سیسته‌می ئه‌ندرۆیدی گۆگل له‌ ماوه‌ی رابردوودا زۆرترین هێرشی ئه‌لیکترۆنی کراوه‌ته‌ سه‌ر به‌ گوته‌ی راپۆرته‌کان سیسته‌می ئه‌ندرۆید که‌ تایبه‌ته‌ به‌ مۆبایل له‌ جیهاندا و له‌لایه‌ن کۆمپانیای گۆگله‌وه‌ به‌رهه‌مهێنراوه‌ له‌ ماوه‌ی کۆتاییه‌کانی سالی 2011 دا زۆرترین هێرشی ئه‌لیکتتۆنی کراوه‌ته‌ سه‌ر و رێژه‌ی ئه‌و  ڤایرۆسانه‌ی که‌ ئه‌ندرۆیدیان بۆته‌ ئامانج به‌رێژه‌ی 76 % زیادی کردووه‌ له‌گه‌ل ماوه‌کانی پێشووی هه‌مان ساڵ

به‌ پێی راپۆرتێکی کۆمپانیای ئاسایشی "مكافی " ئه‌مه‌ریکی تایبه‌ت به‌ لێکۆلینه‌وه‌ له‌ هێرشه‌ ئه‌لیکترۆنیه‌کان ئه‌وه‌ی بلاوکردۆته‌وه‌ که‌ له‌ ماوه‌ی نیوه‌ی سالی 2011 دا له‌ مێژووی بلاوبوونه‌وه‌ی ڤایرۆس و به‌رنامه‌ ناڕه‌واکان توانیویه‌تی ته‌نها له‌ ماوه‌ی نیو ساڵدا 12 ملیۆن یه‌که‌ی ڤایرۆسیان کۆکردۆته‌وه‌ که‌ ئه‌مه‌ش به‌رێژه‌ی 22% له‌گه‌ل ساڵی 2010 زیادی کردووه‌

جێگه‌ی ئاماژه‌ پێدانه‌ بلاوبوونه‌وه‌ی ئه‌م رێژه‌یه‌ی ڤایرۆس له‌م سالدا ده‌گه‌رێته‌وه‌ باره‌ کۆمه‌لایه‌تیه‌کان له‌ جیهاندا و له‌م نێوه‌نده‌شدا سیسته‌می ئه‌ندرۆید زۆرترین جار رووبه‌رووی ڤایرۆسه‌کان بۆته‌وه‌

ئا // سیروان واحد ،، به‌رێوه‌به‌ری ماڵپه‌ر