به‌ناوی خودای به‌خشنده‌ی میهره‌بان
سوپاس و ستایشی بێ پایان بۆ خوای گه‌وره‌ و دروود و بارانی ڕه‌حمه‌ت بڕژێ به‌سه‌ر گیانی پاکی پێشه‌وای مرۆڤایه‌تی پێغه‌مبه‌رمان (د.خ)، وه‌ یار و یاوه‌رانی و شوێنکه‌وتوانی تا ڕۆژی دوایی.
فەرموو بەڕێزم بۆ وەڵامی پرسیارەکەت:

1\ ئه‌گه‌ر بۆ سه‌ده‌قه‌ به‌لینی كردنه‌ خیری مه‌ریكت دابیت ،ئایا ئه‌توانی له‌جیی مه‌ره‌كه‌ پاره‌ بكه‌یته‌ خیر.

له‌به‌رئه‌وه‌ی بۆ سه‌ده‌قه‌که‌ت به‌ڵێنی مه‌ڕتداوه‌ بۆیه‌ نابێت پێچه‌وانه‌ی به‌ڵینه‌که‌ت بڕیار بده‌ی، به‌ڵام ئه‌گه‌ر وتبێتت خێر و صه‌ده‌قه‌ی مه‌ڕێک ئه‌که‌م و ناوی به‌ڵێنت تێدا نه‌هێنابێت که‌ به‌ڵێنتدا بێت و دیاریت کردبێت مه‌رێک بکه‌یته‌ صه‌ده‌قه‌ ئه‌وا ده‌توانی مه‌ڕێک یا نرخه‌که‌ی بکه‌یته‌ خێر.

2\ كه‌سیك نه‌توانیت به‌دانیشتنه‌وه‌ نویژ بكات واته‌ ئه‌نۆكانی به‌جوانی نه‌نوشتیته‌وه‌ ته‌نها له‌سه‌ر كورسی بتوانیت دابنیشیت چۆن بتوانیت نوێژ بكات.

ئه‌گه‌ر که‌سێک نه‌یتوانی به‌ وه‌ستانه‌وه‌ نوێژ بکات ئه‌وا با به‌دانیشتنه‌وه‌ بیکات، وه‌ ئه‌گه‌ر نه‌یتوانی به‌ دانیشتنه‌وه‌ش بیکات ئه‌وا با به‌درێژبوون بیکات، ئه‌گه‌ر به‌ هیچ شێوازێکیش نه‌یتوانی ئه‌وا ده‌بێت به‌ دڵ نوێژ بکات، بۆیه‌ ئه‌گه‌ر ئه‌و که‌سه‌ له‌سه‌ر کورسیش نوێژ بکات، مادام توانای نیه‌ ئه‌وا درووست و ڕێگه‌ پێدراوه‌ به‌م شێوه‌یه‌ نوێژ بکات.

3\ ئایا گوناهه‌ پارچه‌یه‌ك گۆشت له‌شیوه‌ی خال له‌ ده‌مووچاو بیت لایبده‌یت.

له‌ پێناو پاراستنی ته‌ندرووستی ده‌م و چاوه‌کان دوورکه‌وتنه‌وه‌ له‌ ده‌ستکاری کردنی شتێک زیانی نه‌بێت و ده‌م و چاوی نه‌شێواندبێ، ئه‌وا واباشه‌ خۆی لێبپارێزرێ.


والله أعلم
والسلام علیکم ورحمةالله وبرکاته.