ئاهوهه‌ناسه‌کانم بۆ شاری دڵم سڵیمانی له‌ زمانی حه‌زره‌تی نا‌لی- یه‌وه‌!
پێنج شەممە, 11 ئازار 2010 10:16


له‌م شه‌رحی ده‌ردی غوربه‌ته‌، له‌م سۆزی هیجره‌ته
دڵ ره‌نگه‌ بێ به‌ ئاوو، به‌ چاوا بکا عبوور!
 
زه‌حمه‌ته‌ تاقه‌ هۆنراه‌وه‌یه‌ک جیا که‌یته‌وه‌و به‌ به‌رزترین هۆنراوه‌ی نه‌ته‌وه‌یه‌کی دابنێێ. به‌لام لای ره‌خنه‌گرانی شیعر هه‌وڵی وا هه‌یه‌و تا 10 هۆنراوه‌ وه‌ک به‌رزترینی هۆنراوه‌ میژووییه‌کانی ئه‌ده‌بی نه‌ته‌وه‌یه‌ک ده‌ستنیشان ده‌کرێن. لای من وه‌ک تاقه‌ هۆنراوه‌ له‌ رووی فۆرم و ناوه‌رۆك و دارشتن و کاریگه‌ریی زاتی و نه‌ته‌وه‌یی و وه‌ک بابه‌ت، نامه‌که‌ی نالی بۆ سالم به‌رزترین هۆنراوه‌ی مێژووییه‌ که‌ نه‌ هاوتای هه‌یه‌و نه‌ ده‌یبێ. نۆده‌میی (مۆدێرنیزمی)  ئه‌و هۆنراوه‌یه‌  به‌ جه‌شنێکه‌ ده‌ڵێی بۆ ئێستا نووسراوه‌و له‌گه‌ڵ رۆحمان ده‌دوێ، هه‌موو ستراکتوورو سنووره‌کانی  کلاسیزمی هه‌ڵته‌کاندووه‌و وه‌ک هۆنراوه‌یه‌کی رۆمانسی  نه‌ته‌وه‌یی به‌هێز له‌ فۆرمێکی کلاسیکیدا دارێژراوه‌ که‌ به‌ته‌واوه‌تی خۆی داوه‌ته‌ ده‌ست گه‌رم و گوڕی و به‌هێزیی هه‌ست و خرۆشه‌ زاتییه‌کان و گه‌شتی ده‌روونیی و  جوگرافیای خۆمالیی کوردستانیی  و هه‌ستی نه‌ته‌وه‌یی و بیره‌وه‌ری ئۆتۆبایۆگرافییه‌وه‌‌. له‌ رووی داڕشتن و ده‌ربرین و مۆسیقاو وێنه‌ی هونه‌رییشه‌وه‌ له‌ لوتکه‌ی داهێنان دایه‌.
 له‌ سه‌ری سالدا، بۆ پشوویه‌کی 10 رۆژی له‌ کراکۆ، له‌ پۆله‌ندا ته‌نیا دیوانی نالی –م له‌گه‌ل خۆم ‌برد. شه‌وه‌ ساردی به‌فرینییه‌کانی کراکۆ-م به‌ هه‌سته‌ گه‌رم و پیرۆزه‌کانی نالی ئاوه‌دان ده‌کرده‌وه‌. بۆ جه‌ند جار ئه‌م هۆنراوه‌یه‌م خوێنده‌وه‌و به‌ده‌م ورده‌ فرمێسکه‌وه‌ ده‌ستم کرد به‌ نووسینه‌وه‌ی به‌ په‌خشانی نوێ. ئێستاش  رێگای  پێشکه‌شی کچان و کوڕانی نه‌وه‌ی نوێی نه‌ته‌وه‌که‌می ده‌که‌م. له‌گه‌ل سووپاس و پێزاننینم بۆ هه‌وڵی نه‌ته‌وه‌یی مه‌زنی مامۆستای هه‌ره‌ گه‌وره‌ مه‌لا عه‌بولکه‌ریمی موده‌رریس و بنه‌ماڵه‌ رووناکبیرو به‌رێزه‌که‌ی که‌ ئه‌و به‌رهه‌مه‌ به‌رزانه‌یان بۆ ساغکردینه‌وه‌و پێمانیان ناساند.
