چۆن دشه‌کانت بۆ خۆت رائه‌کێشیت؟!

به‌دڵنیایی پته‌وکردنی په‌یوه‌ندی له‌گه‌ڵ خوشکی هاوسه‌ره‌که‌تدا زیاتر له‌ هاوسه‌ره‌که‌ت نزیک ئه‌کاته‌وه‌ و به‌سود ئه‌گه‌ڕێه‌وه‌ بۆ خۆت و بارودۆخی خێزانه‌که‌ت..

هه‌ر بۆیه‌ چه‌ند خاڵێکی گرنگ ئه‌خه‌مه‌ روو بۆ پته‌و کردنی ئه‌و په‌یوه‌ندیه‌وه‌ وه‌ که‌سێکی خۆشه‌ویست بیت له‌لای تا به‌ دڵێکی فراوان له‌گه‌ڵتدا مامه‌ڵه‌ بکات که‌ ئه‌مه‌ش ئه‌بێته‌ هۆی ئه‌وه‌ی که‌ دڵی هاوسه‌ره‌که‌ت رابکێشیت بۆ خۆت و دوور که‌ویته‌وه‌ له‌و کێشانه‌ی که‌ کاریگه‌ری ئه‌بێت زۆر یان که‌م له‌ په‌یوه‌ندی تۆ و هاوسه‌ره‌که‌تدا ئه‌وانه‌ش:

_خوشکی ئه‌زیز هه‌وڵبده‌ به‌وپه‌ڕێ ڕێزه‌وه‌ مامه‌ڵه‌ بکه‌ی له‌گه‌ڵ خوشکی هاوسه‌ره‌که‌تدا ، ئه‌وه‌ هیچی تێ ناچێت بۆ تۆ، به‌ڵکو ته‌نها ڕێز و جوانی ئه‌به‌خشێت به‌ په‌یوه‌ندیتان.

_هه‌میشه‌ گومانی باشه‌ی لێ بکه‌ نه‌ک به‌ پێچه‌وانه‌وه‌.

_به‌ وردی ئاگات له‌ کارو کرده‌وه‌ و قسه‌کانت بێت له‌گه‌ڵی.

_ هه‌موو ئه‌و کۆتانه‌ بشکێنه‌ که‌ له‌نێوانتاندا هه‌یه‌ ، باسی هه‌ندێک نهینی ژیانی خۆتی بۆ بکه‌ هه‌روه‌ها هه‌ندێ له‌ کێشه‌کانت بۆ ئه‌وه‌ی هاوکاریت بکات له‌ چاره‌سه‌ریدا.

_قه‌ت مه‌هێڵه‌ هه‌ست بکات که‌ تۆ غیره‌ی لیئه‌که‌ی ته‌نانه‌ت ئه‌گه‌ر غیره‌شی لێئه‌که‌ی له‌ راستیدا

_ له‌ کاتی جونه‌ بازاڕێک یاخود سه‌یرانگایه‌ک هه‌وڵ بده‌ له‌گه‌ڵیدا بڕۆی و به‌ژداری بکات له‌ هه‌ندی چونه‌ ده‌ره‌وه‌تدا تاوه‌کو سۆزێک دروست ببێت له‌ نێوانتاندا.

_ ئه‌گه‌ر به‌ته‌مه‌ن زۆر له‌ تۆ گه‌وره‌تر بوو له‌ کاتی چونه‌ ده‌ره‌وه‌دا پێی بڵێ که‌ هه‌ز ئه‌که‌ی ئه‌و له‌ پێشه‌وه‌ی سه‌یاره‌که‌ له‌لای هاوسه‌ره‌که‌ته‌وه‌ دابنیشێت.

_ ئه‌گه‌ر له‌گه‌ڵ براکه‌یدا واته‌ هاوسه‌ره‌که‌ت که‌وتنه‌ قسه‌و گفتوگۆکردن هه‌رگیز پێیان مه‌بڕه‌ ته‌نها ئه‌گه‌ر بابه‌ته‌که‌ وای پێویست کرد که‌ به‌ژدار بیت تیایدا.

_ ئه‌گه‌ر مێرده‌که‌ت له‌ ته‌نیشت تۆوه‌ دانیشتبوو هه‌وڵبده‌ که‌ گرنگی به‌ ئه‌ویش بده‌یت و قسه‌ی خۆشی له‌گه‌ڵ بکه‌ی تا هه‌ست به‌ بێزاری نه‌کات.

_ سه‌فه‌رێکت کرد یاخود سه‌ردانێکی دوور ئاگاداریان بکه‌یته‌وه‌ بۆ ئه‌وه‌ی بزانن بۆچی ماوه‌یه‌ک دیار نامێنی و به‌و شێوه‌ش ئه‌زانن که‌ تۆ گرنگیان پێئه‌ده‌ی.

_ ره‌زیل مه‌به‌ له‌ هیچ شتێکدا له‌گه‌ڵیان هه‌میشه‌ ده‌ستپێشخه‌ری چاکه‌و باشه‌ به‌.

هه‌میشه‌ هاوسه‌رێکی باش و دڵسۆزبه‌ به‌وه‌ش ره‌زامه‌ندی خوای گه‌وره‌ به‌ ده‌ست ئه‌هێنیت ئینجا هاوسه‌ره‌که‌ت

چاکه‌کاریه‌کانت له‌به‌ر ترس نه‌بێت به‌ڵکو له‌ دڵته‌وه‌ بێت و وه‌ک قه‌رزێک بێت به‌سه‌ر تۆوه‌..

فریشته‌ی جوانی