زانستی ئابووری وه‌ك یه‌كێك له‌ زانسته‌كانی دی گرنگی و به‌هایی خۆیی هه‌یه‌ ،، وه‌ بێجگه‌ له‌ خوێندنی له‌ قوتابخانه‌ و په‌یمانگا و زانكۆكاندا كه‌ وه‌ك وانه‌یه‌كی گرنگ مامۆستاكان كه‌ له‌م بواره‌دا پسپۆرییان هه‌یه‌ ئه‌یڵێنه‌وه‌ به‌ خوێندكاره‌كان ، له‌ ژیانی ئێستاشدا مرۆڤه‌ ئاسایی و ساده‌كان گرنگی پێئه‌ده‌ن به‌هۆیی ئه‌وه‌ی كه‌ به‌ ڕوونی ئه‌زانن كه‌ چه‌ند ئه‌م زانسته‌ په‌یوه‌سته‌ بۆ ژیانی هه‌ر تاكێكیان بۆ باشتر كردنی ژیانیان له‌ ئێستا و داهاتوشدا وه‌ بگره‌ رۆژ به‌ڕۆژ به‌هایی ئه‌م زانسته‌ لایی هه‌موو تاكێك زیاتر و زیاتر ئه‌كات ،، بێجگه‌ له‌وه‌ی كه‌ ئاماژه‌م پێدا، ئه‌م زانسته‌ بڕیارده‌ری په‌یوه‌ندیه‌ نێوده‌وڵه‌تی یه‌كانه‌ ،، گه‌ر بێین سه‌رنج بده‌ین و كه‌می بروانین ئه‌بینین وه‌ به‌ بیرماندا دێت كه‌ زۆرترین كێشه‌یی نێوان ده‌وڵه‌ته‌كان به‌ده‌ره‌جه‌یی یه‌ك له‌سه‌ر هۆكاری ئابووریه‌ وه‌ ئه‌گه‌ رێته‌وه‌ بۆ ئه‌م هۆیه‌ وه‌ هه‌مووشمان ئه‌وانه‌ ئه‌بیستین ، بۆنمونه‌ یه‌كێك له‌ وڵاته‌كان له‌ تاو زیاتركردنی داهات و سه‌رمایه‌یی خۆی وه‌ ده‌وڵامه‌ندكردنی وڵاتی هه‌وڵه‌دات له‌ڕیگایی كۆمه‌ڵێك وه‌سیله‌وه‌ شوێن خاكێكی تری وڵاتێك داگیربكات یان ڕیكه‌وتنێك ئه‌كه‌ن یا به‌هه‌ر شێوه‌یه‌كی دی بێت بۆیه‌ له‌ ئه‌نجامدا ئه‌بێته‌ كێشه‌، ڕوونترین نمونه‌ له‌ ولاتی خۆماندا كه‌ هه‌موو ئه‌زانین شاری كه‌ركوكه‌ كه‌ له‌به‌ر ئه‌و نه‌وته‌ زۆره‌یی كه‌ تێیدایه‌ تا ئێستاش نه‌خراوه‌ته‌ سه‌ر كوردستان ئه‌مه‌ش هۆیه‌كه‌ كه‌ كێشه‌یی ئابووری لێ كه‌وتۆته‌وه‌‌ ،، ئابووری به‌مانایی (ژیان و گوزه‌ران)دێت واته‌ به‌ وردكرنه‌وه‌ی زیاتری ئه‌م مانایه‌ ئه‌وه‌ ئه‌گه‌یه‌نی كه‌ باشتر كردن و خۆشتركردنی ژیان و گوزه‌رانی هه‌ر یه‌كێك له‌ ئێمه‌یه‌ ،، ئه‌م زانسته‌ به‌دواداچونه‌ بۆ بۆ به‌ده‌ستهێنان و به‌رهه‌مهێنانی ده‌رامه‌ته‌ ده‌گمه‌نه‌كان و هه‌موو جۆره‌ كڵا و شمه‌كێك ، وه‌ك له‌ پێشوشدا ئاماژه‌م پێدا ئه‌م زانسته‌ گرنگی زۆری پێئه‌درێت له‌ ئێستا وه‌ بۆ داهاتو زیاتریش .

ڤــیــان جــمــال