❤❤یـــانەی کوردژیـن/Kurd Zhin❤❤/ / ناوله‌پی خه‌جیجه‌

.



نازناو:  وشه‌ی تێپه‌ڕبوون:  ‌  |  

ئاگاداری

‌‌‌‌‌‌‌‌‌‌‌‌‌‌‌‌‌‌‌‌‌‌‌‌به‌ڕێزان : هه‌رکاتێک کێشه‌یه‌ک یان په‌یامێکی ناشیاوت به‌رچاو که‌وت له‌یانه‌دا ئه‌توانن په‌یوه‌ندی بکه‌ن به‌ :_

1- بەڕێوەبەری یانە Hemn Zanko لە کوردستان بە ئمێڵی ( hemn_kurdzhin@yahoo.com ) .. ژمارەی مۆبایل ( 07812539505 ) .

2- به‌ڕێوه‌به‌ری گشتی ( ReKaN ) له‌ ئه‌وروپا به‌ ئیمێڵی ( Rekan_uk@hotmail.com ) ، ژماره‌ ته‌له‌فوونی( 00447754007706) .

New Page 1

    بابه‌ته‌ گرنگه‌کانی به‌کارهێنانی یانه‌  



#1 2009-09-23 20:20:41

KuRdii
خونچەی نوێ
شوێن: قه‌ڵا و مناره‌
ڕێكه‌وتی به‌ ئه‌ندامبوون‌: 2009-09-23
دواترین سه‌ردان: 2009-10-15
په‌یامه‌كان: 5
WindowsXPMSIE7

ناوله‌پی خه‌جیجه‌

ناوله‌پی خه‌جیجه‌       



ئه‌حمه‌دی مه‌لا





دوێنێ تایه‌کی کوشنده‌

وه‌کو جاجمێکی دووقه‌دی ره‌وندان

نووشتاندمییه‌وه‌ ده‌م کوانووی وڕێنه‌.

خه‌جیجه‌ هات و له‌ تامێسکه‌کانم هورد بووه‌وه‌،

له‌ سه‌رچۆک دانیشت،

ناوله‌پی خسته‌ سه‌ر هه‌نیه‌م.



هه‌ردوو چاوم چووقاو،

هه‌ردوو بیلبیله‌م رۆچوونه‌ نێو قووڵایی ئاو.



