لەنێو رەنگى بێ رەنگى زەمەندا
هەینی, 02 تشرینی دووەم 2012 17:50


کەژال ئیبراهیم خدر


لەنێو رەنگى بێ رەنگى زەمەندا
دایکم دڵێکى هەیە رەنگاورەنگ
لەئاسمانى دواى شکستێکى شۆڕش دەچێ  و
رەنگەکان بەیەکدا نووساون
دڵى دایکم رەنگى سپییە،
شیرى سپى لەمەمکەکانى دەچۆڕێو
سپیەتى بەفر بەسەر قژیدا باریوە
دایکم سپییە….
کە دەشخەوآ خەونى سپى
ئابڵوقەى وڵاتى نەستى دەدەن
کە دەشگریا رۆندکى سپى
بۆ گەردآ گوناهى سپى
بە ڕومەتیا دێتە خوارێ
دایکم سپییە….
کەچى وێنەى قەترانیەتى
قژى زەمەنى منداڵى
بە روخساریا داباریوە
(وەکو بیستومە داوى رەش لەسەر بەفرآ
بەکار نایە
ئەرێ بۆ هێندە لە رووت جوانە ئەو بسکە
تاتایە)(1)
دڵى دایکم رەنگى سوورە
جۆگەلەى خوێنى رەنگێکى درێژ
بەوێدا رەتدەبێ
خوێنى کوڕ لەشەڕى براکان و
خوێنى کچ لە جەنگى بوکێنى
دایکم سوورە….
بەردەوام دووکەڵى سوور
لەجگەرى سوتاوى هەڵدەستآ
دڵى دایکم رەنگى رەشە!
لەپرسەیەکى هەمیشەیى و
لە لافیتەى ژێر باڵى مزگەوت دەچێ
دایکە رەشە….
رەش..رەش
لە گومان دەچێ
رەشیەتى چارەنووس
رەشیەتى بەخت و
رەشیەتى ژیان
دڵى خاکم چەند بەرتەسکە..
لەکۆڵانەکانى ئاوایى ئەنفال دەکا
لەئازادییەکانى ژنێک دەچێ
کە بە قانونى تەماشا
ناتوانێ باکورو باشورو رۆژهەڵات و
رۆژئاوای
جەستەى خۆى سەیر بکا
لە ژنێک دەچێ
کە دەبێ دەست نوێژ بە خوێنى خۆى بشوا
(چییە دنیا ژنێکە هەر شەوێک سکپڕ بە
سەدقینە
بەیانى زوو بە خوێنى جەرگى ئەهلى دڵ
دەکا بێزو)(2)
دڵى ئاسمانى چەند بەرینە
نەنەڕەى توڕەى رەعدێک و
تریفەى هێمنى نەسیم و
ئاپۆرەى ئەستێرەى گەلێک و
ژیانێکى خاڵى لە مرۆڤ
لە باوەشیا
جێى بۆتەوە
دڵى زەریا چەندە قوڵە
کیشوەرێک
نە جەنگى براکانى تێدایەو
نە ئەنفال و
نە ریشى بستێک درێژ
نە شمشێرى تیرۆر دەیگاتێ و
نە قەتڵ  و عامى مەلا و
نە هى دیکتاتۆرێکى کوێر.
دڵى کچەکەم چەند بێگەردە
دڵێکە هێشتاش بە ئاسودە
دەبێتە هێلانەى باڵندە و
ئێستاش خەت و خاڵى
ئەم ژیانە جەنجاڵەى پێوە نییە.
چ هاوسەرێکى پیرۆزىو
دڵت چ ئۆقیانوسێکى بەرینە
ئازادى لەوێدا بە تەنیا دروشم نییە
قانونیش گۆرانییەکى ر ووت و
نە سەربەستیش شەڕێکى درێژ خایەنە
دڵى رێبوار کاروانێکە هەزار رێبوار لەخۆى دەگرێ
بەرزەخێکە خەمى هەرچى بنیادەمى سەر ئەم زەوییە
وەخۆ دەگرێ.
ئاخ دڵى ئەوان چەند بچووکە….
بچووک و ورد
وەک هەڵماتى منداڵانى گەڕەکەکەم
هەر رۆژێک گیرفانێک ماڵیانەو
منداڵێک دەیباتەوە
(ئەوان) هەمیشە لە یارییەکى منداڵانەش
پاڵەوانێکى دۆراون
ئەى مرۆڤە کاڵفامەکان،
بچووکترن لە هەڵمات و
تەنکترن لە رۆژنامەیەکى بێکەس
دڵى ئێوە لە رۆژنامە دەچێ
نایخوێننەوە
ئەوان رۆژنامەیەکن
بەڵام ناواخنێکى خاڵى
یا دەبنە سفرەى نان خواردن
یا بۆ نێو زبڵدان
یا هەر نەبێ لەگەڵ دوو پیرە دارى رزیودا
دەسوتێنرێن
هەندێک جاریش
منداڵان دەیکەنە کۆلارەو
نەسیم بە ئاسانى بە ئاسماندا دەیفڕێنن.
___________________________
* (1) شیعرێکى مامۆستا هێمن موکریانییە.
* (2) شعرێکى مەحوى شاعیرە.
  