 
(1)
قوربانی تۆزی رێگه‌تم ئه‌ی بای خۆشبه‌ز!
 ئه‌ی په‌یکی شاره‌زای هه‌موو ده‌رو دۆڵ و کۆچه‌و کۆڵان و کون و که‌لێنێکی شاری شاره‌زوور!
تۆ خاوه‌نی لوتفێکی نهێنی که‌ ئاره‌زوو ختوکه‌ ده‌داو هومێدی هاوده‌میی بوونت له‌ دلا ده‌ژێنێته‌وه‌.
سروه‌که‌ت مزگینی ئاماده‌بوونی هه‌مووده‌میی ده‌دا!
ئه‌ی هاوهه‌ستی ئه‌شکی گه‌رم و ته‌ڕی تۆفانئاسای ئه‌وینداران
ئه‌ی هاوئاهه‌نگی فرمێسکی گه‌رمی دڵداران، که‌ وه‌کو گڕه‌ی ته‌نوور له‌ دڵیانه‌وه‌ کڵپه‌ ده‌دا.
گاهێ ده‌بی به‌ شه‌ماڵێکی فێنک و باوه‌شێنی دڵ ده‌که‌ی
هه‌ندێ هه‌لیش ده‌بی به‌ ده‌مه‌ی ئاسنگه‌رو خولیای مه‌ییوی له‌خۆباییبوون له‌ خوێنا ده‌جۆشێنی.
گه‌ردی باکوورو گێژی باشوورو کزه‌ی ده‌بوور
هه‌موو نه‌ماوی ئاوڕێکی په‌سندخوازانه‌ی دڵی به‌ بۆنو به‌رامه‌ی خۆشخوازی تؤن
ده‌سا ئه‌ی بای خۆشبه‌ز!
گوێ بۆ سکالای ده‌روونم رادێره‌و په‌یامی دڵم رابگه‌یه‌نه‌!
(2)
خانه‌ی ئارام و سێبووریم سووتا و هه‌یوان و دیوارو داڵانی داڕمان و هیچی به‌ سه‌رهیچه‌وه‌ نه‌ما
له‌ گۆشه‌یه‌کی ته‌ریک به‌ولاوه‌، بۆ یادی ئازیزان، یان بۆ نزای سه‌برخوازیی، هیچی تێدا شک نابه‌م
گاهێ ئاه و هه‌ناسه‌ی سارد جڵه‌وی بوونم راده‌کێشێ
گاهێ ده‌بمه‌ هاورکێفی رۆندکی گه‌رم
ده‌سا ئه‌ی بای خۆشڕۆ،
ره‌حمێ به‌م ئاه و ئه‌شکه‌ بکه‌و بکه‌وه‌ خۆ!
وه‌ک هه‌ناسه‌م ده‌وان به‌ تا ده‌گه‌یه‌ (خاک و خۆڵ)ی به‌رده‌رگای یاره‌که‌م
وه‌ک فرمێسککم ره‌وان به‌ تا ده‌گه‌یته‌ سه‌ر ئاوی( شیوه‌سوور)!
