له‌ ناخۆشیه‌کاندا پێبکه‌نه‌ ''ژیان کورتتره‌ له‌وه‌ی به‌ خه‌م به‌سه‌ری به‌رین''

چیرۆکی ئه‌م کوخه‌ سوتاوه‌ بخوێنه‌ره‌وه‌ و حیکمه‌تی خوای گه‌وره‌و میهره‌بان بزانه‌

لافاوێکی گه‌وره‌ روویدا له‌ کاتێکدا که‌شتیه‌ک له‌ ناو ده‌ریایه‌کدا بوو که‌ ئه‌مه‌ش بووه‌ هۆی ئه‌وه‌ی که‌شتیه‌که‌ نوقم ببێت وه‌ ته‌نها رێژه‌یه‌کی که‌م له‌ گه‌شتیارانی ناو سه‌فینه‌که‌ رزگاریان بوو

یه‌کێ له‌وانه‌ی رزگاریان بوو پیاوێک بوو که‌ شه‌پۆله‌کانی ده‌ریاکه‌ به‌ره‌و که‌ناری ده‌ریای دورگه‌یه‌کی نه‌زانراوی دوره‌په‌رێزیان برد

دوای ئه‌وه‌ی پیاوه‌که‌ هۆشی هاته‌وه‌ بینی به‌ته‌نها له‌و دوورگه‌یه‌دایه‌ زۆر له‌ خوای گه‌وره‌ پارایاوه‌ که‌ رزگاری بکات له‌و بارودۆخه‌ ناخۆشه‌ی

چه‌ند رۆژێک تێپه‌ڕی ئه‌م پیاوه‌ش به‌ به‌روبومی داره‌کان ئه‌ژیا وه‌ راوی ئه‌کرد وه‌ ئاوی ئه‌خوارده‌وه‌ و له‌ ناو کوخیکدا که‌ له‌ قه‌دی دار دروستی کردبوو ئه‌ژیا تا له‌سه‌رمای شه‌وان و گه‌رمای رۆژ بیپارێزێت.

رۆێکیان ئه‌م پیاوه‌ ئه‌سورایه‌وه‌ تۆزێ دوور له‌ کوخه‌که‌ی تاوه‌کو خواردنه‌که‌ی پێ بگات که‌ به‌ ته‌خته‌و دار کردبویه‌وه‌

به‌ڵام کاتێ که‌ گه‌ڕایه‌وه‌ بینی کوخه‌که‌ی سوتاوه‌ !!

هاواری ئه‌کرد ( خوای گه‌وره‌ من ئێستا جی بکه‌م بۆ وام به‌سه‌ر بێت؟ بۆ کوخه‌که‌ بسوتێت؟! له‌ دنیادا هیچم نه‌ماوه‌ و له‌م شوێنه‌دا به‌ته‌نهام و ئه‌ کوخه‌ی تیایدا ئه‌خه‌وتم سوتا؟! بۆچی خوای گه‌وره‌ ئه‌م هه‌موو ناخۆشیه‌م به‌سه‌ر بێت؟)

پیاوه‌که‌ به‌ خه‌فه‌ته‌وه‌ به‌برسێتی خه‌وت

که‌ به‌یانی هه‌ستا له‌خه‌و بینی که‌ به‌له‌مێک نزیک ئه‌بێته‌وه‌ به‌ره‌و رووی دورگه‌که‌.... هاتبوون بۆ ڕزگارکردنی

کاتێک کابراکه‌ سه‌رکه‌وته‌ به‌له‌مه‌که‌ پرسیاری کرد چۆن دۆزیویانه‌ته‌وه‌؟

له‌ وه‌ڵامدا ووتیان:

'' ئاگرێکمان بینی ، به‌وه‌دا زانیمان که‌ که‌سێک داوای یارمه‌تی ئه‌کات''

که‌واته‌ ئه‌زیزان ته‌نها خوای گه‌وره‌ خۆی ئه‌زانێت چۆن شته‌کان رێک ئه‌خات

ئه‌گه‌ر بارودۆخ به‌ره‌و خراپی چوو ئه‌وا مه‌ترسه‌

هه‌میشه‌ باوه‌ڕت به‌وه‌ بێ که‌ خوای گه‌وره‌ هه‌رچیت به‌سه‌ربهێنێ حیکمه‌تێکی تیادایه‌ و له‌ به‌رژه‌وه‌ندی تۆدایه‌

که‌ کوخه‌که‌ سوتا زانیمان که‌ هۆکارێک بوو بۆ ئه‌وه‌ی کابرا رزگاری ببێت

به‌ڵان خۆڕاگربه‌ هه‌میشه‌

فریشته‌ی جوانی