ئایا تۆكه‌سێكى زۆر هه‌ستیاریت؟ ده‌توانیت راستى خۆت بزانیت به‌ راست وه‌لآمدانه‌وه‌ى ئه‌م پرسیارانه‌ى خواره‌وه‌:
1- چى له‌مانه‌ى خواره‌وه‌ بۆچوونى تۆن سه‌باره‌ت به‌ رِۆژى خۆشه‌ویستى:
( ا ) رِۆژێكى ئاساییه‌ كه‌ عاشقان دیارى ئاڵوگۆرِده‌كه‌ن.(ب) رِۆژێكى رِۆمانسییه‌، كه‌تیایدا كه‌سانێك گوڵى خۆشه‌ویستى ده‌كرِن، كه‌سانێكى دى بازرگانى به‌گوڵه‌وه‌ ده‌كه‌ن.(ج) رِۆژێكه‌ كه‌تیایدا ده‌توانیت دیارى خۆشه‌ویسته‌كه‌ت بكه‌یت.

2- كام له‌م میوزیكانه‌ى خواره‌وه‌ت به‌دڵه‌:
( ا ) هه‌رچى بێت، ته‌نها هاوچه‌رخ بێت.(ب) مۆسیقایه‌كى رِۆمانسى.(ج) هه‌رچییه‌ك بێت به‌مه‌رجێك مۆسیقایه‌كى هاتوهۆریا بێت.

3- ئه‌گه‌ر ناكۆكى كه‌وته‌ نێوان خۆت و هاوسه‌ره‌كه‌ته‌وه‌، ئایا دیاریه‌كى بۆده‌سێنیت بۆ ئاشتكردنه‌وه‌ى:
( ا ) پێده‌چێت.(ب) به‌ڵێ‌.(ج) نه‌خێر.

4- ئه‌گه‌ر هاورِێى كاره‌كه‌ت ته‌نها هه‌لێكى له‌پێشدا مابوو بۆده‌ركردن، به‌هۆى سه‌ركه‌شى خۆیه‌وه‌، ئایا تۆ هه‌ڵه‌ى داهاتووى ده‌گریته‌ ئه‌ستۆ، تاكو له‌كاره‌كه‌ى دوورنه‌خرێته‌وه‌:
( ا ) به‌ڵێ‌.(ب) نه‌خێر.(ج) له‌كه‌سێكه‌وه‌ بۆ كه‌سێكى دیكه‌ ده‌یگۆرِێت.

5- ئایا به‌زه‌یت دێته‌وه‌ به‌ سواڵكه‌راندا؟
( ا ) به‌ڵێ‌.(ب) به‌ڵێ‌ هه‌ندێجار خێریشیان پێده‌كه‌م.(ج) نه‌خێر.

6- ئه‌گه‌ر سه‌گێك یان پشیله‌یه‌كى وێڵت دۆزییه‌وه‌ ئایا به‌خێوى ده‌كه‌یت؟
( ا ) پێده‌چێت.(ب) به‌ڵێ‌.(ج) نه‌خێر.

7- تۆ كه‌سێكى سه‌رقاڵى به‌كاره‌كه‌ته‌وه‌، له‌ ئێستادا ئه‌ركێكى زۆرت پێ سپێردراوه‌، هاوه‌ده‌م له‌گه‌ڵ ئه‌مه‌دا كێشه‌ى ناو ماڵت هه‌یه‌، ئایا مۆڵه‌ت وه‌رده‌گرێ تاكو كێشه‌كانى ناوماڵت چاره‌سه‌ربكه‌ى؟
( ا ) به‌ڵێ‌ به‌لآم ئاسوده‌ نابم ودڵم له‌لاى كاره‌كه‌م ده‌بێ‌.(ب) به‌ڵێ‌.(ج) نه‌خێر.

8- ئایا گفتوگۆ له‌گه‌ڵ هاوسه‌ره‌كه‌تدا ده‌كه‌یت له‌باره‌ى ئه‌و خووانه‌ى بێزارت ده‌كات؟
( ا ) هه‌ندێ‌ جار.(ب) هه‌رگیز نا.(ج) زۆر جار.

9- تكتێكت برِیوه‌ بۆ ئاماده‌بونى كۆنسێرتى ئه‌و هونه‌رمه‌نده‌ى ده‌مێكه‌ ئاواته‌خوازى بچیته‌ ئاهه‌نگه‌كه‌یه‌وه‌ وله‌ نزیكه‌وه‌ بیبینى، پاشان هاورِێیه‌كت داوات لێ‌ ده‌كات یارمه‌تى بده‌ى له‌ پرۆژه‌یه‌كى خۆتدا وهیچ كه‌سێكى نیه‌ تۆ نه‌بێ‌ په‌نات پێببات، چى ده‌كه‌یت؟
( ا ) به‌هاورِێكه‌ت ده‌ڵێى ئه‌گه‌ر زۆر پێویسته‌ یارمه‌تى ده‌ده‌یت ، هه‌روه‌ها ئاگادارى ده‌كه‌یت له‌ پلانه‌كه‌ت بۆ ئاماده‌بونت له‌ كۆنسێرتى ئه‌و هونه‌رمه‌نده‌.(ب) یارمه‌تى ده‌ده‌یت وناچیت بۆ كۆنسێرته‌كه‌.(ج) ناتوانى هه‌لێكى له‌و جۆره‌ له‌ده‌ست ده‌یت ده‌چیت بۆ كۆنسێرتى ئه‌و هۆنه‌رمه‌نده‌.

