وتاری به‌ریز خالید عه‌زیزی، سکرتیری گشتیی حیزبی دیموکراتی کوردستان له‌66 ساڵه‌ی دامه‌زرانی کۆماری کوردستاندا
یەک شەممە, 29 کانونی دووەم 2012 16:07



خوشک و برایانی ئازیز!
میوانه‌به‌ڕێزه‌کان!
 دۆستان! و لایه‌نگران! و ئه‌ندامانی حیزبی دێموکرات! و هاوڕێیانی پێشمه‌رگه‌!
 به‌بۆنه‌ی شێست و شه‌شه‌مین ساڵڕۆژی دامه‌زرانی کۆماری کوردستان پیرۆزبایی له‌ئێوه‌  و هه‌روه‌ها پیرۆزبایی له‌سه‌رجه‌م  خه‌ڵکی کوردستان و کۆمه‌ڵانی خه‌ڵک له‌رۆژهه‌ڵاتی کوردستان به‌تایبه‌تی ده‌که‌م.
66 ساڵ ره‌نگه‌له‌ته‌مه‌نی ئینسانێک دا زۆر بێ، به‌ڵام له‌ته‌مه‌نی میلله‌تێک دا که‌له‌پێناوی گه‌یشتن به‌مافه‌کانی خۆی دا خه‌بات ده‌کا و قوربانی ده‌دا و ئیفتخارات بۆ خۆی ده‌خوڵقێنێ، ته‌مه‌نێکی زۆر نییه‌. 66 ساڵ پێش ئه‌مڕۆ کۆماری کوردستان که‌دامه‌زرا پێناسه‌ی کوردی و هووییه‌تی کوردی له‌چوارچێوه‌ی یه‌که‌مین حکوومه‌تی کوردی دا نه‌هادینه‌کرد، به‌ئاڵا و به‌سه‌رۆک کۆمار و به‌کابینه‌ی وه‌زیران که‌وته‌نێو موعادلاتێک که‌هه‌م بۆ نه‌ته‌وه‌ی کورد جێگای شانازی بوو هه‌م راسته‌وخۆ و ناڕاسته‌وخۆ ئیعترافی دۆستان و دوژمنانی له‌ناوچه‌که‌دا به‌ره‌و لای خۆی راکێشا.
له‌مێژووی کێشه‌سیاسییه‌کان دا ئیدئۆلۆژییه‌جۆراوجۆره‌کان یه‌ک به‌دوای یه‌ک دا هاتوونه‌ته‌گۆڕێ و رۆیشتوون، له‌کۆمۆنیزمه‌وه‌بگره‌  تا لیبرالیزم و تا کۆنزێرواتیزم و تا ده‌یان بۆچوونی دیکه‌ی کۆمه‌ڵایه‌تی، له‌دژی یه‌ک ره‌قابه‌تییان بووه‌و به‌گوێره‌ی زه‌مان لایه‌نێک سه‌رکه‌وتوه‌و لایه‌نێک تێک شکاوه‌، لایه‌نێک له‌کێشه‌کانی کۆمه‌ڵایه‌تی دا ده‌نگی نه‌هێناوه‌ته‌وه‌و لایه‌نێک ده‌نگی هێناوه‌ته‌وه،‌به‌ڵام که‌سایه‌تی و هۆوییه‌تی کۆماری کوردستان له‌به‌ر ئه‌وه‌ی که‌که‌سایه‌تی و هۆوییه‌تی نه‌ته‌وه‌ی کورد بوو، له‌ته‌واوی ئه‌و ماوه‌یه‌دا نه‌له‌که‌می داوه‌نه‌له‌نێو کۆمه‌ڵانی خه‌ڵک دا که‌م ره‌نگ بۆته‌وه،‌نه‌به‌شکان و تێکچوونی، کۆماری کوردستان له‌ئاستی کۆمه‌ڵگه‌ی کوردستان دا سڕاوه‌ته‌وه‌، به‌ڵکه‌رۆژ به‌رۆژ رێگه‌ی رێبوارانی رێگای کۆماری کوردستان، رێگه‌ی رێبوارانی رێگای رزگاریی نه‌ته‌وه‌ی کورد، به‌هۆی بایه‌خدان به‌هۆوییه‌تی کوردایه‌تی له‌په‌ره‌ئه‌ستاندن دا بوو‌ه‌. کاتێک کۆماری کوردستان رووخا، یه‌که‌مین لێکدانه‌وه‌ی دوژمنانی کورد ئه‌وه‌بوو که‌به‌ئێعدامی سه‌رۆک کۆمار و رووخانی کۆمار له‌مه‌و به‌دوا ئه‌و مه‌جال و ده‌رفه‌ته‌ی که‌کۆمار بۆ نه‌ته‌وه‌ی کوردی له‌به‌شێک له‌کوردستان دا خوڵقاندبوو ره‌نگه‌نه‌توانێ ئیدامه‌ی حه‌یات بدا و له‌سه‌ر پێی خۆی رابوه‌ستێ. به‌ڵام زیندانیکرانی رێبه‌رانی کورد و ئه‌شکه‌نجه‌و ده‌ربه‌ده‌ری و ئه‌و زوڵم و زۆره‌ی که‌له‌کوردستانی ئێران به‌ره‌وڕووی رێبوارانی رێگای کۆماری کوردستان و هاوڕێیانی قازی محه‌ممه‌د کرایه‌وه‌، ده‌ری خست که‌ئه‌و خه‌باته‌به‌رده‌وام ده‌چێته‌پێشێ و به‌ئه‌شکه‌نجه‌و زیندان و ئێعدام به‌هیچ جۆر تێدا ناچێ. ئه‌گه‌ر ئه‌و وه‌خته‌کۆماری کوردستان سنووری جوغرافیاییه‌که‌ی، ناوچه‌ی موکریان به‌پێیته‌ختیی مه‌هاباد بوو، ئێستا ده‌بینین شعوری نه‌ته‌وایه‌تیی کورد و هه‌ست و داخوازی نه‌ته‌وه‌ی کورد له‌کوردستانی ئێران، له‌شیمالی کوردستانی ئێرانه‌وه‌بگره‌هه‌تا خواره‌وه‌لای ئیلامیشی داگرتوه‌.  ئه‌م راستییه‌، بۆ جارێکی دیکه‌ده‌ری ده‌خا که‌جووڵانه‌وه‌ی نه‌ته‌وایه‌تیی نه‌ته‌وه‌ی کورد له‌کوردستانی ئێران و رێبوارانی رێگای کۆماری کوردستان له‌و مه‌یدانه‌دا هه‌وڵ ده‌ده‌ن و تێده‌کۆشن که‌ئه‌قڵیه‌تی کۆماری کوردستان له‌ته‌واوی کوردستانی ئێران و له‌هه‌موو ئوستانه‌کان جێ بخه‌ن.

