هه‌ر له‌ کاتی له‌ دایک بوونی منداڵدا سه‌ره‌تاکانی ژیانی مرۆڤایه‌تی ده‌س پێ ده‌کاتو هه‌موو قۆناغه‌کانی ژیان ده‌بڕێت تا کۆتایی ژیانی، به‌لآم زۆربه‌ی شاره‌زایان له‌ سه‌ر ئه‌وه‌ کۆکن که‌ مرۆڤ هێزو تواناکانی له‌رووی داهێنانو ئیبداعه‌وه‌ ده‌گاته‌ ده‌وروبه‌ری ته‌مه‌نی ٦٠ ساڵی، مرۆڤ له‌ ماوه‌ی ته‌مه‌نیدا سوڕه‌کانی ژیان ته‌واو ده‌کاتو ئه‌رکو فه‌رمانه‌کانی له‌م ماوه‌یه‌دا ئه‌توانێ به‌جێ بگه‌یه‌نێو ئه‌رکی مێژویی خۆی جێبه‌جێ بکات.
هیچ یه‌کێک له‌ قۆناغه‌کانی ژیانی مرۆڤ سه‌ر به‌خۆ نین له‌یه‌کترین ته‌واوکه‌ری یه‌کترین، بۆیه‌ که‌مو کوڕیو نادروستی ژیانی په‌روه‌رده‌یی مرۆڤ له‌ هه‌ر یه‌کێک له‌ قۆناغه‌کانی ژیاندا ره‌نگدانه‌وه‌ی خراپی له‌ سه‌ر کۆی سووڕی هه‌ر تاکێک دروست ده‌کات که‌ ئه‌مه‌ش کاریگه‌ی خراپ له‌سه‌ر ژیانی کۆمه‌ڵگه‌ به‌گشتی دروست ده‌کات.
هه‌ر یه‌کێک له‌م قۆناغانه‌ گرنگی خۆی هه‌یه‌و تایبه‌تمه‌ندی خۆی هه‌یه‌ له‌ جۆری بیرکردنه‌وه‌و جۆری ئازادی تاکه‌کانو ویستو ئاره‌زووه‌کانی هه‌رتاکێک له‌هه‌ر یه‌کێک له‌م قۆناغانه‌دا، مۆرکی سه‌رده‌مه‌که‌ی خۆی پێوه‌ دیاره‌و که‌ راسته‌وانه‌ی هه‌لو مه‌رجی ژیانی مرۆڤه‌کانه‌.
بابه‌ته‌که‌ی ئێمه‌ لێره‌دا زیاتر په‌یوه‌ندی به‌ یه‌کێک له‌م قۆناغانه‌ی ژیانی تاکی مرۆڤ هه‌یه‌، ئه‌ویش قۆناغی ژیانی مناڵییه‌.
منداڵ کاتێک له‌ دایک ده‌بێت به‌ئازادی موتڵه‌ق له‌ دایک ده‌بێت سه‌ره‌ڕای جیاوازی هه‌لو مه‌رجه‌کان به‌ پێی جیاوازی هه‌ر کۆمه‌ڵگایه‌ک، به‌لآم هه‌ر دوای له‌ دایک بوونی منداڵه‌وه‌ ده‌ستوورو یاساکانی کۆمه‌ڵگه‌ دێنه‌ مه‌یدانه‌وه‌و ده‌س ده‌که‌ن به‌ رێکخستنی ژیانی ئه‌و منداڵه‌ هه‌ر له‌ سه‌ره‌تاوه‌ سنووربه‌ندی ژیانی ئه‌و منداڵه‌ ده‌کرێت به‌پێی عورفو ته‌قالیدی ئه‌و کۆمه‌ڵگایه‌، رێچکه‌ی تێپه‌ڕبوونی ژیانی بۆ دیاری ده‌کرێت به‌و شێوه‌یه‌ی که‌ کۆمه‌ڵگا په‌سه‌ندی ده‌کات.
له‌ کۆمه‌ڵگای کوردیدا هه‌ر له‌ سه‌ره‌تاوه‌ دونیای منداڵی کوڕو کچ لێک جیا ده‌کرێته‌وه‌و هه‌ر یه‌کیان به‌پێی ده‌ستووری تایبه‌ت به‌ خۆی که‌ کۆمه‌ڵگا دایڕشتووه‌ هه‌ڵسو که‌وتو تواناو ویستو ئاره‌زووه‌کانیان دیاری ده‌کرێنو دونیایه‌کی تایبه‌تیان بۆ ده‌ڕه‌خسێنن که‌ له‌ده‌ره‌وه‌ی دونیای خۆیاندایه‌و پێچه‌وانه‌ی ویستو ئاره‌زووه‌کانی خۆیانه‌.
لێره‌دا ده‌بینین منداڵ که‌ له‌ دایک ده‌بێت له‌سه‌رانسه‌ری جیهاندا جۆری ژیانیانو پێکهاته‌یان له‌ یه‌ک ده‌چێت، به‌لآم دواجار هه‌ریه‌که‌و مۆرکی کۆمه‌ڵگای خۆی وه‌رده‌گرێت، دونیاکانیان له‌یه‌ک جیاده‌بێته‌وه‌، ئه‌مه‌ش ته‌بیعه‌تی ژیانی مرۆڤ نیه‌ له‌ حه‌قیقه‌تدا، به‌ڵکو ئه‌و واقیعه‌ هه‌ر کۆمه‌ڵگایه‌ک که‌لتووره‌که‌یه‌تی که‌ جیاوازی له‌ دونیای مندالآندا دروست ده‌کاتو هه‌ندێک به‌خته‌وه‌ر ده‌بنو هه‌ندێک چاره‌ ره‌ش.
بۆیه‌ هه‌موو شاره‌زایان له‌ سه‌ر ئه‌و کۆکن که‌ گۆڕینی کۆمه‌ڵگاو به‌ره‌وپێش بردنی به‌نده‌ به‌ چۆنیه‌تی په‌روه‌رده‌ی مندالآنه‌وه‌، له‌به‌ر ئه‌وه‌ی که‌ مرۆڤ له‌ رووی جه‌سته‌ییو فکریو روحیو خۆشه‌ویستییه‌وه‌ ژیانی خۆی ته‌واو ده‌کات، فه‌تره‌ی منداڵی ئیلهام به‌خشن بۆ له‌ دایک بوونی ئه‌م حاڵه‌تانه‌ له‌ مرۆڤداو سووڕی ژیانی مرۆڤ له‌م قۆناغه‌دا زه‌مینه‌سازی بۆ ده‌کرێت، بۆیه‌ هه‌ر ناته‌واویه‌ک له‌ له‌ قۆناغی ژیانی منداڵیدا کۆی قۆناغه‌کانی ژیانی مرۆڤ ئه‌خاته‌ ژێر پرسیاره‌وه‌و بێ متمانه‌یی له‌ خودی تاکه‌کاندا دروست ده‌کاتو ناتوانێت ئیداره‌ی ململانیه‌کانی ده‌وروبه‌ری خۆی بدات.

نێره‌ر  

 نوێنه‌ر فاتیح.

ئەم پۆستە ئەلیکترۆنیە لەلایەن ئامێرئ سپامەوەیە. جاڤاسکریپت دەبێت چلاک بکەی بۆ بینینی, you need JavaScript enabled to view it
تایبه‌ت به‌ کوردژین