گوێم له‌ نووزه‌ی توتکه‌ سه‌گێ بوو،

پشیله‌ فارسییه‌که‌ی سه‌لمان،

جۆم رۆکرده‌ حه‌وشه‌که‌ی نالی،

له‌ ئاستانه‌ ده‌گه‌ڕامه‌وه‌،

پرچی ئایشه‌ و فاتیمه‌

له‌ گزینگی سینه‌مه‌وه‌ په‌رتده‌بوونه‌وه‌،

گمه‌ی کۆتره‌کانی سه‌ر پردی ته‌به‌قچه‌لی،

ئه‌سپه‌که‌ی جه‌رجیس،

سێبه‌ره‌کانی زاکیره‌ی با،

ئه‌تڵه‌سه‌کانی ئه‌رپه‌،

مناره‌ ئاوییه‌کانی ئاخورحوسێن،

پژدێنه‌ که‌سکه‌که‌ی دانیال،

کراسه‌ دڕاوه‌که‌ی حه‌ویجه‌،

مه‌مکه‌ تورته‌کانی گومه‌ته‌کان،

ئه‌شکه‌وته‌کانی قۆرییه‌،

تیترواسکه‌که‌ی چیمه‌ن،

‌دارهه‌نجیره‌ تاقانه‌که‌ی تڕکه‌ڵان،

کراسه‌ ره‌شه‌که‌ی تسن،

کڵاوه‌که‌ی ته‌مبه‌ڵ عه‌باس،

قه‌بره‌که‌ی عاشوور،

گه‌ڵایه‌کی پاسوانزاده‌،

په‌نجه‌ره‌یه‌کی ئه‌ڵماس،

په‌ڕژینی ئارافه‌،

دووگردێکی ته‌په‌ی مه‌لا عه‌وڵا،

بێده‌نگیی کۆڕنیشی ساڵی 1975

عه‌با ره‌شه‌که‌ی خاسه‌،

مشه‌ممای حه‌سیره‌کان،

ته‌پۆتۆزی کوره‌ و مه‌عده‌ن،

شڵپه‌ی منداڵانی شۆریجه‌،

مه‌سینه‌ باغه‌کانی جووتقاوه‌،

به‌رده‌کانی ئیمام عه‌بباس،

مه‌غریبه‌کانی جرتمه‌یدان،

قۆریاته‌کانی هابه‌،

هه‌ریسه‌کانی که‌ربه‌لا،

عاسییه‌کانی عه‌ره‌سه‌،

ته‌ڵبه‌نده‌کانی که‌ی وان،

هیسه‌کانی ته‌رکیز،

قه‌تاره‌که‌ی ساڵانی چل،

پاسکیله‌کانی شه‌ریکه‌،

سه‌فه‌رتاسه‌ لووسه‌کان،

شووتییه‌کانی ژێر هه‌نگڵی کرێکارانی رووس،

هه‌یبه‌تی ئه‌ڵمانه‌کان،

شوانه‌ پاسه‌وانه‌کانی بۆڕییه‌ نه‌وته‌کان،

ئاڵا داماوه‌که‌ی عه‌بدولمه‌لیکی به‌نی مه‌ڕوان،

غه‌می ناوه‌راستی حه‌فتا،

هۆشیاریی ته‌یره‌ئه‌بابیله‌کان،

پیاسه‌ بێده‌نگه‌که‌ی عه‌لی مامی،

پێکه‌نینه‌که‌ی سمه‌ قه‌تێ،

رووخۆشییه‌ شۆڕشگێڕییه‌که‌ی سه‌باح مه‌حموود،

بیژییه‌که‌ی قوباد،

منداڵه‌سیحربازه‌کانی حه‌مید چکچکه‌،

نامه‌ ساده‌کانی مسته‌فا،

پێشمه‌رگایه‌تییه‌ نهێنییه‌که‌ی سه‌باح،

دووکوڕه‌ به‌ئه‌ده‌به‌که‌ی ئه‌سوه‌د،

منداڵه‌ شیوعییه‌که‌ی شۆریجه‌،

چیرۆکه‌ کورته‌کانی عه‌باس له‌ببان،

شانه‌ نهێنییه‌کانی ئاگر،

خه‌ونه‌کانی سێوه‌دین،

نوکته‌کانی سیه‌فودین،

عه‌شقه‌نهێنییه‌کانی مارفگوڵ،

قاپه‌ ئیسپانییه‌که‌ی مه‌دحه‌ت،

گه‌واڵه‌کانی سه‌لام،

ده‌هۆڵه‌ خێراره‌وته‌که‌ی داوده،‌

پیاسه‌کانی موعته‌سه‌م،

جمکانه‌که‌ی به‌رامبه‌ر ئاسۆ،

مه‌ڵۆتکه‌که‌ی فه‌همی،

عه‌به‌سییه‌که‌ی موکری،

پێکه‌نینه‌ باوکانه‌که‌ی جه‌بار،

شانۆکانی فازیل،

چایخانه‌ لاپه‌ڕه‌که‌ی سه‌راج،

قژبژه‌که‌ی جه‌لیل،

به‌هره‌وه‌ران،

کۆتایی حه‌فتاکان،

بێده‌نگیی خاسه‌،

ئاگرباران،

خامۆشبوونی ئومولره‌بیعه‌ین،

کوژانه‌وه‌ی سه‌رجه‌می گڵۆپه‌کانی سه‌رجاده‌،

بوومه‌له‌رزه‌یه‌کی بێوێنه‌ و

منیش باڵم گرت.



گوێم له‌ نووزه‌ی توتگه‌ سه‌گێ بوو،

چاوم کرده‌وه‌،

خه‌جیجه‌ له‌ سه‌رچۆک دانیشتبوو،

ناوله‌پی له‌ سه‌ر هه‌نیه‌م،

مه‌چه‌کیم توند گرت :

بڵی، چ موژده‌یه‌کت پێیه‌؟

وتی : بنوو، هیچ نییه‌،

هه‌مووی هه‌ر وڕینه‌یه‌. 


سه‌رچاوه‌ی هۆنراوه‌ سایتی چرا

له‌سه‌ر هێڵ نی‌یه‌‌

 


خوارووی مه‌كۆ

Your IP Address : 216.73.216.104
Powered by PunBB 1.2.15
© Copyright 2007 – 2011
Translated By : Webchin.Org
Design And Style By : Kurdzhin.net