❤❤یـــانەی کوردژیـن/Kurd Zhin❤❤/ / چه‌ند نوکته‌یه‌کی زۆر خۆش

.



نازناو:  وشه‌ی تێپه‌ڕبوون:  ‌  |  

ئاگاداری

‌‌‌‌‌‌‌‌‌‌‌‌‌‌‌‌‌‌‌‌‌‌‌‌به‌ڕێزان : هه‌رکاتێک کێشه‌یه‌ک یان په‌یامێکی ناشیاوت به‌رچاو که‌وت له‌یانه‌دا ئه‌توانن په‌یوه‌ندی بکه‌ن به‌ :_

1- بەڕێوەبەری یانە Hemn Zanko لە کوردستان بە ئمێڵی ( hemn_kurdzhin@yahoo.com ) .. ژمارەی مۆبایل ( 07812539505 ) .

2- به‌ڕێوه‌به‌ری گشتی ( ReKaN ) له‌ ئه‌وروپا به‌ ئیمێڵی ( Rekan_uk@hotmail.com ) ، ژماره‌ ته‌له‌فوونی( 00447754007706) .

New Page 1

    بابه‌ته‌ گرنگه‌کانی به‌کارهێنانی یانه‌  



#1 2011-08-26 21:54:16

Halkawt Khayame
خونچەی نوێ
شوێن: Kurdistan\Taq-Taq
ڕێكه‌وتی به‌ ئه‌ندامبوون‌: 2011-06-19
دواترین سه‌ردان: 2013-01-06
په‌یامه‌كان: 8
WindowsMSIE7

چه‌ند نوکته‌یه‌کی زۆر خۆش

چه‌ند نوکته‌یه‌کی زۆر خۆش:


  * دوو ژن پێکه‌وه‌ هه‌ویریان ئه‌شێلا،هه‌روا به‌ ده‌م قسه‌وه‌ یه‌کێکیان له‌وی که‌یانی پرسی: "چه‌ند شووت کردووه؟"،

  ئه‌وی تر وتی:

                      ئیسك و میسك و مسته‌فا                             حافه‌ و جه‌مشید و بولوه‌فا

                  هه‌باس و هه‌یاس و میر ته‌وراس                         گۆرانه‌ هیزه‌ی مێشك کاس

                     نۆ له‌م هۆزی،نۆ له‌و هۆزی                          یه‌ك له‌ به‌ر هه‌تاو خۆی ئه‌دۆزی

                         چنگم له‌ هه‌ویره‌                                       هه‌ر هێنده‌م له‌ بیره‌

  -نوسه‌ر:"ته‌نها ئه‌مه‌نده‌ی له‌ بیره‌،ئه‌ی ده‌بێ چه‌ند مێردی که‌ی کردبێ".



  * له‌ شه‌ڕی 1336 ی هیجری که‌ شه‌ڕی ڕووس و تورك کرا،چه‌ند که‌سێ له‌ عوله‌ما بۆ ئه‌وه‌ی خه‌ڵك بنێرن بۆ شه‌ڕ چوو بوون بۆ ناو عه‌شیره‌تی ((مه‌نگوڕ و

مامه‌ش)).

له‌ دیوه‌خانی حه‌مه‌ ئاغای مامه‌ش،سه‌رۆك عه‌شیره‌ته‌کان وه‌کو (هه‌مزه‌ ئاغای مه‌نگوڕ و حه‌مه‌ ئه‌مین ئاغای بڵباس و هی تریش کۆ ئه‌بنه‌وه‌.

یه‌کێ له‌ مه‌لاکان وه‌عزیان بۆ ئه‌خوێنێ ئه‌ڵێ: "ئه‌مه‌ غه‌زایه‌ و پێویسته‌ له‌ سه‌ر موسوڵمان بیکا،هه‌ر که‌س بچێ ئه‌گه‌ر بکوژرێ شه‌هیده‌ و پایه‌ی شه‌هاده‌ت زۆر

گه‌وره‌یه‌،خۆ ئه‌گه‌ر نه‌شکوژرێ ئه‌بێ به‌ غازی و پله‌ی غازیش دیسان زۆر گه‌وره‌یه‌".

که‌ مه‌لا لێ ئه‌بێته‌وه‌ کوێخایه‌کی بڵباس هه‌ڵئه‌ستێ و ئه‌ڵێ: "مامۆستا،ئه‌گه‌ر خوا ئاره‌زوو بکا هه‌رچی ڕووس هه‌یه‌ به‌ سه‌عاتێك ناتوانێ بیانکوژێ؟"،

مه‌لا ئه‌ڵێ: "به‌ڵێ ئه‌توانێ"،

کوێخا ئه‌ڵێ: "ئینجا خوا که‌ خۆی پێی ئه‌کرێ،بۆچی خۆی هه‌موویان ناکوژێ،بۆچی فیتنه‌که‌ به‌ ئێمه‌ ئه‌گێڕێ؟".



  * کوڕێکی کورد هه‌بوو زۆر گاڵته‌چی بوو،هه‌موو ڕۆژێ که‌ ئه‌ڕۆیشته‌وه‌ ماڵه‌وه‌،دایکێکی پیری هه‌بوو لێی ئه‌پرسی: "ڕۆڵه‌ ده‌نگ و باس چییه‌؟".