ئێمه‌له‌سه‌رده‌مێک دا یادی کۆماری کوردستان ده‌که‌ینه‌وه‌که‌به‌خۆشییه‌وه‌شعووری سیاسیی کۆمه‌ڵانی خه‌ڵک و شعووری نه‌ته‌وایه‌تیی کورد له‌کوردستانی ئێران رۆژ به‌رۆژ له‌په‌ره‌ئه‌ستاندن دا‌یه‌و توانیوتی به‌شێوازی جۆراوجۆر له‌دژی حکوومه‌تی کۆماری ئیسلامی ‌له‌مه‌یدانه‌جیاوازه‌کاندا  خۆ نیشان بدا و بێته‌گۆڕێ. فه‌لسه‌فه‌ی دامه‌‌زرانی حیزبی دێموکراتی کوردستان و چه‌ند مانگ دواتر دامه‌زرانی کۆماری کوردستان وه‌ک حیزبێکی جه‌ماوه‌ری (و ده‌سه‌ڵاتێکی جه‌ماوه‌ری) ئه‌وه‌بوو که‌بێ جیاوازیدانان له‌به‌ینی چین و توێژه‌کانی کۆمه‌ڵ _ بێ ئه‌وه‌ی که‌جیاوازی له‌به‌ینی ژن و پیاو دا دابنێ، بێ ئه‌وه‌ی که‌تاک تاکی کۆمه‌ڵی کورده‌واری به‌ده‌لیلی به‌ستراوه‌یی دینی و ئایینی یا به‌ده‌لیلی به‌ستراوه‌یی له‌هجه‌و زاراوه‌هه‌ڵاوێردرێن_  هه‌موو له‌حیزبی دێموکراتی کوردستان دا جێیان ببێته‌وه،‌بیرۆکه‌یه‌ک ئێستاش کۆن نه‌بووه‌و تا دێ پتر له‌جێگای خۆی دایه‌.
ره‌مزی مانه‌وه‌ی یاد و بیره‌وه‌ریی کۆماری کوردستان ‌له‌و سه‌رده‌مه‌وه‌تا رووخانی حکوومه‌تی په‌هله‌وی و تا ئێستا ئه‌وه‌یه‌که‌کاتی خۆی توانیویه‌نوێنه‌رایه‌تیی زۆربه‌ی زۆری چین و توێژه‌کانی کۆمه‌ڵ بکا. له‌خه‌ڵکی شاره‌وه‌بگره‌تا هی گوند، له‌بازاری و خوێنده‌واره‌وه‌تا مه‌لا و مه‌زهه‌بی، هه‌موو چین و توێژه‌کان به‌گشتی (به‌هی خۆیان زانیوه‌). ئێستاش له‌جووڵانه‌وه‌ی کوردستان و به‌تایبه‌ت له‌حیزبی دێموکراتی کوردستان دا هه‌موو چین و توێژه‌کانی کۆمه‌ڵگه‌بێ ئه‌وه‌ی هه‌ڵاواردنێکی تێدا ‌بێ، توانیویانه‌جێ بگرن و تێیدا کۆ ببنه‌وه‌.

 ئاڵوگۆڕه‌کانی رۆژهه‌ڵاتی نێوه‌ڕاست و ئه‌وه‌ی ‌له‌و وڵاتانه‌دا هاتۆته‌گۆڕێ له‌یه‌ک که‌لام دا بۆ ئێمه‌ئه‌و په‌یامه‌ده‌نێرێ که‌ئه‌و ئاڵوگۆڕانه‌که‌له‌دژی دیکتاتۆری و ئیستبداد دا له‌گۆڕێ دا بوون و حکوومه‌ته‌ئیستبدادی و دیکتاتۆرییه‌کان یه‌ک به‌دوای یه‌ک دا ده‌رووخێن و له‌هێندێک له‌و وڵاتانه‌دا تا راده‌یه‌کی به‌رچاو مه‌زهه‌ب بۆته‌وه‌سیله‌یه‌ک یا بۆته‌رێگه‌یه‌ک بۆ ئه‌وه‌ی که‌خه‌ڵک له‌دژی دیکتاتۆره‌کان رابوه‌ستن. به‌خۆشییه‌وه‌له‌کوردستانی ئێران و هه‌موو پارچه‌کانی کوردستان هۆوییه‌تی میللی و هۆوییه‌تی کوردایه‌تیی ئێمه‌سه‌مبولی به‌ربه‌ره‌کانی و دژایه‌تیی ئێمه‌یه‌له‌گه‌ڵ حکوومه‌ته‌داگیرکه‌ره‌کان و حکوومه‌ته‌ مه‌رکه‌زییه‌کان. بۆیه‌له‌کوردستانی ئێران تا رۆژێک مه‌سه‌له‌ی ئێمه‌و کێشه‌ی نه‌ته‌وایه‌تیی ئێمه‌له‌گه‌ڵ حکوومه‌تی مه‌رکه‌زی چاره‌سه‌ر نه‌کراوه‌و کورد به‌مافه‌نه‌ته‌وایه‌تییه‌کانی خۆی نه‌گه‌یشتوه‌، مه‌سه‌له‌ی سه‌ره‌کی و سه‌مبولی سه‌ره‌کی و هۆوییه‌تی سه‌ره‌کی له‌کێشه‌کانی ئێمه‌له‌گه‌ڵ ده‌وڵه‌تی مه‌رکه‌زیدا مه‌سه‌له‌ی نه‌ته‌وایه‌تیی ئێمه‌یه‌و هه‌موو چین و توێژه‌کانی کۆمه‌ڵ به‌ هه‌ر ئایینێک که‌هه‌یانه‌له‌و هۆوییه‌ت و پێناسه‌یه‌دا ده‌توانن جێ بگرن . ئه‌وه‌ئه‌ساسی به‌ربه‌ره‌کانی و کێشه‌ی ئێمه‌له‌گه‌ڵ ده‌وڵه‌تی مه‌رکه‌زییه‌. له‌گه‌ڵ رێز و ئیحترامی ئێمه‌بۆ هه‌موو بیر و باوه‌ڕێکی مه‌زهه‌بی له‌کۆمه‌ڵگه‌ی کوردستان کێشه‌ی ئێمه‌له‌گه‌ڵ حکوومه‌تی تاران چ له‌سه‌رده‌می کۆماری کوردستان و چ له‌سه‌رده‌می جمهوریی ئیسلامی دا کێشه‌یه‌کی میللی و نه‌ته‌وایه‌تییه‌و کێشه‌ی نه‌ته‌وایه‌تی و میللیی ئێمه‌له‌گه‌ڵ ده‌وڵه‌تی مه‌رکه‌زی زه‌مانێک به‌باشترین شێوه‌ده‌چێته‌پێشێ و زه‌مانێک ده‌توانێ ده‌سکه‌وتی باشی هه‌بێ و سه‌رکه‌وتنی هه‌بێ که‌هه‌موو چین و توێژه‌کانی کۆمه‌ڵ له‌خۆی دا جێ بکاته‌وه‌‌. بۆیه‌مادام ئێمه‌له‌کێشه‌یه‌کی نه‌ته‌وه‌یی دا هه‌ین له‌گه‌ڵ حکوومه‌تی مه‌رکه‌زی بۆ ئه‌وه‌ی که‌هه‌موو ئه‌و چین و توێژانه‌جیاواز له‌عیلاقات و ته‌عه‌للوقاتی مه‌زهه‌بی بتوانن تێیدا جێی خۆیان بکه‌نه‌وه‌، پێویستیمان به‌قه‌راردادێکی نه‌ته‌وه‌یی هه‌یه.‌
ئه‌گه‌ر له‌وڵاتانێک که‌رزگاریی خۆیان وه‌ده‌ست هێناوه‌و ئێستا به‌شێوه‌ی حکوومه‌تی واحید یا حکوومه‌تێکی قانوونی و به‌هه‌ر ناوێک که‌هه‌یانه‌ده‌سه‌ڵات و سه‌روه‌ریی خۆیان هه‌یه،‌رێبازی جۆراوجۆری کێشه‌له‌گه‌ڵ دیکتاتۆرییه‌کان و ئیستیبداده‌کان شتێکی ره‌وایه‌و حه‌قی ته‌بیعی کۆمه‌ڵانی خه‌ڵکه‌، به‌ڵام مادام له‌کوردستان تا ئێستا رزگاریی نه‌ته‌وایه‌تیی ئێمه‌مسۆگه‌ر نه‌بووه‌و ئێمه‌له‌گه‌ڵ ده‌وڵه‌ته‌مه‌رکه‌زییه‌کان له‌کێشه‌دا‌ین، مه‌سه‌له‌ی میحوه‌ری و ره‌مزی یه‌کگرتوویی ئێمه‌ته‌عه‌للوقاتی نه‌ته‌وایه‌تی و کوردایه‌تیی ئێمه‌یه‌. بۆیه‌له‌گه‌ڵ رێز و ئیحترام بۆ هه‌موو بیر و بۆچوون و  ئیدئۆلۆژییه‌ک له‌نێو کۆمه‌ڵگه‌و خه‌ڵک دا، ده‌بێ تێبکۆشین له‌کوردستانی ئێران له‌ئێستا و له‌داهاتوودا ئه‌و بنه‌مایه‌و ئه‌و قه‌رارداده‌به‌قووه‌ت بکه‌ین، قه‌راردادی یه‌کگرتوویی نه‌ته‌وه‌یی له‌دژی حکوومه‌تی مه‌رکه‌زی، تا کاتێک ئێمه‌رزگار نه‌بووین ئه‌وه‌یه‌ده‌توانێ وه‌ک مه‌سه‌له‌یه‌کی میحوه‌ری هه‌موو چین و توێژه‌کان له‌نێو خۆی دا کۆ بکاته‌وه‌.
