توێژینه‌وه‌یه‌کی ده‌رووناسی  ئه‌وه‌ی ده‌رخستووه‌ که‌ ئه‌نجامدانی یاری به‌ کۆمپیوته‌ر شه‌وانه‌ زیان ده‌گه‌ینێت به‌ لایه‌نی ده‌روونی مرۆڤ و توشی خه‌مۆکی ده‌کات
به‌پێی نوێترین توێژینه‌وه‌ی ده‌رووناسی له‌ زانکۆی " بازل " ی سویسری ئه‌وه‌ روون کاروه‌ته‌وه‌ که‌ ئه‌نجامدانی یاری به‌ کۆمپیوته‌ر شه‌وانه‌ ئه‌بێته‌ هۆی توش بوونی مرۆڤ به‌ خه‌مۆکی

توێژه‌ران ئاماژه‌یان به‌وه‌داوه‌ که‌ زۆربه‌ی ئه‌و که‌سانه‌ی یاری به‌ کۆمپیوته‌ر ده‌که‌ن کاته‌کانیان زۆر به‌م یاریانه‌ ده‌به‌نه‌ سه‌ر مه‌به‌ش وه‌ک خوێکی لێهاتووه‌ و به‌رده‌وام ئه‌بن له‌ یاری کردن زۆر جاریش ناگه‌ن به‌ ئامانج و توشی باری نا ئاسایی ده‌روونی ده‌بنه‌وه‌ به‌تایبه‌تی خه‌مۆکی و دووره‌ په‌ریزی له‌ که‌س و کارو خێزانه‌کانیان و کۆمه‌لگه‌

هه‌روه‌ها ئه‌نجامدانی یاریه‌کانی نێو ماڵپه‌ره‌ کۆمه‌لایه‌تیه‌کان به‌هه‌مان شێوه‌ مرۆڤ توشی ئیدمان بوون و خووگرتن ئه‌کات به‌م یاریانه‌ و وایان لێده‌کات بۆ ماوه‌ی زۆر شه‌وانه‌ به‌م یاریه‌ خه‌ریک بن بۆیه‌ زیانه‌کانی زۆرتر ده‌بن و ده‌بێته‌ هۆی له‌ده‌ست دانی خه‌و و توش بوون به‌ خه‌و زڕان و هه‌روه‌ها به‌مه‌ش سه‌رده‌کێشێت بۆ توش بوون به‌ که‌م و کورتی له‌ کۆئه‌ندامی ده‌مار

بۆیه‌ یارییه‌کانی کۆمپیوته‌ر به‌ شه‌وان ئاماژه‌یه‌که‌ بۆ جیابوونه‌وه‌ی ئه‌م که‌سه‌ له‌ کۆمه‌لگا و دووره‌ په‌رێزی له‌ ئه‌ندامانی خێزانه‌که‌ی بۆیه‌ یه‌کێکه‌ له‌ رێگه‌ هه‌ره‌ خراپه‌کان بۆ توش بوونی مرۆڤ به‌ نه‌خۆشیه‌ ده‌روونیه‌کان به‌تایبه‌تی خه‌مۆکی و دووره‌په‌ریزی  که‌ دوو نه‌خۆشی باوی ده‌روونین

ئا // ســـیروان واحـــد ،،، به‌رێوه‌به‌ری ماڵپه‌ر