به‌ناوی خودای به‌خشنده‌ی میهره‌بان
سوپاس و ستایشی بێ پایان بۆ خوای گه‌وره‌ و دروود و بارانی ڕه‌حمه‌ت بڕژێ به‌سه‌ر گیانی پاکی پێشه‌وای مرۆڤایه‌تی پێغه‌مبه‌رمان (د.خ)، وه‌ یار و یاوه‌رانی و شوێنکه‌وتوانی تا ڕۆژی دوایی.
فەرموو بەڕێزم بۆ وەڵامی پرسیارەکەت:

هه‌رکاتێک ئاڵتون بوو به‌ 20 میسقاڵ و یان زیاتر ئه‌وا زه‌کاتی ئه‌که‌وێته‌ سه‌ر.

له‌هه‌ر میسقاڵێک زێردا چواریه‌کی ده‌یه‌ک زه‌کاتی لێ ئه‌ده‌ی واته‌ له‌ 20 میسقاڵ نیو میسقاڵ زه‌کاتی لێ ئه‌ده‌ی.

ئه‌گه‌ر ئاڵتوون به‌کاری بهێنی یان به‌کاری نه‌هێنی ئه‌وا زه‌کاتی له‌سه‌ره‌، به‌م دوومه‌رجه‌:
1. ساڵێکی به‌سه‌ردا بسووڕێته‌وه‌.
2. بگاته‌ ڕادده‌ی زه‌کات، که بیست میسقاڵ یان سه‌رووتری.
به‌ڵام ئه‌گه‌ر ئه‌م ئاڵتوونه‌ خشل بێت ئه‌گه‌ر نه‌گاته‌ ڕادده‌ی زێده‌ڕۆیی و ئیسڕاف ئه‌وا زه‌کاتی تێدا نیه‌، وه‌ک: پیاوه‌که‌ به‌دیاری چه‌ند میسقاڵێک له‌ ئاڵتوون بۆ خێزانه‌که‌ی بکڕێت، یان ئافره‌ته‌که‌ بۆ خۆ ڕازاندنه‌وه‌ به‌ پاره‌ بیکڕێت، ئه‌وا زه‌کاتی تێدا نیه‌.
والله أعلم
والسلام علیکم ورحمة الله وبرکاته..