وێژینه‌وه‌یه‌کی نوێی زانستی ئه‌وه‌ی روون کرده‌وه‌ که‌ ئه‌نجامدانی یاریه‌ ڤیدیۆیه‌کان له‌لایه‌ن منالان و گه‌وره‌کانیش زیانی زۆری هه‌یه‌ به‌تایبه‌تی ئه‌گه‌ر بێت و به‌ شێوه‌یه‌کی به‌رده‌وام و زۆر ئه‌نجام بدرێت

توێژه‌ران له‌ یه‌کێک له‌ زانکۆکانی ئه‌مه‌ریکا هه‌لسان به‌ ئه‌نجامدانی توێژینه‌وه‌یه‌ک سه‌باره‌ت به‌ زیانه‌کانی یاریه‌ ڤیدیۆیه‌کان بۆ سه‌ر که‌سایه‌تی مناڵ و گه‌وره‌کان ئه‌وه‌یان بۆ ده‌رکه‌وت که‌ ئه‌نجامدانی یاریه‌ ڤیدیۆییه‌کان بۆ ماوه‌یه‌کی زۆر و به‌رده‌وام له‌ لایه‌ن مناله‌کان و بگره‌ لای گه‌وره‌کانیش کاریگه‌ری خراپی ده‌بێت بۆ سه‌ر هه‌لس و که‌وتی که‌سه‌کان و هه‌روه‌ها زیان گه‌یاندن به‌ بیرکردنه‌وه‌ و مێشکی که‌سه‌کان

هه‌روه‌ها توێژه‌ران ئه‌وه‌یان روون کرده‌وه‌ که‌ زۆر جار مرۆڤ توانای نامێنێت به‌سه‌ر هه‌سته‌کانی زاڵ بێت و ده‌بێته‌ هۆی له‌ده‌ست دانی چه‌ند خانه‌یه‌ک له‌ مێشک که‌ کاریگه‌ریان هه‌یه‌ له‌سه‌ر بیرکردنه‌وه‌ و هه‌روه‌ها ئاگادارکردنه‌وه‌

بۆیه‌ توێژه‌ران ئامۆژگاری ئه‌وه‌ ده‌که‌ن که‌ پێویسته‌ دایکان و باوکان زۆر ئاگاداری و چاودێری مناله‌کانیان بکه‌ن له‌ کاتی یاری کردندا و هه‌روه‌ها بۆ گه‌وره‌کانیش پێیان وایه‌ که‌ ئه‌بێت به‌ خۆیان چاودێری خۆیان بکه‌ن و پێداچوونه‌وه‌یه‌ک به‌ خۆیان بکه‌ن

و// سیروان واحد ،،،، به‌رێوه‌به‌ری ماڵپه‌ر