سه‌رسام بوو ، له‌وه‌ی چی بکات بۆیه‌ بڕیاری کۆبوونه‌وه‌ی له‌ناکاوی دا له‌گه‌ڵ ڕاوێژکاره‌کانیدا ، ڕاوێژکاران ئاماده‌ بوون ووتووێژ و گفتوگۆ ده‌ستی پێکرد یه‌کێکیان ووتی : پێشنیار ده‌که‌م له‌ بڕیاره‌که‌ت پاشگه‌زبێته‌وه‌ ، له‌به‌ر به‌رژه‌وه‌ندی گشتی ، پاشان یه‌کێکیان ووتی: پاشگه‌زبوونه‌وه‌ ئاماژه‌یه‌کی لاوازه‌ و به‌ڵگه‌ی ترسه‌ ، پێویسته‌ توانای خۆمان ده‌ربخه‌ین، ڕاوێژکاران دابه‌شبوون به‌سه‌ر لایه‌نگری و نه‌یاری بڕیاره‌که‌دا .
پاشا ووتی : حه‌کیم و دانای شارم بۆ ئامادا بکه‌ن .
کاتێك حه‌کیمێك ئاماده‌ بوو کێشه‌که‌ خرایه‌ به‌رده‌می ، به‌ پادشای ووت: خه‌ڵکی گوێڕایه‌ڵیت ناکه‌ن گه‌ر تۆ بیربکه‌یته‌وه‌ له‌وه‌ی که‌ ده‌ته‌وێت ، نه‌ك ئه‌وه‌ی ئه‌وان ده‌یانه‌وێت و حه‌زی لێده‌که‌ن . پادشا ووتی: چی بکه‌ین ؟ ئایا پاشگه‌ز ببینه‌وه‌ ؟
ووتی:  نه‌خێر ، به‌ڵام بڕیارێك ده‌ربکه‌ن به‌ قه‌ده‌غه‌کردنی زێڕ و خشڵ و جوانکاری بۆ ئافره‌ته‌ جوانه‌کان له‌به‌ر ئه‌وه‌ی جوانه‌کان پێویستیان به‌ جوانکاری نیه‌ جگه‌ له‌ ئافره‌ته‌ ناشرین و به‌ته‌مه‌نه‌کان. ئه‌وان ده‌توانن به‌کاریان بێنن بۆ شاردنه‌وه‌ی ناشرینیه‌کانیان .
بۆ ئه‌م مه‌به‌سته‌ پادشا بڕیار له‌سه‌ر ووته‌ی حه‌کیمه‌که‌ ده‌دات....
ده‌بینرێت دوای چه‌ند ساتێك ئافره‌تان زێڕ و خشڵ و جوانکاریه‌کانیان لابردووه‌و هه‌ریه‌که‌یان وا ته‌ماشای خۆی ده‌کات که‌ جوانه‌ و پێویستی به‌ زێڕ و خشڵ نیه‌ .
داناکه‌ ووتی : ئێستا خه‌ڵکی گوێڕایه‌ڵت ده‌بن کاتێك به‌ پێی ئه‌وان بیر ده‌که‌یته‌وه‌ و درك به‌ سۆز و بایه‌خه‌کانیان ده‌که‌یت .

داڕاشتنی ووشه‌کان و ده‌ربڕین و به‌کارهێنانیان هونه‌رێکه‌ پێویسته‌ به‌ چاکی به‌کاریبێنن و زانستێکه‌ پێویسته‌ فێری ببین له‌ ووتاری په‌روه‌رده‌یی و بانگه‌واز و فێربووندا ، کاتێك خه‌ڵکی بانگ ده‌که‌ین بۆ دید و ڕێبازی خۆمان . ئه‌مه‌ش له‌ میانه‌ی په‌یوه‌ستکردنی ئه‌وه‌ی لێیان داواکراوه‌ له‌گه‌ڵ ئه‌وه‌ی حه‌زیان لێیه‌تی و ڕه‌چاو کردنی ئه‌و شتانه‌ی لایان قبوڵ نیه‌ پێش خستنه‌ ڕووی ئه‌و شتانه‌ی که‌ به‌سه‌ریاندا ده‌سه‌پێت ، ده‌بێت وا له‌ به‌رامبه‌ر بکه‌ین هه‌ست به‌وه‌ بکات که‌ چه‌ند سوودی پێده‌گات کاتێك شوێنی ووته‌کانمان ده‌که‌وێت به‌ ئه‌نجامدانی کارێك یان خۆ پاراستن له‌ کارێك . ئه‌مه‌ و هیچ شتێك به‌قه‌ده‌ر نه‌رم و نیانی و ڕووخۆشی نیه‌تپاکی کار له‌ دڵ و ده‌روون و هه‌ست و نه‌ست ناکات. ئه‌وه‌تا خوای کار به‌جێ له‌م بابه‌ته‌یه‌وه‌ فه‌رموویه‌تی :(( ولوکنت فظاغليظ القلب لاانفضوا من حولك))

س/ گۆڤاری بره‌و