خاوه‌نی ریستۆرانتێکی گه‌شتیاری که‌ له‌سه‌ر یه‌کێک له‌ ڕێگاکان بوو ، به‌ تابلۆیه‌کی گه‌وره‌ نوسراوێکی سه‌یری دانابوو
له‌ نوسراوه‌که‌ نوسرابوو ، ( فه‌رموون له‌م ڕێستۆرانته‌ خۆشترین خواردن بخۆن و پاره‌که‌شی له‌ نه‌وه‌کانت وه‌ر ئه‌گرینه‌وه‌و تۆ پێویست ناکات پاره‌ بده‌یت ).
یه‌کێک له‌و گه‌شتیارانه‌ش که‌ به‌و ڕیگایه‌دا تێپه‌ری که‌ تابلۆکه‌ی بینی به‌ په‌له‌ وه‌ستا و له‌ ئوتومبیله‌که‌ی دابه‌زی و به‌ره‌و ڕیستۆرانت به‌ڕێکه‌وت ،
داواکاریه‌کی زۆر زۆری کرد و تێر نانی خوارد ، له‌ پاشدا هه‌ستا بڕواته‌ ده‌ره‌وه‌ ، به‌ڵام له‌م کاته‌دا ژمێریاری ڕیستۆرانته‌که‌ به‌ره‌و ڕوی هات و پسوڵه‌یه‌کی دایه‌ ده‌ستی وتی ئه‌وه‌ حسابی به‌ڕێزته‌ ، پیاوه‌که‌ش وتی حسابی چی ؟!! ئه‌ی ئێوه‌ نه‌تان نوسیووه‌ نانه‌که‌ت بخۆو حسابه‌که‌ی له‌ نه‌وه‌کانت وه‌ر ئه‌گرینه‌وه‌؟؟ ئه‌ی ئێستا بۆ داوای پاره‌م لێ ئه‌که‌یت ؟؟ ژمێریاره‌که‌ش زۆر به‌ ئاسایی وتی ؛ به‌ڵێ به‌رێزم وامان نوسیوه‌؛ له‌سه‌ر قسه‌ی خۆشمانین ، ئه‌م پسوڵه‌یه‌ی داومه‌ته‌ ده‌ست به‌رێزیشت هی خوارنی باپیرته‌ که‌ لێره‌ خواردویه‌تی !!!
پیاوه‌که‌ش وتی باپیرم ، ئێوه‌ چۆن ئه‌زانن باپیری من بوه‌ لێره‌ نانی خواردوه‌؟ ژمێریاره‌که‌ش وتی ؛ هه‌ر به‌و شێوازه‌ی تۆ نانت خواردوه‌ و نه‌وه‌کانت پاره‌که‌ی ئه‌ده‌ن ئه‌ویش به‌و شێوه‌یه‌ .

ئـــا:خه‌مبار ‌هه‌ڵه‌بجه‌یی