1/ بۆ ئیشی بچووك قه‌ت تێمه‌كۆشه‌، گۆم هه‌تا قووڵ بێ بۆ مه‌له‌ خۆشه‌.

2/ ئه‌گه‌ر قسه‌ی حه‌ق له‌ من ده‌پرسی، تێر ئاگای نییه‌ هه‌رگیز له‌ برسی.

3/ به‌و كه‌سه‌ ده‌ڵێن عاقڵ و وشیار، دو جار له‌ جێیه‌ك پێوه‌ی نه‌دا مار.

4/ پیاو له‌كاتى گرفتارى عه‌شقدا، بير له‌هيچ شتێكى كه‌ ناكاته‌وه‌.

5/ چاكترين ئافره‌ت ئه‌و ئافره‌ته‌یه، ‌که‌ ڕۆلی هاوسه‌رو عاشقيش ده‌بينێت.

6/ ده‌وڵه‌مه‌ندی به‌دڵه‌ به‌ ماڵ نییه‌.

7/ گه‌وره‌یی به‌عه‌قڵه‌ به‌ ساڵ نییه‌.

8/ ئاغای گوندی رێی به‌ گاوانی گوندی ده‌كه‌وێ.

9/ بار به‌لاباران قه‌ت ناگاته‌ هه‌واران.

10/ ئیشی به‌پینه‌و په‌ڕۆ هه‌ر ده‌گاته‌ نیوه‌ڕۆ.

11/ جوێن مه‌ده‌ به‌باوكی سه‌گم ، جوێن نه‌ده‌م به‌ باوكی‌ به‌گت.

12/ ئه‌گه‌ر بته‌وێت له‌ناو سواران دیاربیت وڵاغت تێر جۆكه‌.

13/ ئاردی بده‌ ئاردبێژێ ، باهه‌ندێكیش بڕێژێ.

14/ ئه‌و كه‌سه‌ ژیره‌ ، پیری له‌ بیره‌.

15/ قسه‌ زۆر بكڕه‌ ، كه‌م بفرۆشه‌.

16/ دوژمنی دانا ، نه‌ك دۆستی نه‌زان.

17/ تاخۆت دۆست نه‌بی ، كه‌س نابێ به‌دۆست.

18/ چه‌پڵه‌ لێ نادرێ به‌ته‌نها یه‌ك ده‌ست.

19/ ئه‌وه‌ی له‌به‌رچاوانه‌ ، له‌به‌ر دڵانه‌.

20/ دڵ پیرنابێ ، چاوتێرنابێ.

21/ دوعا بۆ ئه‌و سفره‌یه‌ بكه‌ ، كه‌نانی لێ ئه‌خۆیی.

22/ ئه‌گه‌ر بووی به میر ، خوانه‌كه‌ی له‌ بیر.

23/ ئه‌ڵێن ته‌نگانه‌ خۆشی له‌دوایه‌.

24/ باوه‌ڕم وایه‌ فه‌رمووده‌ی خوایه‌.

25/ ئه‌وه‌ی به‌بڵندان بڕوانی ، به‌نه‌ویاندا ده‌كه‌وێ.

26/ ئارو به‌ بڕكییه‌وه‌ جوانه‌.

27/ ڕۆنی رژاو ده‌كاته‌ خێڕی باوكی.

28/ ته‌مه‌نێک به‌ دوای بیرو باوه‌ردا گه‌رام ، سه‌رانجام گه‌یشتمه‌ بێ باوه‌ریی.

29/ جیهان بۆ هه‌مو که‌س ته‌نها جارێکه‌، ڕێزی ئه‌و جاره‌ بزانه‌.

30/ مرۆڤی وشیار نه‌ مرۆڤایاتی له‌ ده‌ست ئه‌داو ،، نه‌ قسه‌ی خۆیی.

31/ پاراستنی ئارامی باشترین رێگه‌یه‌ ،بۆ له‌ ناو بردنی توڕه‌یی که‌سانی تر.

32/ سه‌ره‌تای هه‌وڵدان ئومێد و ئاره‌زووه،‌ کۆتاکه‌شی سه‌رکه‌وتن و ساده‌ییه‌.

33/ کاتێک بڕیاری کارێکت دا ، پێویسته‌ ده‌رگای گومان ببه‌ستیت.

34/ مرۆڤ کائینێکه‌ پێویسته‌ خۆی خۆی سه‌ربخات.

35/ هاورێی راسته‌قینه‌ی ئێوه‌ که‌سێکه‌ پێویستی به‌ هیچی ئێوه‌ نه‌بێت، له‌گه‌ڵ ئه‌وه‌شدا هاورێتانه‌.

36/ به‌ ته‌نها ژیان باشتره،‌ له‌ هاورێیه‌تی که‌سانێک مانای هاورێیه‌تی نه‌زانن.

37/ دڵنیا به‌ له‌ راستی و رێکی ئه‌و رێیه‌ی پێیدا ئه‌ڕۆی ، ته‌نها په‌له‌ کردن به‌س نیه‌.

38/ پێویسته‌ ئاستی خۆم بزانم،،به‌لێ له‌م دونیایه‌ شتێکم نه‌ک هه‌مو شت.

39/ ئه‌و که‌سه‌ که‌سه‌ ئه‌لفێکی به‌سه‌.

40/ دار کرمی له‌خۆی نه‌بێ ،ته‌مه‌نی هه‌زار ساڵه‌.

41/ گۆشتی ڕانی خۆت بخۆ منه‌تی قه‌ساب هه‌ڵمه‌گره‌.

42/ داربه‌رزکه‌ره‌وه‌ سه‌گی دز دیاره‌.

43/ ئه‌ونانه‌ نانه‌ ئه‌مڕۆ له‌خوانه‌.

44/ سه‌رکه‌وتن کۆمه‌ڵێك هه‌وڵی بچووکی رۆژانه‌یه‌.

45/ کتێبی به‌نرخ له‌ سه‌روه‌ت و سامان باشتره‌.

46/ ئه‌گه‌ر ده‌ست درێژ نه‌که‌یت ، ئاگردان ده‌ست ناسووتێنێت.

47/ سه‌بر تاڵه‌ به‌ڵام به‌رهه‌مه‌که‌ی شیرینه‌.

48/ خۆش باوه‌ڕ چاوێکی کوێره‌.

49/ کاری چاکه‌ هه‌رگیز ون نابێت.

50/ ئه‌قڵ ده‌توانێت پاره‌ دروست بکات به‌ڵام پاره‌ ناتوانێت ئه‌قڵ دروست بکات.