ئەگەر ھاتی پەلەمەکە، با دڵم ھێشووی تۆ بگریت؟؟
شەممە, 30 حوزەیران 2012 11:17



کەژاڵ ئیبراھیم خدر
١
ھەمیشە لەدرەختێکی وەنەوشەیی دەچی
قژت جوانە شانەی ناوێ
ھەمیشە لەمیوانی ناوەخت دەچی
جگە لەتریفەی بارانی چاوم
جەستەت ئاوی تری ناوێ
ھەمیشە لەکۆترێکی غەمگین دەچی
کانیاوی رۆحی من نەبێ
گەروت ئاوی تری ناوێ
ھەندێک جار دەنکە گەنمێکی و
پەرژینی بایەک ئەتڕوێنێ
ھەندی جار چڵی نێرگزێکی پڕ لەشووشەی
دەریایەکی پڕلەتەرمی
بەخۆڕ دێت و کەس ناتبینێ
بەڵام ئەوەی بۆمن گرنگە
میوەی ھێشوەکانی لێوتە
ھەربۆمنە و بۆکەس نابێ.

٢
بەقەد دارسێوە لا سورەی لادێ
سێوی دڵم خۆشەویستی بۆت گرتوە
بەقەد دەنکی لارو لەنجەی
دارھەنارەکانی ھەڵەبجە
فرمێسکم بۆتۆ ڕشتوە.

٣
کە شورەی چاوەکانت گریا
فرمێسکی خەیاڵەکانم بوون بەباران
کەڕەشەبای گۆڕستانێکی سەرخۆش قژتی داپۆشی
تاڵەکانی بوونە شۆستەی جووڵەو سەما
کەلێوەکانت شەپۆلی بزەو خەندە گرتی
دەریای دڵم بوو بەقاقا
کەچاوەگەشەکانی ئەوینت کردەوە
تیشکی خۆربوو خۆی شاردەوە؟؟

٤
کراسێکی رەنگاڵەیت بۆ دووری بووم
تاکوو سێبەری مردن لەبەرم کرد
لەباخچەی چۆڵی تەنھایمدا
ماچێکی سەرلێوت کردم
دەست و پەنجەی ناسکت گوشیم
تائەبەد رووگەی سورکردم
ھەرگیزگوناحم پێ نەکرد؟؟

٥
ئەگەرھاتیە کەناری دڵمەوە
زۆر لەسەر خۆ وەرەو پەلەمەکە
نەکا قاچەکانت لەبەرد کەوێ
ئەگەر ھاتی پەلە بکە
ئاگرێک لەدەرونما خۆی حەشارداوە
خەرمانی دڵ دەسوتێنێ
خۆت دەزانی درەنگ کەوی
چاوی چاوەڕوانیم دەفڕێ.

٦
ئەوەی گوڵی سەوزی باخچەکەم
بۆدڵی تۆی کردووە
ھەر ئەوەیە عاشقێک
بۆ رۆحی کوژراوی تۆی کردووە
ئەوەی تۆ بەخەیاڵێکی پڕ لەئەسرین
بۆ مەغریبی منت کردووە
ھەر ئەوەیە
دەروێشێکی پڕ لەتەریقەت بۆ ژنێکی کردووە.

٧
کە خۆری نائومێدی لەجەستەی ژنێک ھەڵدێ
چاوەکانم بۆ ئەوینت خوڵقاوەو ھیچ نابینن
جگە لە سێبەری چاوەکانی تۆ
کە خۆریش زەردەپەری ئێوارانی
پاڵتۆکەی دەپێچیتەوەو ئاوادەبێ
خەونەکانم ھیچ نابین جگە لە تۆ.

٨
ئەگەر ڕۆژێ وشەیەکم بوونە گوناح و
لەسەفەرێکدا نەغرۆی کردیت
ئازاری دایت،، زوو پێم بڵێ
دڵنیابە و چاوەڕێبە
دەیسڕمەوە لەبیرەوەری و ناخمدا
بۆئەوەی دڵت ھیچ نەڵێ.