هاوڕێیانی خۆشه‌ویست!
ئێمه‌له‌سه‌رده‌مێک دا یادی کۆماری کوردستان ده‌که‌ینه‌وه‌  که‌ئاڵوگۆڕێکی به‌رچاو له‌مه‌نته‌قه‌که‌و له‌کۆمه‌ڵگه‌ی ئێراندا له‌گۆڕێ دا هه‌یه‌. جمهووریی ئیسلامی له‌چه‌ندین ناحیه‌وه‌که‌وتۆته‌به‌ر‌فشاری کۆمه‌ڵانی خه‌ڵک. له‌نێوخۆی وڵات(له‌گه‌ڵ ناره‌زایه‌تیی خه‌ڵک به‌ره‌وڕووه‌)، له‌ئاستی نێوده‌وڵه‌تیدا ئیعتبار و ئیعتماد به‌و رێژیمه‌نه‌ماوه‌و سیاسه‌ت و بۆچوونه‌کانی کۆماری ئیسلامی به‌جۆرێکن که‌له‌ئاستی نێوده‌وڵه‌تی دا هیچ متمانه‌یان پێناکرێ. ‌ئابووریی ئێران له‌به‌ر ئه‌وه‌ی که‌کۆماری ئیسلامی سه‌روه‌ت و داهاتی کۆمه‌ڵانی خه‌ڵک له‌پێناو به‌رزه‌فڕییه‌کانی خۆی دا خه‌رج ده‌کا و مه‌جالێکی بۆ کۆمه‌ڵانی خه‌ڵک نه‌هێشتۆته‌وه‌، رۆژ به‌رۆژ له‌وه‌زعێکی خه‌راپتر دایه‌، له‌باری  کۆمه‌ڵایه‌تییه‌وه‌له‌سه‌رتاسه‌ری ئێران کۆمه‌ڵێک گیر و گرفتی کۆمه‌ڵایه‌تی  له‌گۆڕێ دا هه‌یه‌که‌کۆماری ئیسلامی تا ئێستا رێگاچاره‌یه‌کی بۆ نه‌دیتوونه‌وه‌. له‌باری دیپلۆماسیییه‌وه‌ش (ئه‌م رێژیمه‌) ئیحترام بۆ قانوون و رێساکانی نێو ده‌وڵه‌تی دانانێ. له‌سه‌ر یه‌ک هه‌مووی ئه‌و فاکتۆڕانه‌ده‌ستیان داوه‌ته‌ده‌ستی یه‌ک که‌حکوومه‌تی کۆماری ئیسلامی حکوومه‌تێکی وڵامده‌ر نییه‌به‌رامبه‌ر به‌کۆمه‌ڵانی خه‌ڵک، حکوومه‌تێکی مه‌سئوول نییه‌له‌سه‌تحی ناوچه‌که‌دا حکوومه‌تێک نییه‌که‌به‌رامبه‌ر به‌قانوونه‌کانی نێوده‌وڵه‌تی، که‌ته‌نانه‌ت بۆخۆشی ئیمزای کردوون‌به‌ڕێوه‌یان به‌رێ. بۆیه‌هه‌مووی ئه‌وانه‌ئه‌و په‌یامه‌ده‌ده‌ن که‌کۆماری ئیسلامی دره‌نگ یا زوو ده‌بێ بڕوا.
ئاڵوگۆڕه‌کانی ناوچه‌ش به‌تێکڕایی ئه‌و نه‌تیجه‌یه‌ده‌ده‌ن به‌ئێمه‌که‌  رێژیمه‌دیکتاتۆڕ و ئیستبدادییه‌کان رۆژ به‌رۆژ له‌که‌می ده‌ده‌ن و ژماره‌یان که‌م ده‌بێته‌وه‌و کۆمه‌ڵانی خه‌ڵک له‌و وڵاتانه‌تێده‌کۆشن که‌به‌عه‌قڵیه‌تێکی دیکه‌سیستمێک له‌حکوومه‌ت دابمه‌زرێنن که‌له‌مه‌و به‌دوا وڵامده‌ر بێ به‌رامبه‌ر به‌خۆیان. به‌ڵام له‌هه‌مان کاتیش دا ده‌بێ ئه‌و واقیعیه‌ته‌له‌به‌رچاو بگرین له‌و وڵاتانه‌که‌ده‌ورانێکی زۆر له‌ژێر ده‌سه‌ڵاتی ئیستبداد و دیکتاتۆری دا بوون دێموکراسی و ماف نه‌هادینه‌نه‌کراون‌ته‌بیعه‌ته‌ن ده‌ورانێك ده‌کێشێ، زه‌مانێک ده‌گرێ تاکوو عه‌قڵیه‌تی یه‌کتر قه‌بووڵکردن و چۆنیه‌تیی دێموکراسی و ته‌حه‌ممولی یه‌کتر ‌و جێکه‌وتنی حکوومه‌تی قانوون له‌و وڵاتانه‌دابمه‌زرێ.  به‌هه‌ر حاڵ ئاڵوگۆره‌کان که‌ده‌ستیان پێ کردوه‌په‌یامێک ده‌ده‌ن به‌کۆمه‌ڵانی خه‌ڵک له‌ئێران که‌حکوومه‌تی کۆماری ئیسلامی ناتوانێ له‌و چاره‌نووسانه‌به‌ده‌ر بێ. یه‌کێک له‌و لایه‌نانه‌ی که‌راسته‌وخۆ هه‌م له‌سه‌ر کۆماری ئیسلامی ته‌ئسیری هه‌یه‌و هه‌م له‌سه‌ر مه‌سه‌له‌ی کورد به‌گشتی بۆ ئێمه‌سووریه‌یه‌. پێمان وایه‌رووخانی حکوومه‌تی به‌شار ئه‌سه‌د له‌لایه‌ک بۆ ئێمه‌ی کورد ده‌سکه‌وتێكی به‌رچاوی ده‌بێ به‌تایبه‌ت که‌ئێستا هێزه‌سیاسییه‌کانی کورد له‌سووریه‌که‌وتوونه‌ته‌نێو بازنه‌ی هاوکاری و پێوه‌ندی و عیلاقات له‌گه‌ڵ هێزه‌عه‌ره‌به‌کانه‌وه،‌ده‌توانێ سه‌ره‌تایه‌کی باش بێ بۆ ته‌عامولی باش و خوێندنه‌وه‌یه‌کی هه‌مه‌لایه‌نه‌که‌بکرێ مافی کوردیش له‌سووریه‌ده‌سته‌به‌ر بکرێ.
