ته‌واوی قورئانه‌كانی مزگه‌وتی شه‌هید صاڵح له‌ زاخۆ ده‌سوتێنرێت و پاشان بێده‌نگی لێده‌كرێت!

شه‌وی پێنج شه‌ممه‌ له‌سه‌ر هه‌ینی گه‌نجێكی ته‌مه‌ن 24 ساڵ له‌ شاری زاخۆ ته‌واوی قورئانه‌كانی مزگه‌وتێك ده‌سوتێنێت و له‌به‌ر ئه‌وه‌ی خزمی به‌رپرسێكی ...
باڵای ئه‌و ناوچه‌یه‌ ، بێده‌نگی له‌و كاره‌ی ده‌كرێت .

شایه‌تحاڵێكی ئه‌و مزگه‌وته‌ بۆ كوردیو ووتی : كاتژمێر 12:15 ی شه‌وی هه‌ینی ئه‌م گه‌نجه‌ هاته‌ مزگه‌وتی (شه‌هید صاڵح)و ته‌واوی قورئانه‌كانی ئه‌و مزگه‌وته‌وه‌ی له‌نێو حه‌ڕه‌مه‌كه‌دا سووتاند ، به‌ڵام له‌به‌ر ئه‌وه‌ی خزمی نزیكی به‌رپرسێكه‌ ، به‌هه‌موو شێوه‌یه‌ك بێده‌نگی له‌و بابه‌ته‌وه‌ كراوه‌.

له‌یه‌كه‌م كاردانه‌وه‌شدا دژ به‌م كاره‌ ، لقی زاخۆی ڕێكخراوی گه‌شه‌پێدانی قوتابیانی كوردستان له‌ تۆڕی كۆمه‌ڵایه‌تی فه‌یسبووك وه‌كو یه‌كه‌م ڕێكخراوی به‌یاننامه‌یه‌كان دژ به‌و كاره‌ ده‌ركردوه‌ .

جێگای وه‌بیرهێنانه‌وه‌یه‌ چه‌ند ڕۆژێك له‌مه‌وبه‌ر دوو گه‌نج له‌سه‌ر بڵاوكردنه‌وه‌ی نامیلكه‌ی ئاینی له‌لایه‌ن ئاسایشی زاخۆوه‌ ده‌ستگیركران ، به‌ڵام سوتێنه‌ری ئه‌و قورئانانه‌ تا ئێستا هیچ لێپیچنه‌وه‌یه‌كی له‌گه‌ڵ نه‌كراوه‌!!!