٩
چەندین ساڵە پیتەکانی ناوت
لەگوڵاڵەی مێشکمدایە
بوونەتە ئاوێنەی رووناکی و
ھەرگیز بیرم ناچێتەوە
تەنیاپیاوێک لەچاومدا
ئارەزووی سەفەرێک دەکاوو
قەت پیرنابێ
بۆیەدڵم بڕیاریدا
باوەش بۆکەس نەکاتەوە
ھەر بۆ خۆشەویستی ئەونەبێ.

١٠
کەڕەش دەچیەوە لەپیاوێکی نائومێد دەچی
تەنھایی خەمت لێ دەبارێ
کەرەنگت وەک گوڵ سپی دەچێتەوە
بزەو خەندەم لی دەبارێ
تۆپڕی لەتریفەی مانگەشەو
من بە ھەردوکیان ڕاھاتوم
ھەر بۆیەشە کە ئەتبینم
لە ڕقێکی پیرۆز دەچم.

١١
حەزدەکەم بتکەم
بەکۆلارەیەک و بەئاسانی
لەئاسمانا بێت و بچی
ئەوکاتە ھەر بەدەستی خۆمە
نزمت کەمەوە لای خۆم و
یالەئاسماندا بەرزبفڕی.

١٢
سەردەمێکە لەگەڵ تۆدا دەژیم و
تەمەن ناڕواو وەک خۆی ماوە
سەردەمێکە لەگەڵ تۆدا
پیاسە دەکەم
قاچەکانم گڕوتینی جارانیان ھەرماوە
سەردەمێکە لەگەڵ تۆدا پێدەکەنم
تووڕەبوونیش لێم تۆراوە.

١٣
پێان ووتم بوویتە شاعیرێ
ئاگاداربە خۆت دووبارە نەکەیتەوە
منیش ووتم
مادام ووشەو رستەو شعر
ھەرتۆیت و تۆیت
کەس تاقەتی لێمان ناچێ.

١٤
شەوێک شعریکم بۆنوسیویت
باران بەلێزمە دەباری
بەیانی خەبەرم بۆوە
باران ھەموو ووشەکانی سڕی بۆوە
ھەربەتەنیا ووشەی خۆشەویستی نەبێ.

١٥
ئەڵقەیەکت بۆناردبووم
روخسەتم لەپەنچەم وەرکرت
بۆم ھەڵگرێ
زۆ دڵخۆش بووم بەئەسپایی
پێان ووتم "بەختەوەرم
ئەوتاکە،، خۆشەویستیت بێ؟

١٦
زستان ھات و
بەفرباری و، بەبەفراوی لێوەکانت داتپۆشیم
رەنگم سپی سپی بوو لەبەفر
ھاوین ھات و تیشکی خۆر رەش رەشی کردم
دڵم ترسا ئاخۆ سیمام نەشێواوە
رۆحت جوانە
ھەقم نیە سیمات چۆنەو چۆن گۆراوە.

١٧
ماوەیەکە عەشق بۆتە
روبارێک ولەناویدا مەلە بکەم
ماوەیەکە چاوت بۆتە روبارێک و
لەناویدا خۆم وون دەکەم
ماوەیەکە لێوت بۆتە گۆرانیەک
لەگەڵیدا سەما دەکەم
بۆیە نەکەی قەت لێم دووربی
من دەمەویت بۆھەمیشە بۆنت بکەم.

١٨
ئازادییان کردە تفەنگ
چی باڵندەی رووناکی بوو
ھەموویان کوشت
ژنیان کردە بووکە شووشەو
لەسەر خوانی مێزەکاندا سەمایان کرد
نیشتیمانیان کرد بەخەم و
شنەی ئازاری دایپۆشین
وەرزێکی پرخۆڵەمیشی بوو
جوانی خاکی لێ سەندین.

١٩
من نەمزانی لەچاوتروکانێکدا
تەمەن دەڕواو
خۆشەویستی ھەردەمێنێ
ژیان بێ تۆ تەنیاییەو
پایز بەھار ناوەرینێ.

٢٠
تۆھەندێک جار
پەپولەیت و بەسەرجەستەی
خۆزگەکانی ھەستمدا دەفڕی
ھەندێ جاریش ھەنگێکی تاک وتەنیای
بێدەنگی زەمەن دەشکێنی و
شیلەی ھەموو جەستەم دەمژی.

