ڕاست فه‌رمویانه‌ به‌ردى زل نیشانه‌ى نه‌هاویشتنه‌ به‌لاَم به‌ردى بچوك سه‌ر ده‌شكیَنیَ و ئامانج ده‌پیَكىَ ، جا پیَم باشه‌ به‌رده‌ بچوكه‌كان پیشانى ڕیَگرانى كه‌رتى تایبه‌ت بده‌ین و ئه‌وبه‌ڕه‌یه‌ى ژیَر پیَیان ڕامالَین ، تا خه‌مخۆرانى كه‌رتى تایبه‌ت و نیشتیمان په‌روه‌ران له‌و به‌ڕه‌یه‌وه‌ ڕیَره‌و بگرن و بیكه‌نه‌ ڕیَچكه‌ى هه‌ولَدان و بلَندگۆیه‌كى بویَرانه‌، بۆ داكۆكى كردن له‌مافى به‌رهه‌م هیَنه‌ران وكه‌رتى تایبه‌ت و بوژاندنه‌وه‌ى ژیَر خانى ئابورى ئه‌م كوردوستانه‌ ، نه‌ك ویَران كردنى ، ئه‌و ده‌مه‌ ڕه‌نگه‌ پیَویستیمان به‌به‌ردى گه‌وره‌ نه‌بآ چونكه‌ به‌دوورى نازانم بچووكه‌كان گه‌وره‌ كانیشیان به‌ دوڕیانیَكى هه‌لَه‌دا بردبآ ، گه‌ر نا ئه‌و ده‌مه‌ به‌هه‌موان به‌رده‌گه‌وره‌كان هه‌لَده‌گرین بۆ گه‌وره‌كان و ده‌لَیَین ( ئاو ده‌زانىَ په‌نیرى مه‌لا كىَ خواردوویه‌تى) ده‌با هه‌مومان په‌رده‌ له‌سه‌ر حه‌قیقه‌ت هه‌لَده‌ینه‌وه‌ و باچیتر چه‌واشه‌كردن به‌سه‌رمانا گوزه‌ر نه‌كات، با هه‌نگاوه‌كانمان ته‌نها مانشیَت نه‌بیَت و به‌چاوى به‌زه‌ییه‌وه‌ بڕِوانینه‌ ئابورى ئه‌م هه‌ریَمه‌ با (به‌رگى مه‌ڕ نه‌پۆشین و دانمان دانى گورگ بىَ ) ده‌با بزانین بۆردى پشتیوانى كه‌ده‌یه‌ویَت ده‌نگه‌ تۆراوه‌كانى تاكى كوردى جاریكى تر بخاته‌وه‌ باوه‌شى حكومه‌ت ، هیچى پىَ ده‌كرىَ !! بآ گومان هه‌مو یه‌كیَتى و سه‌ندیكایه‌ك ده‌بآ رۆلََیَكى ئه‌كتیڤانه‌ى هه‌بآ له‌داكۆكى كردن له‌ماف و به‌رژه‌وه‌ندى ئه‌و كه‌س و لایانانه‌ى كه‌نویَنه‌رایه‌تیان ده‌كا ، ئه‌وه‌ى من مه‌به‌ستمه‌ ( یه‌كیَتى پیشه‌سازییه‌كانى كوردستان) ه‌ كه‌ده‌وریَكى گرنگى هه‌یه‌ بۆ به‌ره‌و پیَش چونى كه‌رتى تایبه‌ت و بوژاندنه‌وه‌ى ژیَرخانى ئابورى ، گه‌ر كاراو چالاك بیَت ،یه‌كیَتى ناوبراو له‌ 27/9/2001 دامه‌زراو له‌ 1/11/2001 له‌ ژوورى بازرگانى جیا بوه‌ وه‌و سه‌ربه‌خۆیى كارگیَریى و دارایى خۆى وه‌رگرت ، یه‌كیَتى ناوبراو ڕیَكخراویَكى پیشه‌یى ئابوریه‌ خاوه‌ن كه‌سیَتى ( معنوى ) یه‌و سه‌ربه‌خۆیى دارایى و كارگیَرى خۆى هه‌یه‌ له‌لایه‌ن سه‌رۆكى یه‌كیَتی یه‌وه‌ سه‌رپه‌رشتى ده‌كریَت ، پیش سالَىَ هه‌لَوه‌شایه‌وه‌و گه‌رایه‌وه‌ بۆ نیَو ژوورى بازرگانى ، له‌ رۆژى دامه‌زراندنیه‌وه‌ تا تیَكه‌لا بونه‌وه‌ى له‌گه‌لا ژوورى بازرگانى و تا ئه‌مرۆش