10- ده‌بینیت هاوسه‌ره‌كه‌ت ماندو وسه‌رقاڵه‌، كاردانه‌وه‌ت چى ده‌بێ:
( ا ) ده‌ست به‌جێ‌ پرسیارى لێ‌ ناكه‌م، دواى رۆژێك تا دوو رۆژ ئه‌گه‌ر باش نه‌بوو، ده‌پرسم بۆچى ماندو وسه‌رقاڵه‌.(ب) ئاگادارى ده‌كه‌یت كه‌ له‌ خه‌مى ئه‌ودابویت، وده‌پرسیت كه‌ گوایه‌ ته‌ندروستى باشه‌ یان نا.(ج) هیچ ناڵێم، به‌و هیوایه‌ى خۆى باش بێت.

11- ئه‌گه‌ر له‌ پرِ بینیت كه‌سێك له‌ شه‌قامێكى قه‌ره‌باڵغدا كه‌وت به‌ زه‌ویدا، چى ده‌كه‌یت؟
( ا ) چاودێرى ده‌كه‌م تا دڵنیا ده‌بم دێته‌وه‌ سه‌رپێ‌ یان كه‌سێك یارمه‌تى ده‌دات.(ب) ده‌ست به‌جێ‌ ده‌چم یارمه‌تى ده‌ده‌م.(ج) هیچ ناكه‌م ته‌نیا هیواده‌خوازم سه‌لامه‌ت بێت.

12- ئایا نیگه‌ران ده‌بیت به‌رامبه‌ر به‌ به‌شخوراوان.
( ا ) هه‌ندێ‌ جار.(ب) زۆر جار.(ج) كت ومت نا.
13- ئایا له‌ ژیانتدا رِویداوه‌ نامه‌ى خۆشه‌ویستى بۆ كه‌سێك بنێریت؟
( ا ) هه‌ندێ‌ جار.(ب) زۆر جار.(ج) نه‌خێر.

14- پێتوایه‌ ئێواره‌خوانێكى رۆمانسى نمونه‌یى له‌گه‌ڵ هاوسه‌ره‌كه‌تدا ده‌بێ‌ چۆن بێت؟
( ا ) ژه‌مێ‌ خۆراكى به‌تام وپاشان بینینى فیلمێكى سۆزدارى.(ب) ژه‌مێ‌ خۆراكى به‌تام وشه‌وچه‌ره‌.(ج) ژه‌مێ‌ خۆراكى سوك وگه‌شتێك به‌نێو باخچه‌دا.

15- ئایا دیارى هاوسه‌ره‌كه‌ت ده‌كه‌یت؟
( ا ) به‌هه‌میشه‌یى نا به‌لآم رۆژى له‌ دایكبونیم له‌ بیرناچێ‌.(ب) به‌ڵێ‌ پێمخۆشه‌ كتوپرِ سه‌رسامیكه‌م به‌ دیارییه‌ك.(ج) به‌پێى پێویست نا.

16- نێگه‌ران ده‌بیت به‌و هێرشانه‌ى له‌ رۆژنامه‌كاندا به‌رامبه‌ر به‌ ناوداران ده‌كرێت؟
( ا ) هه‌ندێ‌ جار.(ب) زۆر جار.(ج) به‌ده‌گمه‌ن.

17- تاچه‌ند ئاسان ئه‌توانیت چاكه‌ رِه‌تكه‌یته‌وه‌؟
( ا ) كێشه‌یه‌كى ئه‌وتۆى تیا نابینمه‌وه‌.(ب) زه‌حمه‌ته‌.(ج) زه‌حمه‌ت نیه‌.

18- تاچ رِاده‌یه‌ك له‌گه‌ڵ هاورِێیانت قسه‌ له‌ باره‌ى ژیانى تایبه‌تى خێزانیت ده‌كه‌یت؟
( ا ) هه‌ندێ‌ جار.(ب) هه‌رگیز یان به‌ده‌گمه‌ن.(ج) زۆر جار.

19- ئه‌و كاتانه‌ى ته‌ماشاى فیلمێكى خه‌مناك ده‌كه‌یت، ده‌گریت؟
( ا ) به‌ده‌گمه‌ن.(ب) هه‌ندێ‌ جار.ج) نه‌خێر.

20- رێى تێده‌چێ‌ له‌خۆشیدا بۆ كه‌سێك بگریت؟
( ا ) زۆر به‌ده‌گمه‌ن.(ب) له‌ هه‌ندێ‌ بۆنه‌دا.ج) نه‌خێر.

21- پێتوایه‌ كام له‌مانه‌ى خواره‌وه‌ گرنگیه‌كى زیاترى هه‌یه‌ بۆ په‌یوه‌ندیه‌كى هاوسه‌رگیرى سه‌ركه‌وتوو؟
( ا ) ژیانێكى خێزانى باش.(ب) گرنگیدان وبه‌شداری پێكردن.(ج) ژیانێكى چالاك وپاڵنه‌ر.

