.
1- بەڕێوەبەری یانە Hemn Zanko لە کوردستان بە ئمێڵی ( hemn_kurdzhin@yahoo.com ) ..
ژمارەی مۆبایل ( 07812539505 ) .
2- بهڕێوهبهری گشتی ( ReKaN ) له ئهوروپا به ئیمێڵی ( Rekan_uk@hotmail.com ) ، ژماره تهلهفوونی( 00447754007706) .






بابهته گرنگهکانی بهکارهێنانی یانه











كێشه نهبوو لهسهر زبڵدانو نێو چڵكاو بخهوتینایه، بهس باوكو دایكمان بمایه■ ئا: ئاسۆ جهوههر
ئهوان رۆژانه ههموو بهیانییهكی زوو، تادوا نیوهڕۆیهكی درهنگ گوێنییهكهیان داوه بهسهر شانه بچكۆلهكانیاندا، بهپێیهكانیان كۆڵانو زبڵدانو شوێنهگشتیهكانی ناو شار دهگهڕێن تا گوێنییه سپیهكانی سهرشانیان لهقوتوه رهنگاوڕهنگهكانی خواردنهوه گازییهكان پڕدهكهنو ئینجا دهیفرۆشن، بۆكڕینی ژهمێك خۆراكو دهیبهنهوه لهفهیلهق دهیخۆن.
گهڕهكی فهیلهق كه مۆڵگهیهكی سهربازیی رژێمی بهعسهو دهكهوێته باشوری خۆرئاوای شاری كهركوكهوه، خێزانه ئاوارهكانی ئهم گهڕهكه پارچه شكاوهكانی ماشێنه سهربازییهكانی سهردهمی بهعس، بوونهته دیوارو جیای كردونهته لهدهوربهریان. لهناو ئهم سهربازخانه كۆنهدا لهناو خانوویهكدا كه بهبهرد دروستكراوهو سهربانهكهی بهدار گیراوه، رۆژانه (بژوێنو مژده)، چاوهڕوانی هاتنهوهی سێ براكهیان دهكهن كه قوتوی سهر زبڵدانهكان كۆدهكهنهوهو دهیفرۆشن، تاژهمێك سكه برسیهكانیانی خۆیانی ئهم دوو برایهیانی پێ تێربكهن.
نهوشیروان شێرزاد 13ساڵ، كوڕه گهورهی ئهو ماڵهیه كه چوار ساڵ لهمهوبهر باوكیان مردوهو دایكیان شویكردۆتهوهو ئێستا لهگهڵ خوشكو براكانیدا لهگهڕهكی فهیلق دهژین، نهوشیروان دهڵێت «چوار ساڵه باوكمان مردووه، ههر دوای مردنی باوكمان دایكمان شویكردهوه، ئێمهش لهوساوه دهستمانكرد بهكۆكردنهی قوتوی بیبسی لهسهر زبڵدانو نێو بازاڕو گهڕهكهكان. رۆژانه لهفهیلهقهوه بهنێو بازاڕو سهر زبڵدانهكاندا تاشۆریجه دهڕۆین، قوتوی بیبسی ههڵدهگرینهوه».
نهوشیروان، منداڵێكی گهنم رهنگه، فانیله زهردهكهی بهسهر پانتۆڵه نیلییهكهیدا بهردابووه، وتی «زانیومانه له چهمچهماڵو پردێ قوتوی بیبسی ههیهو چووینه كۆمان كردۆتهوه». منداڵهكان تاههفتهیهك سهرقاڵی كۆكردنهوهی قوتوهكانی خۆیانن، ئینجا دهكهونه پاككردنهوهو قوپاندنی قوتوهكان. ئهمان لهههفتهیهكدا وهك خۆیان دهڵێن «30 كیلۆ» كۆدهكهنهوه، كیلۆی به 500دینار دهفرۆشن. نهوشیروان غهمگینی خۆی بهوه دهردهبڕی كه نرخی قوتوهكانی دابهزیووه «جاران كیلۆیان به1000دینار دهفرۆشت». ئهم شهش منداڵه كه قوتوی فڕێدراوی نێو زبڵدانو شوێنه گشتییهكان بژێویان دهدات، دهترسن له تهقینهوهكانی نێو شاری كهركوكدا یهكێكیان بهركهوێتو جارێكیتر نهگهڕێتهوه بۆ لای براكانی. نهوشیروان چیرۆكی ئهو رۆژه دهگێرێتهوه كه لهنزیكیانهوه تهقینهوهیهك رویداوهو چۆن سهرگهردانی كردووهو بهدوای براكهیدا وێڵدهبێت «رۆژێكیان لهگهڵ رێبینی برامدا له رهحیماوا خهریكی كۆكردنهوهی قوتوهكانمان بووین، تهقینهوه لهنزیك رێبینی برام رویدا، زۆر بهدوای رێبینی برامدا گهڕام وامزانی كوژراوه، دواتر دۆزیمهوه سهیرم كرد سهروچاوو جلهكانی خوێناوی بوونو چهند كهسێك لهدهوری ئهو كوژرابوونو ئهویش خۆیو شانسی بهرنهكهتبوو». نهوشیروان درێژهی بهقسهكانی داو دهیوت «ئهم قوتو كۆكردنهوهیه تۆزێك خۆشه، بهڵام لهسهرێكیشهوه ناخۆشه، چونكه ههندێك لهمنداڵی دهوڵهمهندهكان پێمان دهڵێن پیسن بۆچی دهچنه سهر ئهو زبڵدانانه قوتو كۆدهكهنهوه؟ ئێمهش وهڵامیان دهدهینهوه ئهمه كارمانهو پێدهژین».