لایه‌نێکی دیکه‌ی قه‌زیه‌که‌ئه‌وه‌یه‌کۆماری ئیسلامی له‌ئاخیری ته‌مه‌نی خۆی دا تێده‌کۆشێ به‌خوڵقاندنی بوحران له‌ده‌ره‌وه‌ی خۆی دا به‌تایبه‌ت له‌عێراق و لوبنان و هه‌روه‌ها پشتیوانی کردن له‌سووریه‌و مه‌شغول کردنی کۆمه‌ڵانی خه‌ڵک و ناوچه‌که‌به‌و بوحرانانه‌بوحران له‌سه‌ر خۆی وه‌لا به‌رێ. به‌ڵام لێکدانه‌وه‌ی ئێمه‌به‌تێکڕایی ئه‌وه‌یه‌که‌کۆماری ئیسلامی چی دیکه‌ناتوانێ ئه‌و یارییانه‌ئیدامه‌بدا، چونکه‌یارییه‌کانی کۆماری ئیسلامی رۆژ به‌رۆژ کۆمه‌ڵانی خه‌ڵک له‌نێوخۆی وڵات و له‌ناوچه‌که‌و له‌دنیای ده‌ره‌وه‌پتر له‌ماهییه‌تی ئه‌و حکوومه‌ته‌ده‌گه‌یه‌نێ و رۆژ به‌رۆژ  مه‌جالی لێ به‌رته‌سکتر ده‌بێته‌وه‌. هه‌مووی ئه‌و کێشانه‌ئێمه‌کاتێک لێکیان ده‌ده‌ینه‌وه‌و هه‌ڵیان ده‌سه‌نگێنین و ته‌حلیلیان ده‌که‌ین و نموونه‌دێنینه‌وه‌ئاماژه‌به‌ئه‌م و ئه‌و ته‌جروبه‌ده‌که‌ین ئه‌ویش ئه‌وه‌یه‌که‌بۆ ئێمه‌ی کورد سه‌رجه‌می ئه‌و ئاڵوگۆڕانه‌چیان تێدا ده‌بێ. کاتێک ئێمه‌باسی کێشه‌له‌وڵاتێکی وه‌ک میسر، تونێس، لیبی و سووریه‌ده‌که‌ین زۆرتر له‌به‌ر ئه‌وه‌یه‌که‌چۆن ده‌توانین له‌و ته‌جروبه‌و له‌و ده‌سکه‌وتانه‌ی ئه‌وان که‌ڵک وه‌رگرین و  ئه‌و ته‌جروبانه‌له‌ئێران به‌کار بێنین و له‌هه‌مان کاتیش دا ئێمه‌بۆ خۆمان وه‌ک کورد بتوانین له‌داهاتووی ئێران دا که‌ڵکیان لێ وه‌ربگرین. یه‌کێک له‌و فاکتۆڕانه‌ی که‌ده‌کرێ له‌داهاتووی حاڵه‌ته‌ناڕوونه‌کانی ئێران دا ئێمه‌ی کورد زه‌ره‌ر نه‌که‌ین و بتوانین به‌یه‌کگرتوویی و یه‌ک ده‌نگی له‌و مه‌یدانه‌دا مافه‌کانی خۆمان بچه‌سپێنین ئه‌وه‌یه‌که‌له‌نێوماڵی کورد یه‌کده‌نگی هه‌بێ، نێوماڵی کورد رێک بخرێته‌وه‌و حیزب و لایه‌نه‌سیاسییه‌کان بتوانن به‌لێکحاڵی بوون و ته‌فاهومێک و جۆرێک له‌ریککه‌وتنی نه‌ته‌وه‌یی به‌ره‌نگاری ئه‌و حاڵه‌ته‌ناڕوونانه‌بینه‌وه‌. ئێمه‌نازانین داهاتووی ئێران چۆن ده‌بێ؟ ئێران به‌شه‌ڕ ده‌گۆڕێ؟ ئێران به‌سوڵح ده‌گۆڕێ، ئێران له‌نێوخۆیدا ئاڵوگۆڕی تێدا پێک دێ؟  به‌ڵام له‌هه‌ر حاڵ دا شتێک که‌بۆ ئێمه‌گرینگه‌ئه‌وه‌یه‌که‌ئێمه‌وه‌ک کورد له‌هه‌مووی ئه‌و حاڵه‌ته‌ناڕوونانه‌دا چۆن رووبه‌ڕووی ئه‌و سێناریۆیانه‌ده‌بینه‌وه‌. بۆ ئه‌وه‌ی که‌له‌و مه‌یدانه‌دا ئێمه‌بتوانین باش بچینه‌پێشێ، یه‌کگرتوویی و لێک نزیک بوونه‌وه‌و جۆرێک کۆده‌نگی له‌نێو لایه‌نه‌سیاسییه‌کان دا پێویسته.‌حیزبی دێموکراتی کوردستان له‌ماوه‌ی چه‌ند ساڵی رابردوو له‌و مه‌یدانه‌دا به‌شێوازی جۆراوجۆر هه‌وڵی داوه‌. ئێستاش که‌به‌تایبه‌تی ‌له‌حاڵه‌تێک داین ئه‌و زه‌رووره‌ته‌زۆرتره‌، تێده‌کۆشێ کۆمه‌ک به‌و لێک حاڵیبوون و به‌و لێک نزیکبوونه‌وه‌یه‌بکا. ئێمه‌له‌مه‌و به‌دواش ئه‌و سیاسه‌ته‌  ئیدامه‌ده‌ده‌ین، چونکه‌پێمان وایه‌له‌جووڵانه‌وه‌یه‌کی نه‌ته‌وایه‌تیدا که‌ته‌نه‌ووعاتی سیاسی و ته‌نه‌ووعاتی دیکه‌ی تێدا هه‌یه‌، یه‌کگرتوویی و لێک نزیکبوونه‌وه‌و په‌یامێکی واحید و قه‌راردادێکی نه‌ته‌وه‌یی یه‌کێک له‌فاکتۆڕه‌سه‌ره‌کییه‌کانی چه‌ند و چۆنی جێبه‌جێ کردنی پڕۆژه‌کانی ئه‌و جووڵانه‌وه‌یه‌یه‌.
