شاخه‌وان ئه‌کره‌م _هۆڵندا
   ئەم پۆستە ئەلیکترۆنیە لەلایەن ئامێرئ سپامەوەیە. جاڤاسکریپت دەبێت چلاک بکەی بۆ بینینی, you need JavaScript enabled to view it
    کچه‌ شانۆکارێک هه‌میشه‌ به‌ دیمه‌نه‌کانی و یستویه‌تی بۆ‌ هۆلندی و ئه‌وروپیه‌کان
رون بکاته‌وه‌ که‌ گه‌نجانی کوردی کوردستان هه‌میشه‌ خاوه‌ن به‌هره ‌و توانای
خۆیانن . پراو پر به‌کاری شانۆ توانیویه‌تی حه‌ق بداته‌ ئه‌و ده‌ورانه‌ی که‌پێی
ده‌سپێردرێت بۆیه‌ له‌ ناخی زاگرۆس دا هه‌میشه‌ هه‌ستی به‌ به‌هره‌یه‌کی تر کردوه‌
ئه‌وه‌یش گۆرانی وتنه‌ ، ئه‌م کچه‌ گه‌نجه‌ که‌ له‌ هۆلندا ده‌ژیت و خاوه‌ن چه‌ند
به‌هره‌یه‌کی هونه‌رییه‌ به‌باشمان زانی توانا و چالاکی ده‌ربخه‌ین ، زاگرۆس خاوه‌ن
ده‌نگ و ستایلیکی جیایه ‌و ده‌یه‌وێت تێکه‌ڵمان بکات له‌گه‌ڵ ئاواز و گۆرانی به‌
هه‌سته ‌ناسکه‌که‌ی ئیستاش چاوه‌رێی به‌رهه‌مه‌که‌ین ، به‌خۆشحالیه‌وه‌ وه‌لامی
ئه‌م پرسیارانه‌ی دایه‌وه‌ و لیمان پرسی "
  بۆ له‌شانۆوه‌ بۆ گۆرانی ووتن؟
زاگرۆس :پێش ئه‌وه‌ی ده‌ست به‌کاری شانۆ بکه‌م من به‌نیازی گۆرانی ووتن بووم و به‌
به‌رده‌وامی به‌شداری چه‌ندین فیستیڤاڵ و چالاکیه‌ هونه‌رییه‌کانم کردووه‌ به‌ گۆرانی
ووتن .
 ئه‌ته‌وێت به‌ گۆرانی ووتن چی ده‌ربخه‌یت ؟ هه‌ست ده‌که‌یت به‌ گۆرانی ووتن خۆت
بدۆزیته‌وه‌و خه‌ڵکیش له‌ خۆت ڕازی بکه‌یت؟
زاگرۆس :به‌ گۆرانی ووتن ئه‌مه‌وێت تواناکانم ده‌ربخه‌م له‌ بواری هونه‌ردا . زۆر به‌
ئاسانی له‌ گۆرانی ووتن دا خۆم ئه‌دۆزمه‌وه‌ چونکه‌ هه‌م هه‌ست به‌ به‌خته‌وه‌ری
ئه‌که‌م و هه‌م خزمه‌تی هونه‌ری نه‌ته‌وه‌که‌م ئه‌که‌م .
 تۆش وه‌ک هه‌ندێک له‌ گۆرانی بێژه‌کان به‌جلی(ئیغرا)ئه‌ته‌ویت جه‌ماوه‌ر بۆ خۆت دروست
بکه‌یت؟
زاگرۆس:نه‌خێر... جونکه‌ جه‌ماوه‌ری هونه‌ردۆست به‌جل و به‌رگ دروست ناکرێت ، من
له‌گه‌ل ستایلی گۆرانیه‌کانم جل و به‌رگ ئه‌پۆشم.
 ئیستا ده‌یان گۆرانی بیژی کج هه‌ن که ‌گۆرانی ده‌ڵین زۆربه‌شیان ده‌نگیان له‌یه‌ک
ده‌جێت و یه‌ک ستایلیان هه‌یه‌ ؟ ئایا تۆش به‌هه‌مان ستایلی ئه‌وان کارده‌که‌یت‌ ؟
زاگرۆس :من ستایلی خۆمم هه‌یه‌و ئه‌گه‌ر به‌رهه‌مێکی نوێ و توانایه‌کی جیا پێشکه‌ش
نه‌که‌م که‌واته‌ پێویست ناکات کاریک دوبار بکه‌مه‌وه‌ که‌ له ‌کاتیکدا ئه‌وکاره‌
هه‌بێت ،من ده‌نگم جیاوزه ‌و له ‌دوارۆژدا ئینشه‌الله‌ توانای ده‌نگم زیاتر ده‌رئه‌خه‌م
له ‌به‌رهه‌مه‌کانمدا .
 کێ هاوکاری به‌رهه‌م هێنانت ده‌کات له‌روویی مادی و مه‌عنه‌ویه‌وه‌ ؟
زاگرۆس :باوکم هاوکاری زۆرم ده‌کات وه‌ک به‌رێوه‌به‌ری کاره‌کانم وه‌ بۆ هه‌موو شوێنێک
له‌گه‌لم دایه‌ ، له‌روی مادیشه‌وه‌ هه‌موو سه‌رفیات و مه‌سروفاتی له ‌سه‌ر ئه‌رکی
خۆمه‌ به‌بێ هاوکاری هیج لایه‌ن و سپۆنسه‌ریک .
 چ هونه‌رمه‌ندیک زیاتر کاریگه‌ری هه‌یه‌له‌سه‌رت ؟
زاگرۆس :سه‌رجه‌م هونه‌رمه‌نده‌ نه‌مر وگه‌وره‌کانی کورد کاریگه‌ریان هه‌یه‌ به‌‌سه‌ر
مه‌وه‌ ، هه‌میشه‌ش‌ سود له ‌هونه‌ری فۆلکلۆر وه‌رده‌گرم .
 ئه‌وگۆرانییه‌‌یی به‌نیازی به‌رهه‌می بهینیت بۆکیت وتوه‌ ؟
زاگرۆس :ناوه‌که‌ی جاری ئاشکرا ناکه‌م ، گۆرانیه‌که‌م له‌ هۆنراوه‌ی باوکمه‌ وه‌باس
له‌‌روخساری کورێک ده‌کات که‌ چۆن جوانی ئه‌وکوره‌ سه‌رنجی منی بۆ خۆی راکێشاوه‌ .