(3)
که‌ گه‌یشتییه‌ ئه‌وێ. ماته‌ڵی مه‌که‌،
له‌وێ به‌و ئاوه‌ بێگه‌رده‌ پیرؤزه‌ ته‌پوتۆزی سه‌رزه‌مینیی له‌ سه‌روچاوو جه‌سته‌ی خۆت بشۆوه‌،
تا تۆی پاک و، ئه‌وی پاکیزه‌، به‌ ژووانی روحانی یه‌کدی شاد ده‌بنه‌وه‌
تۆ ئه‌وپه‌ڕی پاکی: به‌ڵام ئه‌و پاککه‌ره‌وه‌یه‌ له‌ هه‌ر جۆره‌ گه‌ردو تۆزێکی سه‌رزه‌مینیی
ده‌سا به‌ ژوانی پاکێتیی شادببنه‌وه‌ و ده‌سله‌ملانیی یه‌کدی بن!
هه‌ر که‌ شیوه‌سوورت به‌جێهێشت ده‌خیلت بم ئه‌ی بای خؤشبه‌ز
مه‌وه‌سته‌ تا ده‌گه‌یته‌ (سه‌رچنار)! دیاره‌‌ نا‌سینه‌وه‌ی ئاسانه‌:
ئاوێکه‌ پڕ له‌گوڵه‌هه‌نار و چنارو گوڵ و چنوور
کانیاوێکه‌ وه‌ک خۆر، له‌ سه‌د جێوه‌ رۆشناییه‌که‌ی سه‌ر ده‌رده‌کا
وه‌کو نووری ساف به‌سه‌ر به‌ردی بلوورین دا هه‌ڵده‌ڕژێ
ده‌ڵێی وێنه‌ی-له‌-ئاوێنه‌دا-نوێندراوی ئاسمانێکه
ئه‌ستێره‌کانی وه‌ک تیشکی نوور به‌سه‌ر زه‌میندا راکشا بن
یان ده‌ڵێی سه‌رچاوه‌ی ده‌روونی پڕ نووری (عاریف)انه‌‌
که‌ چاوگه‌ی رووناکییه‌که‌ی له‌ (کێوی توور)ه‌ وه‌ تاڤگه‌ ده‌کا!
ئاوڕێکیش له‌ (به‌کره‌جۆ) بده‌وه‌!
خۆ ده‌موت به‌کره‌جؤش چاوگه‌ی چاوی منه‌
گه‌ر چاوگه‌ی ئه‌شکم وه‌ک ئه‌و گه‌رم و تێرو سوێرو بێبه‌ر نه‌بایه‌!
ده‌خیلت بم ئه‌ی بای خؤشبه‌ز!
 تامه‌زرۆبوونی نزیکبوونه‌وه‌ ئارامت ڵیهه‌ڵنه‌گرێ
نه‌که‌ی سه‌رشێتانه‌ خۆت به‌ عه‌نبه‌ری سارایی (خاکوخؤڵ) دا بکه‌ی
هه‌تا نه‌چیته‌ دیداری خاکی پیرۆزی( سلێمانی).
(4)
سلێمانی! ئاخ سلێمانی!
مه‌به‌ست ئه‌و باخی به‌هه‌شته‌یه‌ که‌ هه‌ر به‌ تێپه‌ربوونی راگوزاری پێیدا
دڵ و ده‌روونت به‌ بؤن و به‌رامه‌ی موشکی پرچ و زولفی کچانی شێوه‌په‌ری و
کاکؤڵی کوڕی فریشته‌ ئاسا مه‌ست ده‌بێ!
خاکه‌که‌ی عه‌نبه‌ره‌ ، هه‌ر داروپه‌ردویه‌کی له‌ داری عوود به‌هادارتره‌،
به‌رده‌کانی گه‌وهه‌ربارێنن، کانیاوه‌کانی چاوگه‌ی نوورن،
شه‌وه‌کانیشی رۆژی رووناکن، هه‌موو وه‌رزه‌کانی به‌هارن،
تۆزی خاکه‌که‌ی هه‌موو گوڵاوه‌و هه‌ڵمی ئاوه‌که‌ی هه‌موو بخووره‌!
