له‌ کاتی سه‌ردانێکم بۆ نه‌خۆشخانه‌ی ده‌رونی ، له‌ یه‌کێک له‌ پزیشکه‌ ده‌رونیه‌کانم پرسی :

ئێوه‌ چۆن ئه‌زانن که‌سێک نه‌خۆشی ده‌رونی هه‌یه‌ و پێویسته‌ له‌ نه‌خۆشخانه‌که‌دا جێگای بۆ دابین بکه‌ن ؟

پزیشک له‌ وه‌ڵامدا وتی: ئێمه‌ بانوێی حه‌مام پڕ له‌ ئاو ئه‌که‌ین ، ئینجا که‌وچکێکی چایی خواردن و پیاڵه‌یه‌ک و سه‌تڵێکی گه‌وره‌ ئه‌خه‌ینه‌ به‌رده‌ست نه‌خۆشه‌که‌ ، بۆ ئه‌وه‌ی بانوێکه‌ به‌تاڵ بکاته‌وه‌ ، بزانین کامیان هه‌ڵئه‌بژێرێت .

منیش وتم : ئه‌ها !! تێگه‌شتم ، که‌واته‌ مرۆڤی ئاسایی ئه‌بێت سه‌تڵه‌که‌ هه‌ڵبژێرێت و بانوێکه‌ به‌تاڵ بکاته‌وه‌ ، چونکه‌ ئه‌وه‌ گه‌وره‌یه‌ !

پزیشک وتی : نه‌خێر!!! مرۆڤی ئاسایی ئه‌بێت که‌پی ناو بانوه‌که‌ لاببات و ئاوه‌که‌ له‌ خواره‌وه‌ به‌تاڵ ئه‌بێته‌وه‌ ...!!! . ئینجا وتی باشه‌ تۆ ئێستا ئه‌ته‌وێت له‌ چ شوێنێکدا جێگات بۆ ئاماده‌ بکه‌ین نزیک په‌نجه‌ره‌که‌ت حه‌ز لێیه‌ ؟؟

فێربووین که‌ :-

1- ڕێگا چاره‌و وه‌ڵام هه‌مو کات له‌ هه‌ڵبژاردنه‌ پێشنیارکراوه‌کاندا نییه‌!!

2- له‌ چاره‌سه‌رکردنی کێشه‌کان و له‌ کاتی بڕیارداندا ئامانجه‌کانمان له‌بیر نه‌چێت .. له‌ چیرۆکه‌که‌دا ئامانج به‌تاڵکردنه‌وه‌ی بانوێکه‌بوو ، نه‌ک به‌کارهێنانی ئامێره‌کان ، بۆیه‌ باشترین رێگا بۆ به‌تاڵ کردنه‌وه‌ هه‌ڵه‌بژێرین نه‌ک یه‌کێک له‌ ئامێره‌کان !!

3- رێگا چاره‌کان هه‌موو کات له‌ به‌رچاو دانه‌نراون تا هه‌لبژێردرێن ، بۆیه‌ ئه‌بێت هه‌میشه‌ جگه‌ له‌هه‌ڵبژاردنه‌کان بیرکردنه‌وه‌ش هه‌بێت .

ئاماده‌کردنی : خه‌مبار هه‌ڵه‌بجه‌یی