 بابه‌تیکی دیکه‌که‌پێویسته‌هه‌ر له‌خانه‌ی یه‌کگرتوویی نه‌ته‌وه‌یی و هێنانه‌گۆڕی قه‌راردادێکی نه‌ته‌وه‌ییدا لێره‌من ئاماژه‌ی پێ بکه‌م  ئه‌وه‌یه‌که‌  ‌له‌هه‌مووی ئه‌و حاڵه‌تانه‌دا کورد له‌داهاتووی ئێران دا زه‌ره‌رمه‌ند نه‌بێ، ئه‌وه‌یه‌که‌تێبکۆشین ئه‌و عه‌قڵیه‌ته‌جێ بخه‌ین، ئه‌و فه‌رهه‌نگه‌جێ بخه‌ین که‌پرۆتۆکۆڵێک یا ته‌وافوقێک یا قه‌راردادێکمان هه‌بێ له‌مه‌وبه‌دوا کورد به‌هیچ جورهیچ لایه‌نێکی سیاسی له‌چه‌ک دژی لایه‌نه‌که‌ی دیکه‌که‌که‌لک وه‌رنه‌گرێ.  ئێمه‌له‌سه‌رده‌مێک دا باسی ئه‌و بابه‌ته‌ده‌که‌ین که‌ده‌بێ هه‌مووی ئینێرژی و توانا و عه‌قڵیه‌ت و تێگه‌یشتنه‌کانی لایه‌نه‌سیاسییه‌کان و ئێمه‌ی کورد به‌گشتی له‌یه‌ک مه‌سیر دا که‌ڵکی لێ وه‌رگیرێ، ئه‌ویش مه‌سیری که‌م کردنه‌وه‌ی گیر و گرفت و ئاسته‌نگه‌کانی رێگای رزگاریی نه‌ته‌وایه‌تیی کورد له‌کوردستانی ئێران ‌له‌ره‌وتی خه‌بات و چالاکیی خۆی دژی کۆماری ئیسلامیدا،  بۆ ئه‌وه‌ی که‌ئه‌و نیگه‌رانی و دڵه‌راوکێیه‌له‌نێو کۆمه‌ڵانی خه‌ڵک دا بڕه‌وێندرێته‌وه،‌ئێمه‌وه‌ک حیزبی دێموکراتی کوردستان هه‌ر وه‌ک‌  له‌رابردووش دا ئاماده‌بووین ئێستاش ئاماده‌ین که‌له‌گه‌ڵ هه‌موو لایه‌نه‌کانی دیکه‌پرۆتۆکۆڵێک یا قه‌راردادێکمان هه‌بێ بۆ ئه‌وه‌ی که‌هیچ که‌س ده‌ست بۆ چه‌ک نه‌با. هیوادارم هه‌موو لایه‌نه‌کان چ لایه‌نه‌سیاسییه‌کان چ خه‌ڵکی ئه‌هلی قه‌ڵه‌م چ خه‌ڵکی ئه‌هلی لێکدانه‌وه،‌چ هه‌مووی ئه‌وانه‌ی به‌هه‌ر جۆرێک به‌په‌رۆشن بۆ داهاتووی کێشه‌ی کورد له‌کوردستانی ئێران، له‌و پێناوه‌دا هه‌وڵ بده‌ن و ئه‌وه‌بکرێ به‌ئیلزاماتێکی کۆمه‌ڵایه‌تی به‌ته‌عه‌هوداتێکی کۆمه‌ڵایه‌تی، سیاسی، و ئینسانی که‌بۆ هه‌میشه‌له‌مێژووی خۆمان له‌داهاتووی کوردستان دا دیارده‌یه‌کمان به‌  ناوی دیارده‌ی نیگه‌رانیی شه‌ڕی کورد له‌گه‌ڵ کورد نه‌مێنێ.
 مه‌وزوعێکی دیکه‌که‌من پێم خۆش بوو ئاماژه‌ی پێ بکه‌م ئه‌وه‌یه‌که‌له‌به‌ره‌به‌ره‌ی هه‌ڵبژاردنی مه‌جلیسی شووڕای ئیسلامیی ئێران دا یه‌کێک له‌و کێشانه‌ی که‌کۆماری ئیسلامی ده‌قیقه‌ن له‌گه‌ڵیان رووبه‌ڕوو بۆته‌وه‌ئه‌وه‌یه‌که‌تێده‌کۆشێ هه‌وڵ بدا به‌شێوازی جۆراوجۆر کۆمه‌ڵانی خه‌ڵك له‌رۆژی هه‌ڵبژاردن دا به‌شداریی هه‌ڵبژاردن بکه‌ن، ئه‌ویش له‌سه‌رده‌مێک دا که‌فشارێکی زۆری نێوده‌وڵه‌تیی له‌سه‌ره‌، له‌سه‌رده‌مێک دا که‌له‌نێوخۆی وڵات خه‌ڵک رۆژ به‌رۆژ له‌دژی کۆماری ئیسلامی پتر ناڕازی ده‌بن و له‌فورسه‌ت و ده‌رفه‌ت ده‌گه‌ڕێن که‌که‌ڵکی لێ وه‌ربگرن له‌دژی ئه‌و رێژیمه،‌له‌سه‌رده‌مێک دا که‌له‌ناوچه‌که‌دا رۆژ به‌رۆژ دێموکراسی به‌ره‌و ئه‌وه‌ده‌چێ که‌جێ بکه‌وێ و ببێ به‌فه‌رهه‌نگ. له‌سه‌رده‌مێک دا به‌تایبه‌ت له‌عێڕاق که‌لایه‌نه‌کان تێده‌کۆشن که‌به‌ته‌نه‌ووعاتێک که‌له‌عێراق هه‌یه‌و له‌سه‌ر بنه‌مای فیدرالیزم و لێك حاڵیبوون، عێڕاق به‌یه‌که‌وه‌دروست بکه‌نه‌وه،‌له‌سه‌رده‌مێک دا که‌له‌کێشه‌ی ناوچه‌که‌دا تورکیه‌ده‌ورێکی زۆر ده‌گێڕێ له‌ئاڵوگۆڕه‌کان دا و ئێران به‌ده‌لیلی سیاسه‌ته‌کانی خۆی  له‌په‌راوێز که‌وتوه‌، تێده‌کۆشێ به‌به‌شداریی خه‌ڵک له‌هه‌ڵبژاردن دا هه‌مووی ئه‌و که‌مبودانه‌که‌هه‌یه‌تی، هه‌موو ئه‌و سیاسه‌ته‌غه‌ڵه‌تانه‌ی که‌هه‌یه‌تی، هه‌مووی ئه‌و ناخۆشه‌ویستییه‌له‌نێوخۆی وڵات و ناوچه‌که‌دا که‌هه‌یه‌تی به‌جۆرێك قه‌ره‌بووی بکاته‌وه.‌بۆیه‌ئێمه‌له‌هه‌مان کات دا که‌پێمان وایه‌هه‌ڵبژاردن فورسه‌ت و مه‌جالێکی باشه‌بۆ حیزبێکی سیاسی که‌ له‌و رۆژه‌دا بتوانێ راسته‌وخۆ له‌گه‌ڵ کۆمه‌ڵانی خه‌ڵك قسه‌بکا و پرۆژه‌و به‌رنامه‌کانی خۆی بخاته‌به‌ر قه‌زاوه‌تی خه‌ڵک، به‌ڵام به‌داخه‌وه‌له‌به‌ر ئه‌وه‌ی که‌ئێمه‌وه‌ک حیزبی دێموکراتی کوردستان له‌نێوخۆی وڵات مه‌جالی ئه‌وه‌مان نه‌بووه و جمهووریی ئیسلامی حیزبی دێموکراتی کوردستانی غه‌یره‌قانوونی ئێعلان کردوه‌، بۆیه‌هیچ رێگایه‌کی بۆ نه‌هێشتووینه‌وه‌یا هیچ ریگایه‌کمان بۆ نه‌ماوه‌ته‌وه‌به‌غه‌یری ئه‌وه‌ی که‌هه‌ڵبژاردنی مه‌جلیسی شووڕای ئیسلامی که‌له‌12ی ره‌شه‌مه‌دا ده‌کرێ بایکۆت بکه‌ین.