شارێکه‌ ئاووهه‌وا پاک و که‌ژخۆش، له‌ جێگه‌یه‌کی خۆش و نه‌رم،
بؤ ئه‌وه‌ی له‌ چاوه‌زار به‌دوور بێ، پێی ده‌ڵێن شاره‌زوور.
خه‌ڵکی سلێمانی ئه‌هلی زانست و هونه‌رپه‌روه‌رن،
هه‌م له‌ مه‌یدانی شیعردا با‌ڵاده‌ستن و وشه‌ی مرواری ده‌هۆننه‌وه‌،
هه‌م له‌ ریکخستنی کاروباری کۆمه‌لگاو حکومه‌تدا وریاو شاره‌زان
(5)
ئه‌ی بای هاونشینی سینه‌م، هه‌ناسه‌ و تاسه‌م
که‌ چوویته‌ ناو شاری سلێمانی سه‌یرێکی وردی به‌ردو داری گه‌ڕه‌که‌کانی بکه‌!
سه‌رور خواری بپشکنه‌! له‌ هه‌موو گۆشه‌و کۆڵان و جادده‌یه‌کی بڕوانه‌و بپرسه‌!
بزانه‌ داخۆ (سه‌رشه‌قام) وه‌کو خۆی راست و خۆراگر ماوه‌، یان ده‌روونی شه‌ق بووه‌!
داخۆ داری (پیرمه‌سوور) هه‌روا سه‌وزو ته‌ڕو به‌خۆوه‌و به‌رداره‌،
یان ئێستا کزو پیرو په‌ککه‌وته‌یه!
داخۆ زیاره‌تگای عه‌له‌مداری (شێخ هه‌باس) هێشتا پؤشته‌و رازاوه‌یه‌،
یان بێ نه‌واو به‌رگه‌و، ‌بؤته‌ قه‌له‌نده‌رێکی رووت و ره‌جال!
داخۆ سه‌یرانگای (کانی با) هێشتا ژوانگه‌ی کجان و کوڕانه‌
یان بۆته‌ گؤرستانی واوه‌یلا و ته‌نیایی وتاقبونه‌وه‌و دابڕان
ئه‌رێ (کانی ئاسکان) ئێستاش لانه‌ی ئاسکانی ناسک به‌ده‌نه‌‌
یان بۆته‌ یاریگه‌ی گورگ و لووره‌لووری نه‌وس و په‌لامار
ئه‌رێ هێشتا (شیوی ئاودار) جۆگه‌ سروشکی عیشق هه‌ڵده‌رێژێ
یان بؤته‌ سۆفییه‌کی وشکی به‌ دوور له‌ ماناو مه‌به‌ستی عیشق؟
داخۆ ده‌روونی ساف و بێگه‌رده‌و گوڕو تینی تیا ماوه‌ [تانجه‌رۆ]
یان بۆته‌ دیلی قوڕو لیته‌و به‌ لێڵی ده‌ڕواته‌ خوار
(6)
ماوه‌یه‌کی باش سه‌رنجی چیمه‌ن ی ناو [ خانه‌قای مه‌ولانا)  بده‌
ئایا به‌هارگه‌ی  ئاسکانی زانست و ئه‌ده‌به‌ ، یان له‌وه‌ڕگای هێسترانی له‌وه‌ڕخۆرو بارهه‌ڵگر؟
بزانه‌ داخۆ ،وه‌ک په‌رجه‌می ده‌وری رووی یار، گوڵه‌کانی به‌ شینایی ته‌رو سه‌وز ده‌وردراون
یان ته‌ژیین له‌ پووش و په‌ڵاش، وه‌ک ریشی (کاکه‌سوور)؟
داخۆ ناو دڵ و ده‌روونی به‌ بوونی یارانی نازدارو خۆشه‌ویست رووناک بۆته‌وه‌
یان بؤته‌ سه‌قه‌رێک و پربووه‌ له‌ ناحه‌زانی له‌نده‌هور