ئهو منداڵانه قوتو كۆكردنهوه بهباشتره دهزانن لهوهی لهنێو كۆڵانو گهڕهكهكاندا بمێننهوهو تووشی شهڕو كاری خراپ بن، نهوشیروان كهگهورهكهیانه وهك براكهیان ههست با ئازاری بێ باوكو دایكی دهكاتو وهك خۆی دهیڵێت «حهزمان دهكرد لهسهر زبڵدانو نێو چڵكاو بخهوتینایه، بهس باوكو دایكمان بمایه».
ههندێكجار ئهم دوو مناڵه لهكاتی قوتو كۆكردنهوهدا برسێتی برستی لێبریوونو حاڵهتی وا ههیه لهگهرمهی كارهكهیاندا بووراونهتهوه. بههرۆزی برای نهوشیروان جهختی لهمهكردهوهو وتی «نهوشیروان جارێكیان لهبرساندا بوورایهوه، كهس نهبوو چێشتمان بۆ بكاتو نانمان بداتێ، خۆشمان نازانین چێشت دروست بكهین».
ئهم مناڵانه لهو كاتهوهی باوكیان دهمرێت ناسنامهكانیان بزردهبێتو لهبڕهخۆراكی مانگانه بێبهشدهبن، بههۆی بێ ناسنامهیشهوه لهقوتابخانهكان وهریان ناگرن بخوێنن، بههرۆزی تهمهن دهساڵ خۆزگهی دهخواست ژهنیاری ئامێره مۆسیقییهكان بوایهو بچوایهته بهر خوێندن «حهزمدهكرد لهبری قوتو كۆكردنهوهی سهر زبڵدانو نێوبازاڕهكان، مۆسیقا ژهن بوومایه، قوتابخانهو مۆسیقا خۆشه، لهههموو شتێك خۆشتره! بهڵام ئێمه لێبێبهشین».
مژدهی تهمهن 6ساڵ، حهزی لهكۆكردنهوهی قوتوه، بهڵام براكانی دهڵێن بچوكهو پێی ناكرێت. مژده پرچه جگهریه ژاكاوهكهی لهسهر روخساره زهرد ههڵگهڕاوهكهی لادهداو پێش براكانی خێرا لهگهڵ خوشكه چوار ساڵانهكهیدا لهوسینیه یاپراخهیان دهخوارد كه بهخێر هاوسێیهكیان بۆی هێنابوون. ئهم كچه قاته سپیهكهی چڵك بۆری كردبوو، بهپێنووسه شكاوهكهی دهستی سهری شۆڕكردبۆوه بهسهر پارچه مقهبایهكداو دهیوت «براكانم خۆشدهوێت، لهبهرئهوهی قوتومان بۆ كۆدهكهنهوهو پێیدهژین، منیش حهزم لێیه بچم لهگهڵیاندا قوتو كۆبكهمهوه، بهڵام نایهڵن». بۆیه لهماڵهوه ژوورهكان پاكدهكهمهوه، چای لێدهنێمو پیاڵهو قاپهكان دهشۆم، ئینجا دهچم لهگهڵ كوڕو كچهكانی هاوڕێمدا بهبووكو به بهردو تهنكهكانیش خانو دروستدهكهینو یاری دهكهین». نهوشیروان ههر خهمی كۆكردنهوهی قوتوهكانو ههرزانبوونی نرخهكهی نهبوو، كه كیلۆی 500دیناری دهكرد، ئهو لهئێستاوه خهمی ئهوهشی لێنیشتوه ماوهیهكی تر باران دهبارێتو زستانه، ئاو لهسهقفو لادیوارهكانی كهلاوهكهیانهوه دێته ژوورهكانیانهوه.
نهوشیروان بهدهسته بچكۆلهنهكهی ئاماژی بۆ بنمیچی ژوورهكهی كردو وتی «وا زستان هاتهوه نازانم چۆن مشورێكی ئهم ژووره بخۆم، لهگهڵ باران باریندا ژوورهکهمان پڕدهبێت لهباراناو
لهسهر هێڵ نییه