 نه‌فسی بایکۆت کردن ره‌نگه‌به‌دانی به‌یاننامه‌یه‌ک یا به‌راگه‌یا‌ندنی هه‌ڵوێستی حیزبێکی سیاسی له‌کاتی خۆی دا ته‌نیا وه‌ک سه‌نه‌دێک جێبه‌جی ببێ، به‌ڵام مه‌سه‌له‌ی ئه‌سڵی ئه‌وه‌یه‌که‌ئێمه‌چۆن تێبکۆشین هه‌موو لایه‌کمان له‌کوردستان به‌تایبه‌تی رۆژی هه‌ڵبژاردن بکه‌ین به‌رۆژی به‌ربه‌ره‌کانیی نه‌ته‌وه‌یی کورد له‌کوردستانی ئێران دژی کۆماری ئیسلامی. من هیوادارم و ئه‌گه‌ر هه‌موو لایه‌کمان ‌(لایه‌نه‌سیاسییه‌کان) به‌یه‌که‌وه کاری بۆ بکه‌ین و رادیۆ و ته‌له‌ڤیزیۆن و ئینێرژیی هه‌موو لایه‌ک له‌م مه‌یدانه‌دا وه‌گه‌ڕ بکه‌وێ، دڵنیام تا راده‌یه‌کی به‌رچاو ده‌توانین له‌و رۆژه‌دا وێڕای ته‌ئکید کردنه‌وه‌له‌سه‌ر هه‌ڵوێستی هه‌مه‌لایه‌نه‌ی بایکۆت له‌پێوه‌ندی له‌گه‌ڵ ئه‌و هه‌ڵبژاردنه‌دا، به‌جۆرێک یه‌کگرتوویی نه‌ته‌وه‌یی کورد له‌کوردستانی ئێرانیش دژی کۆماری ئیسلامی له‌م بۆنه‌یه‌شدا نیشان بده‌ین. بۆیه‌هیوادارم ئه‌و مه‌جاله‌ش بکه‌ین به‌فورسه‌تێک بۆ ئه‌وه‌ی که‌له‌لایه‌ک کوردایه‌تییه‌کی به‌قووه‌تی تێدا بکرێ له‌دژی حکوومه‌تی مه‌رکه‌زی، له‌لایه‌کیش په‌یامی سیاسیی ئێمه‌که‌بایکۆت کردن هه‌ڵوێستێکی گشتییه‌له‌سه‌رتاسه‌ری ئێران، هیوادارم هه‌مووی ئه‌و لایه‌نانه‌ی که‌له‌دژی کۆماری ئیسلامی کار ده‌که‌ن و هه‌ڵبژاردن به‌هه‌ڵبژاردنێکی نادێموکراتیک ده‌زانن له‌و مه‌یدانه‌دا کاری بۆ بکه‌ن.
 له‌کۆتایی دا بۆ جارێکی دیکه‌هیوادارم له‌و فورسه‌ته‌ی که‌ئاڵوگۆره‌کانی ناوچه‌که‌بۆ ئێمه‌ی‌هێناوه‌ته‌پێشێ ، به‌باشی که‌لک وه‌ربگرین. کورد له‌مه‌جال و مه‌وقعیه‌تێکی باش دایه‌که‌بتوانێ (پرسی) خۆی بێنێته‌گۆڕێ به‌تایبه‌ت ئێمه‌له‌گه‌ڵ حکوومه‌ته‌مه‌رکه‌زییه‌کان ده‌بێ ئه‌و دیالۆگ و گفتوگۆیانه‌بێنینه‌پێشێ له‌گه‌ڵ تاران، له‌گه‌ڵ به‌غدا، له‌گه‌ڵ دێمه‌شق، له‌گه‌ڵ ئانکاڕا که‌مه‌سه‌له‌ی کورد وه‌ک ته‌هدید چاو لێ نه‌که‌ن. مه‌سه‌له‌ی کورد به‌داخه‌وه‌هه‌میشه‌به‌چاوی ته‌هدید و ئه‌منیه‌تی چاوی لێکراوه‌، مه‌سه‌له‌ی کورد وه‌ک فورسه‌ت چاو لێ بکه‌ن.  بڕواننه‌ته‌جروبه‌ی کوردستانی عێڕاق. هه‌رێمی کوردستان به‌خۆشییه‌وه‌له‌ماوه‌ی چه‌ند ساڵی رابردوودا سه‌ره‌ڕای کۆمه‌ڵێک گیر و گرفت و موشکیلات، سه‌ره‌ڕای ده‌ست و په‌نجه‌نه‌رم کردن له‌گه‌ڵ شوێنه‌واره‌کانی ئه‌نفال و هه‌ڵه‌بجه‌و وێرانی و له‌به‌ین چوونی دێهاته‌کان، سه‌رکه‌وتنێکی به‌رچاوی وه‌ده‌ست هێناوه‌و تێده‌کۆشێ رۆژ به‌رۆژ ده‌سه‌ڵاتداره‌تی، قانوونمه‌ند بکرێ، ئازادی نه‌هادینه‌بکرێ، مافه‌کان سه‌قامگیر ببن. تێده‌کۆشێ رۆژ به‌رۆژ عه‌قڵییه‌تی به‌یه‌که‌وه‌حاوانه‌وه‌ی کورد له‌گه‌ڵ نه‌ته‌وه‌کانی دیکه‌له‌عێڕاقدا جێ بخا و یه‌کێک له‌پایه‌کانی، جێ خستنی فیدرالیزم و له‌گه‌ڵیه‌ک حاوانه‌وه‌بووه‌.  ده‌بێ حکوومه‌ته‌کانی تاران،  ئانکاڕا،  دێمه‌شق له‌داهاتوودا ته‌جروبه‌ی عێڕاق و ته‌جروبه‌ی هه‌رێمی کوردستان وه‌ک فورسه‌ت چاو لێبکه‌ن. ئاوای چاولێبکه‌ن که‌له‌داهاتووی ئێرانیش دا(ئه‌زموونیان لێوه‌ربگرن).  