ژنێك: له‌به‌ر ئه‌وه‌ی چاوی خۆم سه‌وزه‌، چاوی سه‌وزم لاجوانه‌
هه‌رچه‌نده‌ هه‌موئه‌ندامه‌كانی له‌شی مرۆڤ گرنگن و هه‌ركامیان كه‌موكورتی تیابێت هه‌ست به‌وه‌ده‌كه‌ین كه‌ كه‌م ئه‌ندامین به‌لام  چاوبه‌یه‌كێك له‌هه‌ره‌ئه‌ندامه‌ گرنگه‌كانی جه‌سته‌ی مرۆڤ ده‌ژمێردرێت هه‌موشمان ده‌زانین كه‌سیك چاوی له‌ده‌س دابیت ئیتردونیای رۆشنی لاحه‌رامه‌ چونكه‌ هه‌موئه‌وشتانه‌ی كه‌له‌ئاسمان و سه‌رزه‌وین له‌رێگه‌ی چاوه‌وده‌توانین بیان بینین وجۆرو ڕه‌نگه‌كانیان جیابكه‌ینه‌وه‌و بمانه‌وێت ونه‌مانه‌ویت هه‌مومرۆڤه‌كانیش چاویان وه‌كویه‌ك نیه‌ چی له‌قه‌باره‌وچی له‌ره‌نگدا بۆیه‌به‌پویستمان زانی چه‌ندكه‌سیك بدوینین له‌سه‌ر ڕه‌نگه‌كانی چاوتابزانین چی جۆره‌ چاویكیان پی جوانه‌وبۆچی ئه‌وره‌نگه‌، له‌ریی ئه‌م رێپۆرتاژه‌وه‌پرسیارمان ئاراسته‌ی چه‌ندكه‌سانیك كردوهه‌مویان بۆوه‌لامدانه‌وه‌ی ئێمه‌ فه‌رمویان به‌سه‌رچاو.
هێما كچێكی باڵا مامناوه‌ندبووتی چاوی قاوه‌ییم زۆر پێجوانه‌ هه‌ستده‌كه‌م كه‌سانێكی راستگۆن.
ته‌نیا به‌ته‌نهای به‌دیار كۆمپیوته‌ره‌كه‌یه‌وه‌ دانیشتبوبۆئه‌م مه‌به‌سته‌ وتی چاوی هه‌نگوینیم زۆرپیجوانه‌ هه‌سته‌كه‌م سه‌رنجی به‌رانبه‌ر ڕاده‌كێشێت.
ژیان چاوه‌كانی به‌چاویلكه‌یه‌كی ره‌ش داپۆشیبوچاوی سه‌وزیبه‌لاوه‌جوانبوچونكه‌ به‌چاوی سه‌وزدڵی ده‌كرێته‌وه‌.
ناڵه‌ خۆشه‌ویسته‌كه‌ی چاوی ڕه‌شه‌ هه‌ربۆیه‌ هه‌موچاوڕه‌شه‌كانی خۆش ده‌وێت
شه‌پۆل هه‌مان ره‌ئی ناڵه‌ی هه‌یه‌ وچاوی ره‌شی پێجوانه‌ به‌لام ئه‌وتی چونكه‌ وه‌ك وبه‌خته‌كه‌م ره‌شه‌.
ئیسرا ْ كه‌له‌نه‌ته‌وه‌ی عه‌ره‌به‌ باوكی چاوی هه‌نگوینیه‌ بۆیه‌ وتی جوانترین چاوبه‌لای منه‌وه‌ چاوی هه‌نگوینیه‌و باوكیشم له‌دڵماهه‌نگوینه‌ گویله‌ربه‌ڕه‌گه‌زتوركمانه‌به‌هه‌مان شیوه‌ی ئیسرا ْ ره‌نگی هه‌نگوینی پێجوانه‌ به‌لام ئه‌و وتی لای من ئه‌وره‌نگه‌ بریقه‌داره‌وده‌دره‌وشێته‌وه‌ .
سێونج یش كه‌له‌نه‌ته‌وه‌ی توركمانه‌ وتی لای من چاوی سه‌وزجوانه‌ كه‌چی واهه‌ست ده‌كه‌م تۆزێك مه‌كربازن.