داخۆ سه‌روو ناره‌وه‌کانی حه‌وشی خانه‌قا بۆ ره‌شبه‌ڵه‌کی شادیی ده‌ستیان تێکناوه‌
یان  وه‌ک حه‌لقه‌ی وشکه‌سۆفی  داماوو ملخوار وه‌ستاون
ئه‌ی بای خۆشبه‌زی ئاشنای هه‌ناسه‌کانم
به‌ وردی به‌ باڵای سه‌وزه‌ دره‌خته‌کانی حوجره‌دا بروانه‌
بزانه‌ داخۆ گه‌لاکانیان شین وپاراون، یان زه‌ردو سوور هه‌لگه‌راون
حه‌وزی ئاوه‌که‌ که‌ نوێنه‌ری دیده‌ی پر ئه‌شکی منه‌ له‌وێ
داخؤ لێڵایی دانه‌هاتووه‌ وه‌ک جۆگه‌ئاوی (شیوه‌سوور)
ئه‌رێ ئێستاش که‌ناری حه‌وشه‌که‌ی خانه‌قا جێی یاری بازو که‌وشه‌که‌
گه‌مه‌ و خۆشی تیایه‌ یان بۆته‌ پیشانگه‌ی شتی دزێو
سه‌یرێکی چیمه‌نی پاراوی لای دائیره‌که‌ بکه‌
بزانه‌ هێشتا ژوانگه‌ی چاوه‌کانمه‌، نه‌رمه‌ یان زبرو ره‌ق هه‌ڵاتووه‌
توخوا، ئه‌ی بای په‌یکی دڵم، بۆم ساغ که‌وه‌
داخؤ ده‌شتی فه‌قێکان هێشتا وه‌ک رۆژی مه‌حشه‌ر گرمه‌ی دێ له‌ خه‌ڵک
یان وێرانه‌و بایبانه‌و بؤته‌ چۆڵی (سه‌لم و توور)
(7)
ئه‌ی بای هه‌ناسه‌و تاسه‌م
ئاخری بچؤ سه‌لام ودروودی بۆندارم به‌ حوجره‌که‌م بگه‌یه‌نه
باش سه‌رنجی ناوو ده‌ری بده‌: داخۆ چی ماوه‌ چی نه‌ماوه‌ له‌ هه‌یوان و هۆده‌ و تاقه‌کانی.
ئه‌و حوجره‌یه‌م که‌ ئه‌وسا په‌ناگه‌ی من و یارانم بوو وه‌ک ئه‌شکه‌وتی [ته‌ور]‌
داخۆ ئێستا وه‌ک خۆی داڵده‌ده‌ری دڵدارانه‌، یان بۆته‌ ئه‌شکه‌وتی مارو مێرووان،
ئه‌ی بای ئازادی خۆشره‌و
ئه‌وه‌تا ده‌مبینی کزو زه‌ردو چه‌ماوه‌م وه‌ک مانگی هیلال‌
لاوازو بێ به‌ده‌ن و سه‌نگم وه‌ک خه‌یال
ئایه‌ به‌م حاڵه‌وه‌ زارێ به‌ خۆیم ده‌گرێ ناوم بێنێ وبه‌سه‌رم بکاته‌وه‌؟
یا‌ن له‌ ناو دڵێکدا،ته‌نێ وه‌ک یاد، جێم ده‌بێته‌وه‌؟
(8)
ئه‌ی بای گه‌رمی هاوده‌می هه‌ناسه‌و تاسه‌م
چیدی له‌ وزه‌مدا نه‌ما درێژه‌‌ بده‌م به‌م باسه‌م
ئه‌وه‌تا به‌ ده‌م ئه‌م شه‌رحی غوربه‌ته‌وه‌ ، له‌ تینی سۆزی ئه‌و دووروڵاتییه‌وه‌،  
دڵم ورد ورد ده‌بێ به‌ فرمێسک و به‌ چاوما دێته‌ خوار
ده‌ پێم بڵێ دوای ئه‌و گه‌شته‌ پیرۆزه‌ی له‌ جیاتی من کردت