٢١
ئەوەی زۆر دڵخۆشم دەکا
تۆلەمینای یاقووتی مندا دەژی
ئەو شەوەی لەخەزانێکدا بۆتۆت دەنوسم
پڕاوپڕی ژوورەکەم دەبێتە تریفەو
مۆمەکان دەتوێنەوە
ئەو رۆژەی بۆبێدەنگی نیشتیمان
دەنوسم
دەرگای ھەموو زیندانەکان دەکرێنەوە.

٢٢
ھەرچی روبار ھەیە،، جوانە
بەڵام ھیچیان
وەکوو ملوانکەی چاوت مەستم ناکەن
ھەرچی رەزو شینایی و باخە،، جوانە
بەڵام ھیچیان وەکوو
بزەو خەندەی لێوت
شادم ناکەن
ھەرچی ناوی پیرۆز ھەیە
بوونەتە سەرابێکی ناوەخت
بوونەتە نۆتەو مۆسیقا
بوونەتە شەونمی سەردرەخت
بەسێبەری باڵات ناگەن.

٢٣
تنۆک تنۆک لەزەتی ماچەکانت
ڕژانە سەر لێوەکانم
تا ئەبەد بیرم نەچۆوە
ھەناسەی شنەبای تاڵەکانت
بەر سەمای شێواوی قژم کەوت
تۆزێک لە فرمێسکی چاوت
ڕژایە ناو لەپی دەستمەوە
ھەرگیز ختووکەی ووشک نەبۆوە.

٢٤
سەرم بەر مرواری سنگت کەوت و
دوو دڵۆپ فرمێسکی گەشت و
پەنجەرەیەک لەنائومێدی و
خەندەیەکی پڕ لە سۆزم
لێ دەکەوێتە خوارێ،
پێش دۆزەخی ماڵئاوای
دەستم بەر دەستت کەوت و
ئەوەی لە دەستم بەربۆوە
پەنجەکانم ھەپرون بوون بەجارێ.
 
 
 


\٦\٢٠١٢
    کەپرێک بۆ سێبەری رۆحم.

کەژاڵ ئیبراھیم خدر
١
ھەر جارێک تریفەی مانگ
دڵداری لەگەڵ نمەی
شەپۆلەکانی دەریا دەکات
دەبمە چڵێ نێرگزی، دەستی عاشقێک
دەبمە کەپرێک بۆ سێبەری
تەنھایی رۆحی خۆم.

٢
ھەر کاتێک لە پشووی کەنارێکی ئەرخەوانی
ئاسمان وورد دەبمەوە
گوڵێکی دڵ شکاوی پەنجەرەی
رۆحی خۆم دەبینم
نیشتمانێک لە ئێوارانی تاریک دەبینم
نیشتمانێک لەغەمگینی
وەرزی چوارساڵەی خۆی .

٣
کاتێک نیگەرانی باوەش بە خەیاڵی
عەشقما دەکات
تۆ ھێلانەیەکی پڕیت
لە شەونمی بەربەیان و
ئاوی رووباری گەڵای رۆحی من.

٤
کاتێک نۆتەی دەنگیت
گۆرانیەکی پڕ لە نمەی باران دەچڕێت
سەمای خەیاڵی تۆم بیردەکەوێتەوە
کە پڕن لە سپێدەیەکی جوانی
دورکەوتنەوەو یادەوەریی.

٥
من ماڵێکم ھەیە لە تەرزەیەک باران
دیدەنیەکی خامۆش لە تاریکی
لە ھەر کۆڵانێکی ناوەختا بتبینم
نیگایەک لە قەدەری خۆمت بۆ باس دەکەم.

٥
دەتدۆزمەوە ئەگەر رەنگت لە لقی دارێک بچێت
لە پەڵە ھەوری رەوەندەکانیشدا
بۆنی گوڵێکی دەستی ژنێکیش بکەیت
سیمای سەر و قژت دەبینمەوە
وەک ئەوەی ھەناسەم بەڵێنم پێ بدەن
لەم ماڵئاوایی و ئاوابوونە
پەنجەرەی دڵم دەکەمەوە
تاکو جارێکی تر بزە و خەندەت ببینمەوە.