23- كام له‌م كاردانه‌وانه‌ى خواره‌وه‌ت ده‌بێ‌ كاتێ‌ له‌ ته‌له‌فزێوندا كرده‌وه‌یه‌كى تیرۆرستى ده‌بینیت؟
( ا ) تورِه‌ده‌بم، به‌رامبه‌ر به‌و كه‌سانه‌ى كرده‌وه‌كه‌یان ئه‌نجام داوه‌.(ب) خه‌مى خاوه‌ن قوربانیه‌كان ده‌خۆم.(ج) سوپاسگوزار ده‌بم چونكه‌ له‌و رِوداوه‌دا نه‌بووم.

24- رِویداوه‌ فیلمێك ببینیت وكۆتاییه‌كى خۆشى هه‌بێت وبۆى بێته‌ گریان؟
( ا ) هه‌ندێ‌ جار.(ب) زۆر جار.(ج) هه‌رگیز
.
25- پێتوایه‌ دڵت رِێگه‌ بۆ ئه‌قڵت داده‌نێ‌، یان ئه‌قڵت رِێگه‌ بۆ دڵت داده‌نێ‌؟
( ا ) هه‌ردوكیان ته‌واوكه‌رى یه‌كترن.(ب) دڵم رِێگه‌ بۆ ئه‌قڵم داده‌نێ‌.(ج) ئه‌قڵم رِێگه‌ بۆ دڵم داده‌نێ‌.

خاڵه‌كان: بۆ هه‌مو وه‌لآمێكى (ب) دوو خاڵ بۆ خۆت تۆماركه‌، وبۆ هه‌مو وه‌لآمێكى ( ا ) یه‌ك خاڵ بۆ خۆت تۆماركه‌، سفریش بۆ هه‌مو وه‌لآمێكى (ج). پاشان خاڵه‌كانت كۆبكه‌ره‌وه‌.

یه‌كه‌م: ئه‌گه‌ر كۆى خاڵه‌كانت له‌ 40 تا 50 خاڵ بوو:
تۆ كه‌سێكى زۆر رۆمانسى وبه‌سۆزیت، له‌ رِاده‌ به‌ده‌ر كاریگه‌رى به‌ هه‌ستى خه‌ڵكانى تر. له‌ كاتى رِودانى هه‌ر رِوداوێكى دڵته‌زێندا هه‌ست به‌ تاوان ده‌كه‌یت كه‌ نه‌توانیوه‌ به‌ده‌م ئه‌و خه‌ڵكانه‌وه‌ بێیت، خه‌ڵك خۆشه‌ویستیه‌كى زۆرى هه‌یه‌ بۆت چونكه‌ به‌سۆزیت. خه‌سڵه‌ته‌ سه‌ره‌كیه‌كانى ئه‌م كه‌سایه‌تیه‌:
رۆمانسى، به‌سۆز، دڵ ناسك، نمونه‌یى.

دووه‌م: ئه‌گه‌ر كۆى خاڵه‌كانت له‌ 25 تا 39 خاڵ بوو:
هه‌رچه‌نده‌ كه‌ تۆ كه‌سێكى به‌سۆزیت وئازار به‌خه‌ڵكى ناگه‌یه‌نیت، به‌لآم پێویستیت به‌وه‌یه‌ هه‌ندێ‌ كۆت وبه‌ند بشكێنیت تاكو ئه‌و كه‌سایه‌تیه‌ت رِون بێته‌وه‌، توانیوته‌ خۆگربیت تا خواسته‌كانت به‌دى بێنیت هاوكات كه‌سایه‌تى خۆشت بپارێزیت.
خه‌سڵه‌ته‌ سه‌ره‌كیه‌كان:
خۆشه‌ویست، به‌سۆز، برِوا به‌خۆبون.

سێهه‌م: ئه‌گه‌ر كۆى خاڵه‌كانت له‌ 25 خاڵ كه‌متر بوو:
خاڵه‌كانت ئاماژه‌به‌وه‌ ئه‌ده‌ن كه‌ تۆ كه‌سێكى ووشك وخه‌مساردى، هاوكات ناتوانرێت به‌ كه‌سێكى رۆمانسى وبه‌سۆز ناوبنرێى، به‌لآم به‌هه‌رحاڵ ئه‌مه‌ رِێگه‌ ناگرێت له‌وه‌ى په‌یوه‌ندییه‌كى هاوسه‌رگیرى توكمه‌ بونیات بنێیت، هاورِێ ودۆسته‌كانت ئه‌م كه‌سایه‌تیه‌ى تۆیان پێ قبوڵه‌. تۆ رِه‌چاوى هه‌ستى خه‌ڵكى ده‌كه‌یت.
خه‌سڵه‌ته‌ سه‌ره‌كیه‌كان:
واقیع بین، هێمن، كه‌م قسه‌.

ئــــاماده‌کردنی::سورێن آکره‌م

تـــایبه‌ت به‌ کوردژین