رۆژێك ژنێك له‌ گوندێك ده‌چێته‌ لای زانایه‌ك وا ئه‌زانێت فالچه‌ ... داوای لێ‌ ده‌كات فالێكی بۆ بگرێته‌وه‌ بۆ ئه‌وه‌ی پیاوه‌كه‌ی به‌ جۆرێك خۆشی بوێت كه‌ له‌ ناو هه‌موو ژنانی جیهان دیار و ناوبانگی هه‌بێت .

♥.•----------------•.♥

له‌به‌ر ئه‌وه‌ی زاناكه‌ پیاوێكی تێگه‌یشتو بوو به‌ ژنه‌كه‌ی وت تۆ داوای شتێكی قورس ده‌كه‌ی                                             
ئه‌و شته‌ی تۆ داوات كردوه‌ زۆر پیرۆزه‌ ئایه‌ ئاماده‌ی بۆ به‌رگه‌ گرتنی ئه‌نجامه‌كه‌ی ؟
ژنه‌كه‌ وتی : به‌ڵێ‌
زاناكه‌ وتی : ئه‌و كاره‌ كاتێك ئه‌نجام ده‌درێت ئه‌گه‌ر توانیت تاله‌ مویه‌ك له‌ ملی شێر بینیت ..
ژنه‌كه‌ وتی : شێر ؟ به‌ڵێ‌ شێر ..

♥.•----------------•.♥

ژنه‌كه‌ وتی : چۆن بتوانم ئه‌و كاره‌ بكه‌م ، چونكه‌ شێر ئاژه‌لێكی دڕنده‌یه‌ و ره‌نگه‌ بمكوژێت ئایا رێگایه‌كی ئاسانتر و سه‌لامه‌تتر نیه‌  ؟ زاناكه‌ وتی : ناتوانی ئه‌وه‌ی ده‌ته‌وێت به‌ ده‌ته‌وێت له‌ به‌ ده‌ست هێنانی خۆشه‌ویستی پیاوه‌كه‌ت ته‌نها به‌و رێگایه‌ نه‌بێت ، ئه‌گه‌ر رێگه‌یه‌كی ئاسانتر ئه‌زانی بڵێ‌ .

♥.•----------------•.♥

ژنه‌كه‌ گه‌رایه‌وه‌ ماڵه‌وه‌ له‌گه‌ل خۆیدا كه‌وته‌ حه‌وت و هه‌شت و بیر كردنه‌وه‌ تاوه‌كو رێگایه‌ك بدۆزێته‌وه‌ بۆ ده‌ست كه‌وتنی تاله‌ موه‌كه‌ی شێر 
له‌گه‌ل كه‌سێك كه‌ متمانه‌ی پێ‌ هه‌بوو كه‌وته‌ گفتوگۆ ئه‌ویش ئامۆژگاری كرد به‌وه‌ی شێر ته‌نها ئه‌و كاته‌ دڕنده‌یه‌ ئه‌گه‌ر برسی بێت ،
بۆیه‌ ده‌بێت تۆ وای لێ‌ بكه‌یت تێر بێت ..

♥.•----------------•.♥

ئامۆژگاریه‌كه‌ی لێ‌ وه‌رگرت به‌ره‌و دارستانێكی نزیك له‌ خۆیان كه‌وته رێگا
ده‌ستی كرد به‌ فرێدانی پارچه‌ گۆشت بۆ شێره‌كه‌ و لێی دور ده‌كه‌وته‌وه‌
به‌رده‌وام بوو به‌ فرێدانی گۆشت بۆ شێره‌كه‌ تا ئه‌وه‌ی شێره‌كه‌ هۆگری بوو به‌ تێپه‌ر بوونی كات   
هه‌موو جارێك له‌ شێره‌كه‌ نزیك ده‌بۆیه‌وه‌

♥.•----------------•.♥

تا ئه‌وه‌ی رۆژێك هات كه‌ شێره‌كه‌ له‌ ته‌نیشت ژنه‌كه‌ پالكه‌وت بوو له‌ خۆشه‌ویستی ژنه‌كه‌ دڵنیا بوو                               
ژنه‌كه‌ ده‌ستی له‌ سه‌ر سه‌ری دانابوو ده‌ستی به‌ موه‌كانی دائه‌هێنا به‌ سۆزه‌وه‌ بوو له‌گه‌لی
له‌ كاتێك كه‌ شێره‌كه‌ له‌ خۆشی دابوو له‌ به‌رامبه‌ر ئه‌و كاره‌
ده‌ست كه‌وتنی تاله‌ موه‌كه‌ زۆر ئاسان بوو 
هه‌ر كه‌ ژنه‌كه‌ تاله‌ موه‌كه‌ی ده‌ستكه‌وت به‌ خێرایی چوه‌ لای زاناكه‌ كه‌ وای ئه‌زانی فالچه‌ بۆ ئه‌وه‌ی تاله‌ موه‌كه‌ی پێ‌ بدات             
له‌ خۆشی ئه‌گه‌شایه‌وه‌ كه‌ هه‌موو دونیا هی ئه‌وه‌ به‌ به‌ده‌ست هێنانی دڵی پیاوه‌كه‌ ...

♥.•----------------•.♥

كاتێك كه‌ زاناكه‌ تاله‌ موه‌كه‌ی بینی پرسی : چیت كرد تاوه‌كو توانیت ئه‌و تاله‌ موه‌ به‌ ده‌ست بێنی ؟
ئه‌ویش پیلانه‌كه‌ی بۆ باسكرد كه‌ له‌گه‌ل شێره‌كه‌ به‌كاری هێنا بوو ، كه‌ بۆ به‌ ده‌ست هێنانی دڵی شێر تێر كردنی سكیه‌تی
پاشان چاوه‌روانم كرد تا ئه‌و كاته‌ی به‌رهه‌می كاره‌كه‌م ده‌ست كه‌وت

♥.•----------------•.♥

پاشان زاناكه‌ به‌ ژنه‌كه‌ی وت :
ئه‌ی به‌نده‌ی خوا ...
پیاوه‌كه‌ت له‌و شێره‌ دڕنده‌‌تر نیه‌ ..
ئه‌و كاره‌ی له‌گه‌ل شێره‌كه‌ت كرد ئه‌و كاره‌ له‌گه‌ل پیاوه‌كه‌شت بكه‌
رێگای چونه‌ ژوره‌وه‌ی دڵی بدۆزه‌وه‌ و تێری بكه‌ ..
پیلانیكه‌ دابنی و چاوه‌روانی ئه‌نجامه‌كه‌ی بكه‌ ..

وه‌رگێرانی ...... داستان