٦
دەڵێن لە وێنەیەکی تۆراوی شەودا
لە کۆچی ھەورێکی تووڕەدا
جۆرە غەمگینیەک ھەیە
لەسەر باڵە تەنکەکانی پەپوولە
ھەڵمان دەگرێ
لە ناو باخچە جوانەکانی گۆڕستانیش
خۆشەویستی دارستانیش ھەیە
پشکۆی دڵمان بۆ خۆی دێنێ.

٧
لەسەر پشتی ئەسپێکی سپی و
لە شێوەی خەون و خەیاڵێکی
باڵ ھەڵگرتوودا
لە نیگاری ھەناسەی بەفرانباردا
دێمەوە لای تۆ
لە ژووری پڕ لە باخی کتێبخانەکەتدا
مانگی غەریبی دەبینم
لە وەرزی کڕێوە و سەرمادا
پڕووشەی شەونمی بەفرە و
دەبمە میوانی رووبارێک
دەمباتەوە بۆ شەڕە تۆپەڵی منداڵی و
کازیوەی عەشقێک ئەرژێتە
خەیاڵی خۆمەوە.

٨
لە نێوان پرشنگی رووناکی خۆردا
دڵت لە ھەڵاڵە و گوڵاڵەی
تریفەی مانگە شەو دەچوو
ناسک، ناسک، تەنیا، تەنیا
بوونە لقێکی جوانی گوڵ
تۆش بە چەند رستەیەکی شەرمنەوە
ملوانکەیەکی مرواریت کردە
گەردنی شعرەکانم
بە ھەناسەیەکی غەمگینەوە پێت وتم
ژیان سەرەتا و، کۆتایی خۆشەویستیە.

٩
لە زەنگی کاروانی گەردن ئازادیدا
ئەو شیعری تەڕی دەنووسی
لە ھەتاویش گلێنەی چاو
چونکە گوڵێک بوو لە دارسێو و
وردە ئەستێرە دایپۆشی
بە رۆژیش لە ھەموو باخچەیەکدا
سوور سوور ئەچێتەوە.

١٠
ھەروەکو چۆن
خۆشەویستی باران بۆ زەوی
پێدەشتی سەوزایی بۆ گوڵاڵەکان
بەردەوامە و تەواو نابێ
عەشقی نێرگز بۆ بەھار و
ھەور بۆ ئاسمان،
ھەر بەو جۆرەش عەشقی من
بۆ چاوی تۆ تەواو نابێ.

١١
تۆ ھەڵھاتنی ئەو خۆرەیت
لە ناو دیدە و دڵی مندا
سوڕانەوەی زەویت
بە دەوری سەری وشەدا
من ماڵئاوایی ناکەم
لە خەیاڵێ کە رۆژانە
لە مێشکمدا دێت و دەچێ
تۆ ئینجانە و گوڵدانێکی
بەر پەنجەرەکەی ژوورەکەمی
تۆ دەرگای کراوەی ھەتاویت و
بەسەر سینەمدا دەڕوانی.




