باوه‌ڕ به‌خۆبوونت تاڕاده‌یه‌کی زۆر په‌یوه‌ندی هه‌یه‌ به‌هه‌ستی تۆوه‌ له‌سه‌رخۆت و ڕاده‌ی ئاسوده‌یی و هێمنیت .
هه‌موو مرۆڤه‌ خه‌مۆک و بێ وره‌کان ، بێ جیاوازی هه‌ناسه‌دانی قووڵیان نییه‌ ، گۆڕینه‌وه‌ی هه‌وا له‌ هه‌ناسه‌دانیان که‌مه‌ ، ئه‌وان ته‌نیا به‌به‌شه‌کانی سه‌ره‌وه‌ی سنگیان هه‌ناسه‌ ئه‌ده‌ن ، به‌دڵنیای هیچ که‌سێکی خه‌مۆک و ته‌مه‌ڵ و بێ وره‌ ناتوانێت باوه‌ڕبه‌خۆبون و نه‌فس به‌رزی هه‌بێت.
کاتێ تۆ هه‌ناسه‌ی قوڵ ئه‌کێشی ، ئۆکسجینێکی پتر ئه‌گات به‌ مێشکت ، کارایی مێشکت ئه‌بات سه‌ره‌وه‌ ، که‌ ئه‌ویش به‌رزبونه‌وه‌ی تواناو ڤیرکردنه‌وه‌ و سازنده‌یی به‌دواوه‌یه‌ . به‌هه‌ناسه‌دانه‌وه‌ی قوڵ که‌ به‌دوای هه‌ناسه‌ی قوڵ دا دێت ، تۆ هه‌ست به‌کشان و ئاسوده‌یی ماسولکه‌کان ئه‌که‌ی ، ئه‌و ئاسوده‌ییه‌ ماسولکه‌ییه‌ ده‌ره‌کییه‌ ئاسوده‌یی ڕۆحی و ده‌رونی پێوه‌یه‌.
هه‌موو ئه‌وانه‌ی که‌ دڵه‌ڕاوکێیان هه‌یه‌ ، به‌ نمقنه‌ کاتی وتاردان بۆ کۆمه‌ڵێک یان قسه‌کردن له‌گه‌ڵ پیاوی گه‌وره‌دا ، توشی دڵه‌راوکێ ئه‌بن ، باش ده‌زانن که‌ هه‌ناسه‌دانیان له‌هه‌موو شتێکی زیاتر ئه‌گۆڕێ . به‌جۆرێک که‌ به‌ئاسته‌م هه‌ناسه‌یان بۆ ئه‌درێ .
ڕێگه‌یه‌کی نه‌هێشتنی دڵه‌ راوکه‌ ، خووگگرتن به‌هه‌ناسه‌دانی قوڵه‌وه‌یه‌ ، ئه‌گه‌ر سه‌یری ئه‌و که‌سانه‌ بکه‌ی که‌ هه‌میشه‌ له‌سه‌ر خۆن و هه‌رگیز توشی توڕه‌یی و توندی نابن ته‌نانه‌ت له‌ئاڵۆزترین دۆخدا ، به‌سه‌ر خۆیاندا زاڵن ، ئه‌بینی که‌ هه‌ناسه‌ی قوڵ ئه‌ده‌ن.
له‌کاتی توڕه‌بوندا هه‌ناسه‌ت زۆر توند و ڕوکه‌شیه‌، ئه‌گه‌ر له‌و دۆخه‌دا شێوازی هه‌ناسه‌دانت بگۆڕێ و ئارام و قوڵ هه‌ناسه‌ بده‌ی ، به‌سه‌ر ڕقه‌که‌تدا زاڵ ئه‌بی . ئه‌وانه‌ی باوه‌ڕیان به‌خۆیان هه‌یه‌ ، توانایه‌کی زۆریان هه‌یه‌ بۆ بڕیاردان ، هه‌ناسه‌دان له‌ ڕێگه‌ی دروستکردنی هێوری و به‌رزکردنه‌وه‌ی توانای سازنده‌ و کارامه‌ی مێشکه‌وه‌ ، توانا و شێوه‌ی بڕیاردان به‌رز ئه‌کاته‌وه‌. بیکه‌ پیشه‌ت که‌هه‌ناسه‌ی قوڵ بده‌ی و شیوه‌یه‌کی وریاتر و قوڵتر بده‌ی به‌هه‌ناسه‌ت .

باش بخه‌وه‌ :
باش خه‌وتن واته‌ قولکردنه‌وه‌ی هه‌ناسه‌دان له‌خه‌ودا ، واته‌ ئاسوده‌یی و پڕکردنه‌وه‌ی ده‌ماره‌کان و موغناتیزی هۆش . هه‌موو ئه‌وانه‌ واته‌ وزه‌ی دووباره‌ ، وره‌ی دوباره‌، به‌هێزبون و باوه‌ڕ به‌خۆبونی زیاتر.
بێ خه‌ویش ناهێڵێت ده‌ماره‌کانت پڕببنه‌وه‌ و بحه‌سێنه‌وه‌ ، تۆیش له‌به‌رامبه‌ر هۆکاره‌کانی نه‌خۆشی و ورۆژێطنه‌ره‌ ده‌ماریه‌ خراپه‌کان وه‌ک توڕه‌یی و دڵه‌ڕاوکه‌ لاواز ئه‌کات. که‌واته‌ گرنگی بده‌ به‌خه‌وتنت و باش بخه‌وه‌.


| شازاده‌ شه‌نێ .
س/ په‌رتوکی | باوه‌ڕبه‌خۆبوون |