ئایا ئه‌زانن بیرکردنه‌وه‌ی ئێمه‌ له‌سه‌ر بنه‌مای ئه‌و ویسته‌ دروست ده‌بێت که‌ له‌زه‌ینماندا وێنه‌یان ده‌که‌ین و وشه‌کان هیچ ده‌ورێکیان تێیدا نییه‌ ؟ بۆنمونه‌ کاتێک ده‌ڵێین (گوڵی سور) پیته‌کانی به‌زه‌ینتدا نایه‌ت ، به‌ڵکو وێنه‌ی گوڵێکی سوور له‌زه‌ینتدا دروست ده‌بێت، گه‌وره‌ترین خزمه‌تێک که‌ ده‌رونناسان له‌م سه‌ده‌یه‌دا پێشکه‌ش به‌ مرۆڤایه‌تیان کردووه‌ دۆزینه‌وه‌ی ئه‌م ڕاستیه‌یه‌ که‌ وێنه‌ی زه‌ین وه‌ک ئه‌زمونێک ده‌درێ به‌ مێشک . کاتێک تۆ له‌ زه‌ینتدا وێنه‌یه‌ک دێنیته‌ پێش چاوی خۆت نه‌ست وای داده‌نێیت که‌ وه‌دیهاتووه‌و وه‌ک ئه‌زمونێک مامه‌له‌ی له‌گه‌ڵدا ده‌کات که‌ پێشتر تاقیکراوه‌ته‌وه‌. سه‌رکه‌وتن ، ته‌ندروستی و به‌گشتی ته‌واوی تواناکانت په‌یوه‌سته‌ به‌وه‌ی چۆن ده‌ڕوانیته‌ خۆت (له‌زه‌ینتدا چۆن خۆت ده‌بینیت). زۆربه‌ی خه‌ڵک به‌هۆی ڕه‌وشێکی ناله‌بار که‌تیایدا په‌روه‌رده‌ بوون ، له‌ زه‌ینیاندا به‌شێوه‌یه‌کی لاواز و بێتوانا ده‌ڕواننه‌ خۆیان، وتنی چه‌ندین ده‌سته‌واژه‌ی وه‌ک :
من توڕه‌م
شه‌رمنم
له‌بیرکاریدا باشنیم
چێشت و نانم جوان نییه‌
هه‌موویان پیشانده‌ری ئه‌وه‌ن که‌ ئه‌وکه‌سه‌ له‌زه‌نیدا به‌شێوه‌یه‌کی سنوردار ده‌روانێته‌ بازنه‌ی کارو چالاکییه‌کانی ، ئه‌وه‌ت له‌بیر بێ که‌خۆت له‌به‌رامبه‌ر بیرو ڕاکانتدا به‌رپرسیاری، که‌واته‌ ئه‌گه‌ر له‌وه‌ دڵنیایت ئه‌و قسانه‌ی له‌سه‌رده‌می منداڵیتدا به‌ تۆیان وتووه‌ ناڕه‌واو خراپن ناچارنیت چیتر قبوڵی بکه‌ی. ئه‌و بڕواو فێربونه‌ ناڕاسته‌ له‌زه‌ینتدا بسڕه‌وه‌ بۆئه‌وه‌ی زه‌ینت ئاماده‌بێ بۆ وه‌رگرتنی ڕاستییه‌ تازه‌کان.

کتێبی
ئا\\ شازاده‌ شه‌نێ ... تایبه‌ت به‌ کوردژین