 
هۆنراوه‌
وێنە
تا مردن .... هیچ
تا مردن .... هیچ ١ ئێستا شەوە لە ژێر ئەم ئاسمانەدا گرنگ نییە دانیشتووین ، یا ڕادەکەین کام پرد زەردەخەنە...
وێنە
لەنێو رەنگى بێ رەنگى زەمەندا
کەژال ئیبراهیم خدر لەنێو رەنگى بێ رەنگى زەمەندا دایکم دڵێکى هەیە رەنگاورەنگ لەئاسمانى دواى شکستێکى شۆڕش...
وێنە
گۆشه‌گیری شاعیرێک
به‌‌رله‌وه‌ی ئه‌و سه‌فه‌ر بکات به‌ره‌و به‌هه‌شتی خه‌یاڵیی به‌رله‌وه‌ی...
وێنە
لە وێنەیەکدا
هۆشەنگ شێخمحەمەد ٢٠١١   لە وێنەیەکدا ماندووبووم، درۆ ناکه‌م  له‌ چاوه‌ڕوانی..   به‌ڵێن بۆ تۆ...
وێنە
سێ کورته‌ شێعر ( سه‌ریاس )
سێ کورته‌ شێعر ئه کره م حه سه ن زاده(سه ریاس)         1 ئاڵا هۆده‌ی ئومێدی کرده‌وه‌...
وێنە
شعر و نەغمەی بولبولێكی سپی
كەژاڵ ئیبراهیم خدر 1 ئەبوو لەنێوانی،چرۆی شعرو باڵای تۆدا لەنێو پشكۆی دڵی تۆدا لەنێو فرمێسكە بەگوڵ...
وێنە
گله‌یی
که‌ژال ئیبراهیم خدر 1 ورە من و تۆ جاران یەک کەس بووین ئەمشەو دوانین دووهەناسەو دووگیانى لە یەک جیاواز...
وێنە
کچە گەڵا مەعشوقەکەم.
من زوو وتم لە گەڵای وەریوی پاییز دەچم! من ساڵ نیە لەژێر پێیی نەهامەتیدا لەت لەت نەبم عیلەتی سەفەر ڕەنگی...
وێنە
دووڕۆژ لە نزیکەوە.
. لەو دوریەمەوە دوو ڕۆژ دێمە شاری تۆ.. دوو ڕۆژ لە نزیک تۆ.. بەڵام دووڕۆژ لە بێدەنگترین کاتەکانی ژیانما لەگەڵ تۆ.....
وێنە
الله‌
لە ژیێر نازو سیێبەری ‌ئاڵایەکی چوار لەتەوە ‌نیشتیمانە داخ لە دڵەکەم ‌ڕۆژ لە دوای رۆژ ‌لە دەست...
وێنە
نیشتمانیَك له‌ئه‌رخه‌وان
نیشتمانیَك له‌ئه‌رخه‌وان ...
وێنە
بۆ گیانی تۆ کاکه‌ "مه‌ریوان باوه‌نوری " جوانه‌مه‌رگ
  بۆ مه‌رگی شاعیر و هاورێی زۆر خۆشه‌ویستم " کاکه‌ مه‌ریوان باوه‌نوری " جوانه‌مه‌رگ...
وێنە
ناسك، ناسك ،ئالَ، ئالَ شه‌پۆلی دلَم ئاوبده‌
                  كه‌ژالَ ئیبراهیم خدر 1  به‌شه‌و رۆژ لیَم...
وێنە
باخچەیەکی قەفەسی، وەرزێک لە تەنهایی.
  کەژاڵ ئیبراهیم خدر 1 لەنێو باخچەیەکی پەمەیی دەریادا لەنێو شەپۆلێکی سەرشێتی بەربادا لەناو پەرداخێک لە...
وێنە
بۆ گوڵێک!
  ئەى جوانترین سامفۆنیاى من ئەى هارمۆنیاى ڕەنگەکانى سروشتى من! ئەى باران وکانیاوى من ئەى جوانترین بونەوەرى...
وێنە
وه‌ره‌ گه‌ر تۆ
 وه‌ره‌ گه‌ر تۆ به‌س به‌ گریان پێكه‌نینت دێ تا بۆ به‌ پێكه‌نین هێنانت بگریم و گریان...
وێنە
لەم نەورۆزە
‌ئیتر لاشەم داقرسێینە لەم نەورۆزە ‌لەپیێشەوازی هاتنتدا دەبائیتر دڵی پڕ سۆم ‌پشکۆ دەرکا ‌کەلەم بکە...
وێنە
خەیال
‌گەزەنگی تۆ کۆی بەیانیان ‌سەرئ ئەدا لە ماڵی غەربەت و چۆڵم ‌ئەندیێشەی خەیاڵ ودووریت ‌بۆتە تەوق و...
وێنە
سکالائەرئ خودا
‌ئیوارەیەو لەم ئیوارە خامۆشەدا بە ئەسپایی هێدی هیێدی ‌وا چڕاکانی نیشتیمانە داخ لە دلەکەم ڕوەو نەهات...

ناردنی بابه‌ت

sirwan@kurdzhin.net
یان
sozi@kurdzhin.net

میوان له‌سه‌رهێڵ

کوردژین میوان له‌سه‌رهێڵه