سلڤانه‌وساندی دوخوشكی مه‌سیحین پێیان وایه‌ چاوی كاڵ جوانه‌ چونكه‌ سلڤانه‌ حه‌زی به‌كوڕێكی چاوكاڵه‌ به‌ڵا م خه‌ریكه‌ خۆشه‌ویستی یه‌ كه‌ین كاڵ ده‌بێته‌وه‌
چیا زۆرسه‌رسامه‌ به‌چاوی شین وتی خۆزگه‌ چاوم شین بوایه‌ چونكه‌ ره‌نگی ئاسمان وپاكوبێگه‌ردی تێدابه‌دی ده‌كه‌م وهیچ جۆره‌ چاوێكیشم پێ ناشرین نیه‌
په‌یمان وتی چاوی سه‌وزم زۆربه‌لاوه‌ جوانه‌ ،ئه‌مه‌سه‌رباری ئه‌وه‌ی هه‌موجۆره‌ ره‌نگه‌كانی خواكرده‌م پێ‌ جوانن هه‌رچه‌نده‌ خۆم چاوم سه‌وزه‌ ئومێدو شه‌وقی جوانی تێدابه‌دی ده‌كه‌م .
په‌خشان خان كه‌خاوه‌نی ئارایشگای نازه‌ له‌شۆرجه‌وتی زۆرن ئه‌وكچ وژنانه‌ی  كه‌دێنه‌لامان بۆدانانی (عه‌ده‌سه‌) به‌زۆری ره‌نگی سه‌وزو ڕه‌ساسیان پێجوانه‌ هه‌ندێكیان خۆیان ده‌یكڕن كه‌نرخه‌ی له‌نێوان (20ـ25) هه‌زاردیناردایه‌ كه‌سانێكیش دێنه‌ لامان عه‌ده‌سه‌یان بۆداده‌نێین وبه‌كری ده‌یبه‌ن بۆئاهه‌نگ وبۆنه‌تایبه‌ته‌كان كه‌كرێكه‌ی ته‌نا(10) هه‌زاردیناره‌ ئه‌وه‌یشی راگه‌یان واباشه‌ عه‌ده‌سه‌كان نه‌گۆڕیت واته‌ له‌چاوێكه‌وه‌ نه‌یگۆڕیت بۆچاوێكی تر هه‌رچه‌نده‌ ده‌موچاوێك بۆده‌موچاوێكی ترجیاوازی هه‌یه‌ بۆنمونه‌ هه‌ندی ده‌موچاوهه‌یه‌ هه‌ندێ‌ ره‌نگی لێ‌ نایات .
ئه‌بێ‌ ئه‌وه‌یش له‌یادنه‌كه‌ین كه‌هونه‌رمه‌ندان وشاعیرانیش له‌وه‌سفی جوانی چاودابێده‌نگ نه‌بونه‌ ئه‌وه‌تا(هونه‌رمه‌ندسابیركوردستانی)  ده‌ڵێت (خۆزگه‌له‌م دونیایه‌دایه‌ك چاوێكم هه‌بوایه‌ ....وه‌سفی جوانی نه‌جیبه‌م به‌دڵی خۆم بكردایه‌ ...ئه‌وسامردنم هه‌ق بوناهه‌ق نه‌بوخودایه‌.
له‌لایه‌كی تره‌وه‌ دلیرمحه‌مه‌د ده‌ڵێت(سه‌رسام مه‌به‌ ئه‌گه‌ربڵێم خۆشم ئه‌وێی به‌قه‌دچاوم....سه‌یرنه‌بێت به‌لاته‌وه‌ به‌نیگای چاوت سوتاوم.
نزار ناشاد سوێند به‌چاو ده‌خوات و ده‌ڵێت (به‌چاوه‌كانت سوێن ئه‌خۆم خۆشم ئه‌وێی زیاترله‌خۆم ....تۆپه‌پوله‌ی خه‌یاڵمی منیش بۆت ئه‌سوتێم وه‌ك مۆم
ماوه‌ته‌وه‌ بڵێم زۆركه‌س له‌رێگه‌ی چاویانه‌وه‌ یه‌كێك له‌م نازناوانه‌یان هه‌ڵگردوه‌
چاوجوان، چاوره‌ش ،چاوشین ،چاوكاڵ ،چاوان،چاومه‌ست،چاوبه‌ل ،چاوخێل ،چاوزه‌ق ، چاوپیس،چاوباز ، چاونه‌رم، چاوتیل،چاوكوێر. ماوه‌ته‌وه‌بڵێم له‌كاتی خوێندنه‌وه‌ی ئه‌م بابه‌ته‌داهیوادرام چاوی كه‌ستان مانونه‌بوبێت وچاوتان جوان بێت .

پشكۆخاڵدانی/كه‌ركوك