ئایه‌ ده‌رفه‌تی ئه‌وه‌ هه‌یه‌ له‌م ماوه‌یه‌دا بێمه‌وه‌و به‌ دیداری شاره‌زووره‌که‌م شاد ببمه‌وه‌
یا وا چاکه‌ هه‌ر وا تا رۆژی زیندووبوونه‌وه‌ی [نه‌فخی سور] چاوه‌ڕێبکه‌م؟
دوا شت: به‌ نهێنی به‌ گوێێ دڵداری دلره‌قمدا بچرپێنه‌:
که‌ ئه‌وه‌ هه‌مووی له‌ به‌ر خۆشه‌ویستی و تاسه‌ی تۆیه‌
که‌ نالی له‌و دوور وڵاتییه‌وه‌ ئه‌م په‌یامه‌ به‌ مندا ده‌نێرێ

 

د. که‌مال میراوده‌لی

تایبه‌ت به‌ کوردژین 

 
گوتار
وێنە
ئازادی ڕا ده‌ربرین له‌ ژێر هێرشدایه‌ له‌ هه‌رێمی کوردستان
هیومان رایتس واچ  به‌رواری 10 فبرایه‌ری 2013 ، ڕه‌خنه‌ی توند ئه‌گرێت له‌ حکومه‌تی هه‌رێمی...
وێنە
په‌یام بۆ گه‌لی کورد له‌ ڕۆژئاوای کوردستان
 حیزب‌و ڕێکخراوه‌ خه‌باتگێڕه‌کانی ڕۆژئاوای کوردستان! کۆمه‌ڵانی ڕاپه‌ڕیوی گه‌لی کورد...
وێنە
(عافیَت)ى (خۆشناوان)
هیَمن عومه‌ر خۆشناو-شه‌قلاَوه‌ مه‌لامحه‌مه‌دى كۆیى كوڕى مه‌لا عه‌بدولَلاَى جه‌لى...
وێنە
ره‌ هه‌نده‌ ستراتیژیه‌كانى دروستكردنى هه‌ریَمه‌كان له‌ ئیَراقدا
عومه‌ر ئاواره‌ له‌ دواى روخاندنى ڕژیَمى به‌عس وكوَتایى هیَنان به‌ كوَمارى ئیَراق له‌ سالَى 2003،...
وێنە
یادی کۆماری کوردستان، زه‌مینه‌یه‌ک بۆ کۆنفڕانسی نه‌ته‌وه‌یی
ن: سمایل شه‌ره‌فی له‌وانه‌یه‌وه‌دوا خستنی یادکردنه‌وه‌ی ساڵیادی کۆماری کوردستان...
وێنە
وتاری به‌ریز خالید عه‌زیزی، سکرتیری گشتیی حیزبی دیموکراتی کوردستان له‌66 ساڵه‌ی دامه‌زرانی کۆماری کوردستاندا
خوشک و برایانی ئازیز! میوانه‌به‌ڕێزه‌کان!  دۆستان! و لایه‌نگران! و ئه‌ندامانی حیزبی دێموکرات! و...
وێنە
كۆمه‌ڵه‌ی منداڵانی كورد ـ له‌ نه‌رویج -یادی( شه‌ست و شه‌شه‌مین ) ساڵڕۆژی دامه‌زراندنی كۆماری كوردستان پیرۆزده‌كه‌ن
   له‌ یادی شه‌ست و شه‌شه‌مین ساڵڕۆژی دامه‌زراندنی كۆماری كوردستان دا.. جوانترین پیرۆبایی...
وێنە
کۆماری کوردستان (کۆمارە کەم تەمەنەکە)
کات پایزێکی نیمچە سارد بوو ، شار شارێکی داگیرکراوی کوردستان بوو، کەچەندەها ساڵە بەدەست زوڵم و ستەمی...
