کۆلێژی سینما و ته‌له‌فزیۆن که‌ له‌ سالی 2004 له‌ عێراقدا کراوه‌ته‌وه‌ ئه‌مرۆکه‌ بریاریدا که‌ ڤیستڤالێکی گه‌وره‌ی کورته‌ فیلم له‌ چه‌ند شارێکی عێراق سازبدات له‌ مانگه‌کانی  داهاتوودا
جێگه‌ی ئاماژه‌ پێدانه‌ ئه‌م فیلمانه‌ بریتین له‌ فیلمی سینمایی دۆکۆمێنتاری که‌ بریاره‌ له‌ شاره‌کانی " به‌غداد و هه‌ولێر و به‌سرا " نمایش بکرێن و ڤیستڤالێکی گه‌وره‌ له‌ هه‌رسێ شاره‌که‌ سازبکه‌ن له‌ ماوه‌ی مانگه‌کانی " نیسان و ئایاری " داهاتوو

سه‌رچاوه‌یه‌ک له‌ کۆلێژه‌که‌ ئه‌وه‌ی پێ راگه‌یاندین که‌ بریاره‌ له‌م ڤیستڤالانه‌دا 16 فیلمی دۆکۆمێنتاری کورت نمایش بکرێن که‌ هه‌ر 16 فیلم له‌لایه‌ن قوتابیانی ئه‌م کۆلێژه‌ به‌رهه‌مهێنراون که‌ باس له‌ گۆڕانکاری و رووداوه‌کانی دوای ساڵی 2003 ده‌که‌ن له‌ عێراقدا بابه‌ته‌کانیان زیاتر شه‌قامه‌کانی شاره‌کانی عێراقن له‌م ماوه‌یدا

هه‌روه‌ها سه‌رچاوه‌که‌ ئه‌وه‌شی گوت که‌ ئه‌م جۆره‌ فیلمانه‌ هه‌موویان باس له‌ بارودۆخی خه‌لکی عێراق ده‌که‌ن و به‌شێکن له‌ دیمه‌نی ره‌خنه‌یی که‌ رووبه‌رووی ده‌سه‌لات ده‌کرێنه‌وه‌

وه‌ بریاره‌ ئه‌م فیلمانه‌ له‌ رۆژی 2-3 ی نیسان له‌ شاری به‌غداد نمایش بکرێن و له‌ رۆژانی 29-30 نیسان له‌ به‌سرا و له‌ رۆژانی 6-7 ئایار له‌ هۆڵی کۆمه‌له‌ی رۆشه‌نبیری کلدانی له‌ هه‌ولێر نمایش بکرێن جێگه‌ی ئاماژه‌ پیدانه‌ ئه‌م جۆره‌ ڤیستڤالانه‌ ئه‌بنه‌ بنه‌مایه‌ک بۆ پێشکه‌وتنی بواری سینما و فیلمی دۆکۆمێنتاری له‌ عێراق و کوردستان