ڕۆژێکیان لێی ئه‌پرسێ: "ڕۆڵه‌ ده‌نگ و باس چییه‌؟"،

کوڕه‌ش وتی: "به‌ خوا دایه‌ ئیمڕۆ به‌ فه‌رمانی پاشا جاڕیاندا هه‌رچی بێوه‌ژنێك دانێکی مابێ ئه‌بێ شوو بکا،هه‌ر که‌س نه‌یدا به‌ شوو تووشی جه‌ریمه‌ ئه‌بێ".

پیرێژنه‌که‌ش وتی: "ڕۆڵه‌ ده‌خیله‌ ! خۆت تووشی جه‌ریمه‌ مه‌که‌،ئه‌وه‌ته‌ من دوو کۆته‌ره‌ دانم ماوه‌".



  * کابرایه‌کی له‌یلاخی تووشی کابرایه‌کی گه‌ڵباخی بوو لێی پرسی: "برا ناوت چه‌س؟"،کابراکه‌ی تر وتی: "یوسف".

ئه‌میش پێی وت: "برای عازیز یوڵفس فره‌ خاسی شوکر،تو خوا برا ناو باوکت چه‌س؟"،ئه‌ویش پێی وت: "وه‌ ڕیش باوکته‌وه‌ ناو خومت خاس زانی،جا نۆره‌ی ناو

باوکمه‌".



  * دوو پیاوی ده‌وڵه‌مه‌ند له‌ سه‌ر مڵکێکی به‌ نرخ کێشه‌یان ئه‌که‌وێته‌ به‌ینه‌وه‌،ئه‌چنه‌ لای مه‌لایه‌ك بۆ شه‌رع کردن.

یه‌کێکیان دوو مه‌ن ڕۆن بۆ مه‌لا ئه‌با و ئه‌ڵێ: "مامۆستا تۆزێ ئاگادار به‌".

له‌ دوای ئه‌و پیاوه‌که‌ی تریان ئێسترێك ئه‌با هه‌ر بۆ مه‌لا و ئه‌ڵێ: "مامۆستا تۆزێ وریا به"‌.

ڕۆژی دواتر که‌ ئه‌که‌ونه‌ شه‌رعه‌وه‌،کابرای خاوه‌ن ڕۆن سه‌یر ئه‌کا مه‌لا شه‌رعی به‌ لای ئه‌وی تر دا.

له‌ دڵی خۆیا ئه‌ڵێ: "نه‌وه‌ك مه‌لا لێی گۆڕابێ وابزانێ ئه‌و کابرایه‌ ڕۆنی بۆ بردووه"‌،ئه‌ڵێ: "مامۆستا ئه‌وه‌ داوێنی که‌واکه‌ت ڕۆنی پیا ڕژاوه‌؟"،مه‌لایش سه‌یرێکی

داوێنی ئه‌کا و ئه‌ڵێ: "نه‌خێر ئێستر پێی پیا ناوه‌".



  * شێخ بابه‌ عه‌لی ته‌کیه‌یی له‌ به‌ر هه‌یوانی مزگه‌وته‌که‌ی خۆیا دائه‌نیشێ،فه‌قێیه‌کی خه‌ڵکی ئه‌و کێوه‌ له‌وێ ئه‌خوێنێ.

فه‌قێ ئه‌چێ بۆ ده‌ست نوێژ،به‌ به‌رده‌می شێخا ئه‌ڕوا و ئه‌ڵێ: "سه‌لام عه‌له‌یکم"،ئه‌گه‌ڕێته‌وه‌ ئه‌ڵێ: "سه‌لام عه‌له‌یکم"،خێرا خێرا بۆ لایه‌ك ئه‌چێ و ئه‌گه‌ڕێته‌وه‌

و ئه‌ڵێ: "سه‌لام عه‌له‌یکم"،بابه‌ عه‌لی وه‌ڕه‌س ئه‌کا،ئیتر ئه‌گاته‌ جه‌رگی.

جارێکیان هه‌ڵئه‌ستێته‌ سه‌ر ئه‌ژنۆ و لێی زیت ئه‌بێته‌وه‌ و ئه‌ڵێ: "ئه‌رێ برا ! هیچ وه‌کو بزانی من سه‌لام لغی تۆم لێره‌ دانیشتووم،بۆ وازم لێ ناهێنێ؟".



                                                                                                        دانانی:

                                                                                                                عه‌لائه‌دین سوجادی


                                                                                       له‌ گه‌ڵ ڕێزی نوسه‌ر:

                                                                                                                هه‌ڵکه‌وت خه‌یامی

************************************************************************************************************************

Kurdzhin
گێژی له‌ خه‌یاڵات و گله‌ی به‌ختی ڕه‌شت            ڕابوێره‌ هه‌تا به‌ جارێ نه‌بڕاوه‌ به‌شت
ده‌ست بگره‌ به‌ به‌ندی سه‌ر و پرچی جوانێك     تا هه‌ڵنه‌وه‌شێنراوه‌ هه‌موو به‌ندی له‌شت

له‌سه‌ر هێڵ نی‌یه‌‌

 


خوارووی مه‌كۆ

Your IP Address : 216.73.216.104
Powered by PunBB 1.2.15
© Copyright 2007 – 2011
Translated By : Webchin.Org
Design And Style By : Kurdzhin.net