وڕێنه‌ به‌شی ( نازانم چه‌ند ) :
شەممە, 17 تەمموز 2010 10:32

له‌ دانیشتنێکی ئاسایی په‌رله‌مانی کوردستاندا بڕیاردرا شان به‌شانی به‌ڕێوه‌به‌رایه‌تی پۆلیسی دارستان ، به‌ڕێوه‌به‌رایه‌تیه‌کی تازه‌ دروست بکرێ به‌ ناوی ( به‌ڕێوه‌به‌رایه‌تی پۆلیسی قه‌برستان ) ، ئه‌رکی سه‌رشانی ئه‌م پۆلیسانه‌ ئێشک گرتن و پاسه‌وانی کردنی گۆڕی مه‌سئوله‌کانی وڵاته‌ داماوه‌که‌ی کوردستانه‌ بۆ ئه‌وه‌ی دوربن له‌ ده‌ستی ڕه‌شی تیرۆر ، هه‌ر به‌و بۆنه‌یه‌شه‌وه‌ دوای ئه‌وه‌ی په‌رله‌مانی کوردستان به‌ زۆرینه‌ی ده‌نگ بڕیاریدا له‌سه‌ر قه‌ده‌غه‌کردنی جگه‌ره‌ کێشان ، بڕیار وایه‌ به‌م زوانه‌ پڕۆژه‌ یاسایه‌کی تازه‌ش بخاته‌ به‌ر باس و لێکۆڵینه‌وه‌ ده‌رباره‌ی قه‌ده‌غه‌کردنی فرۆشتنی ته‌پڵه‌کی جگه‌ره له‌ بازاڕه‌کانی کوردستاندا‌ . یه‌کێک له‌ ته‌پڵه‌ک فرۆشه‌کانی ناو بازاڕ که‌ ئێستا ( ئه‌ندام په‌ڕله‌مانه‌ ) وتی :
له‌ پێناوی دابین کردنی کار بۆ ده‌رچوانی زانکۆ و په‌یمانگاکان ، حکومه‌تی هه‌رێمی کوردستان بڕیاریدا به‌ دامه‌زراندنی چه‌ند خوێندکارێکی ده‌رچوی په‌یمانگای هونه‌ره‌جوانه‌کان له‌ دام و ده‌زگاکانی وه‌زاره‌تی ته‌ندروستی هه‌رێم . وه‌زیری ته‌ندروستی هه‌رێمیش ئه‌م هه‌واڵه‌ی به‌رز نرخاند و وتی :
به‌ بۆنه‌ی بۆردومان کردنی سه‌ر سنوره‌کانی کوردستان و شه‌هید بوونی کچێکی ته‌نمه‌ن 17 ساڵی یه‌کێک له‌ دێهاته‌کانی سه‌ر سنوور ، حکومه‌تی هه‌رێمی کوردستان بڕیاریدا به‌ به‌خشینی ( $40000 ) واته‌ ته‌نها ( 4 ) ده‌فته‌ر به‌ ئه‌ندام په‌رله‌مانه‌کانی کوردستان بۆ کڕینی سه‌یاره‌ بۆ ئه‌نجام دانی کاره‌کانیان . دوای ئه‌م بڕیاره‌ یه‌کێک له‌ ئه‌ندام په‌رله‌مانه‌کانی فراکسیۆنی ڕه‌ش وتی :
سه‌رۆکه‌کانی کورد سه‌ردانی وڵاته‌کانی دراوسێیان کرد بۆ تاو توێ کردنی مه‌سه‌له‌ی بۆردومان کردنی سنوره‌کانی هه‌رێمی کوردستان ، دوای گفت و گۆیه‌کی تێرو ته‌سه‌ل گه‌یشتنه‌ ئه‌م بڕیارانه‌ی خواره‌وه‌ .
1_  مۆرکردنی به‌ڵێن نامه‌یه‌کی بازرگانی له‌ نێوان وڵاتانی دراوسێ و حکومه‌تی هه‌رێمی کوردستان له‌ پێناوی بوژانه‌وه‌ی
     که‌رتی بازرگانی  تایبه‌تی سه‌ر به‌ حیزبه‌کانی کوردستان .
2_  زیاد کردنی هه‌نارده‌ی نه‌وتی ڕه‌ش و سپی و ڕه‌نگاوڕه‌نگ له‌ هه‌رێمی کوردستانه‌وه‌ بۆ وڵاتانی دراوسێ .
3_  بڕینی نان و ئاو و کاره‌با و خزمه‌ت گوزاریه‌کانی دێهاته‌ سنوریه‌کان بۆ ئه‌وه‌ی چۆڵ بکرێن و دووربن له‌ تۆپ بارانی  
      ڕه‌وای حکومه‌ته‌ دراوسێکانی کوردستان .
4_  نوسینی چه‌ند تابلۆیه‌کی گه‌وره‌ بۆ سه‌ر سنوره‌کان و لێیان بنوسرێ :
                                          ( حق الجار علی الجار )
یه‌کێک له‌و لێپرسراوانه‌ی له‌و سه‌ردانه‌دا به‌شدار بۆ په‌یامنێری کوردژین دوا و وتی :
له‌ ئه‌نجامی که‌وتنه‌وه‌ی ئاگرێکی گه‌وره‌ له‌ سنوری شارۆچکه‌ی دوکان ، تیمه‌کانی ئاگر کوژێنه‌وه‌ زۆر به‌ په‌له‌ دوای کۆتایی هاتنی ئاگره‌که‌ گه‌یشتنه‌ سه‌ر ڕواداوه‌که‌ و خۆشبه‌ختانه‌ تا گه‌یشتنی ئه‌وان ئاگره‌که‌ ته‌واو بوو و سه‌جه‌م دارستان و پوشی ناوچه‌که‌ سووتا و هیچ زیانێکی گیانی لێ نه‌که‌وته‌وه‌ ، به‌ڕێوه‌به‌رایه‌تی ئاگرکوژێنه‌وه‌ش بڕیاریدا به‌ پاداشت کردنی سه‌رجه‌م فه‌رمانبه‌ره‌کانی ئاگر کوژێنه‌وه‌ .