هیوادارم لایه‌نه‌ئێرانییه‌کان چ ئه‌وانه‌ی که‌له‌نێو ده‌سه‌ڵات دان و دژی کۆماری ئیسلامییشن، چ ئه‌وانه‌ی که‌به‌گشتی له‌ده‌ره‌وه‌ی ده‌سه‌ڵات دان و دژی کۆماری ئیسلامین و خه‌بات ده‌که‌ن به‌و چاوه‌چاو له‌قه‌زیه‌ی کورد بکه‌ن، ئه‌و دیدی ئه‌منیه‌تی و به‌چاوی ته‌هدید چاولێکردنه‌وه‌لا بنێن و کورد بۆ داهاتووی ئێران و له‌دروست کردنه‌وه‌ی ئێراندا به‌فورسه‌ت دا بنێن و ئه‌گه‌ر ته‌جروبه‌ی کوردستانی عێڕاق و عه‌قڵییه‌ت و بۆچوونی ئێمه‌وه‌ک فورسه‌ت چاوی لێ بکرێ و له‌ئێران نه‌هادینه‌بکرێ. دڵنیام ئه‌و وه‌ختی عه‌قڵییه‌تی ئیداره‌ی ئێران له‌لایه‌ن هه‌موو لایه‌کمانه‌وه‌به‌یه‌که‌وه‌ده‌توانێ جێ بکه‌وێ و جێگای خۆشێه‌تی لێره‌ئێمه‌ئه‌و ته‌ئکیده‌بکه‌ینه‌وه‌کێشه‌ی کورد له‌گه‌ڵ هیچ نه‌ته‌وه‌یه‌ک نییه‌. ئێمه‌له‌گه‌ڵ هیچ نه‌ته‌وه‌یه‌ک چ نه‌ته‌وه‌ی عه‌ڕه‌ب، چ نه‌ته‌وه‌ی تورک، چ نه‌ته‌وه‌ی فارس، چ نه‌ته‌وه‌ی ئازه‌ری شه‌ڕ و کێشه‌مان نه‌بووه‌. لانیکه‌م له‌ئێران کێشه‌ی ئێمه‌له‌گه‌ڵ ده‌سه‌ڵاته‌مه‌رکه‌زییه‌کان بووه‌. کێشه‌ی کۆماری کوردستان له‌گه‌ڵ ده‌سه‌ڵاتی حکوومه‌تی شایه‌تی بوو که‌حکوومه‌تی کۆماری کوردستانی قبووڵ نه‌کرد و ته‌نانه‌ت له‌رێگای دیالۆگ و گفتوگۆش حازر نه‌بوو ئیحترام بۆ داواکانی دابنێ و قسه‌ی له‌سه‌ر بکا.
 کێشه‌ی ئێمه‌له‌ئێران له‌گه‌ڵ سیستمی کۆماری ئیسلامی و عه‌قڵییه‌تی جمهووریی ئیسلامییه‌، له‌گه‌ڵ عه‌قڵییه‌تی ئه‌و که‌سانه‌یه‌که‌له‌تاران حکوومه‌ت ده‌که‌ن و خۆیان به‌خودی داده‌نێن و ئێمه‌به‌غه‌یری خودی داده‌نێن. بۆیه‌په‌یامی ئێمه‌لێره‌دا په‌یامی یه‌کده‌نگی و هاوڕێیه‌تی له‌گه‌ڵ ته‌واوی نه‌ته‌وه‌کانی ئێرانه‌دژی کۆماری ئیسلامی و له‌سه‌ر ئه‌و ئه‌ساسه‌ئێمه‌هه‌میشه‌ته‌ئکیدمان  له‌سه‌ر ئه‌و په‌یامه‌مان  کردۆته‌وه‌. بۆیه‌وه‌ک رێگاچاره‌‌ش ، ئێمه‌مادام باوه‌ڕمان به‌فیدرالیزمه،‌هه‌میشه‌ئه‌و حه‌لله‌مان هێناوه‌ته‌گۆڕێ، گوتومانه‌ئێمه‌له‌رێگای گفتوگۆ و له‌رێگای دیالۆگ له‌رێگای ئیعتراف به‌مافه‌کانی ئێمه‌، ئاماده‌ین له‌داهاتووی ئێران دا له‌گه‌ڵ هه‌موو لایه‌نه‌کانی دیکه‌، ئێران ئیداره‌بکه‌ین. به‌ڵام ئه‌گه‌ر کورد که‌هه‌وڵ ده‌دا به‌شێوازی جۆراوجۆر مافه‌کانی له‌ئێران دا جێ بکه‌وێ ئه‌گه‌ر به‌گفتوگۆ کێشه‌ی ئێمه‌چاره‌سه‌ر نه‌بێ ئه‌گه‌ر حه‌دی ئه‌قه‌لی داواکانمانیان قبووڵ نه‌کرد، خودموختارییان قبووڵ نه‌کرد، فیدرالیزمیان قبووڵ نه‌کرد، ئه‌و میلله‌ته‌وه‌ک هه‌موو میلله‌تانی دنیایه‌حه‌قی خۆیه‌تی مادام له‌ئێران له‌گه‌ڵ خۆی ناخه‌ن و مه‌جالی پێناده‌ن، رێگاچاره‌ی دیکه‌هه‌ڵ بژێرێ. بۆیه‌هیوادارم ئێمه‌هه‌موو لایه‌کمان تێ بکۆشین ئه‌و عه‌قڵییه‌ته‌له‌نێو کۆمه‌ڵگه‌ی کورد له‌کوردستانی ئێران دا جێ بخه‌ین و هه‌روه‌ها بیکه‌ین به‌عه‌قڵییه‌تێکی گشتگی‌ر له‌ئێران دا.
بۆ جارێکی دیکه‌له‌66 ساڵه‌ی کۆماری کوردستاندا هیوادارم که‌ئه‌رک و وه‌زیفه‌کانی کۆمار بکه‌ینه‌سه‌رمه‌شقی خۆمان. ئه‌و دیارده‌نه‌ته‌وه‌ییه‌ی که‌کۆمار بۆ ئێمه‌ی به‌جێ هێشتوه‌که‌  کاتی خۆی که‌کۆمار دروست بوو، به‌هاوکاری و هه‌ماهه‌نگیی  هه‌مووی ئه‌و به‌شه‌له‌خه‌ڵک له‌و به‌شه‌ی کوردستان دروست بوو، له‌هه‌مان کات دا به‌داخه‌وه‌تێکشکانه‌که‌شی ‌هێندێک پێوه‌ندیی به‌ناکۆکیی نێوخۆییه‌وه‌هه‌بوو. ئه‌وه‌ی دووه‌م له‌نێو ئێمه‌دا نه‌مێنێ ئه‌وه‌ی یه‌که‌م به‌قووه‌ت بێ، واتا رۆژ به‌رۆژ تێبکۆشین هاوده‌ردی و هه‌ماهه‌نگی و یه‌کگرتوویی نه‌ته‌وه‌یی له‌نێو ئێمه‌دا به‌قووه‌ت بێ. هیوادارم ئه‌و ئاواته‌زوو وه‌دی بێت و رێز گرتن له‌ساڵرۆژه‌کانی داهاتووی کۆماری کوردستان له‌نێوخۆی وڵات له‌شار و گونده‌کانی رۆژهه‌ڵاتی کوردستان و به‌به‌شداریی هه‌موو ئه‌و لایه‌نانه‌بێ که‌له‌پێناوی رزگاریی نه‌ته‌وایه‌تی دا تێکۆشاون.
