ڕۆژانی منداڵیتان له‌بیر ماوه‌ ؟

ئه‌و ڕۆژانه‌ی هیچ شتێک ئاڵۆز نه‌بوو بۆتان ، ته‌نها شتێک که‌ بیرتان لێ ئه‌کرده‌وه‌ قه‌ڵه‌م بۆیه‌ و چکلێت و جه‌ژنانه‌ بوو ، شتانێک که‌ نه‌مانئه‌زانی هیچ گرنگیه‌کی نه‌بوو بۆمان چونکه‌ ئه‌و شتانه‌ی که‌ له‌وانه‌بوو ئازارمان بده‌ن ئێمه‌ هیچ سه‌رنجێکمان بۆی نه‌بوو، به‌ڵام هه‌رچه‌ند ته‌مه‌نمان گه‌وره‌تر ئه‌بوو زیاتر هه‌ستیار ئه‌بووین به‌رامبه‌ر به‌و شتانه‌ی که‌ له‌ ده‌وروبه‌رمان ڕو ئه‌ده‌ن وه‌ک ژیان ، مردن ، خۆشه‌ویستی ، جیابوونه‌وه‌ ، سه‌رکه‌وتن ، دۆڕاندن ....، تێگه‌شتین که‌ ڕۆژانه‌ له‌گه‌ڵ گه‌وره‌بونمان خه‌مه‌کانمان زیاتر ئه‌بێت و ئه‌بێت خه‌م بۆ ده‌وروبه‌ره‌که‌شمان بخۆین .

له‌گه‌ڵ هه‌مو ئه‌مانه‌شدا ، هه‌مووکات ئه‌تان له‌ بیربێت که‌:-
هیچکاتێک بیرمه‌که‌نه‌وه‌ که‌ ئه‌م ڕوداوانه‌ به‌رپرسیاره‌ له‌ بزواندنی هه‌ستی ئێوه‌ ، ڕوداوه‌کان و کاته‌کان نین که‌ ئازارتان ئه‌ده‌ن ، ئه‌مه‌ هه‌ستی ئێوه‌یه‌ به‌رامبه‌ر به‌و ڕوداوانه‌ وات لێ ئه‌کات خه‌م بخۆیت .
شته‌ ساده‌کان به‌ جدی وه‌ربگره‌ ؛باوه‌رت هه‌بێت به‌ هێزی پێکه‌نین و زه‌رده‌خه‌نه‌ ، ماچکردن و له‌باوه‌شگرتن ، بڕوات به‌ ڕاستگۆیی و میهره‌بانی و خه‌یاڵ هه‌بێت ، بیرکردنه‌وه‌ی باش یه‌که‌م هه‌نگاوه‌ بۆ ژیانێکی باش و خۆش .

خۆتان ئازاد بکه‌ن و به‌ هه‌ڵه‌کانی خۆتان پێبکه‌نن.
له‌وانه‌یه‌ کاتێکتان بیر بکه‌وێته‌وه‌ که‌ ویستوتانه‌ تێیدا وتارێک بده‌ن و له‌ پڕێکدا هه‌ستت کردوه‌ که‌ مێشکت له‌ ناوه‌راستی وتاره‌که‌تدا به‌تاڵ ئه‌بێت و قسه‌کانت هه‌مو بیر ئه‌چێته‌وه‌ ، هه‌ستێکی ناخۆشه‌ و ئه‌ترسیت کاتێک یه‌که‌م جار وتار ئه‌ده‌یت ، به‌ڵام به‌ دڵنیایه‌وه‌ گوێگران و ئه‌وانه‌ی ئاماده‌ی وتاره‌که‌ی تۆ بون به‌ ته‌واوه‌تی ئه‌و بیرچونه‌وه‌ی تۆیان له‌ مێشکدا سڕراوه‌ته‌وه‌ ، هه‌موو یه‌کێک له‌ ئێمه‌ هه‌ندێک جار توشی هه‌ڵه‌ ئه‌بین به‌ڵام ئه‌وانه‌ش به‌ زووی له‌ بیر ئه‌که‌ین .