 

ئاماده‌کردنی // هێمن زانکۆ .......... به‌رێوه‌به‌ری یانه‌ی کوردژین

تایبه‌ت به‌ کوردژین 

 
وڕێنه
وێنە
وڕێنە بەشی (( ١١ ))
لە هەڵبژاردنەکانی حکومەتی هەرێمی کوردستان دا بەڵێن درابە فەرمانبەرانی ویستگەی کارەبای دوکان کە خانوەکانی...
وێنە
وڕێنە بەشی - ١٠
حاجی مامۆستا مەلا سەید شێخ نەجمەدین لە سەر گردەکەی بەر ماڵان لەگەڵ خەڵکی ئاوایی نوێژە بارانەیان کرد و لە...
وێنە
وڕێنه‌/ به‌شی دووه‌م
سه‌ره‌تا  هاتنی مانگی ڕه‌مه‌زان پیرۆزبێت و ئیشه‌ڵڵا ببێته‌ مایه‌ی خێر و قازانج و خۆشی و به‌ره‌که‌ت ،...
وێنە
وڕێنه‌/ به‌شی یه‌که‌م
وئازیزان و خۆشه‌ویستانی یانه‌ی کوردژین :له‌مه‌ودوا هه‌موو هه‌فته‌یه‌ک بابه‌تێکتان پێشکه‌ش ئه‌که‌م...

ناردنی بابه‌ت

sirwan@kurdzhin.net
یان
sozi@kurdzhin.net

میوان له‌سه‌رهێڵ

کوردژین میوان له‌سه‌رهێڵه