‌ له‌ئه‌ستۆ ده‌گرن . سته‌ملێکراو ده‌توانی ته‌نازول بۆ براکه‌ی بکات و کۆتایی به‌ناکۆکیه‌که‌ بێنێت

به‌ڕاستی ئیسلام بانگه‌وازێکی ڕوون و ئاشکرایه‌ بۆ چاکسازی و کۆمه‌ڵایه‌تی ، ئه‌نجامێکی زۆر گه‌وره‌ی ده‌بێت ئه‌گه‌ر له‌م مانگه‌ پیرۆزه‌دا به‌رپا بکرێت ، ئای بۆگه‌وره‌ی پاداشتی ئه‌و که‌سه‌ی که‌ کۆتای به‌ناکۆکی دێنیت له‌م مانگه‌دا ، ئاشتونه‌وه‌ ده‌کرێت له‌مانگی قورئاندا ، له‌پێناوی گه‌یشتن به‌ لێخۆشبوونی په‌روه‌ردگار به‌دڵنیایه‌وه‌  لێره‌دا ئاده‌میزاد پێویستی به‌دڵێکی پاکی بێگه‌رد هه‌یه‌  نیه‌تێکی ڕاستگۆی چاک

له‌لایه‌کی تره‌وه‌ هه‌ندێک ره‌وشت و هه‌ڵسوکه‌وتی هه‌ڵه‌ ده‌ست ده‌گرێت به‌سه‌ر مرۆڤدا ، هه‌رچه‌ندێک ئه‌م ڕه‌وشتانه‌ له‌قوڵای ده‌روندا بن په‌یوه‌ست بێت پێوه‌ی ، ئه‌وه‌ ئیرداو ویست به‌هیزتره‌ له‌ڕه‌وشت .

ئا\ شازاده‌ شه‌نێ ... سه‌رپه‌رشتیاری یانه‌ی کوردژین

تایبه‌ت به‌ کوردژین