وێنە
هه‌ڵوێستمان به‌رامبه‌ر هه‌ڵبژاردنه‌کانی نۆیه‌مین ده‌وره‌ی مه‌جلیس
هاونیشتمانه‌ به‌ڕێزه‌کان! خه‌ڵکی تێکۆشه‌ری کوردستان! ڕێژیمی کۆماری ئیسلامی به‌نیازه‌ ڕۆژی...
وێنە
‌کۆمه‌ڵ کوژی شرناخ وکولانه‌وه‌ی گشت زامه‌کان
زۆربه‌ی زۆری نه‌ته‌وه‌ی کورد هه‌ر ڕۆژه‌و به‌ ناوو بیانویه‌که‌وه‌ به‌ کۆمه‌ڵ له‌...
وێنە
به‌یاننامه (کوشتاری به‌ کۆمه‌ڵی کاسبکارانی کورد له‌ باکووری کوردستان، مه‌حکووم ده‌که‌ین) 30 / 12 / 2011
‌به‌ گوێره‌ی هه‌واڵی هه‌والده‌رییه‌ کوردی و جیهانییه‌کان شه‌وی 28 له‌ سه‌ر29ی...
وێنە
فه‌له‌ج کردنی کابینه‌کانی حکومه‌تی هه‌رێم له‌به‌رژه‌وه‌ندی کێ دایه؟!
به‌ڕێزان ، له‌ ٢٥. ١١. ٢٠٠٩، بابه‌تێکمان له‌ سایت و ڕۆژنامه‌کان بڵاوکرده‌وه له‌ژێر...
وێنە
خالید عه‌زیزی: ئێمه‌ هیچ کێشه‌یه‌کمان له‌ گه‌ڵ ئه‌و لایه‌نه‌ ئیسلامیانه‌ نیه‌
خالید عه‌زیزی: ئێمه‌ هیچ کێشه‌یه‌کمان له‌ گه‌ڵ ئه‌و لایه‌نه‌ ئیسلامیانه‌ نیه‌ که‌...
وێنە
چ شتێكت هیلاكت ده‌كات ؟!
ڕسته‌یه‌كی پڕ بایه‌خ هه‌یه‌ كه‌ ده‌ڵێت ( به‌ ته‌نها كاری هزری نابێته‌ هۆی ماندووبوونت )...
وێنە
گۆرانی كۆمه‌لایه‌تی چیه‌؟
پێشەكی: هەمیشە دیاردەی گۆڕان جێگای سەرنجی مرۆڤ بووە، گۆرانە سروشتیەكان یەكەم جۆری گۆران بووە كە مر ۆڤ هەستی...
وێنە
كوردو ئه وهه له ى له به رده ستى دايه
هه مومان ئه زانين ئيمه وه ك كه لى كورد نه ته وه يه كين كه به ده يان ساله. نزيك به صه ده يه كه ؛خه بات ئه كه ين بو ئه...
وێنە
بۆ ناوچه‌ داڕێندراوه‌كان..... حكومه‌تی هه‌رێمی كوردستان چی پێده‌كرێت.
شاری خورماتوو بۆ نمونه‌.. عومه‌ر ئاواره‌   ئه‌مه‌یان پرسیاری من نییه‌، به‌ڵگو پرسیاری...
وێنە
پێویستە خەڵکی ناوچەکانی بناری قەندیل سکاڵا لەسەر تورکیا تۆمار بکەن
بۆ :پارێزەرانی کوردستان. ماوەی چەند ساڵێکە سوپای تورکیا بەشێوەیەکی بەردەوام بەجۆرەھا چەکی پێشکەوتووی...

ناردنی بابه‌ت

sirwan@kurdzhin.net
یان
sozi@kurdzhin.net

میوان له‌سه‌رهێڵ

کوردژین میوان له‌سه‌رهێڵه