 جارێکی دیکه‌ش به‌رز و پیرۆز بێ یادی کۆماری کوردستان و هه‌روه‌ها یادی سه‌رۆک کۆماری کوردستان پێشه‌وا قازی محه‌ممه‌د. بۆ ئێوه‌ش هه‌ر داوای ساغی سڵامه‌تی ده‌که‌م و هه‌موو لایه‌کمان به‌یه‌که‌وه‌سه‌رکه‌توو بین.


 
گوتار
وێنە
ئازادی ڕا ده‌ربرین له‌ ژێر هێرشدایه‌ له‌ هه‌رێمی کوردستان
هیومان رایتس واچ  به‌رواری 10 فبرایه‌ری 2013 ، ڕه‌خنه‌ی توند ئه‌گرێت له‌ حکومه‌تی هه‌رێمی...
وێنە
په‌یام بۆ گه‌لی کورد له‌ ڕۆژئاوای کوردستان
 حیزب‌و ڕێکخراوه‌ خه‌باتگێڕه‌کانی ڕۆژئاوای کوردستان! کۆمه‌ڵانی ڕاپه‌ڕیوی گه‌لی کورد...
وێنە
(عافیَت)ى (خۆشناوان)
هیَمن عومه‌ر خۆشناو-شه‌قلاَوه‌ مه‌لامحه‌مه‌دى كۆیى كوڕى مه‌لا عه‌بدولَلاَى جه‌لى...
وێنە
ره‌ هه‌نده‌ ستراتیژیه‌كانى دروستكردنى هه‌ریَمه‌كان له‌ ئیَراقدا
عومه‌ر ئاواره‌ له‌ دواى روخاندنى ڕژیَمى به‌عس وكوَتایى هیَنان به‌ كوَمارى ئیَراق له‌ سالَى 2003،...
وێنە
یادی کۆماری کوردستان، زه‌مینه‌یه‌ک بۆ کۆنفڕانسی نه‌ته‌وه‌یی
ن: سمایل شه‌ره‌فی له‌وانه‌یه‌وه‌دوا خستنی یادکردنه‌وه‌ی ساڵیادی کۆماری کوردستان...
وێنە
كۆمه‌ڵه‌ی منداڵانی كورد ـ له‌ نه‌رویج -یادی( شه‌ست و شه‌شه‌مین ) ساڵڕۆژی دامه‌زراندنی كۆماری كوردستان پیرۆزده‌كه‌ن
   له‌ یادی شه‌ست و شه‌شه‌مین ساڵڕۆژی دامه‌زراندنی كۆماری كوردستان دا.. جوانترین پیرۆبایی...
وێنە
کۆماری کوردستان (کۆمارە کەم تەمەنەکە)
کات پایزێکی نیمچە سارد بوو ، شار شارێکی داگیرکراوی کوردستان بوو، کەچەندەها ساڵە بەدەست زوڵم و ستەمی...
وێنە
هه‌ڵوێستمان به‌رامبه‌ر هه‌ڵبژاردنه‌کانی نۆیه‌مین ده‌وره‌ی مه‌جلیس
هاونیشتمانه‌ به‌ڕێزه‌کان! خه‌ڵکی تێکۆشه‌ری کوردستان! ڕێژیمی کۆماری ئیسلامی به‌نیازه‌ ڕۆژی...
وێنە
‌کۆمه‌ڵ کوژی شرناخ وکولانه‌وه‌ی گشت زامه‌کان
زۆربه‌ی زۆری نه‌ته‌وه‌ی کورد هه‌ر ڕۆژه‌و به‌ ناوو بیانویه‌که‌وه‌ به‌ کۆمه‌ڵ له‌...
وێنە
به‌یاننامه (کوشتاری به‌ کۆمه‌ڵی کاسبکارانی کورد له‌ باکووری کوردستان، مه‌حکووم ده‌که‌ین) 30 / 12 / 2011
‌به‌ گوێره‌ی هه‌واڵی هه‌والده‌رییه‌ کوردی و جیهانییه‌کان شه‌وی 28 له‌ سه‌ر29ی...
وێنە
فه‌له‌ج کردنی کابینه‌کانی حکومه‌تی هه‌رێم له‌به‌رژه‌وه‌ندی کێ دایه؟!
به‌ڕێزان ، له‌ ٢٥. ١١. ٢٠٠٩، بابه‌تێکمان له‌ سایت و ڕۆژنامه‌کان بڵاوکرده‌وه له‌ژێر...
وێنە
خالید عه‌زیزی: ئێمه‌ هیچ کێشه‌یه‌کمان له‌ گه‌ڵ ئه‌و لایه‌نه‌ ئیسلامیانه‌ نیه‌
خالید عه‌زیزی: ئێمه‌ هیچ کێشه‌یه‌کمان له‌ گه‌ڵ ئه‌و لایه‌نه‌ ئیسلامیانه‌ نیه‌ که‌...
وێنە
چ شتێكت هیلاكت ده‌كات ؟!
ڕسته‌یه‌كی پڕ بایه‌خ هه‌یه‌ كه‌ ده‌ڵێت ( به‌ ته‌نها كاری هزری نابێته‌ هۆی ماندووبوونت )...
وێنە
گۆرانی كۆمه‌لایه‌تی چیه‌؟
پێشەكی: هەمیشە دیاردەی گۆڕان جێگای سەرنجی مرۆڤ بووە، گۆرانە سروشتیەكان یەكەم جۆری گۆران بووە كە مر ۆڤ هەستی...
وێنە
كوردو ئه وهه له ى له به رده ستى دايه
هه مومان ئه زانين ئيمه وه ك كه لى كورد نه ته وه يه كين كه به ده يان ساله. نزيك به صه ده يه كه ؛خه بات ئه كه ين بو ئه...
وێنە
بۆ ناوچه‌ داڕێندراوه‌كان..... حكومه‌تی هه‌رێمی كوردستان چی پێده‌كرێت.
شاری خورماتوو بۆ نمونه‌.. عومه‌ر ئاواره‌   ئه‌مه‌یان پرسیاری من نییه‌، به‌ڵگو پرسیاری...
وێنە
پێویستە خەڵکی ناوچەکانی بناری قەندیل سکاڵا لەسەر تورکیا تۆمار بکەن
بۆ :پارێزەرانی کوردستان. ماوەی چەند ساڵێکە سوپای تورکیا بەشێوەیەکی بەردەوام بەجۆرەھا چەکی پێشکەوتووی...
وێنە
به‌رله‌ جه‌ژن
پشكۆخاڵدانی /كه‌ركوك له‌هه‌مویادوبۆنه‌ووجه‌ژنه‌كاندامنداڵان پشكی شێریان...

ناردنی بابه‌ت

sirwan@kurdzhin.net
یان
sozi@kurdzhin.net

میوان له‌سه‌رهێڵ

کوردژین میوان له‌سه‌رهێڵه