 
هۆنراوه‌
وێنە
تا مردن .... هیچ
تا مردن .... هیچ ١ ئێستا شەوە لە ژێر ئەم ئاسمانەدا گرنگ نییە دانیشتووین ، یا ڕادەکەین کام پرد زەردەخەنە...
وێنە
گۆشه‌گیری شاعیرێک
به‌‌رله‌وه‌ی ئه‌و سه‌فه‌ر بکات به‌ره‌و به‌هه‌شتی خه‌یاڵیی به‌رله‌وه‌ی...
وێنە
لە وێنەیەکدا
هۆشەنگ شێخمحەمەد ٢٠١١   لە وێنەیەکدا ماندووبووم، درۆ ناکه‌م  له‌ چاوه‌ڕوانی..   به‌ڵێن بۆ تۆ...
وێنە
سێ کورته‌ شێعر ( سه‌ریاس )
سێ کورته‌ شێعر ئه کره م حه سه ن زاده(سه ریاس)         1 ئاڵا هۆده‌ی ئومێدی کرده‌وه‌...
وێنە
شعر و نەغمەی بولبولێكی سپی
كەژاڵ ئیبراهیم خدر 1 ئەبوو لەنێوانی،چرۆی شعرو باڵای تۆدا لەنێو پشكۆی دڵی تۆدا لەنێو فرمێسكە بەگوڵ...
وێنە
گله‌یی
که‌ژال ئیبراهیم خدر 1 ورە من و تۆ جاران یەک کەس بووین ئەمشەو دوانین دووهەناسەو دووگیانى لە یەک جیاواز...
وێنە
ئەگەر ھاتی پەلەمەکە، با دڵم ھێشووی تۆ بگریت؟؟
کەژاڵ ئیبراھیم خدر ١ ھەمیشە لەدرەختێکی وەنەوشەیی دەچی قژت جوانە شانەی ناوێ ھەمیشە لەمیوانی ناوەخت دەچی جگە...
وێنە
کچە گەڵا مەعشوقەکەم.
من زوو وتم لە گەڵای وەریوی پاییز دەچم! من ساڵ نیە لەژێر پێیی نەهامەتیدا لەت لەت نەبم عیلەتی سەفەر ڕەنگی...
وێنە
دووڕۆژ لە نزیکەوە.
. لەو دوریەمەوە دوو ڕۆژ دێمە شاری تۆ.. دوو ڕۆژ لە نزیک تۆ.. بەڵام دووڕۆژ لە بێدەنگترین کاتەکانی ژیانما لەگەڵ تۆ.....
وێنە
الله‌
لە ژیێر نازو سیێبەری ‌ئاڵایەکی چوار لەتەوە ‌نیشتیمانە داخ لە دڵەکەم ‌ڕۆژ لە دوای رۆژ ‌لە دەست...
وێنە
نیشتمانیَك له‌ئه‌رخه‌وان
نیشتمانیَك له‌ئه‌رخه‌وان ...
وێنە
بۆ گیانی تۆ کاکه‌ "مه‌ریوان باوه‌نوری " جوانه‌مه‌رگ
  بۆ مه‌رگی شاعیر و هاورێی زۆر خۆشه‌ویستم " کاکه‌ مه‌ریوان باوه‌نوری " جوانه‌مه‌رگ...
وێنە
ناسك، ناسك ،ئالَ، ئالَ شه‌پۆلی دلَم ئاوبده‌
                  كه‌ژالَ ئیبراهیم خدر 1  به‌شه‌و رۆژ لیَم...
وێنە
باخچەیەکی قەفەسی، وەرزێک لە تەنهایی.
  کەژاڵ ئیبراهیم خدر 1 لەنێو باخچەیەکی پەمەیی دەریادا لەنێو شەپۆلێکی سەرشێتی بەربادا لەناو پەرداخێک لە...
وێنە
بۆ گوڵێک!
  ئەى جوانترین سامفۆنیاى من ئەى هارمۆنیاى ڕەنگەکانى سروشتى من! ئەى باران وکانیاوى من ئەى جوانترین بونەوەرى...
وێنە
وه‌ره‌ گه‌ر تۆ
 وه‌ره‌ گه‌ر تۆ به‌س به‌ گریان پێكه‌نینت دێ تا بۆ به‌ پێكه‌نین هێنانت بگریم و گریان...
وێنە
لەم نەورۆزە
‌ئیتر لاشەم داقرسێینە لەم نەورۆزە ‌لەپیێشەوازی هاتنتدا دەبائیتر دڵی پڕ سۆم ‌پشکۆ دەرکا ‌کەلەم بکە...
وێنە
خەیال
‌گەزەنگی تۆ کۆی بەیانیان ‌سەرئ ئەدا لە ماڵی غەربەت و چۆڵم ‌ئەندیێشەی خەیاڵ ودووریت ‌بۆتە تەوق و...
وێنە
سکالائەرئ خودا
‌ئیوارەیەو لەم ئیوارە خامۆشەدا بە ئەسپایی هێدی هیێدی ‌وا چڕاکانی نیشتیمانە داخ لە دلەکەم ڕوەو نەهات...

ناردنی بابه‌ت

sirwan@kurdzhin.net
یان
sozi@kurdzhin.net

میوان له‌سه‌رهێڵ

کوردژین میوان له‌سه‌رهێڵه