• ده‌وروبه‌رتان به‌و شتانه‌ پڕبکه‌نه‌وه‌ که‌ خۆشتان ئه‌وێت .

• وێنه‌ی ساته‌ خۆشه‌کانتان بگرن و وه‌ک یادگاریه‌ک بیهێڵنه‌وه‌ لای خۆتان .

• خۆتان به‌دوور بگرن له‌و که‌سانه‌ی که‌ ئه‌زانن بێتاقه‌تتان ئه‌که‌ن و ئازارتان ئه‌ده‌ن.

• ئه‌گه‌ر پیشه‌یه‌کت هه‌یه‌ که‌ زۆر ماندوت ئه‌کات به‌ڵام موچه‌که‌ی باشه‌ ، ئه‌وا هه‌وڵبده‌ کارێک بدۆزیته‌وه‌ که‌ خۆت پێت خۆشه‌ ئه‌گه‌ر چی موچه‌که‌شی که‌متر بێت به‌ڵام ئه‌وه‌ بکه‌ که‌ دڵت پێی خۆشه‌.

• له‌و که‌سانه‌ خۆت به‌دوور بگره‌ که‌ به‌زۆر قسه‌یه‌کت پێئه‌که‌ن که‌ خۆت به‌و قسه‌یه‌ ڕازی نیت و ویستت له‌سه‌ری نیه‌.

• ئه‌گه‌ر سه‌فه‌رێکتان بۆ هاته‌ پێش به‌وپه‌ری تواناوه‌ هه‌وڵبده‌ سه‌فه‌ر بکه‌یت.

• هه‌وڵبده‌ به‌رده‌وام بیت له‌ خوێندن.

• هیچکاتێک نازانین چه‌ندێک له‌ ژیان ئه‌مێنینه‌وه‌ ، بۆیه‌ هه‌رکارێکی باشت بۆ رێککه‌وت ئه‌وا ئه‌نجامی بده‌ .

• بۆ دڵخۆشکردنی خه‌ڵک و که‌سانی تر زۆر ئازاری خۆت مه‌ده‌ و کارێک مه‌که‌ له‌ توانای خۆت به‌ده‌ر بێت، ئه‌گه‌ر ویستت کارێکی باش بکه‌یت ئه‌وا له‌سه‌ره‌تاوه‌ له‌ که‌سه‌ نزیکه‌کان و ئازیزانته‌وه‌ ده‌ست پێبکه‌.

• گرنگی به‌ ته‌ندروستی و رێکی جه‌سته‌دان بده‌ن ، هه‌وڵ بده‌ن ئه‌و که‌سه‌ سه‌رنجراکێشه‌بن که‌ هه‌میشه‌ له‌ مێشکی خۆتدا وێنات کردوه‌.

• بیرکردنه‌وه‌کانت بگۆڕه‌، کاتێک که‌سێک به‌ قسه‌ناخۆشه‌کانی یان به‌ توانجدانی ئازارت ئه‌دات وا حسابی بۆ بکه‌ که‌ گوێت لێی نیه‌ ، وه‌ هه‌رچیه‌ک ئه‌ڵێت باوه‌ری پێمه‌که‌، تۆ زۆر باشتر له‌ خه‌ڵک خۆت ئه‌ناسیت ، بۆیه‌ خه‌م بۆ ئه‌و قسانه‌ مه‌خۆ که‌ بۆت دروست ئه‌که‌ن .

هه‌مووکات به‌دوای خۆشیدا بگه‌ڕێن
دڵنیابن له‌وه‌ی که‌ ئه‌توانن خۆشی به‌ده‌ست بهێنن
ته‌نها ئه‌بێت ئه‌وه‌ بزانن که‌ به‌دوای چ جۆره‌ خۆشیه‌کدان و چ کارێک ئه‌که‌ن بۆ ئه‌وه‌ی پێی بگه‌ن

خه‌مبار هه‌ڵه‌بجه‌یی