ئه‌كتیف نه‌بووه‌و سست و لاواز بآ ده‌ست له‌ئاست ئه‌ركه‌كانیا وه‌ستاوه‌ و وه‌بوارى كه‌سى تریشیان نه‌داوه‌ له‌و بواره‌دا كار بكات ، وه‌هیچ هه‌لَویَستیَكیان نه‌بووه‌ ،ئه‌مه‌ بیَجگه‌له‌وه‌ى له‌بناغه‌وه‌ یاسایى نه‌بون و كه‌س ده‌نگى پىَ نه‌داون . من وه‌ك خۆم له‌چه‌ند رۆژنامه‌و گۆڤارو راگه‌یاندنه‌ بینراو بیستراوه‌كاناو مالَپه‌ره‌ كوردیه‌كاندا باسم له‌كارو ناچالاكى یه‌كیَتى ناوبراو كردووه‌ چه‌نده‌ها گرفت و كه‌مته‌رخه‌مى ئه‌وانم به‌داتاوبه‌لَگه‌وه‌ خستۆته‌ ڕوو به‌ئاشكراو راشكاوانه‌ هۆكارى دواكه‌وتنى كه‌رتى تایبه‌ت و به‌رهه‌مى ناوخۆم خستۆته‌ ئه‌ستۆیان ، به‌لام ئه‌وان هه‌ر بىَ وه‌لام بوون . ، ئه‌مه‌ بیَجگه‌ له‌و هه‌موو نوسین و بۆچون و گازندانه‌ى رۆژانه‌ له‌ رۆژنامه‌و گۆڤاره‌كاندا بلاو ده‌كریَنه‌وه‌ ،به‌لام تا ئیَستا به‌فه‌رمى وه‌لامى هیچیان نه‌داوه‌ته‌وه‌ گه‌رئیَستا هه‌لَویَستىَ وه‌ربگرن و بیانه‌وآ وه‌لام بده‌نه‌وه‌ ، خویَنه‌رو خه‌لَكى رۆشنبیر ده‌لَیَن ( له‌ئاش زۆریان پیَچوه‌ له‌ ریَگا په‌له‌ په‌لیانه‌ ) یه‌كیَتى ناوبراو په‌یڕه‌وى سیاسه‌تیَكى تریشیان كردوه‌ سیاسه‌تى رازى كردنى هه‌موان : ئه‌وان له‌لاى ئیَمه‌ى خاوه‌ن كارگه‌كان و كه‌رتى تایبه‌ت هه‌میشه‌ گوزارش له‌وه‌ ده‌كه‌ن كه‌ حكومه‌ت هاوكاریان ناكاو به‌ده‌م داخوازیه‌كانیانه‌وه‌ ناچآ وه‌ هه‌مو كه‌موو كورتیه‌كان ده‌خه‌نه‌ ئه‌ستۆى حكومه‌ت ، به‌لام لاى به‌رپرسانیش ته‌نها په‌یره‌وى سیاسه‌تى مجامه‌له‌و رازى بوون ده‌كه‌ن ،واته‌ كورد واته‌نى ( به‌كه‌رویَشك ده‌لَیَن راكه‌ ، به‌تانجیش ده‌لَیَن بیگره‌ ) ده‌با بزانین گه‌ر بۆردى پشتیوانى به‌تایبه‌ت به‌شى بازرگانى له‌و بۆرده‌دا هیچیان نه‌كرد !!!! ببورن هیچیان ده‌سه‌لاَت نه‌بو !!!!! بمان به‌خشن كه‌س گویَى لىَ نه‌گرتن !!!! گله‌یى له‌كه‌س ناكه‌ین و ناحه‌قیشمان مه‌گرن گه‌ر هه‌مو به‌یه‌ك ده‌نگ له‌م مانگى ره‌مه‌زانى پیرۆزه‌دا بلَیَین (خوا ڕه‌حم به‌حكومه‌تى پیریمان بكات) و ( فاتیحایه‌ك بخویَنین بۆ ئه‌و بۆرده‌) كه‌ جیَگاى باورڕو دواهیواى خه‌لَكى ئه‌م شاره‌ سته‌م دیده‌یه‌بوو .

نێره‌ر // ( كارزان كۆیى )

خاوه‌نى زه‌یتونى ئاوا

ئەم پۆستە ئەلیکترۆنیە لەلایەن ئامێرئ سپامەوەیە. جاڤاسکریپت دەبێت چلاک بکەی بۆ بینینی, you need JavaScript enabled to view it